2 Kɔrèn 5:1 - Meta’

¹ Tɨ̀ kyerɨ ni mbɨ mɨ sàʼ ɨŋwenɨ we nɨ tɨə chub ɨŋga ɨgwɨ ə si, əne yɨ a nyamnyod, njɨ tɨ̀ berɨ nəb ɨkaŋ nɨ à yɨə Ŋwiə̀ ziə korɨ, nɨ kaʼi bə̂d mɨ̀sɔŋɨchù korɨ. Nəb ze bɨrɨ ten i koŋ.

Ikan feg

¹ Tè kyèri gha ìta nəb te ne tì yaʼi inga igun isəg aŋa, ne ya ìta nyàmnyɔd, ti mə̀ bùʼə, Ŋwiye biri nàʼ ìti feg ina ikaŋ àbɔ̀ŋɔ ne biri tèn ane ighə̀m imɔʼ. À ya nəb ne məd kɔri kwàʼ zìye zìye.

2 Kɔrèn 5:1 ပူးပေါင်းရင်းမြစ်များ

Mk 14:58

“Tɨ̀ nyaʼa zu wɨ̀ ghà ni, 'Mə bɨrɨ saʼ mbàn Ŋwìə̀ zɔ̂ nɨ mbɨ bɔm ənɨ ɨbɔ, wɨrɨ nɨŋ ɨni tad vɨ̀ zɨ cherə nɨ chəi mbɨ bɔm ənɨ ɨbɔ.'”

Ɨ̀fàʼì 7:48

“Àyɨə chəi Ə̀chè-ɨsɨg ə chub ɨŋga nəb nɨ bə̂d bɔmɨ. Wə̀d ɨ̀kə̀n Ŋwìə̀ ə ghà ni,

1 Kɔrèn 3:9

Tɨ̀ yɨə bə̂d nɨə fàʼ ɨnɔ̂n əmbɨ ə Ŋwiə̀. Mbə yɨə mbeŋ Ŋwìə̀, bə̀ yeʼ nəb nɨ Ŋwìə̀ korɨ.

2 Kɔrèn 4:7

Àyɨə tɨ̀ berɨ mbɔ̂n zɔ̂ ɨŋga rɨkyiŋ si, ɨmbə̀ʼ zɨə zeŋ ni ɨka kyeŋ wɔ̂ yɨ wɨ Ŋwiə̀, kaʼi wa.

2 Kɔrèn 5:4

Ənɨ tɨ̀ kɨrɨ ɨŋga nyamnyod zɔ̂, tɨ̀ wɨə sɔ ɨchû əton ɨghɨ mbe nɨə nìd əwa. Chəi tɨ̀ kəb nimnɨ nyamnyod ənun. Tɨ̀ wɨə kə̀bə̀ yeʼ ni Ŋwiə̀ zɨ nyamnyod fi ɨgwɨ na, ɨmbə̀ʼ nyamnyod ze nɨ bɨrɨ ten i koŋ nɨŋ rɨmbin ze nɨə kwɨə.

Kòlosè 2:11

Ɨchî nɨ mbə̀ yeʼ ənɨ ɨfɔtɨ mbɨ məd, əne mbɨ nyaʼa fə bə̀ ne əwən. Kaʼi bə̂d mɨ̀sɔŋɨchù nyaʼa ne əwən ənɨ mbə ɨbɔ. À yɨə Kristo ziə nyaʼa ne əwən ɨchî nɨ wɨ̀ chɨ əwən rɨ əton ɨka we ɨnû rɨbɔ̀ŋ nyaʼa berɨ ɨgwɨ nən.

2 Timotì 1:12

À yɨ əton nɨ mɨə zəə ŋgəʼ ɨchî nɨ mɨə zəə. Àyɨə chəi mɨ ətu ə nìd ɨmbə̀ʼ ɨghəm nɨ mə kyerɨ wə̀d we nɨ mə nuŋ mɨ fîŋ ɨgwɨ məd. Mə bə̀ kàŋ kyerɨ ni ɨ we tɨ̀ wɨ̀ nəŋgɨ ənû ze nɨ wɨ̀ zɨ ɨŋga tum rɨkyerɨ-ɨbɔ pè əni ze nɨ Ŋwiə̀ bɨrɨ saʼ ɨsɨg.

