2 Kɔrèn 5:10 - Meta’

¹⁰ Mba mɨjìm berɨ təm ɨfě Kristo ni wɨ̀ saʼ əwa, ɨmbə̀ʼ wə̀d mɔʼ mɔʼ nɨŋ əghɨ ze nɨ kuʼ ɨ bɔ. Wɨ̀ bɨrɨ nɨŋ ɨ̀chɔ̀m kɨ̀ wɨ̀ nɨŋ ɨbə beenɨ əbɔʼ ɨchî nɨ wɨ̀ nyaʼa faʼ ənɨ wɨ̀ nyaʼa kɨrɨ ɨŋga nyamnyod.

Ikan feg

¹⁰ Tì ya ghìyə̀ ane imbə̀ʼ icheg ne mba məjìm biri ghum təm imbìghè abə Kristo ane isaʼi. Wì biri saʼ awa, wə̀d imɔʼ imɔʼ si niŋ ìwi ineʼi ane icheg ne wì ya fàʼi inug igun isəg aŋa, kə̀ àkə inug chɔm kə̀ inug tibɔ̀ŋ.

2 Kɔrèn 5:10 ပူးပေါင်းရင်းမြစ်များ

Matìyò 16:27

Wan Wə̀d bɨrɨ yeʼe mbɨ mbi mbɨ̀aŋgɨrə̀ mbɨ ɨka we nɨ Mbǎʼ məd naʼ ɨ bɔ. Wɨ̀ bɨrɨ pè chɔʼ ə̀fàʼì wə̀d mɔʼ mɔʼ ɨchî nɨ wɨ̀ fàʼi.

Ɨ̀fàʼì 10:42

Wɨ̀ nyaʼa gha ɨ na ni tɨ̀ gha ɨŋgam Ŋwiə̀ əmbɨ ə bə̂d. Wɨ̀ nyaʼa bə̀ ghɨ̀ ni bə̂d kyerɨ ni məd yɨə wə̀d we nɨ Ŋwìə̀ chɔʼɔ nùŋ ni wɨ̀ saʼ bə̂d mbe nɨ yeʼ ɨkǎ mbɨ mbe nɨ fə kwɨ.

Ɨ̀fàʼì 17:31

Wɨ̀ nyaʼa fə nùŋ əni nɨ wɨ̀ bɨrɨ chè ənjìm ə Wə̀d we nɨ wɨ̀ nyaʼa chɔʼɔ, saʼ wə̀d jìm ɨŋga ɨsɨg wɔ̂ ɨchî nɨ kuʼnɨ. Wɨ̀ fə chwi ənweenɨ əmbɨ ə bə̂d mɨ̀jìm ni ənû zɔ̂ yɨ ənû rəsìʼ. Wɨ̀ nyaʼa ghɨ̀ əne ɨchî nɨ wɨ̀ nyaʼa zwemnɨ wə̀d we.”

Rm 2:16

Ɨkə̂n chɔ̀m we nɨ mɨə ghàə̀ ə chwi ni əni ze nɨ Ŋwìə̀ bɨrɨ saʼ ɨsɨg ənjìm ə Yeso Kristo, wɨ̀ bɨrɨ bɨ saʼ tɨkɔndɨ te nɨ yeʼ ənə̀mə.

Rm 6:19

Mə wɨə ghàm ənɨ ɨŋgam bə̂d mɨ̀sɔŋɨchù, ɨmbə̀ʼ ɨghəm nɨ mbə kɨrɨ bɔd. Ɨchî nɨ mbə̀ nyaʼa kweʼ nàʼ mbə ɨsɨ ɨnyod ənɨ ɨ̀bòʼò əmbɨ ɨnyɔɔnɨ-ɨnû bə̀ fɔrɨ əmbɨ ɨnû rɨbɔ̀ŋ nɔnɔʼ, əne tɨ̀nîn mbə̀ naʼ mbə ɨsɨ ɨnyod ənɨ ɨ̀bòʼò əmbɨ ɨnû nɨ təm kùʼnɨ̀, ɨmbə̀ʼ mbə̀ yeʼ bə̂d nɨ zeŋɨ.

1 Kɔrèn 4:5

Əne tɨ mbə̀ sob ə ɨsaʼi ɨgun ə wə̀d mɔʼɔ bɔŋ nyùmə̀ sɨə kùʼə̀. Mbə̀ womə pè ənɨ Ə̀nùŋɨ̀sɨg wɨrɨ yeʼe. Məd bɨrɨ du ɨnû mbe nɨ bə̂d ə ghɨ̀ ɨŋga ɨsɨ firɨ, bə̀ chwi rɨkɔndɨ te nɨ yeʼ ɨŋga fîŋ rɨ bə̂d. Ənɨ ə nyùmə̀ we, Ŋwìə̀ bɨrɨ naʼ məben-əwe əmbɨ wə̀d jìm ɨchî nɨ zɨə kuʼ əmbɨ wə̀d mɔʼ mɔʼ.

2 Kɔrèn 7:3

Chəi mə ghà ənû zɔ̂ ɨmbə̀ʼ zɨ ɨsaʼi ɨgwɨ nən, ɨmbə̀ʼ ɨghəm nɨ mə fə be kə̀ʼ ghà ni mbə mbɨ ɨŋga ta fîŋ. Tɨ̀ bɨrɨ kwɨ ɨnɔ̂n bə̀ tèn ɨnɔ̂n.

Efesùs 6:8

Mbə kyerɨ ni tɨ mɨ ghɨ̀ ɨ̀chɔ̀m mɔʼɔ, Ə̀nùŋɨ̀sɨg bɨrɨ chɔʼ a ə̀fàʼì, kɨ̀ tɨ kɨ ɨ̀bòʼò kɨ̀ bə̂d nɨ yeʼ ənɨ ə ɨghəm.

Mə̀Hibrù 9:27

Ɨchî nɨ Ŋwìə̀ nyaʼa fə nuŋ ni wə̀d ə berɨ kwɨ ɨghəm we mɔʼ, à sɨ əwu rənjìm wɨ̀ saʼ əməd,

1 Pità 4:5

Mbɨ bɨrɨ gha ɨnû mbe nɨ mbɨ fə ghɨ əmbɨ ə məd we nɨ fə tekɨ ɨnyod nɨ saʼ bə̂d mbe nɨ yeʼ ɨka mbɨ mbe nɨ fə kwɨ.

Ɨnû 2:23

Mə bɨrɨ zwiirɨ bɔn məd. Tɨfetɨ bə̂d Kristo rɨ̀jìm bɨrɨ kyerɨ ni mɔ̌ yɨə wə̀d nɨə kyèʼrɨ̀ə̀ tɨkɔndɨ bə̂d bə̀ kyèʼrɨ̀ə̀ fîŋ tɨ mɨ̀mə̌d. Mə bɨrɨ chwɨ wə̀d mɔʼ mɔʼ rəbɔʼ nən beenɨ əbɔʼ ɨnû mbe nɨ mbə̀ ghɨ̌.

Ɨnû 22:12

Yeso ə ghà ni, “Mbə̀ zə, mə bɨrɨ zambɨ yeʼe! Mə bɨrɨ yeʼe mbɨ ɨchwɨ we nɨ mə bɨrɨ nàʼ əmbɨ wə̀d mɔʼ mɔʼ ɨgwɨ ɨnû mbe nɨ wɨ̀ ghɨ̌.