2 Kɔrèn 6:8 - Meta’

⁸ Bə̂d mɔʼɔ mbɨə wumnɨ əwa, mbɨ mɔʼɔ tìbrɨ̀ əwa. Bə̂d mɔʼɔ mbɨə ghà ɨnû rɨbɔ̀ŋ ɨmbə̀ʼ əwa, mbɨ mɔʼɔ gha ɨnû chɔ̀m ɨmbə̀ʼ əwa. Bə̂d mɔʼɔ mbɨə ghàə̀ ni ka tɨ̀ yɨ a bə̂d mbe nɨ tɨ̀ yeʼ mbɨwən, àyɨə tɨ̀ yɨə kaŋ mbɨwən.

Ikan feg

⁸ Bəd mɔ̀ʼɔ mbe ghùmnə awa, mə̀mbin mbe wèghè awa. Bəd mɔ̀ʼɔ mbe ghà inug tibɔ̀ŋ imbə̀ʼ awa, mə̀mbin mbe ghà inug chɔm imbə̀ʼ awa. Mba ya bəd ne ghàmà tesiʼ, si ya gha, bəd ya nìŋə awa ane bəd ne ghàmà inug ako.

2 Kɔrèn 6:8 ပူးပေါင်းရင်းမြစ်များ

Matìyò 10:25

Zɨə kùʼ əmbɨ ə̀mə̀ə̀nɨ̀-ɨnû ni wɨ̀ yeʼ ɨghabɨ wə̀d we nɨə chwi ɨnû ɨ bɔ, bə̀ kùʼ ni wan ə̀fàʼì bə yeʼ ɨghabɨ i mbǎʼ ə̀fàʼì. Mbɨ mɨ fə tɔŋ mbǎʼ əkwɨ ənɨ ə Belzebùl, njɨ mbɨ bɨrɨ tɔŋ bə̂d rɨŋga nəb məd ənɨ rɨkum nɨ bə̌ chè.

Matìyò 22:16

Əne mbɨ nyaʼa tom mbə mə̀mə̀ə̀nɨ̀-ɨnû mbɨ ə bə̂d mbe nɨ nyaʼə tìmbɨ̀ ə Herɔ̀d əsɨ məd ni mbɨ wo ghà ɨ bɔ ni, “Əchwiə̀-ɨnû, tɨ̀ kyerɨ ni à wɨə ghà rəsìʼ, fɔrɨ ni à wɨə chwi ɨnû rəsìʼ ɨmbə̀ʼ ɨchî nɨ Ŋwìə̀ kəbɨ ni bə̂d chubɨ. Chəi àwɔ̀ ə bɔə bə̂d ɨmbə̀ʼ ɨghəm nɨ chəi àwɔ̀ ə ghɨ̀ ɨghə.

Matìyò 27:63

Mbɨ nyaʼa pè ghà ɨ bɔ ni, “Masà, tɨ̀ fə wɨrɨ kɔndɨ ənû ze nɨ wə̀d mɨ̀ghab we nyaʼa ghǎ ənɨ wɨ̀ nyaʼa kɨrɨ i ɨkǎ. Wɨ̀ nyaʼa ghà ni, 'Ɨni mɨ chè ɨtad, mə bɨrɨ wɨrɨ zwemə.'

Mk 12:14

Mbɨ nyaʼa wò pè ghà ɨ bɔ ni, “Əchwiə̀-ɨnû, tɨ̀ kyerɨ ni à wɨə ghà rəsìʼ, fɔrɨ ni chəi àwɔ̀ ə bɔə bə̂d, ɨmbə̀ʼ ɨghəm nɨ chəi àwɔ̀ ə ghɨ̀ ɨghə. Àyɨə à wɨə chwiə rəsìʼ ɨmbə̀ʼ ɨchî nɨ Ŋwìə̀ kəb ni bə̂d chubɨ. Tɨkə ə wa chwiə ni tɨ̀ maʼ mɨ̀tagsɨ̀ əmbɨ Kaisà, kɨ̀ chə ə?

Jn 7:12

Bə̂d mɨ̀nɔnɔʼ rɨŋga ɨnɔ̂n bə̂d we wɨə nyaʼə chùmbɨ̀ ɨmbə̀ʼ ə Yeso. Mbɨ mɔʼɔ mbɨə nyaʼə ghàə̀ ni, “Məd yɨə wə̀d chɔ̀m,” àyɨə mbɨ cherə mbɨə nyaʼə ghàə̀ ni, “Chə̂, məd wɨə fèbrɨ̀ ə bə̂d.”