Mə̀Hibrù 11:10

Abràham nyaʼa ghɨ̀ əne ɨmbə̀ʼ ɨghəm nɨ ɨ wɨə nyaʼə nèŋ ɨmbì ɨmbə̀ʼ chub ɨŋga əsɨ nɨ əchɨ ə nəb ə nyaʼa sɨ əŋgu, nɨ wə̀d we nɨ nyaʼa ŋwaʼ əsɨ ze bə̀ bɔm yɨə Ŋwiə̀.

Mə̀Hibrù 9:11

Kristo nyaʼa yeʼe ɨghabɨ ətu ɨgwɨ ə bə̂d mbàn Ŋwìə̀ ənɨ ɨghɨ chɔ̀m mbe nɨ fə sɨ əgha. Ɨŋwenɨ we nɨ məd ə fàʼ ɨŋga ə bɔ̀ŋ màànɨ̀. À yɨə bə̀ ɨŋwenɨ nɨ chè mɨŋwenɨ jìm. Kaʼi bə̂d nyaʼa kod ɨŋwenɨ we, əne yɨ ni, kaʼ ɨŋwenɨ we yɨ i əba rɨ ənɨ ɨsɨg wɔ̂.

Mə̀Hibrù 9:24

Chəi Kristo nyaʼa nyɨ ɨŋga əsɨ ɨwumnɨ ze nɨ mbɨ tekɨ ənɨ ɨbɔ, nɨ yeʼ əmɨg ənɨ əzɨ rəsìʼ. Wɨ̀ nyaʼa nyɨ ɨkaŋ, ɨmbə̀ʼ chub ɨfě Ŋwiə̀ ɨmbə̀ʼ əwa.

1 Pità 1:4

Zɨə fə bə̀ ghɨ̀ ni mbə̀ jɨg ɨghɨ mbe nɨ wɨ̀ nuŋ ɨkaŋ əmbɨ mbi bə̂d. Wɨ̀ fə nùŋ ɨghɨ mbe ɨkaŋ əsɨ nɨ chəi mbɨ bɨrɨ nɔ bɔb, chəi mbɨ bɨrɨ nɔ bə, chəi mbɨ bɨrɨ nɔ chɔʼrɨ.

2 Pità 3:11

Ɨchî nɨ Ŋwìə̀ bɨrɨ nimnɨ ɨghɨ mbɔ̂ jìm ɨchî wɔ̂, mbə̀ kɨə wo yeʼ ɨkwɨ bə̂d mbi ə? Mbə berɨ chub ɨzeŋɨ zeŋɨ bə̀ sweŋ ə ɨnyod əmbɨ ə Ŋwiə̀

1 Jɔn 3:14

Tɨ̀ ə kyerɨ ni tɨ̀ wɨə nyaʼa ɨghabɨ ɨvɨ bə̂d, àyɨə tɨ̀nîn, tɨ̀ fə jɨg ɨ̀tènɨ̀, ɨmbə̀ʼ ɨghəm nɨ tɨ̀ ghaʼ mba bɔŋgɔb. Wə̀d we nɨ chəi wɨ̀ ghaʼ wi aŋgɔb wɨə kɨrɨ i ɨghabɨ əvɨ ə wə̀d.

1 Jɔn 3:19

Əne yɨ ɨchî nɨ tɨ̀ bɨrɨ kyerɨ ni tɨ̀ yɨə bə̂d nɨə ghà rəsìʼ. Əze ə bɨrɨ ghɨ ni ta fîŋ bɔtɨ ɨfě Ŋwiə̀

1 Jɔn 3:2

Mbɨ bɔŋgɔb nɨ mə̀ ghaʼi kwàʼ rɨŋgəʼ, tɨ̀ yɨə bɔn Ŋwiə̀ tɨ̀nîn. Chəi zɨə kɨrɨ zeŋ ni tɨ̀ kɨə wò yeʼ rɨ ye ənɨ ə Kristo wɨrɨ yeʼe. Ənû nɨ tɨ̀ kyerɨ yɨ ni tɨ̀ bɨrɨ yeʼ ɨghabɨ əməd, ɨmbə̀ʼ ɨghəm nɨ tɨ̀ bɨrɨ zə əməd ɨchî nɨ wɨ̀ yeʼ ə.