2 Kɔrèn 7:11 - Meta’

¹¹ Mbə̀ zə əghɨ ze nɨ ɨkwɨ ə̀kə̀nɨ̀ we nɨ Ŋwiə̀ kəb ə fə ghɨ ɨŋga nən. Mbə̀ fə ghɨ̀ ɨka nɨ chɨ mbə ɨbɔ rɨŋga ɨnû mɔʼɔ mbe nɨ mbɨ nyaʼa chuʼ əwən ɨmbə̀ʼ mbɨwən. Mbə̀ nyaʼa sə ɨtəm əbɔʼ wə̀d we nɨ nyaʼa gu ənû. Mbə̀ nyaʼa bɔ ni Ŋwìə̀ bɨrɨ chə əwən. Mbə̀ nyaʼa kə̀b ni mə yeʼe mò əwən. Mbə̀ fə zɨ ɨka nɨ ghɨ ɨnû nɨ kuʼnɨ. Mbə̀ nyaʼa bə̀ chə wə̀d we nɨ nyaʼa gu ənû! Ənɨ ɨnû jìm, mbə fə chwiə ni chəi mbə̀ gu ənû ə mɔʼɔ.

Ikan feg

¹¹ Mbə̀ nḛ aghi ne Ŋwiye fàʼi anjìm àsɔ̀mnì ze ne wì ghi mbə beri. Amad anìŋ mbə nɔ̀ŋì atog ane àfàʼì, nɔ̀ŋì atog ni ghì inug ne koʼi, kyèri icheg ni sɔ̀mnɔ̀ imbə̀ʼ inug tibɔ̀ŋ, bə̀ kyèri icheg ni kwìtì inug tibɔ̀ŋ. Mbə̰ mbe se ghɔ̀mɔ̀ ni bàd amə, bə̀ nɔ̀ŋì fìŋ ni zugri amə, bə̀ kyèri icheg ni saʼ inug ane icheg ne koʼi. Mbə̰ mbe chwìye ane inug ijìm gha chəyi mbə̀ gughi anug.

2 Kɔrèn 7:11 ပူးပေါင်းရင်းမြစ်များ

Mk 3:5

Wɨ̀ nyaʼa nèŋ mɨ̀mə̌d kad nàànɨ̀, sə ɨtəm bə̀ wɨrɨ kə̀n ɨmbə̀ʼ ɨghəm nɨ fîŋ tɨ mɨ̀mə̌d nyaʼa tu. Wɨ̀ nyaʼa ghɨ̀ əne ghà əmbɨ ə mbaŋə̀ ze ni, “Sem e əbɔ.” Wɨ̀ nyaʼa sèm, əne əbɔ əməd ə nyaʼa wɨrɨ kà i.

Jn 2:17

Mə̀mə̀ə̀nɨ̀-ɨnû ɨməd nyaʼa kɔndɨ ni ə zɨ ɨŋga Ə̀ŋwàʼnɨ̀ ə Ŋwiə̀ ni, “Ɨchî nɨ mə zɨ ətu ənɨ e nəb, kyɨə Ŋwìə̀, ə bɨrɨ ghɨ ni bə̂d zwiirɨ əmɨ.”

Ɨ̀fàʼì 17:16

Ənɨ Pɔ̂l nyaʼə wòm ə Sailàs mbɨ Timotì ə Atèns, fîŋ məd nyaʼa tɔb əməd ɨmbə̀ʼ ɨchî nɨ wɨ̀ nyaʼa zə ni mbɨ̀anèŋ nyaʼa swi ɨŋga əsɨ ze.

Rm 11:20

Əze yɨ rəsìʼ. Mbɨ nyaʼa sopɨ rɨtəb te, əne yɨ mɨ̀Jû, ɨmbə̀ʼ ɨghəm nɨ chəi mbɨ nyaʼa benɨ, àyɨə mbən ə təm kàànɨ̀ àmei ɨmbə̀ʼ ɨchî nɨ mbə̀ benɨ. Əne tɨ mbə̀ nɔ ə ɨnyod, àyɨə mbə̀ we əwən ɨmbə̀ʼ ənû ze nɨ tɨ̀ zɨə ghɨ̀.

Rm 14:18

Ənɨ wə̀d ə fàʼ əmbɨ Kristo ɨkwɨ ɨchî wɔ̂, Ŋwìə̀ wɨə ghaʼə, bə̂d bə̀ ben ni ɨ wɨə ghɨ̀ ənû nɨ kuʼnɨ.

