2 Kɔrèn 12:9 - Meta’

⁹ Àyɨə wɨ̀ nyaʼa wììrɨ̀ ɨ num ni, “Ɨ̀chɔ̀m we nɨ mɨə ghɨ̀ə̀ ə kuʼ ɨ ne, ɨmbə̀ʼ ɨghəm nɨ wə̀d bɨrɨ zə mɨ ɨka jìm ənɨ wɨ̀ fə bɔrɨ.” Əne mə bɨrɨ jeŋgɨ ghaʼ ɨmbə̀ʼ ɨchî nɨ mə bɔrɨ, ɨmbə̀ʼ ɨka Kristo we tɨ̀ wɨ chub ɨŋga num.

Ikan feg

⁹ Si ya gha, aghəm atad ze ajìm, wì ya ywìtì gha, “Ìchɔ̀mì we ne mə ghi ine we kòʼ. Aton ya gha, wə̀d ya taŋ bàrà ìmə ika anyumə̀ ne wì bɔ̀ri.” Ane, mə gyen ni kɔ̀m igo imbə̀ʼ inug mbe ne chwìye gha mə bɔd. Anìŋ ya ni ghì gha ika Kristo se fàʼà inga inum.

2 Kɔrèn 12:9 ပူးပေါင်းရင်းမြစ်များ

Matìyò 28:18

Yeso nyaʼa wò əsɨ mɨ̀mə̌d pè ghà ni, “Ŋwìə̀ fə nàʼ ɨka jìm ɨ num ni mə̀ tumbɨ ɨkaŋ fɔrɨ si.

Matìyò 28:20

Mbə̀ chwi əmbɨ mɨ̀mə̌d ni mbɨ nuŋ rɨkə rɨjìm te nɨ mə̀ fə naʼ ɨ nən. Mbə̀ kyerɨ ni mə wɨ mbɨ nən ɨghəm jìm wò pè ənɨ ɨsɨg bɨrɨ nwìə̀.”

Lk 21:15

ɨmbə̀ʼ ɨghəm nɨ mə bɨrɨ naʼ ɨŋgam fɔrɨ ɨwe ɨ nən nɨ chəi wə̀d mɔʼɔ rəbɔʼ mbə bə̂d pə̀n we tɨ̀ wɨ̀ təm mbɨ nən kɨ̀ bè ton ɨŋgam we.

1 Kɔrèn 10:13

Chəi ənû ə mɔʼɔ ə kweʼ numbɨ əwən nɨ chəi zɨə kweʼ numbɨ bə̂d cherə. Ŋwìə̀ wɨə ghɨ̀ ənû ze nɨ wɨ̀ kàʼi, əne ka wɨ̀ bɨrɨ saŋ i ni ənû ə mɔʼɔ ə numbɨ əwən chè ə ɨka. Ənɨ mbɨ numbɨ əwən, wɨ̀ bɨrɨ chwi ɨnə̂njɨ̀, ɨmbə̀ʼ mbə mbe tɨ̀ mbə nyìʼ ənû ze.

1 Kɔrèn 15:10

Mə yɨə wə̀d we nɨ mə yeʼ wɨwən ənjìm ɨ̀chɔ̀m Ŋwiə̀. Chəi ɨ̀chɔ̀m we nɨ Ŋwìə̀ nyaʼa ghɨ̌ ənɨ ə num nyaʼa che ətu ə̀kǒ. Àyɨə mə nyaʼa fàʼ rɨkǎ chè mɨ̀mə̌d mɨjìm. Ka à bè yeʼi ni kaʼi mɔ̌ nyaʼa fàʼi, àyɨə Ŋwiə̀ nyaʼa che ənjìm ɨ̀chɔ̀m məd ghɨ̀ mə fàʼ.

1 Kɔrèn 2:3

Ənɨ mə̀ nyaʼa yeʼe əsɨ nən, mə nyaʼa bɔd, əne ɨbɔɔ nyaʼa ghɨ̀ mə bindɨ ni chəi mə̀ bɨrɨ faʼ ɨchî chɔ̀m.

1 Kɔrèn 2:5

Mə wɨə nyaʼə ghɨ̀ əne ɨmbə̀ʼ mbə̀ nuŋ fîŋ yeʼ ɨgun ɨka we nɨ Ŋwìə̀ ə nàʼə̀, kaʼi ɨgun ɨwe bə̂d mɨ̀sɔŋɨchù.

2 Kɔrèn 11:30

À mɨ kàŋ yeʼ ni mə berɨ goŋ ɨgɔ̂, njɨ mə bɨrɨ goŋ ɨmbə̀ʼ ɨnû mbe nɨ chwiə ni mə bɔd.