Ɨ̀fàʼì 10:22

Mbaŋə̀ te nyaʼa wììrɨ̀ ni, “Kɔneliùs, nɨ yeʼ ətu ɨgwɨ mɨ̀sɔgyɨ̀ ɨkɨ fibɨ̀, fə tom əwa əsɨ ne. Məd wɨə ghɨ̀ ɨnû nɨ kuʼnɨ. Məd wɨə wumnɨ ə Ŋwiə̀. Mɨ̀Jû mɨ̀jìm mbɨə ghà ɨnû chɔ̀m ɨmbə̀ʼ əməd. Aŋgɨrə̀ Zeŋɨ kəʼ ghà ɨ bɔ ni wɨ̀ tom bə̂d əsɨ ne ni à wo əkwɨ məd, ɨmbə̀ʼ wɨ̀ zu ənû ze nɨ à berɨ nɨ gha ɨ bɔ.”

Ɨ̀fàʼì 16:39

Əne mbɨ nyaʼa wò buʼ ɨbɔ əmbɨ mɨ̀mə̌d, nɨŋ mɨ̀mə̌d mbɨ jwɨ̀ rɨ ə nəb ndəŋ ze. Mbɨ nyaʼa sɨ ghà əmbɨ mɨ̀mə̌d ni mbɨ saŋ əsɨ ze.

Ɨ̀fàʼì 22:12

“Mbaŋə̀ mɔʼɔ zɨə nyaʼə əŋgu nɨ ɨkum məd nyaʼə Ànàniàs. Ɨ wɨə nyaʼə nùŋ i fîŋ ɨgun ə Ŋwiə̀. Ɨ wɨə nyaʼə bə̀ nùŋə̀ tɨkə rɨ Mose. Mɨ̀Jû mɨ̀jìm mbɨə nyaʼə ghà ɨnû chɔ̀m ɨmbə̀ʼ əməd.

Ɨ̀fàʼì 24:5

Tɨ̀ fə zə ni mbaŋə̀ zɔ̂ yɨə wə̀d nɨə kə̀b ɨsaʼi. Ɨ wɨə bə̀ bù əchɔb əkaʼ mɨ̀Jû mɨ̀jìm ɨŋga ɨsɨg. Məd yɨ ətu ɨgwɨ ɨfɔtɨ we nɨ mbɨə tɔŋ ənɨ ɨfɔtɨ Nazarîn.

Ɨ̀fàʼì 28:22

Àyɨə tɨ̀ bɨrɨ ghaʼ nɨ zu te rɨkɔndɨ, ɨmbə̀ʼ ɨghəm nɨ tɨ̀ ə kyerɨ ni bə̂d mbɨə ton ɨfɔtɨ fi wɔ̂ ɨsɨ jìm.”

Ɨ̀fàʼì 4:21

Ənɨ mbɨ nyaʼa ghà əne, mə̀saʼ əbeŋ mbe nyaʼa yì patɨ mɨ̀mə̌d kwàʼ rɨ̀kǎ, sàŋ ni mbɨ wo ə. Chəi mbɨ nyaʼa zə ɨnə̂njɨ̀ nɨ chə mɨ̀mə̌d, ɨmbə̀ʼ ɨghəm nɨ bə̂d mɨ̀jìm mbɨə nyaʼə yiirɨ ə Ŋwiə̀ ɨmbə̀ʼ ənû ze nɨ nyaʼa ghɨ̌.

Ɨ̀fàʼì 5:13

Chəi wə̀d mɔʼɔ rɨ ɨsɨg nɨ tɨ̀ wɨ̀ nyaʼa yim fîŋ fɔtɨ əbɔʼ mɨ̀mə̌d, àyɨə ɨ mbɨə nyaʼə wumnɨ mɨ̀mə̌d kwàʼ rɨŋgəʼ.

Ɨ̀fàʼì 6:3

Əne kyɨə bɔŋgɔb, mbə̀ chɔʼ mbaŋə̀ sambe rəkaʼ nən nɨ bə̂d ə ghà ɨnû chɔ̀m ɨmbə̀ʼ mɨ̀mə̌d, nɨ Əzwî ə Zeŋɨ ə swi ɨŋga mɨ̀mə̌d, mbɨ bə̀ berɨ ɨwe, ɨmbə̀ʼ tɨ̀ naʼ ənû nɨ ghapɨ rɨjɨg əmbɨ mɨ̀mə̌d.

Rm 3:8

Njɨ mbə̀ ghà ni, “Tɨ̀ ghɨ ɨbə ɨmbə̀ʼ ɨ̀chɔ̀m yeʼe,” ɨchî nɨ bə̂d mɔʼɔ ə chə̀kɨ̀ əwa ni ɨŋgam wɔ̂ yɨ rɨ na ə? Ŋwìə̀ bɨrɨ zɨ ɨsaʼi ɨgwɨ mɨ̀mə̌d ɨchî nɨ kuʼnɨ.

