2 Kɔrèn 2:14 - Meta’

¹⁴ Tɨ̀ naʼ məben-əwe əmbɨ ə Ŋwiə̀ ni, ənjìm ɨchî nɨ tɨ̀ yeʼ ənɨ ɨfɔtɨ mbɨ Kristo, ɨ wɨə che ɨmbì na ɨghəm jìm ghɨ̀ə̀ ni tɨ̀ yèn ɨghabɨ ə bə̂d nɨ che bid. Ɨ wɨə ghɨ̀ə̀ ni tɨ̀ jaŋ ɨnû mbe nɨ tɨ̀ kyerɨ ɨmbə̀ʼ ə Kristo ɨsɨ jìm. Ɨnû mbe yɨ ɨghabɨ ɨfɔ chɔ̀m.

Ikan feg

¹⁴ Tesiʼ ya gha, tè nàʼ məyakà abə Ŋwiye imbə̀ʼ icheg ne tì yaʼi ane ifɔti tì Kristo. Məd we chè ina imbìghè mà nyumə̀ ijìm ghìyə̀ awa tì yḛ ane iwaŋ icheg mə̀sogyì ne maʼi ibid chè. Məd we ghìyə̀ tì chetè ikən chɔm imbə̀ʼ Anɔŋisəg mà isiŋi ijìm ne te ghò. Ikən chɔm gho̰ ya kwàʼ icheg ifɔ chɔm abə wə̀d ijìm.

2 Kɔrèn 2:14 ပူးပေါင်းရင်းမြစ်များ

Jn 16:33

Mə fə ghà ɨnû mbɔ̂ ɨ nən ɨmbə̀ʼ mbə̀ chub ənɨ əbɔrəbɔd ɨchî nɨ mbə̀ yeʼ ənɨ ənû ə mɔʼ mbɨ num. Mbə bɨrɨ zə ŋgəʼ ɨŋga ɨsɨg wɔ̂, àyɨə mbə̀ yim fîŋ, mə fə baŋ ɨsɨg!”

Rm 1:8

Ənû rɨtu yɨ ni, mə wɨə nàʼə̀ məben-əwe əmbɨ mɨ Ŋwiə̀ ənjìm ə Yeso Kristo ɨmbə̀ʼ mbə̀n mɨjìm. Mə wɨə ghɨ̀ əne ɨmbə̀ʼ ɨghəm nɨ bə̂d rɨŋga ɨsɨg jìm mbɨə zu ɨchî nɨ mbə̀ nuŋ fîŋ ɨgun ə Ŋwiə̀.

Rm 15:19

ənjìm ɨnweenɨ-ɨnû nɨ kaanɨ, ənjìm ɨnû yiirɨ bə̀ fɔrɨ ənjìm ɨka we nɨ Əzwî ə Ŋwiə̀ ə nàʼə̀. Əne mə fə ghà ɨkə̂n chɔ̀m ɨmbə̀ʼ ə Kristo ɨŋga ɨsɨ jìm, kɔ rɨ ə Jèrusalèm kad wò pè əbà əbeŋ ze rɨ ə Ilirikùm.

Rm 6:17

Àyɨə mə wɨə nàʼə̀ məben-əwe əmbɨ ə Ŋwiə̀ ni mbə̀n mbe nɨ nyaʼa kweʼ ben ɨ̀bòʼò əmbɨ ɨnû rɨbɔ̀ŋ, fə bèŋ tə fîŋ rɨjìm sɨə zuunɨ ɨnû mbe nɨ Ŋwìə̀ ə chwi ɨ nən.

Rm 8:37

Chə̂, ɨŋga ɨnû mbɔ̂ jìm, tɨ̀ chè bə̂d mbe nɨ che bid ənjìm əməd we nɨ ghaʼ əwa.

1 Kɔrèn 12:8

Ŋwìə̀ wɨə nàʼ Əzwî ze nɨə ghɨ̀ ni bə̂d gha ɨŋgam ɨwe əmbɨ wə̀d mɔʼ. Ɨ wɨə bə̀ chè àmei ənjìm Əzwî ze ghɨ̀ ni wɨ cherə gha ɨŋgam nɨ chwiə ni wɨ̀ kyerɨ ənû.

