2 Kɔrèn 3:1 - Meta’

¹ Tɨ̀ wa bɨrɨ wɨrɨ kɔ gha ɨmbə̀ʼ a ɨnyod mbǎ mbǎ ni tɨ̀ yɨə bə̂d ə̀fàʼì chɔ̀m ə? Kɨ̀ mbə wa kə̀b, ɨchî nɨ bə̂d mɔʼɔ ə ghɨ̀ə̀, ni tɨ̀ ŋwaʼnɨ ə̀ŋwàʼnɨ̀ ɨ nən, kɨ̀ ni mbə̀ ŋwaʼnɨ ə̀ŋwàʼnɨ̀ ɨmbə̀ʼ əwa, ɨmbə̀ʼ bə̂d ben ni tɨ̀ wɨə fàʼ ɨchî chɔ̀m ə?

Ikan feg

¹ Tì wa biri ko se chɔ̀tɔ̀ awa mba mba gha mba ya bəd àfàʼì chɔm? Kə̀ mbə̰ wa kə̀b gha mbe cha àŋwàʼrì inən ni chwi gha mba ya bəd àfàʼì chɔm, icheg ne bəd mɔ̀ʼɔ mbe ghìyə̀? Kə̀ mbə̰ kə kə̀bə̀ ni nàʼ àŋwàʼrì ina ni chwi gha mba ya bəd àfàʼì Ŋwiye ne fàʼà icheg chɔm?

2 Kɔrèn 3:1 ပူးပေါင်းရင်းမြစ်များ

Ɨ̀fàʼì 18:27

Ənɨ wɨ̀ nyaʼə kə̀b baanɨ wo ə Àkàiyà, bə̂d Kristo mbe rɨ ə Efesùs nyaʼa tìmbɨ̀ əməd, əne ŋwàʼnɨ̀ əmbɨ bə̂d Kristo mbe rɨ ə Àkàiyà ni mbɨ nɨŋ əməd. Ənɨ wɨ̀ nyaʼa pe əŋgu, wɨ̀ nyaʼa nàʼ ə̀wèèrɨ̀ ə kyeŋ əmbɨ ə bə̂d mbe nɨ Ŋwìə̀ nyaʼa ghɨ ɨ̀chɔ̀m ənɨ mɨ̀mə̌d mbɨ ben ə Kristo.

Rm 16:1

Mə kə̀b ni mbə̀ kyerɨ a njàbɨ Febè. Məd wɨə wèèrɨ̀ ɨŋga ɨfetɨ bə̂d Kristo we rɨ ə Senkrià.

1 Kɔrèn 10:33

Mbə̀ ghɨ ɨghabɨ ə mɔ̌, ɨmbə̀ʼ ɨghəm nɨ mə wɨə kəbɨ ni fîŋ rɨ bə̂d mɨjìm bɔŋ ɨchî nɨ mɨə ghɨ̀ ɨnû jìm. Chəi mə̀ kəb nɨ ghɨ àmei ɨnû mbe nɨ bɔŋ ɨ num. Mə wɨə kəb ghɨ̀ yeʼ mbe nɨ bɔŋ əmbɨ ə bə̂d mɨ̀nɔnɔʼ, ɨmbə̀ʼ ɨ mbe tɨ̀ mbɨ jwɨ̀ rəŋgəʼ.

1 Kɔrèn 16:3

Ənɨ mə̀ yeʼe, mə bɨrɨ ŋwaʼnɨ ɨmbə̀ʼ bə̂d mbe nɨ mbə̀ chɔʼɔ, əne tom mɨ̀mə̌d nɨ mbɨ wo nàʼ ɨkab we nɨ mbə̀ chob ə Jèrusalèm.

1 Kɔrèn 3:10

Ŋwìə̀ nyaʼa ghɨ̀ ɨ̀chɔ̀m ənɨ ə num, ghɨ̀ mə bɔm əchɨ ə nəb ɨghabɨ əbɔm nəb nɨ jeŋgɨ kyerɨ ə̀fàʼì. Wə̀d cherə wɨə kod ɨgun əchɨ ze. Àyɨə wə̀d mɔʼ mɔʼ we i ɨchî nɨ wɨə kod ɨgun əchɨ ze,

1 Kɔrèn 4:15

Ka à bè yeʼi ni mbə̀ berɨ bə̂d nɨ kaŋ nɔʼ əku nɨə chwi ɨchî nɨ tɨ̀ bə̂d Kristo chubɨ, àyɨə chəi mbə̀ berɨ mɨ̀mbǎʼ nɔnɔʼ. Mɔ̌ yɨ ə mbǎʼ ənɨ ɨfɔtɨ mbɨ Kristo Yeso ɨchî nɨ mɨə ghà ɨkə̂n chɔ̀m.

