2 Kɔrèn 5:13 - Meta’

¹³ Tɨ̀ mɨ yeʼə beə, njɨ tɨ̀ wɨə be ɨmbə̀ʼ ə Ŋwiə̀. Mba ɨtu mɨ kùʼnɨ̀, njɨ mbɨ kùʼnɨ̀ ɨmbə̀ʼ əwən.

Ikan feg

¹³ Àmə yaʼ aghi ne chəyi ìmba itog yaʼ inga icheg chɔm, nji à ya imbə̀ʼ Ŋwiye. Ìmba itog mə yaʼ inga icheg chɔm, nji à ya imbə̀ʼ awən.

2 Kɔrèn 5:13 ပူးပေါင်းရင်းမြစ်များ

Mk 3:21

Ənɨ ɨnəbɨ məd nyaʼa zu əne, mbɨ nyaʼa jwɨ̀ wò nɨŋ əməd ɨmbə̀ʼ ɨghəm nɨ bə̂d mbɨə nyaʼə ghàə̀ ni, “Ətu əməd rɨka kuʼ i.”

Rm 12:3

Ɨchî nɨ Ŋwìə̀ fə ghɨ ɨ̀chɔ̀m ənɨ ə num, mə wɨə ghà əmbɨ wə̀d jìm əkaʼ nən ni tɨ wɨ̀ kɔndɨ i ni tə chè ɨchî nɨ tə yeʼ ə, àyɨə wə̀d jìm kɔndɨ ənû ɨmbə̀ʼ i ɨnyod ɨchî nɨ kuʼnɨ. Wə̀d mɔʼ mɔʼ kɔndɨ beenɨ əbɔʼ ɨchî nɨ Ŋwìə̀ naʼ ɨbenɨ ɨ bɔ.

2 Kɔrèn 11:1

Mə kə̀b ni mbə̀ yim fîŋ mbɨ num ɨchî nɨ mə fundɨ rɨpiî. Mbə̀ wom yim fîŋ mbɨ num!

2 Kɔrèn 12:11

Mə fə bèŋ ənɨ əneŋ! À yɨə mbə̀nə nyem əmɨ ni mə̀ ghɨ əne. Njɨ à yɨə mbə̀nə nyaʼa berɨ gha ni mə wɨə fàʼ ɨchî nɨ kuʼnɨ. Ka à bè yeʼi ni mə yɨ əghɨ əko, àyɨə chəi mə kə chè “bə̂d tom Kristo mbe nɨə ghàə̀ ni mbə chè mbɨ mɨjìm.”

2 Kɔrèn 12:6

Mə mɨ kəb goŋ ɨgɔ̂, chəi mə bɨrɨ yeʼ əneŋ, ɨmbə̀ʼ ɨghəm nɨ mə bɨrɨ gha rəsìʼ. Àyɨə chəi mə bɨrɨ goŋ ɨgɔ̂, ɨmbə̀ʼ tɨ wə̀d mɔʼɔ kɔndɨ i ni mə chè wə̀d we nɨ mə̀ yeʼ wɨwən. Wɨ̀ neŋ yeʼ ɨnû mbe nɨ mɨə ghɨ̀ə̀ kɨ̀ mbe nɨ mɨə ghàə̀.

2 Kɔrèn 7:12

Əne ka à bè yeʼi ni mə nyaʼa ŋwàʼnɨ̀ ɨ nən, chəi mə nyaʼa ŋwaʼnɨ ɨmbə̀ʼ wə̀d we nɨ nyaʼa gu ənû, kɨ ɨmbə̀ʼ we nɨ wɨ̀ nyaʼa gu ənû ɨ bɔ. Mə nyaʼa ŋwàʼnɨ̀, ɨmbə̀ʼ ɨfě Ŋwiə̀, mbə mbe tɨ̀ mbə zə ɨchî nɨ mbə̀ ghaʼ əwa bə̀ zə ɨchî nɨ mbə̀ə zuunɨ əwa.

Kòlosè 1:24

Mə wɨə ghaʼə rɨ̀nîn ɨchî nɨ mɨə zəə ŋgəʼ ɨmbə̀ʼ əwən, ɨmbə̀ʼ ɨghəm nɨ mə wɨə màànɨ̀ ɨchî nɨ Kristo nyaʼa zə ŋgəʼ ɨmbə̀ʼ i nyamnyod. Nyamnyod ze yɨ ɨfetɨ bə̂d məd.

1 Tèsàlonikà 1:5

Tɨ̀ kyerɨ əne ɨmbə̀ʼ ɨghəm nɨ tɨ̀ nyaʼa yeʼe əsɨ nən mbɨ ɨkə̂n chɔ̀m. Chəi tɨ̀ nyaʼa yeʼe mbɨ ɨkə̂n chɔ̀m àmei ənɨ ɨŋgam. Tɨ̀ nyaʼa bə̀ ghà ɨkə̂n chɔ̀m ənɨ ɨka we nɨ Əzwî ə Zeŋɨ ə nàʼə̀. Tɨ̀ nyaʼa bə̀ kàŋ chwi ɨchî nɨ tɨ̀ ben ni ɨnû mbe nɨ yeʼ ɨŋga ɨkə̂n chɔ̀m yɨ ɨnû rəsìʼ. Mbə kyerɨ ɨnû mbe nɨ tɨ̀ nyaʼa ghɨ̌ ənɨ tɨ̀ nyaʼa əkaʼ nən. Tɨ̀ wɨə nyaʼa ghɨ ɨnû mbɔ̂ jìm ɨmbə̀ʼ weerɨ əwən.

2 Timotì 2:10

Əne mə wɨə nyìʼ əton ɨnû jìm ɨmbə̀ʼ bə̂d mbe nɨ Ŋwiə̀ chɔʼɔ jwɨ rəŋgəʼ bə̀ berɨ ɨwumnɨ we nɨ ten i koŋ ɨchî nɨ mbɨ yeʼ ənɨ ɨfɔtɨ mbɨ Kristo Yeso.