2 Kɔrèn 6:9 - Meta’

⁹ Bə̂d mɔʼɔ mbɨə ghɨ̀ mbɨ na ɨghabɨ ni chəi mbɨ kyerɨ əwa, àyɨə mbɨ kàŋ jeŋgɨ kyerɨ. Bə̂d mɔʼɔ mbɨə som əwa, àyɨə chəi mbɨ kɨrɨ zwiirɨ əwa.

Ikan feg

⁹ Bəd kyèri awa kwàʼ icheg chɔm, se ghìyə̀ inug tì ina icheg ni gha chəyi mbi kyeri awa ka iki piʼì. Mba ya icheg bəd ne fə ku, si ya gha, tì we kiri izɔm. Bəd mɔ̀ʼɔ ya sɔmɔ awa, si ya gha, chəyi mbi ya zweti awa.

2 Kɔrèn 6:9 ပူးပေါင်းရင်းမြစ်များ

Ɨ̀fàʼì 17:18

Bə̂d ɨwe mɔʼɔ nɨ mbɨ nyaʼə tɔŋ ənɨ mɨ̀Epikurià mbɨ mbɨ mɔʼɔ mbe nɨ mbɨ nyaʼə tɔŋ ənɨ mɨ̀Stoìk nyaʼa wò kumnɨ əməd kɔ tàŋɨ mbɨ məd. Mbɨ mɔʼɔ rəbɔʼ mɨ̀mə̌d nyaʼa gha ni, “Əkywɨ-ɨchù wɔ̂ kɨə kə̀b gha əzi ni yè ə?” Mbɨ cherə nyaʼa ghà ni, “Zɨə chub ɨghabɨ ni ɨ wɨə ghà ɨnû ɨmbə̀ʼ mɨ̀ŋwìə̀ rɨ̀sɔ̀ʼɔ̀.” Mbɨ nyaʼa ghà əne ɨmbə̀ʼ ɨghəm nɨ Pɔ̂l wɨə nyaʼə ghà ɨŋgam Ŋwiə̀ ɨmbə̀ʼ ə Yeso, bə̀ ghà ɨmbə̀ʼ ɨchî nɨ bə̂d bɨrɨ zwemə.

Ɨ̀fàʼì 19:26

Mbə mbɨə zəə bə̀ zuə ni Pɔ̂l wɔ̂ fə fì ɨtu bə̂d bə̀ beŋ fîŋ rɨ bə̂d mɨ̀nɔnɔʼ ɨchî nɨ wɨə ghàə̀ ni ka mɨ̀ŋwìə̀ mbe nɨ mbɨ tekɨ ənɨ ɨbɔ yɨ i mɨ̀ŋwìə̀ mɔʼɔ. Ɨ wɨə ghà ənû zɔ̂ ə Efesùs bə̀ ghà ɨŋga ɨsɨ jìm mbe nɨ yeʼ əbà əbeŋ ze rɨ ə Esià.

Ɨ̀fàʼì 25:19

Ɨ mbɨə nyaʼə tàŋə̀ mbɨ məd ɨmbə̀ʼ ɨnû nɨ dè ənû ə ŋwiə̀ mɨ̀mə̌d fɔrɨ ɨmbə̀ʼ mbaŋə̀ mɔʼɔ nɨ ɨkum məd nyaʼə Yeso, nɨ nyaʼa fə kwɨ, àyɨə Pɔ̂l wɨə ghàə̀ ni ɨ wɨ ɨkǎ.

Ɨ̀fàʼì 25:26

Chəi mə̀ kaŋ berɨ ənû ə mɔʼɔ nɨ tɨ̀ mə ŋwàʼnɨ̀ əmbɨ ɨfɔ̂n kyeŋ ɨmbə̀ʼ əməd. Əne mə fə nɨŋ əməd yeʼe ɨfě nən, màànɨ̀ ɨfě ne àwɔ̀ ɨfɔ̂n Agripà, ɨmbə̀ʼ tɨ̀ mɨ fə nwèndɨ̀ ɨsaʼi məd, mə we tɨ̀ mə berɨ ənû nɨ ŋwàʼnɨ̀.

