2 Kɔrèn 4:6 - Meta’

⁶ Ŋwiə̀ we nɨ nyaʼa gha ni, “Ɨzeŋɨ zeŋɨ te ɨŋga ɨsɨ firɨ,” fə te ɨŋga ta fîŋ ɨmbə̀ʼ naʼ ɨzeŋɨ zeŋɨ ɨ na, ɨmbə̀ʼ tɨ̀ kyerɨ ɨzeŋɨ zeŋɨ Ŋwiə̀ we nɨə te ənɨ ɨfě Kristo.

Ikan feg

⁶ Ŋwiye ne ya gha, “Ìzḛzḛ zuʼ, afub kye!” Wè ghì ìzḛzḛ we yaʼ ina inga fìŋ. Wì ghì ane ni gha tì kyeri ìzḛzḛ njandi njandi Ŋwiye we ne zùʼə igun ìfe abə Kristo.

2 Kɔrèn 4:6 ပူးပေါင်းရင်းမြစ်များ

Lk 10:22

“Mɨ Mbǎʼ fə naʼ ɨghɨjìm ɨ num. Chəi wə̀d mɔʼɔ əŋgu nɨ jeŋgɨ kyerɨ Wan chè rɨ ənɨ Mbǎʼ. Chəi bəi wə̀d mɔʼɔ əŋgu nɨ bə jeŋgɨ kyerɨ Mbǎʼ chè rɨ ənɨ ə Wan fɔrɨ wə̀d we nɨ Wan də̀b nɨ chwi əməd ɨ bɔ.”

Jn 1:14

Ɨŋgam we nyaʼa bèŋ ənɨ ə wə̀d mɨ̀sɔŋɨchù, chub əkaʼ na. Tɨ̀ nyaʼa zə ɨwumnɨ məd nɨ yeʼ ɨwumnɨ we nɨ wɨ̀ nyaʼa berɨ ɨchî nɨ wɨ̀ mei Wan we mɔʼ nɨ Mbǎʼ berɨ. Ɨ̀chɔ̀m mbɨ rəsìʼ nyaʼa swi ɨŋga məd.

Jn 11:40

Yeso nyaʼa ghà ɨ bɔ ni, “Ɨmbə̀ʼ mə kə̀ʼ gha ɨ ne ni à mɨ benɨ, à bɨrɨ zə ɨka Ŋwiə̀ ə?”

Jn 12:41

Aizayà nyaʼa ghà ənû zɔ̂ ɨmbə̀ʼ ɨghəm nɨ wɨ̀ nyaʼa fə zə ɨchî nɨ bə̂d bɨrɨ wumnɨ ə Yeso, əne wɨ̀ nyaʼa ghà ɨmbə̀ʼ əməd.

Ɨ̀fàʼì 26:18

ni à fiʼ əghə mɨ̀mə̌d ɨmbə̀ʼ mbɨ jwɨ rɨŋga ɨsɨ firɨ wò ɨŋga ɨzeŋɨ zeŋɨ, bə̀ jwɨ̀ rɨ əsɨ ze nɨ Satàn ə tùmbɨ̀ə̀ wo əsɨ ə Ŋwiə̀. Mbɨ mɨ ghɨ̀ əne, Ŋwìə̀ bɨrɨ waʼ ɨnû rɨbɔ̀ŋ mɨ̀mə̌d bə̀ nùŋ mɨ̀mə̌d əkaʼ bə̂d mbe nɨ wɨ̀ fə zeŋnɨ ɨmbə̀ʼ ɨchî nɨ mbɨ nuŋ tə fîŋ ɨgwɨ num.'

1 Kɔrèn 12:8

Ŋwìə̀ wɨə nàʼ Əzwî ze nɨə ghɨ̀ ni bə̂d gha ɨŋgam ɨwe əmbɨ wə̀d mɔʼ. Ɨ wɨə bə̀ chè àmei ənjìm Əzwî ze ghɨ̀ ni wɨ cherə gha ɨŋgam nɨ chwiə ni wɨ̀ kyerɨ ənû.

2 Kɔrèn 2:10

Mbə mɨ fə waʼ ɨnû rɨbɔ̀ŋ wə̀d mɔʼɔ, mə fə bə̀ waʼ. Mə mɨ fə waʼ, njɨ ənû ze nɨ mə̀ fə waʼa, mə fə waʼ ɨfě Kristo ɨmbə̀ʼ əwən.