2 Kɔrèn 1:18

Ŋwìə̀ wɨə kàʼ ɨnû bə ghɨ̀ə̀, əne ka ɨŋgam we nɨ tɨə ghà ɨ nən yɨ i ənû nɨ gha ni “Ee” kɨ̀ ənû nɨ gha ni “Chə̂,”

2 Kɔrèn 11:21

Mɨ ətu ə zɨə nìrə̀ nɨ gha ɨ nən ni tɨ̀ nyaʼa bɔd əku nɨ ghɨ tɨkwɨrɨ ɨnû tɔ̂! Ənû ze nɨ wə̀d mɔʼɔ yim fîŋ goŋ ɨgɔ̂ ɨmbə̀ʼ əzɨ əwən, mə wɨə ghàm ɨghabɨ əneŋ, mə bɨrɨ bɨ yim fîŋ goŋ ɨgɔ̂ ɨmbə̀ʼ əzɨ əwən.

2 Kɔrèn 12:16

Mbə bɨrɨ kaŋ ben ni chəi mə nyaʼa chə əwən. Àyɨə bə̂d mɔʼɔ rəbɔʼ nən nyaʼa ghà ni mə wɨə nyaʼə ghɨ̀ kòb tambɨ əwən.

2 Kɔrèn 4:2

Tɨ̀ fə ton ɨnû mbe nɨ bə̂d ə ghɨ̀ ənə̀mə, nɨ yeʼ ɨnû mbe nɨə nàʼ tɨ̀nìd ətu. Tɨ̀ fə ton nɨ ghɨ ɨbèkɨ̀ ɨnû, kɨ̀ nɨ nyam ɨŋgam Ŋwiə̀ mbɨ mɨghab. Àyɨə ɨchî nɨ tɨə ghà rəsìʼ əsaŋ əsaŋ, tɨ̀ wɨə chwiə ni bə̂d kyerɨ ni ɨnû mbe nɨ tɨə ghɨ̀ə̀ yɨ ɨnû nɨ bɔŋ ɨfě Ŋwiə̀.

1 Tèsàlonikà 2:3

Ka ɨchî nɨ tɨ̀ nyaʼə ghà ɨŋgam Ŋwiə̀ yɨ i rɨ ənɨ ɨchî nɨ tɨ̀ feb ənû, kɨ̀ rɨ ənɨ tɨkɔndɨ rɨbɔ̀ŋ, kɨ̀ ɨmbə̀ʼ tambɨ əwən.

1 Timotì 3:7

Bə̂d mbe nɨ kaʼi bə̂d Kristo berɨ gha ɨnû chɔ̀m ɨmbə̀ʼ əməd, ɨmbə̀ʼ tɨ wɨ̀ berɨ i tɨ̀nìd ətu əne feŋ ɨŋga ətam ə Debɨ̀rə̀.

1 Timotì 4:10

Tɨ wɨə kywɨ ənywɨ nɨ faʼ rɨkǎ ɨmbə̀ʼ ɨghəm nɨ tɨ nuŋ ta rɨkɔndɨ ɨgun ə Ŋwìə̀ we nɨ yeʼ ɨkǎ. Məd wɨə chɨ̀ə̀ bə̂d mɨjìm mbe nɨ kəb ni mbɨ chɨ əwən rəŋgəʼ, màànɨ̀ mba mbe nɨ nuŋ ta rɨkɔndɨ ɨgwɨ məd.

Mə̀Hibrù 13:13

Əne tɨ̀ wo əsɨ məd ənjìm əsɨ ze nɨ mbɨ chubɨ, bə̀ nɨŋ tɨ̀nìd ətu we nɨ mbɨ nyaʼa zɨ ɨgwɨ məd.

1 Pità 4:14

Bə̂d mɨ yeʼə zɔ̀m əwən ɨmbə̀ʼ ɨchî nɨ mbə̀ ben ə Kristo, Ŋwìə̀ bɨrɨ zɨ əbɔrəbɔd ɨgwɨ nən. Əne yɨ ni Əzwî ə Zeŋɨ ze nɨ yeʼ Əzwî ə Ŋwiə̀ ə fə sɨ i ɨgwɨ nən.

3 Jɔn 1:12

Wə̀d jìm wɨə ghà ɨnû chɔ̀m ɨmbə̀ʼ ə Dèmetriùs. Məd wɨə chub àmei ɨchî nɨ rəsìʼ we nɨ yeʼ ɨŋga Ə̀ŋwàʼnɨ̀ ə Ŋwiə̀ kəbɨ. Mba bə tɨ̀ bə̀ ben ni məd wɨə chub ɨchî nɨ rəsìʼ chwiə. Əne mbə̀ kyerɨ ni ənû ze nɨ tɨ̀ gha yɨ ənû rəsìʼ.

Ɨnû 3:9

Zə, mə bɨrɨ ghɨ ni bə̂d mɨghab mbe nɨ yeʼ ɨŋga ɨfetɨ bə̂d Satàn yeʼe gundɨ ə si ənɨ e ɨfě, əne ben ni mə ghaʼ əwe. Mɨ̀mə̌d mbɨə ghàə̀ ni mbɨ yɨə mɨ̀Jû, àyɨə ka mbɨ yɨə mbɨwən.