2 Kɔrèn 5:16 - Meta’

¹⁶ Əne, ɨ kɔ rɨ̀nîn chəi tɨə wɨrɨə neŋə wə̀d ɨchî nɨ wə̀d mɨ̀sɔŋɨchù ə nèŋə̀. Ka à bè yeʼi ni tɨ̀ nyaʼa kweʼ nèŋ ə Kristo ɨchî nɨ bə̂d mɨ̀sɔŋɨchù ə nèŋə̀, àyɨə chəi tɨə wɨrɨə nèŋ əməd əne.

Ikan feg

¹⁶ Ane, ni ko tèchɔ̀ŋ, chəyi te ywìrè nḛ̀ wə̀d icheg ne wə̀d-aku we nḛ̀. Ka tì ya bì kweʼì nèn Kristo icheg ne bəd-aku mbe nḛ̀, chəyi te ywìrè nḛ̀ aməd ane.

2 Kɔrèn 5:16 ပူးပေါင်းရင်းမြစ်များ

Matìyò 10:37

“Wə̀d mɔʼɔ we nɨ ghaʼ i mbǎʼ kɨ̀ i nɨŋ chè əmɨ, rɨka kùʼ i nɨ yeʼ mɨ ə̀mə̀ə̀nɨ̀-ɨnû. Wə̀d mɔʼɔ we nɨ ghaʼ i wan mbaŋə̀ kɨ̀ i wan əyi chè əmɨ, rɨka kùʼ i nɨ yeʼ mɨ ə̀mə̀ə̀nɨ̀-ɨnû.

Jn 15:14

Mbə yɨ mbɨ mɨ̀sə̀ʼ ənɨ mbə̀ ghɨ ənû ze nɨ mə gha ɨ nən.

Jn 2:4

Yeso nyaʼa ghà ɨ bɔ ni, “Əyî, à berɨ ənû ə ye nɨ ghɨ̀ mbɨ num ə? Chəi mɨ nyùmə̀ kɨrɨ kuʼ nɨ ghɨ ənû ə mɔʼɔ.”

Jn 6:63

À yɨ Əzwî ə Ŋwiə̀ ə nàʼ ɨ̀tènɨ̀. Chəi ənɨ tɨ wə̀d mɨ̀sɔŋɨchù nàʼ ɨ̀tènɨ̀. Mɨŋgam mbe nɨ mə̀ fə gha ɨ nən yɨ rɨ əmbɨ Əzwî ə Ŋwìə̀. Ɨ mbɨə bə̀ nàʼ ɨ̀tènɨ̀.

Jn 8:15

Mbə mbɨə saʼə wə̀d ɨchî nɨ bə̂d mɨ̀sɔŋɨchù ə saʼə bə̂d. Àyɨə chəi mɔ̌ ə saʼə wə̀d mɔʼɔ.

2 Kɔrèn 11:18

Bə̂d mɨ̀nɔnɔʼ mbɨə goŋ ɨgɔ̂ ɨchî nɨ bə̂d ɨŋga ɨsɨg ə goŋə, əne mə bɨrɨ bɨ goŋ.

Gàlesìyà 5:6

Ɨchî nɨ tɨ̀ yeʼ ənɨ ɨfɔtɨ mbɨ Kristo, əne chəi ənû nɨ mbɨ ne wə̀d kɨ̀ ənû nɨ chəi mbɨ ne wə̀d ə berɨ ənû ə mɔʼɔ nɨ ghɨ̀. Ənû ə kyeŋ yɨ nɨ chwi ni tɨ̀ fə nuŋ fîŋ ɨgun ə Kristo ɨchî nɨ tɨə ghaʼə bə̂d.

Fìlipì 3:4

ka à bè yeʼi ni mə berɨ əton nɨ zɨ fîŋ ənɨ ɨnû mbe nɨ bə̂d mɨ̀sɔŋɨchù ə ghɨ̀ə̀. Wə̀d mɔʼɔ mɨ kɔndɨ ni tə berɨ əton nɨ zɨ fîŋ ənɨ ɨnû mbe nɨ bə̂d mɨ̀sɔŋɨchù ə ghɨ̀ə̀, njɨ mə berɨ chè əməd.

Kòlosè 3:11

Əne chəi wɨrɨ i ɨkwepɨ əkaʼ bə̂d nɨ kaʼi mɨ̀Jû mbɨ mɨ̀Jû, chəi wɨrɨ i ɨkwepɨ əkaʼ bə̂d mbe nɨ mbɨ ne mbɨ mbe nɨ chəi mbɨ ne mɨ̀mə̌d, chəi wɨrɨ i ɨkwepɨ əkaʼ bə̂d əgyeŋ nɨ kɨrɨ ɨŋga ɨzimɨ, chəi wɨrɨ i ɨkwepɨ əkaʼ ɨ̀bòʼò mbɨ ə bə̂d nɨ yeʼ ənɨ ə ɨghəm. Kristo yɨ ɨnû jìm. Məd wɨ ɨŋga bə̂d mɨjìm mbe nɨ yeʼ ənɨ ənû ə mɔʼ mbɨ məd.

Jems 3:17

Ɨwe we nɨ Ŋwiə̀ ə nàʼə̀ wɨə ghɨ̀ə̀ ni tɨ̀ chub zeŋɨ zeŋɨ, chub ənɨ əbɔrəbɔd, berɨ ɨbɔtɨ fîŋ, zwetɨ ɨnû nɨ bə̂d ə ghàə̀, diirɨ bə̂d bə̀ ghɨ̀ ɨ̀chɔ̀m. Ɨ wɨə bə̀ ghɨ̀ ni tɨ rɨ̀ ghɨ a ɨghə mbɨ ni tɨ rɨ̀ ghɨ a ɨbekɨ ɨnû.