2 Kɔrèn 8:4 - Meta’

⁴ Mbɨ nyaʼa buʼ ɨbɔ ɨ na ənɨ tə fîŋ rɨ̀jìm ni tɨ̀ naʼ əpan mbə̀ weerɨ bə̂d Ŋwiə̀ mbe nɨ yeʼ bə̂d kwaŋ ə Jèrusalèm.

Ikan feg

⁴ Mbɔb ya boʼ ibo ina ywìrì boʼ gha tì naʼa apan inɔb mbɔb wete bəd Ŋwiye mbe a Jùdeyà.

2 Kɔrèn 8:4 ပူးပေါင်းရင်းမြစ်များ

Matìyò 10:42

Wə̀d mɔʼɔ we nɨ naʼ ka àbei toʼ mɨnib zwɨrɨ-zwɨrɨ əmbɨ wɨ kwa mɔʼɔ rəbɔʼ mbɔ̂ ɨmbə̀ʼ ɨghəm nɨ məd yɨ mɨ ə̀mə̀ə̀nɨ̀-ɨnû, njɨ mə ghà rəsìʼ ɨ nən ni, ka wɨ bɨrɨ nim i i ɨchɔʼ ə̀fàʼì.”

Matìyò 12:50

Wə̀d mɔʼɔ we nɨə ghɨ ɨnû mbe nɨ mɨ Mbǎʼ rɨkaŋ kə̀bɨ yɨ wum aŋgɔb, yɨ mɨ njàbɨ, bə̀ fɔrɨ mɨ nɨŋ.”

Matìyò 25:40

Ɨfɔ̂n we bɨrɨ wììrɨ̀ əmbɨ mɨ̀mə̌d ni, 'Mə ghà rəsìʼ ɨ nən ni, ɨchî nɨ mbə̀ nyaʼə ghɨ̀ ɨnû mbɔ̂ ənɨ wɨ kwa mɔʼɔ rəbɔʼ bɔŋgɔb mbɔ̂ num, əne mbə̀ nyaʼa ghɨ yeʼ ənɨ ə num.'

Mk 14:7

Bə̂d ɨkwaŋ mbɨ əkaʼ nən ɨghəm jìm, əne mbə mbe tɨ̀ mbə ghɨ ɨ̀chɔ̀m ənɨ mɨ̀mə̌d ənɨ ə nyùmə̀ we nɨ mbə̀ ghaʼi, àyɨə chəi əmɨ mbɨ nən ɨghəm jìm.

Ɨ̀fàʼì 11:29

Əne bə̂d Kristo mbe rɨ ə Antiɔ̀k nyaʼa ben ni wə̀d mɔʼ mɔʼ rəbɔʼ nən cha əghɨ ze nɨ tɨ̀ wɨ̀ chà, ɨmbə̀ʼ weerɨ bɔŋgɔb mbe nɨ nyaʼə chub ə Jèrusalèm.

Ɨ̀fàʼì 16:15

Ənɨ mbɨ nyaʼa naʼ mɨnib ɨ bɔ fɔrɨ əmbɨ ɨnəbɨ məd jìm, wɨ̀ nyaʼa buʼ ɨbɔ ɨ na ghà ni, “Mbə mɨ zə ni mə fə nùŋ mɨ fîŋ ɨgun Ə̀nùŋɨ̀sɨg, mbə̀ yeʼe chub ɨŋga mɨ nəb.” Wɨ̀ nyaʼa ghà əne, fi mba ɨtu, tɨ̀ wò chubɨ mbɨ məd.

Ɨ̀fàʼì 24:17

“Ənɨ ɨghəm ɨwu nyaʼa fə chè nɔnɔʼ, mə nyaʼa wɨrɨ wò ə Jèrusalèm ɨmbə̀ʼ naʼ ɨkab əmbɨ ə bə̂d ɨkwaŋ mbe nɨ yeʼ ɨŋga mɨ əbeŋ bə̀ nàʼ ɨghɨ ə̀fà əmbɨ ə Ŋwiə̀.