Rm 3:5

Mba ɨnû rɨbɔ̀ŋ mɨ yeʼə chwiə ni Ŋwìə̀ wɨə ghɨ̀ ɨnû nɨ kuʼnɨ, njɨ tɨ̀ kɨə wò ghà ni ye ə? Ni chəi Ŋwìə̀ ə ghɨ̀ ɨnû nɨ kuʼnɨ əwù ze nɨ wɨ̀ sə ɨtəm chə əwa ə? (Mə wɨə ghàm ɨchî nɨ bə̂d mɨ̀sɔŋɨchù ə ghàmə̀.)

1 Kɔrèn 12:25

Wɨ̀ nyaʼa ghɨ̀ əne ɨmbə̀ʼ tɨ ə̀ghàbrɨ̀ ə jwɨ i əkaʼ ɨsɨ ɨnyod mbe. Wɨ̀ nyaʼa kə̀b yeʼ ni ɨsɨ ɨnyod jìm nəŋgɨ mbə bɔŋgɔb.

1 Kɔrèn 5:13

À yɨə Ŋwìə̀ bɨrɨ saʼ bə̂d mbe nɨ chəi ɨŋga ɨfetɨ bə̂d Kristo. Ə zɨ ɨŋga Ə̀ŋwàʼnɨ̀ ə Ŋwiə̀ ni, “Mbə̀ fid ɨzɨg we nɨ yeʼ əkaʼ nən.”

1 Kɔrèn 5:2

Àyɨə mbə mbɨə seenɨə! Njɨ ɨmbə̀ʼ ə̀kə̀nɨ̀ ə kə̀ʼ swi ɨŋga tə fîŋ mbə chɨ̀ mbaŋə̀ ze nɨ ghɨ̀ ənû zɔ̂ rəkaʼ nən ə?

2 Kɔrèn 13:7

Tɨ̀nîn, tɨ̀ wɨə kɔ̀ŋgɨ̀ ə Ŋwiə̀ ni tɨ̀ mbə tɔ ghɨ ə ənû rɨbɔ̀ŋ. Tɨ̀ wɨə kɔ̀ŋgɨ̀ əne, kaʼi nɨ chwi ni tɨ̀ fə chè ə̀kwàʼnɨ̀ ze. Tɨ̀ wɨə kɔ̀ŋgɨ̀ ɨmbə̀ʼ mbə ghɨ ɨnû mbe nɨ kuʼnɨ, ka à be yeʼi ni zɨə chub ɨghabɨ ni tɨ̀ fə gù ə̀kwàʼnɨ̀ ze.

2 Kɔrèn 2:6

Ɨchə we nɨ bə̂d mɨ̀nɔnɔʼ əkaʼ nən nyaʼa zɨ ɨgwɨ məd fə kùʼ.

2 Kɔrèn 6:4

Àyɨə ɨghabɨ ə bə̂d ə̀fàʼì Ŋwiə̀, tɨ wɨə chwiə ni tɨ yɨə bə̂d ə̀fàʼì chɔ̀m ənɨ tɨkwɨrɨ ɨnə̂njɨ̀ jìm. Tɨ̀ wɨə nyìʼ əton ə ŋgəʼ, tɨ wɨə zə tɨkwɨrɨ ŋgəʼ jìm, ɨnû mbɨə nyèm əwa, ɨnû rɨbɔ̀ŋ nɔnɔʼ mbɨə nyɨ ɨgwɨ na.

2 Kɔrèn 7:1

Mbɨ bɔŋgɔb nɨ mə̀ ghaʼi kwàʼ rɨŋgəʼ, ɨchî nɨ Ŋwìə̀ kaʼ ɨnû mbɔ̂ ɨ na, əne tɨ̀ ton ɨnû rɨbɔ̀ŋ mbe nɨə ghɨ̀ ni nyamnyod mbɨ əzwî chubɨ rɨ zeŋ. Tɨ̀ kywɨ ənywɨ zə ni tɨ̀ zeŋ màànɨ̀ ɨchî nɨ tɨə wumnɨ ə Ŋwiə̀.

2 Kɔrèn 7:7

Ka àmei ɨchî nɨ Taitùs nyaʼa yeʼe we nyaʼa nəərɨ əwa. Ɨchî nɨ mbə̀ nyaʼa timbɨ əməd nyaʼa bə̀ nəərɨ əwa. Wɨ̀ nyaʼa ghà ɨ na ɨmbə̀ʼ ɨchî nɨ mbə̀ kəb nɨ zə əmɨ. Wɨ̀ nyaʼa ghà ɨmbə̀ʼ ɨchî nɨ mbə mbɨə kə̀n ɨmbə̀ʼ ɨnû mbe nɨ mbə̀ nyaʼa ghɨ̌. Wɨ̀ nyaʼa bə̀ ghà ɨmbə̀ʼ ɨchî nɨ mbə̀ zɨ ɨka nɨ ghɨ ɨnû mbe nɨ mə̀ nyaʼa gha ɨ nən. Ɨnû mbɔ̂ nyaʼa ghɨ̀ ɨghaʼi swi ɨŋga mɨ fîŋ.