2 Kɔrèn 10:12

Chəi tɨ̀ bɨrɨ tɔ mɨg ta rɨtəb kɨ̀ bè mɨ̀g à ɨnyod mbɨ mɨ̀mə̌d mɔʼɔ mbe nɨə goŋ ɨgɔ̂ ni mbə mbɨə fàʼə̀ chè bə̂d cherə. Mbɨ yɨ ɨneŋ, ɨmbə̀ʼ ɨghəm nɨ ɨ mbɨə mɨ̀g ə ɨnyod mbənə mbənə. Ɨ mbɨə bə̀ mɨ̀g tə rɨtəb mbənə mbənə.

2 Kɔrèn 10:18

Chəi Ə̀nùŋɨ̀sɨg ben wə̀d we nɨ gha ni tə fàʼ chè bə̂d cherə. Ɨ wɨə benɨ yeʼ we nɨ məd ziə ghà ni wɨ̀ fə fàʼ ɨchî chɔ̀m.

2 Kɔrèn 10:8

Ka à bè yeʼi ni mə wɨə goŋ ɨgɔ̂ əku ɨmbə̀ʼ ɨka we nɨ Ə̀nùŋɨ̀sɨg naʼ ɨ na, chəi mɨ ətu ə bɨrɨ nìd. Ɨka we yɨ ni tɨ̀ ghɨ mbə təm kàànɨ̀, kaʼi nɨ ghɨ ni tə fîŋ bɔd.

2 Kɔrèn 12:11

Mə fə bèŋ ənɨ əneŋ! À yɨə mbə̀nə nyem əmɨ ni mə̀ ghɨ əne. Njɨ à yɨə mbə̀nə nyaʼa berɨ gha ni mə wɨə fàʼ ɨchî nɨ kuʼnɨ. Ka à bè yeʼi ni mə yɨ əghɨ əko, àyɨə chəi mə kə chè “bə̂d tom Kristo mbe nɨə ghàə̀ ni mbə chè mbɨ mɨjìm.”

2 Kɔrèn 12:19

Mbə mbɨə wa kə̀ʼə̀ kɔndɨə ni ənɨ ə nyùmə̀ wɔ̂ jìm, tɨ̀ wɨə kə̀ʼə̀ chɨ̀ ɨnû rɨ ɨgwɨ na ɨfě nən ə? Tɨ wɨə kə̀ʼə̀ ghàm ɨfě Ŋwiə̀ ɨghabɨ ə bə̂d nɨ yeʼ ənɨ ɨfɔtɨ mbɨ Kristo. Mbɨ bɔŋgɔb nɨ mə̀ ghaʼi kwàʼ rɨŋgəʼ, ɨghɨjìm mbe nɨ tɨə ghɨ̀ə̀ yɨ nɨ ghɨ ni mbə̀ təm kàànɨ̀.

2 Kɔrèn 2:17

Ka tɨ̀ yɨ a ɨghabɨ ə bə̂d mɨ̀nɔnɔʼ mbe nɨə nɨŋ ɨŋgam Ŋwiə̀ beʼrɨ ɨwin əŋgu ɨmbə̀ʼ jɨg njìm. Tɨ̀ wɨə ghà rəsìʼ ənɨ ta fîŋ rɨjìm ɨfě Ŋwiə̀ ɨchî nɨ tɨ̀ yeʼ ənɨ ɨfɔtɨ mbɨ Kristo. À yɨə Ŋwìə̀ ziə tom əwa ni tɨ̀ ghamə.

2 Kɔrèn 5:12

Chəi tɨ̀ kəb nɨ wɨrɨ gha ɨ nən ni tɨ̀ yɨə bə̂d ə̀fàʼì chɔ̀m, àyɨə tɨ̀ wɨə nàʼ əpan ɨ nən ni mbə̀ goŋ ɨgɔ̂ ɨmbə̀ʼ əwa, ɨmbə̀ʼ mbə mbe tɨ̀ mbə wììrɨ̀ ɨŋgam əmbɨ ə bə̂d mbe nɨə goŋ ɨgɔ̂ ɨmbə̀ʼ ɨnû mbe nɨ bə̂d ə zəə, nɨ kaʼi mbe nɨ yeʼ ɨŋga fîŋ.