2 Kɔrèn 4:14 - Meta’

¹⁴ Tɨ̀ kyerɨ ni Ŋwìə̀ we nɨ nyaʼa zwemnɨ Ə̀nùŋɨ̀sɨg Yeso bɨrɨ bɨ zwemnɨ əwa mbɨ Yeso. Wɨ̀ bɨrɨ nɨŋ əwa mbɨ nən wò ɨfě məd.

Ikan feg

¹⁴ Tè kyèri gha icheg ne tì yaʼi ane anug amɔʼ tì Anɔŋisəg Yeso, Ŋwiye biri bə zwemni awa iwu icheg ne wì ya zwemni aməd. Wì biri ghì ane, si niŋ awa tì ìnen tì fɔrɔ təm ibo imbìghè.

2 Kɔrèn 4:14 ပူးပေါင်းရင်းမြစ်များ

Lk 21:36

Mbə̀ chub ɨkyèʼe ənɨ mɨ̀nyùmə̀ jìm, kɔŋgɨ ə Ŋwiə̀ ni mbə̀ berɨ ɨka nɨ nod ɨnû jìm mbe nɨ bɨrɨ ghɨ̀. Mbə̀ bə̀ kɔŋgɨ ni mbə mbe tɨ̀ mbə təm ɨfě Wan Wə̀d.”

Ɨ̀fàʼì 2:24

Àyɨə Ŋwìə̀ nyaʼa zwemnɨ əməd ɨchî nɨ wɨ̀ nyaʼa ghɨ ni tɨ ɨvɨ berɨ i ɨka ɨgwɨ məd, ɨmbə̀ʼ ɨghəm nɨ chəi ɨvɨ nyaʼa berɨ ɨka nɨ yim əməd.

Ɨ̀fàʼì 2:32

Ŋwìə̀ nyaʼa zwemnɨ ə Yeso wɔ̂. Mba mɨjìm yɨ mɨ̀zərɨmbin ənɨ ənû rəŋgu.

Rm 8:11

À mɨ yeʼ nɨ Əzwî ə wə̀d we nɨ nyaʼa zwemnɨ ə Yeso ə yeʼ ɨŋga nən, njɨ məd we nɨ nyaʼa zwemnɨ ə Kristo bɨrɨ bɨ naʼ ɨ̀tènɨ̀ əmbɨ tə nyamnyod te nɨə kwɨə. Wɨ̀ bɨrɨ ghɨ əne ənjìm Əzwî əməd ze nɨ yeʼ ɨŋga nən.

1 Kɔrèn 6:14

Ŋwìə̀ we nɨ nyaʼa zwemnɨ Ə̀nùŋɨ̀sɨg bɨrɨ bɨ zwemnɨ əwa ənɨ i ɨka.

2 Kɔrèn 11:2

Mə wɨə ghɨ̀ ə̀dìì ɨgwɨ nən ɨchî nɨ Ŋwìə̀ ziə ə bə̀ ghɨ̀ə̀. Mbə yɨ əyi rɨ kyerɨ mbaŋə̀ nɨ mə nyaʼa nyɨ əmbɨ ɨnom mɔʼ, əne yɨə Kristo.

Efesùs 5:27

Wɨ̀ nyaʼa ghɨ əne ɨmbə̀ʼ nuŋ ɨfetɨ we ənɨ i ɨfě, nɨ wɨ̀ fə yèʼɨ wɨ bɔŋ, nɨ chəi rɨfiŋ ɨgun, nɨ chəi ɨfě nyɔpɨ, nɨ chəi ənɔʼɔ kɨ̀ əghɨ ə mɔʼɔ ɨghabɨ əze ɨgun, ɨmbə̀ʼ ɨfetɨ we chub ɨzeŋɨ zeŋɨ nɨ chəi əghəm ɨgun.

Kòlosè 1:22

Àyɨə rɨ̀nîn wɨ̀ fə màànɨ̀ tàŋ mbɨ nən ɨchî nɨ Kristo nyaʼa kwɨ əzed ə baʼnɨ. Kristo nyaʼa kwɨ ɨmbə̀ʼ nɨŋ əwən nɨ mbə̀ fə zeŋ, nɨ chəi ənû rɨbɔ̀ŋ ə mɔʼɔ kɨ̀ ɨsaʼi mɔʼɔ ɨgwɨ nən wò ɨfě Ŋwiə̀.

Kòlosè 1:28

Tɨ̀ wɨə ghà ənû ɨmbə̀ʼ ə Kristo əmbɨ ə wə̀d jìm. Tɨ̀ wɨə nɨŋ ɨwe we nɨ Ŋwìə̀ naʼ ɨ na patɨə mɨ̀mə̌d bə̀ chwi ɨnû əmbɨ wə̀d jìm, ɨmbə̀ʼ tɨ nɨŋ wə̀d jìm we nɨ fə kwi kàànɨ ɨchî nɨ wɨ̀ yeʼ ənɨ ɨfɔtɨ mbɨ Kristo wò ɨfě Ŋwiə̀.

1 Tèsàlonikà 4:14

Tɨ̀ ben ni Yeso nyaʼa kwɨ wɨrɨ zwemə. Tɨ̀ bə̀ ben ni Ŋwìə̀ bɨrɨ wɨrɨ nɨŋ bə̂d mbe nɨ nyaʼa ben Yeso bɔŋ kwɨ ni mbɨ chub mbɨ Yeso.

Jems 5:15

Ə̀kɔ̀ŋgɨ̀ ə wə̀d we nɨ ben ə Ŋwiə̀ bɨrɨ ghɨ ni wə̀d əwɔn we bɔtɨ. Ə̀nùŋɨ̀sɨg bɨrɨ ghɨ ni ɨnyod məd wɨrɨ kàànɨ̀. À mɨ yeʼ nɨ wɨ̀ ghɨ̌ ɨnû rɨbɔ̀ŋ mɔʼɔ, Ŋwìə̀ bɨrɨ waʼ ɨnû rɨbɔ̀ŋ mbe.

Jûd 1:24

Tɨ̀ yiirɨ ə Ŋwìə̀ we nɨ tɨ̀ wɨ̀ nùŋ əwən ni tɨ mbə̀ gu ə. Ɨ we tɨ̀ wɨ̀ ghɨ̀ ni mbə̀ zeŋ màànɨ̀ ɨfě məd bə̀ ghɨ̀ ni mbə̀ sɨə ghaʼrɨə.