2 Kɔrèn 3:7 - Meta’

⁷ Tɨkə te nɨ mbɨ nyaʼa chəb ɨgun əbapɨ əti tɨə nyaʼə yeʼe mbɨ ɨvɨ. Tɨ nyaʼa kɔ mbɨ ɨzeŋɨ zeŋɨ ghɨ̀ ni tɨ mɨ̀Izre neŋ ə ɨfě Mose ɨchî nɨ wɨ nyaʼə teə. Ɨzeŋɨ zeŋɨ we wɨə nyaʼə sɨ̀grə̀ nimə.

Ikan feg

⁷ Mə̀nɔ̀ʼɔ̀ Muse ya mbi ya ŋwàʼi igun iba igho. Anyumə̀ ne Ŋwiye ya nàʼi Mə̀nɔ̀ʼɔ̀ mbe, ìzḛzḛ njandi njandi məd ya yaʼ igun, ka Mə̀nɔ̀ʼɔ̀ mbe yaya zwète bəd. Ìzḛzḛ we yaya zùʼə kà igun ìfe abə Muse ne chəyi tì mə̀Izre ya nèn Muse kwàʼ igun ìfe tàndì. Ìzḛzḛ we yaya nìmne mèghè ghò.

2 Kɔrèn 3:7 ပူးပေါင်းရင်းမြစ်များ

Ɨ̀fàʼì 6:15

Bə̂d mɨ̀jìm mbe nɨ nyaʼa chub ɨŋga ɨ̀chàm we nyaʼa toŋ əghə ɨgwɨ məd zə ni ɨfě məd wɨə nyaʼa ɨghabɨ wɨ aŋgɨrə̀.

Rm 10:4

Tɨkə rɨ Mose fə nwì ənɨ ə Kristo, ɨmbə̀ʼ wə̀d jìm we nɨ nuŋ fîŋ ɨgun ə Kristo təm kùʼnɨ̀.

Rm 4:15

ɨmbə̀ʼ ɨghəm nɨ tɨkə tɨə ghɨ̀ ni Ŋwìə̀ sə ɨtəm. Mbə̀ kyerɨ ə ni əsɨ ze nɨ chəi rɨkə əŋgu, chə bə̀ i ɨgu-ənû əŋgu.

Rm 5:20

Tɨkə nyaʼa yeʼe ɨ ghɨ ni ɨnû rɨbɔ̀ŋ nɔʼ. Àyɨə əsɨ ze nɨ ɨnû rɨbɔ̀ŋ nɔʼɔ, ɨ̀chɔ̀m Ŋwiə̀ bɨrɨ nɔʼ chè,

Rm 7:10

əne mə nyaʼa kwɨ. Ɨkə we nɨ nyaʼa kaʼ ɨ̀tènɨ̀, nyaʼa chwi ɨ num ni tə yɨ ɨvɨ,

Rm 7:22

Mə kàŋ ghaʼ tɨkə rɨ Ŋwiə̀ ənɨ mɨ fîŋ jìm,

Rm 7:5

Ənɨ tɨ̀ nyaʼə ghɨ̀ ɨnû rɨbɔ̀ŋ, tɨfeenɨ ɨnû rɨbɔ̀ŋ te nɨ nyaʼa ɨŋga na, nɨ tɨkə nyaʼə nɔ̀ɔ̀rɨ̀ə̀, tɨə nyaʼə fàʼ ɨŋga ta nyamnyod ɨ ghɨ ni tɨ̀ kwɨ.

1 Kɔrèn 13:10

Ənɨ əghɨ ze nɨ bɔŋ màànɨ̀ ə yeʼe, əze nɨ yeʼ àmei əkwirɨ əkwirɨ ə bɨrɨ nim.

2 Kɔrèn 3:3

Mbə mbɨə chwiə ni mbə yɨ ə̀ŋwàʼnɨ̀ ze nɨ Kristo nyaʼa ŋwàʼnɨ̀, əne tom əwa mbɨ əzɨ əwən. Chəi wɨ̀ nyaʼa ŋwaʼnɨ ənɨ fɨmbən ə̀ŋwàʼnɨ̀. Wɨ̀ nyaʼa ŋwàʼnɨ̀ yeʼ ənɨ Əzwî ə Ŋwiə̀ we nɨ yeʼ ɨkǎ. Chəi wɨ̀ nyaʼa ŋwaʼnɨ ɨgun əbapɨ əti. Wɨ̀ nyaʼa ŋwàʼnɨ̀ yeʼ ɨŋga fîŋ rɨ bə̂d.