1 Kɔrèn 15:37

Ka əghɨ ze nɨ à konɨ bɨrɨ yeʼ àmei əzɨ əwən əwù ze nɨ zɨə fə kwi. À kon àmei fɨtam, ɨghə̀m à yɨ fɨtam kywɨ kɨ̀ fɨtam əghɨ ə cherə.

1 Kɔrèn 15:57

Àyɨə tɨ̀ nàʼ məben-əwe əmbɨ ə Ŋwiə̀ nɨ ghɨ ni tɨ̀ baŋ ɨnû rɨbɔ̀ŋ ənjìm à Ə̀nùŋɨ̀sɨg Yeso Kristo!

2 Kɔrèn 1:11

ɨchî nɨ mbə̀ə kɔ̀ŋgɨ̀ ə Ŋwiə̀ ɨgwɨ na. Mbə mɨ ghɨ̀ əne, bə̂d mɨ̀nɔnɔʼ bɨrɨ naʼ məben-əwe əmbɨ ə Ŋwiə̀ ɨmbə̀ʼ əwa, ɨmbə̀ʼ ɨghəm nɨ wɨ̀ bɨrɨ wiirɨ ə̀kɔ̀ŋgɨ̀ ə bə̂d mɨ̀nɔnɔʼ, əne nàʼ əghɨ ze nɨ mbɨ kɔŋgɨ əməd nɔn.

2 Kɔrèn 8:16

Mə wɨə nàʼə̀ məben-əwe əmbɨ ə Ŋwiə̀ nɨ nyaʼa ghɨ ni Taitùs berɨ fîŋ chɔ̀m nɨ weerɨ əwən ɨchî nɨ mə̀ bə berɨ.

2 Kɔrèn 9:15

Tɨ̀ nàʼ məben-əwe əmbɨ ə Ŋwiə̀ ɨmbə̀ʼ ɨneʼe məd we nɨ wɨ̀ nyaʼa naʼ ɨ na, nɨ yeʼ ɨneʼe we nɨ chəi ənɨ tɨ̀ bə̂d mə̀!

Efesùs 5:2

Mbə̀ ghaʼ mbə bɔŋgɔb ɨchî nɨ Kristo ghaʼ əwa əne kwɨ ɨgwɨ mba ɨtu. Məd yɨ ɨghabɨ əghɨ ə̀fà nɨə nyùʼrɨ ɨfɔ chɔ̀m. Məd yɨə bə̀ ɨghabɨ ɨchəmnɨ nɨ mbɨə naʼ əmbɨ ə Ŋwiə̀.

Efesùs 5:20

Mbə̀ kɨə nàʼə̀ məben-əwe əmbɨ ə Ŋwiə̀ nɨ yeʼ Mbǎʼ. Mbə̀ kɨə ghɨ̀ əne ənɨ mɨ̀nyùmə̀ jìm bə̀ fɔrɨ ɨmbə̀ʼ ɨghɨjìm. Mbə̀ ghɨ əne ənɨ ɨkum a Ə̀nùŋɨ̀sɨg Yeso Kristo.

Fìlipì 4:18

Mə fə berɨ ɨghɨjìm mbe nɨ mə nyaʼa kwaŋɨ mbɨ nɔʼ chè. Mə fə berɨ ɨghɨjìm mbe nɨ mə̀ kwaŋɨ tɨ̀nîn nɨ Èpàfroditùs fə naʼ ɨkab we nɨ mbə̀ tom ɨ num. Ɨkab we yɨ ɨghabɨ ɨghɨ ə̀fà nɨə nyùʼrɨ ɨfɔ chɔ̀m əne ghɨ̀ə̀ ni fîŋ Ŋwìə̀ bɔŋ ə.