Rm 15:19

ənjìm ɨnweenɨ-ɨnû nɨ kaanɨ, ənjìm ɨnû yiirɨ bə̀ fɔrɨ ənjìm ɨka we nɨ Əzwî ə Ŋwiə̀ ə nàʼə̀. Əne mə fə ghà ɨkə̂n chɔ̀m ɨmbə̀ʼ ə Kristo ɨŋga ɨsɨ jìm, kɔ rɨ ə Jèrusalèm kad wò pè əbà əbeŋ ze rɨ ə Ilirikùm.

Rm 8:36

Ə zɨ ɨŋga Ə̀ŋwàʼnɨ̀ ə Ŋwiə̀ ni, “Ɨmbə̀ʼ əwe, bə̂d mbɨə zwiirɨ əwa ɨni jìm. Ɨ mbɨə nɨŋ əwa ɨghabɨ ni tɨ̀ yɨə njɨ̀g nɨ mbɨə wo kyemɨ.”

1 Kɔrèn 11:32

Ənɨ Ə̀nùŋɨ̀sɨg ə saʼ əwa bə̀ chə əwa, ɨ wɨə kə̀bə̀ ni tɨ̀ təm kàànɨ̀, ɨmbə̀ʼ tɨ wɨ̀ zɨ i ɨsaʼi ɨgwɨ na ənɨ ə nyùmə̀ we nɨ wɨ̀ bɨrɨ saʼ ɨsɨg.

1 Kɔrèn 15:31

Mbɨ bɔŋgɔb, mə wɨ ɨchû ɨvɨ ɨni jìm! Əne yɨ ɨmbə̀ʼ ɨghəm nɨ mə wɨə goŋ ɨgɔ̂ ɨmbə̀ʼ əwən ɨchî nɨ tɨ̀ yeʼ ənɨ ɨfɔtɨ mbɨ Kristo Yeso a Ə̀nùŋɨ̀sɨg.

1 Kɔrèn 4:9

Zɨə chub ɨ num ɨghabɨ ni Ŋwìə̀ fə nùŋ əwa, mbà bə̂d tom, ni tɨ̀ yeʼ bə̂d nɨ sɨ nwìə̀ ənɨ ɨwaŋ ɨmbə̀ʼ ə bə̂d zə əwa. Tɨ̀ yɨ ɨghabɨ ə bə̂d nɨ mbɨ fə sob ɨsaʼi ni mbɨ zwiirɨ mɨ̀mə̌d, ɨmbə̀ʼ ɨghəm nɨ ɨsɨg wɨə nèŋ əwa, mbɨ̀aŋgɨrə̀ mbɨə nèŋ əwa, bə̂d mɨ̀sɔŋɨchù bə̀ nèŋ əwa.

2 Kɔrèn 11:6

Chəi mə̀ kyerɨ ɨchî nɨ ghàm ɨchî chɔ̀m, àyɨə mə berɨ ɨwe. Tɨ̀ fə nɨŋ tɨkwɨrɨ ɨnə̂njɨ̀ jìm ɨ ghɨ ni ɨnû mbɔ̂ zeŋ ɨ nən.

2 Kɔrèn 4:2

Tɨ̀ fə ton ɨnû mbe nɨ bə̂d ə ghɨ̀ ənə̀mə, nɨ yeʼ ɨnû mbe nɨə nàʼ tɨ̀nìd ətu. Tɨ̀ fə ton nɨ ghɨ ɨbèkɨ̀ ɨnû, kɨ̀ nɨ nyam ɨŋgam Ŋwiə̀ mbɨ mɨghab. Àyɨə ɨchî nɨ tɨə ghà rəsìʼ əsaŋ əsaŋ, tɨ̀ wɨə chwiə ni bə̂d kyerɨ ni ɨnû mbe nɨ tɨə ghɨ̀ə̀ yɨ ɨnû nɨ bɔŋ ɨfě Ŋwiə̀.

2 Kɔrèn 5:11

Tɨ̀ kyerɨ əton ɨmbə̀ʼ ənû nɨ wumnɨ Ə̀nùŋɨ̀sɨg, əne tɨ̀ wɨə kywɨ ənywɨ ɨ ghɨ ni bə̂d cherə bə kyerɨ. Ŋwiə̀ fə kyerɨ əwa màànɨ̀, əne mə kyerɨ ni mbə fə bə̀ kyerɨ ənû zɔ̂ tə fîŋ zeŋ.