2 Kɔrèn 2:11 - Meta’

¹¹ Tɨ̀ wɨə ghɨ̀ əne ɨmbə̀ʼ tɨ Satàn che i əwa ənɨ ɨwe. Tɨ̀ kyerɨ ɨnû rɨbɔ̀ŋ jìm mbe nɨ wɨə taŋə.

Ikan feg

¹¹ Tì ya ghìyə̀ ane ni gha imbə̀ʼ Sàtàn beri yi apan mɔ̀ʼɔ ni tambi awa. Tè kyèri inug ijìm nə aməd we chùʼrə ya məyi inug tibɔ̀ŋ.

2 Kɔrèn 2:11 ပူးပေါင်းရင်းမြစ်များ

Matìyò 4:10

Yeso nyaʼa wììrɨ̀ ɨ bɔ ni, “Satàn, nɔʼ əwe rɨ ɨban num! Ə zɨ ɨŋga Ə̀ŋwàʼnɨ̀ ə Ŋwiə̀ ni, 'À berɨ wumnɨ Ə̀nùŋɨ̀sɨg e Ŋwìə̀, bə̀ fàʼ àmei ɨ bɔ.'”

Lk 22:31

“Saimòn, Saimòn!, Zə, Satàn fə biirɨ əmbɨ ə Ŋwiə̀ ni wɨ̀ naʼ ɨka ɨ bɔ wɨ̀ zweʼrɨ əwən, əne kùtɨ̀ əwən ɨchî nɨ mbɨə kùtɨ̀ə̀ ŋgə̀ŋ.

Jn 13:2

Ənɨ Yeso mbɨ mbi mə̀mə̀ə̀nɨ̀-ɨnû nyaʼə jɨgə tɨjɨg rɨ ɨkwirɨ, Debɨ̀rə̀ nyaʼa fə zɨ̀ ɨkɔndɨ ɨŋga fîŋ Judàs Iskàriɔ̀t, nɨ yeʼ wan Saimòn, ni wɨ̀ fen ə Yeso.

Ɨ̀fàʼì 1:25

ni wɨ̀ faʼ ə̀fàʼì zɔ̂ ɨghabɨ ə wə̀d tom, ɨchî nɨ Judàs nyaʼa saŋ ə̀fàʼì rəŋgu wò ənɨ əzi rɨmbin.”

1 Kɔrèn 7:5

Tɨ̀ wə̀d ton i nɨ naʼ i ɨnyod əmbɨ awɨ̂n, kɨrɨ ənɨ mbə̀ fə ben ni mbə bɨrɨ ghɨ əne ənɨ ɨkə nyumə̀, ɨmbə̀ʼ mbə̀ nɨŋ ə nyumə̀ kɔ̀ŋgɨ̀ ə Ŋwiə̀. Mbə mɨ fə màànɨ̀, mbə wɨrɨ fɔtɨ əsɨ ɨmbə̀ʼ tɨ Satàn numbɨ i əwən ənjìm ɨchî nɨ chəi mbə̀ə yɨmbɨ ɨnyod.

2 Kɔrèn 11:14

Chəi ənû ə̀bìrɨ̀ ənɨ ənû zɔ̂! Satàn ziə wɨə bègrə̀ ɨghabɨ ni tə yɨə aŋgɨrə̀ Ŋwiə̀ nɨə nàʼ ɨzeŋɨ zeŋɨ.

2 Kɔrèn 11:3

Àyɨə mə wɨə bɔə ni ɨchî nɨ jɔ nyaʼa nɨŋ ɨwe tambɨ ə Efà, ɨ mbe tɨ mbɨ bə̀ fèbrɨ̀ tə rɨkɔndɨ tɨ ənɨ ɨchî nɨ mbə̀ə fàʼ əmbɨ Kristo ənɨ ə fîŋ jìm bə̀ fɔrɨ ənɨ ə fîŋ nɨ zeŋɨ.

2 Kɔrèn 4:4

Mbə̀ zə ni ŋwìə̀ we rɨŋga ɨsɨg wɔ̂ fə kən fîŋ bə̂d mbe nɨ chəi mbɨ ben ə Kristo, ɨmbə̀ʼ tɨ mbɨ zə ə ɨzeŋɨ zeŋɨ rɨ ənɨ ɨkə̂n chɔ̀m ɨmbə̀ʼ Kristo. Kristo wɨ ɨghabɨ ə Ŋwiə̀.

2 Timotì 2:25

Wɨ̀ chwi ɨnû ənɨ ɨbɔtɨ fîŋ əmbɨ ə mbe nɨə ton ɨnû mbe nɨ wɨə chwiə. Ɨghəm Ŋwìə̀ bɨrɨ ben ni mbɨ beŋ tə fîŋ kyerɨ rəsìʼ ɨmbə̀ʼ ə Kristo.

1 Pità 5:8

Mbə̀ yimbɨ ɨnyod bə̀ chub ɨkyèʼe. Ə wə̀d pə̀n, əne yɨə Debɨ̀rə̀ wɨə yènə̀ zùʼə̀ ɨghabɨ ə ŋgwàbaʼ. Ɨ wɨə kə̀bə̀ wə̀d mɔʼɔ we nɨ wɨ̀ bɨrɨ nimnɨ.

Ɨnû 13:8

Bə̂d mɨ̀jìm mbe nɨə chub ɨgwɨ ə si bɨrɨ wumnɨ nyam kyeŋ ze. Əne yɨ mbe nɨ chəi mbɨ nyaʼa ŋwaʼnɨ tɨkum tɨ mɨ̀mə̌d ɨŋga ə̀ŋwàʼnɨ̀ ze nɨ mbɨ ŋwaʼnɨ tɨkum bə̂d mbe nɨ bɨrɨ jɨg ɨ̀tènɨ̀. Ŋwìə̀ nyaʼa fə ŋwàʼnɨ̀ rɨkum te bɔŋ wɨ̀ nyaʼa sɨə tekɨ ɨsɨg. Ə̀ŋwàʼnɨ̀ ze yɨ əzɨ ə Wan njɨ̀g we nɨ mbɨ nyaʼa kyemɨ.

Ɨnû 2:24

Àyɨə əmbɨ ə mbə̀n mbe nɨ buʼ ə Tìatirà, nɨ chəi mbɨə beenɨ əbɔʼ ɨnû mbɔ̂, nɨ chəi mbə̀ kɨrɨ kwembɨ ɨnû mbe nɨ yeʼ ənə̀mə ɨmbə̀ʼ ə Satàn, mə ghà ɨ nən ni chəi mə bɨrɨ zɨ ɨkom cherə ɨgwɨ nən.