2 Kɔrèn 3:18

Mba mɨjìm mbe nɨ chəi ngywɨ̌ kən ta rɨfě, nɨ tɨə zə ɨzeŋɨ zeŋɨ Ə̀nùŋɨ̀sɨg ɨchî nɨ wɨə mèŋnɨ̀ ɨghabɨ ni à yɨ ɨŋga əneŋ ɨfě, fə bèŋ ɨghabɨ əməd ɨchî nɨ tɨə teə wò ɨmbì ɨmbì. Ɨzeŋɨ zeŋɨ we yɨ rɨ əmbɨ Ə̀nùŋɨ̀sɨg we nɨ yeʼ Əzwî.

2 Kɔrèn 4:4

Mbə̀ zə ni ŋwìə̀ we rɨŋga ɨsɨg wɔ̂ fə kən fîŋ bə̂d mbe nɨ chəi mbɨ ben ə Kristo, ɨmbə̀ʼ tɨ mbɨ zə ə ɨzeŋɨ zeŋɨ rɨ ənɨ ɨkə̂n chɔ̀m ɨmbə̀ʼ Kristo. Kristo wɨ ɨghabɨ ə Ŋwiə̀.

Efesùs 1:17

Mə wɨə kɔ̀ŋgɨ̀ ə Ŋwiə̀ nɨ yeʼ Mbǎʼ a Ə̀nùŋɨ̀sɨg Yeso Kristo, nɨ yeʼ Mbǎʼ nɨ ɨwumnɨ jìm yeʼ wɨ məd, ni wɨ̀ naʼ e Əzwî ɨ nən ɨmbə̀ʼ mbə̀ berɨ ɨwe. Mə wɨə bə̀ kɔ̀ŋgɨ̀ə̀ ni wɨ̀ chwi wi rəsìʼ ɨ nən ɨmbə̀ʼ mbə̀ jeŋgɨ kyerɨ əməd.

Efesùs 1:18

Mə wɨə kɔ̀ŋgɨ̀ ə Ŋwiə̀ ni wɨ̀ fiʼ tə fîŋ mbə̀ zə ɨzeŋɨ zeŋɨ ɨmbə̀ʼ mbə̀ kyerɨ ənû mbe nɨ mbɨə nùŋ rɨkɔndɨ wòmə̀, nɨ yeʼ ɨnû mbe nɨ Ŋwìə̀ tɔŋ əwən ɨmbə̀ʼ mbɨwən. Ɨnû mbe yɨ ɨ̀chɔ̀m rɨ mì we nɨ Ŋwìə̀ kaʼ əmbɨ mbi bə̂d.

Efesùs 5:8

À nyaʼa ənɨ ə nyùmə̀ mɔʼɔ, mbə mbɨə nyaʼa ɨŋga ɨsɨ firɨ, àyɨə tɨ̀nîn nɨ mbə̀ sɨ bə̂d Ə̀nùŋɨ̀sɨg, mbə mbɨ ɨŋga ɨzeŋɨ zeŋɨ. Əne mbə̀ chub ɨghabɨ ə bə̂d nɨ yeʼ ɨŋga ɨzeŋɨ zeŋɨ,

Fìlipì 2:6

Wɨ̀ nyaʼa berɨ mɨchî Ŋwiə̀, àyɨə chəi wɨ̀ nyaʼa kəb chwi ni tə wɨ əndəŋ əndəŋ mbɨ ə Ŋwiə̀.

Kòlosè 1:15

Kristo we nɨ mbɨə zəə yɨ ɨghabɨ ə Ŋwiə̀ we nɨ chəi bə̂d ə zəə. Məd yɨə wan-fə̀d ɨgwɨ ɨghɨjìm mbe nɨ Ŋwìə̀ tekɨ.

1 Tèsàlonikà 2:12

Tɨ̀ wɨə nyaʼə tìmbɨ̀ əwən, nəərɨə əwən bə̀ ghà ɨ nən ni mbə̀ chub ɨchî nɨ bɨrɨ ghɨ ni fîŋ Ŋwìə̀ bɔŋə. À yɨə məd tɔŋ əwən ni mbə̀ yeʼe nyɨ ɨŋga ənû ɨfɔ̀n əməd fɔrɨ ɨŋga ɨwumnɨ məd.