2 Kɔrèn 3:6

Wɨ̀ fə ghɨ̀ ni tɨ̀ kuʼ nɨ fàʼ əton fɨso fi. Ka fɨso fi fe yɨ i əghɨ nɨ mbɨ ŋwaʼnɨ. Fɨso fe yɨ rɨ əmbɨ ə Əzwî. Tɨkə te nɨ mbɨ ŋwaʼnɨ tɨə yeʼe mbɨ ɨvɨ, àyɨə Əzwî ə zɨə nàʼ ɨ̀tènɨ̀.

2 Kɔrèn 3:8

Ɨzeŋɨ zeŋɨ we mɨ nyaʼə te əne, njɨ ka ə̀fàʼì ze nɨ Əzwî ə Zeŋɨ ə nàʼə̀ wa bɨrɨ yeʼe i mbɨ ɨzeŋɨ zeŋɨ nɨə te chè əbɔ ə?

Gàlesìyà 3:10

Ndɔ̀n zɨ ɨgun ə bə̂d mɨ̀jìm mbe nɨ zɨ ətu àmei nɨ ghɨ ɨnû mbe nɨ yeʼ ɨŋga rɨ̀kə̌. Ə zɨ ɨŋga Ə̀ŋwàʼnɨ̀ ə Ŋwiə̀ ni, “Ndɔ̀n zɨ ɨgun ə wə̀d jìm we nɨ chəi wɨə nùŋ ɨnû jìm mbe nɨ yeʼ ɨŋga Ə̀ŋwàʼnɨ̀ rɨkə fɔrɨ ɨgwɨ we nɨ chəi wɨə bə̀ ghɨ̀ə̀.”

Gàlesìyà 3:21

Tɨkə ə wa ton ɨnû mbe nɨ Ŋwìə̀ kàʼ ə? Chə̂! Ɨkə mɔʼɔ mɨ kə̀ʼ yeʼ əŋgu nɨ tɨ̀ wɨ nàʼ ɨ̀tènɨ̀, njɨ ənû nɨ təm kùʼnɨ̀ ɨfě Ŋwiə̀ berɨ yeʼe ənjìm ɨchî nɨ bə̂d ə nùŋə̀ rɨkə.

Mə̀Hibrù 12:18

Chəi mbə̀ kɨrɨ pe, ɨchî nɨ mɨ̀Izre nyaʼa pe, ənɨ ɨwum nɨ tɨ bə̂d bètɨ̀, nɨ yeʼ ɨwum we nɨ ɨwid ə berə ɨgun. Chəi mbə̀ kɨrɨ pe ɨŋga ɨsɨ firɨ. Chəi mbə̀ kɨrɨ pe ɨŋga ɨsɨ mbe nɨə finə kììm. Chəi əfim ə ka ka ə kɨrɨ kumnɨ əwən.

Mə̀Hibrù 3:3

Ɨ mbɨə nàʼ ɨwumnɨ əmbɨ Yeso chè ɨchî nɨ mbɨə nàʼ əmbɨ Mose, àmei ɨchî nɨ mbɨə bə nàʼ ɨwumnɨ əmbɨ wə̀d we nɨ bɔm nəb chè ɨchî nɨ mbɨə nàʼ əmbɨ ə nəb ze nɨ wɨ̀ bɔmɨ.

Mə̀Hibrù 9:4

Ɨkwi ɨjə̀ŋ ə̀fààrɨ̀ nɨ mbɨ nyaʼə tɔn ə ɨneŋ ɨgun wɨə nyaʼa ɨŋga ətu ə nəb ze. Mbɨ nyaʼa tekɨ ɨkwi ɨjə̀ŋ we ənɨ gôl. Tɨkub ə fɨso nɨ mbɨ nyaʼa zɔʼ ɨba jìm ənɨ ə gôl zɨə nyaʼa bə ɨŋga ətu ə nəb ze. Fɨkyiŋ nɨ mbɨ nyaʼa tekɨ ənɨ ə gôl zɨ ə manà ɨŋga mbɨ mbàŋ Eròn nɨ nyaʼə chə̀ʼə̀ fə nyaʼa bə ɨŋga ətu ə nəb ze. Ɨbapɨ əti mbe ɨbe nɨ mbɨ nyaʼa ŋwaʼnɨ tɨkə ɨgun nyaʼa bə ɨŋga ətu ə nəb ze.