2 Kɔrèn 7:9

Tɨ̀nîn mə wɨə ghaʼə, kaʼi ɨmbə̀ʼ ɨchî nɨ ə̀kə̀nɨ̀ ə nyaʼa swi ɨŋga tə fîŋ. Mə wɨə ghaʼ ɨmbə̀ʼ ɨchî nɨ ə̀kə̀nɨ̀ ze ə nyaʼa ghɨ̀ ni mbə bèŋ tə fîŋ. Ɨchî nɨ ɨkwɨ ə̀kə̀nɨ̀ we nɨ Ŋwìə̀ kəbɨ nyaʼa swi ɨŋga tə fîŋ, əne chəi tɨ̀ nyaʼa ghɨ ənû rɨbɔ̀ŋ ə mɔʼɔ ənɨ ə nən.

2 Kɔrèn 9:2

Mə kyerɨ ni mbə kàŋ ghaʼ nɨ wèèrɨ̀, əne mə wɨə goŋ ɨgɔ̂ ɨmbə̀ʼ əwən əmbɨ ə bə̂d Kristo mbe nɨ yeʼ ə Màsèdonià. Mə wɨə ghà əmbɨ mɨ̀mə̌d ni bə̂d Kristo mbe nɨ yeʼ ə Àkàiyà nyaʼa fə tekɨ ə ɨnyod nɨ naʼ ə̀wèèrɨ̀ ze nɔʼ tɨ rɨ əghəm əwu. Ɨchî nɨ mbə̀ ghaʼ nɨ naʼ ə̀wèèrɨ̀ ze ə fə ŋwè bə̂d mɨ̀nɔnɔʼ əkaʼ mɨ̀mə̌d ni mbɨ bə wèèrɨ̀.

Efesùs 4:26

Mbə mɨ sə ɨtəm, tɨ mbə ben ə ni ɨsə ɨtəm we ghɨ ni mbə̀ ghɨ ənû rɨbɔ̀ŋ. Tɨ mbə̀ ben ə ni nyùmə̀ nyɨ ɨkòb nɨ mbə̀ə kɨrɨ sə ɨtəm.

Efesùs 5:11

Tɨ mbə zɨ ə ɨbɔ ɨŋga ɨnû əko mɔʼɔ mbe nɨ bə̂d ə ghɨ̀ ɨŋga ɨsɨ firɨ, àyɨə mbə̀ du ɨnû mbe əsaŋ ni bə̂d zə.

Fìlipì 2:12

Mbɨ bɔŋgɔb nɨ mə̀ ghaʼi kwàʼ rɨŋgəʼ, ɨchî nɨ mbə̀ nyaʼə zuunɨ ə Ŋwiə̀ ɨghəm jìm ənɨ mə̀ nyaʼa mbɨ nən, əne tɨ̀nîn nɨ chəi əmɨ mbɨ nən, mbə̀ jeŋgɨ zuunɨ əməd. Ŋwiə̀ fə chɨ̀ əwən rəŋgəʼ, əne mbə̀ kywɨ ənywɨ màànɨ̀ ɨchî nɨ wɨ̀ chɨ̀ əwən rəŋgəʼ ɨchî nɨ mbə̀ə bɔ əməd bə̀ wumnɨ əməd.

1 Tèsàlonikà 4:6

Tɨ̀ wə̀d mɔʼɔ rəbɔʼ nən chəkɨ i fîŋ wi aŋgɔb ənɨ ənû zɔ̂. Tɨ wɨ̀ nɨŋ i ɨwi wi aŋgɔb. Ə̀nùŋɨ̀sɨg bɨrɨ chə bə̂d mbe nɨə ghɨ̀ tɨkwɨrɨ ɨnû rɨbɔ̀ŋ tɔ̂ rɨjìm, àmei ɨchî nɨ tɨ̀ nyaʼa fə gha ɨ nən bə̀ patɨ əwən.

1 Timotì 5:20

Bə̂d mɔʼɔ mɨ yeʼə ghɨ̀ ɨnû rɨbɔ̀ŋ nɨ chəi mbɨ ben nɨ beŋ tə fîŋ, ghàm əbɔʼ mɨ̀mə̌d ɨfě bə̂d Kristo mɨ̀jìm, ɨmbə̀ʼ ə̀bùʼ ə bə̂d bɔ nɨ wɨrɨ ghɨ ɨnû rɨbɔ̀ŋ.