Mə̀Hibrù 1:3

Wan we wɨə chwi ɨchî nɨ ɨzeŋɨ zeŋɨ Ŋwìə̀ ə teə. Ɨnû jìm ɨmbə̀ʼ əməd mbɨə chwi ɨchî nɨ Ŋwìə̀ ziə yeʼ ə. Ɨ wɨə ghɨ̀ə̀ ni ɨsɨg chub ɨchî nɨ wɨ yeʼ ə. Ɨ wɨə ghɨ̀ əne ənjìm ɨka we nɨ yeʼ ənɨ ɨŋgam məd. Ənɨ wɨ̀ nyaʼa fə ghɨ̌ Ŋwiə̀ waʼ ɨnû rɨbɔ̀ŋ bə̂d, wɨ̀ nyaʼa chub əbà əbɔ ə jɨg ə Məd we nɨ berɨ ɨka jìm.

Mə̀Hibrù 6:4

Zɨə kàŋ seə nɨ wɨrɨ ghɨ ni bə̂d bèŋ tə fîŋ bə̀ndɨ̀ wò əmbɨ ə Ŋwiə̀ əwù ze nɨ mbɨ kweʼ zə ɨzeŋɨ zeŋɨ Ŋwiə̀, kweʼ zweʼrɨ ɨghɨ rɨkaŋ mbe nɨ wɨ̀ neʼ əwa əŋgu, Əzwî ə Zeŋɨ ə nyɨ ɨŋga mɨ̀mə̌d,

1 Pità 1:12

Ŋwìə̀ nyaʼa chwi əmbɨ mɨ̀mə̌d ni chəi mbɨ nyaʼə faʼə yeʼ ɨmbə̀ʼ ə ɨghəm. Ɨ mbɨə nyaʼə faʼə yeʼ ɨmbə̀ʼ weerɨ əwən. Ɨ mbɨə nyaʼə ghà ɨnû mbe nɨ mbə̀ nyaʼa fə zu rɨ əmbɨ ə bə̂d mbe nɨ nyaʼa chè ənjìm Əzwî ə Zeŋɨ ze nɨ Ŋwìə̀ cha rɨkaŋ gha ɨkə̂n chɔ̀m. Mbɨ̀aŋgɨrə̀ mbɨə nyaʼə bə̀ kə̀b kyerɨ ənû rəŋgu.

1 Pità 2:9

À yeʼ ɨmbə̀ʼ əwən, mbə̀ yɨ ɨnəbɨ nɨ Ŋwiə̀ nyaʼa chɔʼɔ. Mbə yɨə bə̂d mbàn Ŋwìə̀ nɨə fàʼ əmbɨ ɨfɔ̀n kyeŋ. Mbə yɨ əbeŋ nɨ zeŋɨ. Mbə yɨə bə̂d Ŋwiə̀ ɨmbə̀ʼ gha ɨnû yiirɨ mbe nɨ wɨ̀ fə ghɨ̌. À yɨə məd nyaʼa tɔŋ əwən rɨŋga ɨsɨ firɨ əne zɨ̀ ɨŋga əsɨ ə zeŋɨ ze nɨ wɨ̀ naʼ əmbɨ ə bə̂d.

2 Pità 1:19

Əne tɨ̀ fə kyerɨ ni ɨŋgam we nɨ bə̂d ɨ̀kə̀n nyaʼa ghǎ ɨmbə̀ʼ əməd yɨə kàŋ ɨŋgam rəsìʼ. Mbə̀ jeŋgɨ zɨ̀ ətu ənɨ ɨŋgam wɔ̂, ɨmbə̀ʼ ɨghəm nɨ ɨ wɨ ɨghabɨ ənam nɨə te ɨŋga ɨsɨ firɨ. Mbə̀ ghɨ ɨnû mbe nɨ ɨŋgam wɔ̂ gha ɨ nən ɨmbə̀ʼ ɨtuʼ mɨ chɨg i chɨgɨ, Kristo te ɨŋga tə fîŋ ɨchî nɨ təbid ə te ənjɨtuʼ.