Kòlosè 1:23

Mbə berɨ chè ɨmbì yim ə ɨbenɨ bə̀ təm ɨŋga ɨbenɨ we kàànɨ̀. Tɨ mbə̀ suŋgɨ ə rɨ ənɨ ɨnû mbe nɨ mbə̀ nyaʼa nuŋ rɨkɔndɨ ɨgun ənɨ ə nyùmə̀ we nɨ mbə̀ nyaʼa zu ɨkə̂n chɔ̀m. Mbɨ fə ghà ɨkə̂n chɔ̀m wɔ̂ ɨŋga ɨsɨg jìm. Ŋwìə̀ nyaʼa chɔʼ əmɨ, mɔ̌ Pɔ̂l, ni mə̀ gha ɨkə̂n chɔ̀m rəŋgu.

Kòlosè 1:6

nɨ fə yeʼe ɨ nən. Ɨkə̂n chɔ̀m wɔ̂ wɨə kwiə bə̀ ghɨ̀ə̀ ni bə̂d mɨ̀jìm ɨŋga ɨsɨg ghɨ ɨnû mbe nɨ Ŋwiə̀ kəbɨ, àmei ɨchî nɨ mbə nyaʼa fə bə̀ fə kɔ ghɨ̌, kɔ rɨ əni ze nɨ mbə̀ nyaʼa zu bə̀ kyerɨ rəsìʼ ɨmbə̀ʼ ɨ̀chɔ̀m Ŋwiə̀.

Kòlosè 2:15

Wɨ̀ nyaʼa fe ɨka rɨ əmbɨ ɨzwî ka ka mbe nɨ yeʼ ɨkaŋ bə̀ fe rɨ əmbɨ ɨzwî ka ka mbe nɨ yeʼ ɨŋga ɨsɨg. Əze ə nyaʼa chwi əmbɨ bə̂d mɨjìm ni wɨ̀ fə baŋ mɨ̀mə̌d əzed ə baʼnɨ.

1 Tèsàlonikà 1:8

Kaʼ àmei ni ɨŋgam Ŋwiə̀ fə jàŋ rɨ nən wò ɨŋga ɨbeŋ mbe rɨ ə Màsèdonià fɔrɨ ə Àkàiyà, ənû ɨmbə̀ʼ ɨbenɨ we nɨ mbə̀ nuŋ ɨgun ə Ŋwiə̀ fə bə̀ jàŋ ɨsɨ jìm. Chəi ənû ə mɔʼɔ nɨ tɨ rɨ wɨrɨ ghà ɨmbə̀ʼ əzɨ əwən,

1 Tèsàlonikà 3:9

Tɨ̀ kɨə kaŋ wo naʼ məben-əwe nɨ kuʼ əmbɨ Ŋwiə̀ ɨmbə̀ʼ əwən rɨ ye, ɨmbə̀ʼ chwi ɨghaʼi we nɨ tɨ̀ berɨ ɨfě a Ŋwiə̀ ɨmbə̀ʼ əwən ə?

1 Timotì 2:8

Mə kə̀b ni ɨsɨ jìm mbe nɨ bə̂d fetɨ əŋgu ɨ wumnɨ ə Ŋwiə̀, mbaŋə̀ te nɨ zeŋɨ nɔɔrɨ ɨbɔ kɔŋgɨ ə Ŋwiə̀. Mbɨ berɨ ghɨ əne nɨ chəi mbɨə sə ɨtəm bə̀ fɔrɨ ənɨ chəi mbɨə tàŋə̀.

2 Timotì 2:2

Nɨŋ ɨnû mbe nɨ à nyaʼa zu ənɨ mə̀ nyaʼə gha ɨfě mɨ̀zərɨmbin nɔnɔʼ, əne zɨ̀ ɨŋga rɨkyerɨ-ɨbɔ bə̂d mbe nɨ tɨ̀ wə̀d zɨ fîŋ ɨgwɨ mɨ̀mə̌d, ɨmbə̀ʼ mbɨ bə̀ chwi əmbɨ ə bə̂d cherə.

Ɨnû 7:12

ghàə̀ ni, “À yɨ əne! Tɨ̀ yiirɨ à Ŋwìə̀, wumnɨ əməd, nàʼ məben-əwe ɨ bɔ, məd ə zeŋ, ɨ wɨə nàʼ əbɔrəbɔd, wɨ̀ berɨ ɨwe bə̀ berɨ ɨka koŋ koŋ! À yɨ əne.”