2 Timotì 2:15

Kywɨ ənywɨ ghɨ̀ ni Ŋwìə̀ ben ə̀fàʼì ze nɨ àwɔ̀ ə fàʼə̀, ɨmbə̀ʼ à yeʼ wə̀d ə̀fàʼì nɨ chəi e ətu ə nìrə̀, bə yeʼ we nɨə chwi ɨŋgam we nɨ yeʼ wɨ rəsìʼ ənɨ ɨnə̂njɨ̀ nɨ kuʼnɨ.

Tayitùs 3:8

Ɨnû mbɔ̂ jìm nɨ mə̀ fə gha ɨ nən yɨ ɨnû rəsìʼ. Mə kə̀b ni à gha ɨnû mbɔ̂ kòmbɨ̀, ɨmbə̀ʼ bə̂d mbe nɨ ben ə Ŋwìə̀ we əwən bə̀ ghɨ̀ ɨnû chɔ̀m. Ɨnû mbɔ̂ yɨ ɨnû chɔ̀m. Mbɨ bɨrɨ bɨ wèèrɨ̀ wə̀d jìm.

Mə̀Hibrù 4:1

Ənû ze nɨ Ŋwìə̀ nyaʼa kaʼi ə kɨrɨ təm. Wɨ̀ nyaʼa kàʼ ni bə̂d bɨrɨ nyɨ ɨŋga əsɨ ə̀zwììrɨ̀ ze nɨ wɨ̀ bɨrɨ naʼ əmbɨ mɨ̀mə̌d. Əne tɨ̀ we əwa ɨmbə̀ʼ tɨ wə̀d mɔʼɔ rəbɔʼ nən nim i əpan nɨ nyɨ ɨŋga əsɨ ə̀zwììrɨ̀ ze.

Jems 3:17

Ɨwe we nɨ Ŋwiə̀ ə nàʼə̀ wɨə ghɨ̀ə̀ ni tɨ̀ chub zeŋɨ zeŋɨ, chub ənɨ əbɔrəbɔd, berɨ ɨbɔtɨ fîŋ, zwetɨ ɨnû nɨ bə̂d ə ghàə̀, diirɨ bə̂d bə̀ ghɨ̀ ɨ̀chɔ̀m. Ɨ wɨə bə̀ ghɨ̀ ni tɨ rɨ̀ ghɨ a ɨghə mbɨ ni tɨ rɨ̀ ghɨ a ɨbekɨ ɨnû.

1 Pità 1:17

Ɨchî nɨ mbə̀ə tɔŋ ə Ŋwiə̀ ənɨ ə Mbǎʼ ənɨ mbə̀ə kɔ̀ŋgɨ̀ əməd, əne mbə̀ kyerɨ ni chəi məd ə ghɨ̀ ɨghə ənɨ wɨə saʼə bə̂d. Əne mbə̀ bɔ əməd ɨchî nɨ mbə̀ yeʼ ɨghabɨ ɨ̀nɔ̀ʼɔ̀ ɨgwɨ ə si əgha.

1 Pità 2:2

Ɨghabɨ ə bɔn bɔd nɨə kɨrɨ nyɔŋ ɨbən, mbə kəb yeʼ ɨbən zeŋɨ we nɨ əzwî ə nàʼə̀, ɨmbə̀ʼ mbə mɨ nyɔŋ, mbə bɨrɨ kwi kàànɨ̀, Ŋwìə̀ chɨ̀ əwən rəŋgəʼ.

Jûd 1:23

chɨ̀ mbɨ mɔʼɔ rɨŋga ɨwid əne chɨ̀ mɨ̀mə̌d rəŋgəʼ. Mbə̀ diirɨ mbɨ mɔʼɔ, àyɨə mbə̀ we əwən ɨmbə̀ʼ ɨnû rɨbɔ̀ŋ mɨ̀mə̌d nɨə tàb əwən. Mbə̀ ban ka àbei ngywɨ̌ te nɨ ɨnyod mɨ̀mə̌d fə fiinɨ ənɨ ɨnû rɨbɔ̀ŋ.

Ɨnû 3:19

Mə wɨə ghàm əbɔʼ bə̂d mbe nɨ mə ghaʼi. Mə wɨə bə̀ chəə mbe nɨ mə ghaʼi. Əne, zə ni à zɨ ətu nɨ nòm, bə̀ zə ni à bèŋ e fîŋ.