2 Kɔrèn 3:17 - Meta’

¹⁷ Tɨ̀nîn Ə̀nùŋɨ̀sɨg yɨ Əzwî ze, əne əsɨ ze nɨ Əzwî Ə̀nùŋɨ̀sɨg ə yeʼ əŋgu, bə̂d mbɨ ənɨ ə ɨghəm.

Ikan feg

¹⁷ Amad anìŋ, Anɔŋisəg ya Azwighi Ŋwiye ze. Asiŋi ne Azwighi Anɔŋisəg yaʼi angu, wə̀d ya pùmə.

2 Kɔrèn 3:17 ပူးပေါင်းရင်းမြစ်များ

Jn 6:63

À yɨ Əzwî ə Ŋwiə̀ ə nàʼ ɨ̀tènɨ̀. Chəi ənɨ tɨ wə̀d mɨ̀sɔŋɨchù nàʼ ɨ̀tènɨ̀. Mɨŋgam mbe nɨ mə̀ fə gha ɨ nən yɨ rɨ əmbɨ Əzwî ə Ŋwìə̀. Ɨ mbɨə bə̀ nàʼ ɨ̀tènɨ̀.

Jn 8:32

Mbə bɨrɨ kyerɨ rəsìʼ, əne rəsìʼ we bɨrɨ ghɨ ni mbə̀ yeʼ ənɨ ə ɨghəm.”

Rm 8:2

ɨmbə̀ʼ ɨghəm nɨ ɨkə Əzwî we nɨə ghɨ̀ ni bə̂d jɨg ɨ̀tènɨ̀ ɨchî nɨ mbɨ yeʼ ənɨ ɨfɔtɨ mbɨ Kristo Yeso fə chɨ̀ əmɨ rɨŋga tɨkə te nɨə ghɨ̀ wə̀d ghɨ̀ ɨnû rɨbɔ̀ŋ əne kwɨ.

1 Kɔrèn 15:45

Ə zɨ ɨŋga Ə̀ŋwàʼnɨ̀ ə Ŋwiə̀ ni, “Ɨ̀tènɨ̀ wɨə nyaʼa ɨŋga Adàm nɨ nyaʼə wə̀d rɨtu.” Adàm we nɨ sɨ nwìə̀ yɨ Əzwî nɨə nàʼ ɨ̀tènɨ̀.

2 Kɔrèn 3:18

Mba mɨjìm mbe nɨ chəi ngywɨ̌ kən ta rɨfě, nɨ tɨə zə ɨzeŋɨ zeŋɨ Ə̀nùŋɨ̀sɨg ɨchî nɨ wɨə mèŋnɨ̀ ɨghabɨ ni à yɨ ɨŋga əneŋ ɨfě, fə bèŋ ɨghabɨ əməd ɨchî nɨ tɨə teə wò ɨmbì ɨmbì. Ɨzeŋɨ zeŋɨ we yɨ rɨ əmbɨ Ə̀nùŋɨ̀sɨg we nɨ yeʼ Əzwî.

2 Kɔrèn 3:6

Wɨ̀ fə ghɨ̀ ni tɨ̀ kuʼ nɨ fàʼ əton fɨso fi. Ka fɨso fi fe yɨ i əghɨ nɨ mbɨ ŋwaʼnɨ. Fɨso fe yɨ rɨ əmbɨ ə Əzwî. Tɨkə te nɨ mbɨ ŋwaʼnɨ tɨə yeʼe mbɨ ɨvɨ, àyɨə Əzwî ə zɨə nàʼ ɨ̀tènɨ̀.

Gàlesìyà 4:6

Ɨchî nɨ mbə̀ yeʼ bɔn, Ŋwìə̀ fə chà Əzwî ə Wan məd ɨŋga ta fîŋ. Əzwî ze ə zɨə kyeŋə ghàə̀ ni, “Mbǎʼ, mɨ Mbǎʼ!”

Gàlesìyà 5:1

Kristo fə chɨ̀ əwa rɨ əton ə̀bòʼò, ɨmbə̀ʼ tɨ rɨ̀ wɨrɨ chub a əton ə̀bòʼò. Mbə̀ təm kàànɨ̀, ɨmbə̀ʼ tɨ wə̀d mɔʼɔ ghɨ̀ i ni mbə̀ wɨrɨ ben ə̀bòʼò əmbɨ rɨkə.

Gàlesìyà 5:13

Mbɨ bɔŋgɔb, Ŋwìə̀ nyaʼa tɔŋ əwən ni mbə̀ yeʼ mbi bə̂d, ɨmbə̀ʼ tɨ mbə̀ wɨrɨ ben ə ɨ̀bòʼò əmbɨ rɨkə. Tɨ ənû zɔ̂ ni chəi mbə̀ wɨrɨ ben ɨ̀bòʼò ə chwi ni mbə̀ ghɨ ɨnû mbe nɨ tə nyamnyod ə feenɨə. Mə kə̀b yeʼ ni ɨghaʼi ghɨ ni mbə̀ faʼ əmbɨ mbə bɔŋgɔb,

2 Timotì 1:7

Chəi Əzwî ze nɨ Ŋwìə̀ naʼ ɨ na ə ghɨ̀ ni tɨ̀ beŋ ənɨ ɨkwèd. Ə zɨə ghɨ̀ yeʼ ni tɨ̀ berɨ ɨka, ghaʼ bə̂d bə̀ yimbɨ ɨnyod.