2 Kɔrèn 12:1

Mə berɨ goŋ ɨgɔ̂. Ka à bè yeʼi ni chəi njìm əŋgu, àyɨə mə bɨrɨ wo ɨmbì ghà ɨghɨ mbe nɨ mə nyaʼa zə ɨŋga tɨ̀taanɨ njə̀m bə̀ ghà mbe nɨ Ə̀nùŋɨ̀sɨg nyaʼa chwi ɨ num.

2 Kɔrèn 12:10

À yɨ əton nɨ ɨmbə̀ʼ ə Kristo, mɨ fîŋ zɨ i ɨchî chɔ̀m mbɨ ɨghɨ mbe nɨə ghɨ̀ ni mə bɔd, mbɨ mɨzɔ̂m, mbɨ ɨnû mbe nɨə nyèm əmɨ, mbɨ ɨchî nɨ bə̂d ə nwèndɨ̀ tum rɨkyerɨ-ɨwu fɔrɨ mbɨ ɨchî nɨ ŋgəʼ nɔnɔʼ ə nyɨ ə ɨgwɨ num, ɨmbə̀ʼ ɨghəm nɨ ənɨ mə bɔrɨ, mə wɨ ɨkǎ.

2 Kɔrèn 12:15

Mə bɨrɨ kaŋ ghaʼ nɨ naʼ ɨghɨjìm mbe nɨ mə berɨ bə̀ nàʼ mɨ ɨnyod ɨ nən. Mə mɨ ghaʼ əwən əku, mbə wa bɨrɨ ghaʼ əmɨ àmei rɨpiî ə?

2 Kɔrèn 12:5

Mə bɨrɨ goŋ ɨgɔ̂ ɨmbə̀ʼ ə mbaŋə̀ ɨghabɨ zɔ̂, àyɨə chəi mə bɨrɨ goŋ ɨgɔ̂ ɨmbə̀ʼ mɨ ɨghəm. Mə bɨrɨ goŋ àmei ɨmbə̀ʼ ɨnû mbe nɨ chwiə ni mə bɔd.

Efesùs 3:16

Mə wɨə kɔ̀ŋgɨ̀ ə Ŋwiə̀ ni, ɨchî nɨ wɨ̀ berɨ mbɔ̂n ze nɨ ka zɨ bɨrɨ nɔ mi i, ɨ we tɨ wɨ̀ ghɨ̀ tə fîŋ kaanɨ ənjìm ɨka we nɨ Əzwî əməd ə nàʼə̀.

Fìlipì 4:13

Mə we tɨ̀ mə ghɨ̀ ɨnû jìm ənjìm ɨka we nɨ Kristo naʼ ɨ num.

Kòlosè 1:11

Ŋwiə̀ we nɨ berɨ ɨka nɨ chè ɨka jìm ghɨ ni mbə̀ jeŋgɨ təm kàànɨ̀ ɨmbə̀ʼ mbə̀ sɨə nyìʼ əton ə ŋgəʼ, sɨə yimə fîŋ, sɨə ghaʼə bɔŋgɔb,

1 Timotì 1:14

À Ə̀nùŋɨ̀sɨg nyaʼa ghɨ̀ ɨ̀chɔ̀m ənɨ ə num wɨ swi sɨə gwèə̀. Wɨ̀ nyaʼa bə̀ nàʼ ɨbenɨ ɨ num bə̀ ghɨ̀ ni ɨghaʼi swi ɨŋga mɨ fîŋ ɨchî nɨ mə̀ yeʼ ənɨ ɨfɔtɨ mbɨ Kristo Yeso.

Mə̀Hibrù 11:34

mbɨ mɔʼɔ nimnɨ ɨwid ka ka, mbɨ mɔʼɔ nòd ɨvɨ rɨ ɨchû ɨbi, mbɨ mɔʼɔ nyaʼa bɔd àyɨə Ŋwìə̀ nyaʼa nàʼ ɨka əmbɨ mɨ̀mə̌d, mbɨ mɔʼɔ nyaʼa berɨ ɨka nɨ maʼ bid əne ghɨ̀ mɨnɔ̂n mɨ̀sɔgyɨ̀ rɨŋga ɨbeŋ cherə nòrə̀.

Mə̀Hibrù 4:16

Əne tɨ̀ nɨŋ fîŋ nɨ kǎ tindɨ ɨban ətən ɨfɔ̀n ə Ŋwiə̀ we nɨə ghɨ̀ ɨ̀chɔ̀m, ɨmbə̀ʼ məd we tɨ̀ wɨ̀ dììrɨ̀ əwa bə̀ ghɨ̀ ɨ̀chɔ̀m ənɨ ə na ənɨ ə nyùmə̀ we nɨ tɨ̀ kəb ə̀wèèrɨ̀.