Rm 15:31

Mbə̀ kɔŋgɨ ə Ŋwiə̀ ni wɨ̀ chɨ əmɨ rɨŋga tɨkyerɨ-ɨbɔ bə̂d mbe nɨ chəi mbɨ ben ə Kristo ə Jùdeyà, bə̀ kɔ̀ŋgɨ̀ ni bə̂d Ŋwiə̀ mbe rɨ ə Jèrusalèm nɨŋ ɨkab we nɨ mɨə wò nàʼ əmbɨ mɨ̀mə̌d.

1 Kɔrèn 16:1

Tɨ̀nîn, mə kəb gha ɨmbə̀ʼ ənû nɨ chob ɨkab ɨmbə̀ʼ weerɨ bə̂d Ŋwiə̀. Mbə̀ ghɨ̀ ənû ze nɨ mə̀ nyaʼa ghǎ əmbɨ rɨfetɨ bə̂d Kristo te nɨ yeʼ ə Gàlesià.

1 Kɔrèn 16:15

Mbɨ bɔŋgɔb, mbə̀ nyaʼa fə kyerɨ ə ni ɨnəbɨ Stefanàs yɨə nyaʼə ɨnəbɨ rɨtu nɨ nyaʼa ben ə Kristo ə Àkàiyà. Mɨ̀mə̌d nyaʼa fə sweŋ ə ɨnyod nɨ faʼ əmbɨ ə bə̂d Ŋwiə̀. Əne mə wɨə buʼ ɨ bɔ ɨ nən ni,

2 Kɔrèn 9:1

Chəi əton ɨ num nɨ ŋwaʼnɨ ɨ nən ɨmbə̀ʼ ə̀wèèrɨ̀ ze nɨ mbə̀ə kəb cha əmbɨ ə bə̂d Ŋwiə̀ mbe nɨ yeʼ ə Jèrusalèm.

Gàlesìyà 2:10

Ənû nɨ mbɨ nyaʼa gha ɨ na àmei ni tɨ̀ kɔndɨ ənû nɨ weerɨ bə̂d ɨkwaŋ, nɨ yeʼ ənû nɨ mə̀ nyaʼa kəb nɨ ghɨ̀.

Gàlesìyà 6:10

Əne, tɨ̀ mɨ berɨ əpan, tɨ̀ ghɨ ɨ̀chɔ̀m ənɨ ə wə̀d jìm, màànɨ̀ ənɨ mbe nɨ ben ə Kristo.

1 Timotì 5:10

Bə̂d berɨ kyerɨ əməd ɨmbə̀ʼ ɨnû chɔ̀m mbe nɨ wɨə ghɨ̀ə̀, ɨghabɨ ɨchî nɨ wɨə nìə̀ bɔn ɨchî chɔ̀m, ɨchî nɨ wɨə nɨŋə bə̂d əkwɨ ni, ɨchî nɨ wɨə sò ɨwu bə̂d Ŋwiə̀ ɨchî nɨ wɨə weerɨ bə̂d mbe nɨ yeʼ ə ŋgəʼ mbɨ ɨchî nɨ wɨə nàʼ i ɨnyod nɨ ghɨ ɨnû chɔ̀m ənɨ tɨkwɨrɨ ɨnə̂njɨ̀ jìm.

Mə̀Hibrù 6:10

Ŋwìə̀ wɨə ghɨ̀ àmei ɨnû nɨ kuʼnɨ. Kaʼ məd bɨrɨ neb i ɨnû mbe nɨ mbə̀ fə ghɨ. Kaʼ məd bɨrɨ bɨ neb i ɨghaʼi we nɨ mbɨə chwi ɨ bɔ ənɨ mbə̀ nyaʼə weerɨ bə̂d məd bə̀ kɨrɨ wò ɨmbì wèèrɨ̀ə̀.