2 Kɔrèn 7:8 - Meta’

⁸ Ə̀ŋwàʼnɨ̀ ze nɨ mə̀ nyaʼa cha ɨ nən ə nyaʼa mɨ ghɨ̀ ni ə̀kə̀nɨ̀ ə swi ɨŋga tə fîŋ, njɨ chəi mə kən ɨmbə̀ʼ əzɨ əwən. Mə mɨ nyaʼa kə̀n, njɨ mə nyaʼa kə̀n ɨmbə̀ʼ ɨchî nɨ mə nyaʼa zə ni zɨə nyaʼa ghɨ̀ ə̀kə̀nɨ̀ ə swi ɨŋga tə fîŋ ənɨ əkɔb ə nyùmə̀.

Ikan feg

⁸ Ka àŋwàʼrì ka ka ze ne mə̀ ya cha inən ya ghì awən mbə gaŋ, chəyi mə̀ gha, kyere mə̀ ya sàŋì angu. Ka mə jiʼì gha, kyere, mə kyèri gha àŋwàʼrì ze ghì mbə gaŋ məyi ane iki nyumə̀ kwa kwa.

2 Kɔrèn 7:8 ပူးပေါင်းရင်းမြစ်များ

Jn 16:6

Àyɨə ɨchî nɨ mə̀ fə gha ɨnû mbɔ̂ ɨ nən, ə̀kə̀nɨ̀ ə fə swi ɨŋga tə fîŋ.

Jn 21:17

Yeso nyaʼa yì biirɨ ɨ bɔ ənɨ ɨghəm nɨ pè tad ni, “Saimòn, àwɔ̀ wan Jɔ̌n, à ghaʼ əmɨ ə?” Pità nyaʼa kə̀n ɨmbə̀ʼ ɨchî nɨ Yeso nyaʼa biirɨ ɨ bɔ ənɨ ɨghəm nɨ pè tad ni, “À ghaʼ əmɨ ə?” Əne wɨ̀ nyaʼa wììrɨ̀ əmbɨ Yeso ni, “Ə̀nùŋɨ̀sɨg, à kyerɨ ɨnû jìm. À kyerɨ ni mə ghaʼ əwe!” Yeso nyaʼa ghà ɨ bɔ ni, “Jə tɨ njɨ̀g.

2 Kɔrèn 7:11

Mbə̀ zə əghɨ ze nɨ ɨkwɨ ə̀kə̀nɨ̀ we nɨ Ŋwiə̀ kəb ə fə ghɨ ɨŋga nən. Mbə̀ fə ghɨ̀ ɨka nɨ chɨ mbə ɨbɔ rɨŋga ɨnû mɔʼɔ mbe nɨ mbɨ nyaʼa chuʼ əwən ɨmbə̀ʼ mbɨwən. Mbə̀ nyaʼa sə ɨtəm əbɔʼ wə̀d we nɨ nyaʼa gu ənû. Mbə̀ nyaʼa bɔ ni Ŋwìə̀ bɨrɨ chə əwən. Mbə̀ nyaʼa kə̀b ni mə yeʼe mò əwən. Mbə̀ fə zɨ ɨka nɨ ghɨ ɨnû nɨ kuʼnɨ. Mbə̀ nyaʼa bə̀ chə wə̀d we nɨ nyaʼa gu ənû! Ənɨ ɨnû jìm, mbə fə chwiə ni chəi mbə̀ gu ənû ə mɔʼɔ.

2 Kɔrèn 7:12

Əne ka à bè yeʼi ni mə nyaʼa ŋwàʼnɨ̀ ɨ nən, chəi mə nyaʼa ŋwaʼnɨ ɨmbə̀ʼ wə̀d we nɨ nyaʼa gu ənû, kɨ ɨmbə̀ʼ we nɨ wɨ̀ nyaʼa gu ənû ɨ bɔ. Mə nyaʼa ŋwàʼnɨ̀, ɨmbə̀ʼ ɨfě Ŋwiə̀, mbə mbe tɨ̀ mbə zə ɨchî nɨ mbə̀ ghaʼ əwa bə̀ zə ɨchî nɨ mbə̀ə zuunɨ əwa.

2 Kɔrèn 7:6

Àyɨə Ŋwiə̀ we nɨə nəərɨə bə̂d mbe nɨ ɨnû ə chè mɨ̀mə̌d, nyaʼa nəərɨ əwa ɨchî nɨ Taitùs nyaʼa yeʼe.

2 Kɔrèn 7:7

Ka àmei ɨchî nɨ Taitùs nyaʼa yeʼe we nyaʼa nəərɨ əwa. Ɨchî nɨ mbə̀ nyaʼa timbɨ əməd nyaʼa bə̀ nəərɨ əwa. Wɨ̀ nyaʼa ghà ɨ na ɨmbə̀ʼ ɨchî nɨ mbə̀ kəb nɨ zə əmɨ. Wɨ̀ nyaʼa ghà ɨmbə̀ʼ ɨchî nɨ mbə mbɨə kə̀n ɨmbə̀ʼ ɨnû mbe nɨ mbə̀ nyaʼa ghɨ̌. Wɨ̀ nyaʼa bə̀ ghà ɨmbə̀ʼ ɨchî nɨ mbə̀ zɨ ɨka nɨ ghɨ ɨnû mbe nɨ mə̀ nyaʼa gha ɨ nən. Ɨnû mbɔ̂ nyaʼa ghɨ̀ ɨghaʼi swi ɨŋga mɨ fîŋ.

2 Kɔrèn 7:9

Tɨ̀nîn mə wɨə ghaʼə, kaʼi ɨmbə̀ʼ ɨchî nɨ ə̀kə̀nɨ̀ ə nyaʼa swi ɨŋga tə fîŋ. Mə wɨə ghaʼ ɨmbə̀ʼ ɨchî nɨ ə̀kə̀nɨ̀ ze ə nyaʼa ghɨ̀ ni mbə bèŋ tə fîŋ. Ɨchî nɨ ɨkwɨ ə̀kə̀nɨ̀ we nɨ Ŋwìə̀ kəbɨ nyaʼa swi ɨŋga tə fîŋ, əne chəi tɨ̀ nyaʼa ghɨ ənû rɨbɔ̀ŋ ə mɔʼɔ ənɨ ə nən.

Ɨnû 3:19

Mə wɨə ghàm əbɔʼ bə̂d mbe nɨ mə ghaʼi. Mə wɨə bə̀ chəə mbe nɨ mə ghaʼi. Əne, zə ni à zɨ ətu nɨ nòm, bə̀ zə ni à bèŋ e fîŋ.