2 Kɔrèn 12:20 - Meta’

²⁰ Mə wɨə bɔə ni mə mɨ yeʼe, chəi mə bɨrɨ zə əwən ɨchî nɨ mə̀ kəb ni mbə̀ yeʼ ə. Mə wɨə bə̀ bɔə ni chəi mbə bɨrɨ zə əmɨ ɨchî nɨ mbə̀ kəb ni mə yeʼ ə. Mə wɨə bɔə ni ɨghə̀m mə bɨrɨ zə bə̂d nɨə tàŋə̀, zə mbe nɨə ghɨ̀ ə̀dìì, zə mbe nɨə sə ɨtəm, zə mbe nɨə siə, zə mbe nɨə chəkɨ rɨkum mbɨ cherə, zə mbe nɨə ghɨ̀ mɨniə, zə mbe nɨə tərə bə̀ zə mbe nɨə bùùrɨ̀ ɨsɨ.

Ikan feg

²⁰ Ane, mə we bɔ gha anyumə̀ ne mə̀ biri yeʼe, ighəm mɔ̀ʼɔ chəyi mə̀ biri pè kɔ̀ti awən icheg ne mə̀ kəbi gha mbə̀ yaʼ. Ighəm mɔ̀ʼɔ chəyi mbə̰ inən biri bə kɔ̀ti mə icheg ne mbə̰ mbe kə̀bə̀ gha mə yaʼ. Aton ne mə bɔ ya gha, mə biri pè kɔ̀ti bəd ne chɔ̀bɔ, tì bəd ne ghìyə̀ àdeg, tì bəd ne nɔ̀ŋɔ̀ agaŋ, tì bəd ne sìyè, tì bəd ne chìkə̀ tikum abə mə̀mbin, tì bəd ne ghìyə̀ mənìghe, tì bəd ne nɔ̀ nyɔd fɔrɔ bəd ne bùrə̀ isiŋi.

2 Kɔrèn 12:20 ပူးပေါင်းရင်းမြစ်များ

Rm 1:29

Tɨkwɨrɨ ɨzɨg jìm, tɨkwɨrɨ ɨnû rɨbɔ̀ŋ jìm, tɨkwɨrɨ ɨchî jìm nɨ feenɨ ɨghɨ bə̀ fɔrɨ tɨkwɨrɨ ɨbə jìm fə swi ɨŋga fîŋ tɨ mɨ̀mə̌d. Ənû nɨ ghɨ ə̀dìì, ənû nɨ zwiirɨ bə̂d, ənû nɨ chɔb, ənû nɨ tambɨ bə̂d fɔrɨ ənû nɨ taŋ mɨnaŋ fə bə̀ swi ɨŋga fîŋ tɨ mɨ̀mə̌d. Ɨ mbɨə ghɨ̀ mɨniə,

Rm 1:30

ɨ mbɨə chə̀kɨ̀ rɨkum bə̂d, ɨ mbɨə bàn ə Ŋwiə̀, ɨ mbɨə tə̀ə̀nɨ̀ə̀ bə̂d, ɨ mbɨə seenɨə, ɨ mbɨə nɔ̀ ɨnyod, ɨ mbɨə tekɨ mɨnə̂njɨ̀ fi nɨ ghɨ ɨnû rɨbɔ̀ŋ, ɨ mbɨə bə̀ ghɨ̀ rɨ̀zuə̀ əmbɨ mbə mɨ̀mbǎʼ bə̀ fɔrɨ əmbɨ mbə mɨ̀nɨ̌ŋ.

Rm 2:8

Ŋwìə̀ bɨrɨ sə ɨtəm bə̀ chə mbe nɨə kə̀b ɨghɨ àmei əmbɨ tə nyamnyod, nɨ mbɨə bə̀ ton ɨnû mbe nɨ yeʼ mbɨ rəsìʼ ɨmbə̀ʼ sɨə ghɨ̀ yeʼ ɨnû ɨzɨg.

1 Kɔrèn 1:11

Mbɨ bɔŋgɔb, mə wɨə ghà əne ɨmbə̀ʼ ɨghəm nɨ bə̂d mɔʼɔ rɨŋga ɨnəbɨ Kloè fə ghà ɨ num ni mbə mbɨə tàŋə̀.

1 Kɔrèn 14:33

ɨmbə̀ʼ ɨghəm nɨ ka Ŋwìə̀ yɨ i Ŋwìə̀ nɨə bùùrɨ̀ ɨsɨ. Məd yɨə Ŋwìə̀ nɨə kə̀b əbɔrəbɔd. Ɨchî nɨ zɨə yeʼ ɨŋga tɨfetɨ bə̂d Ŋwiə̀ mɨ̀jìm,

1 Kɔrèn 5:2

Àyɨə mbə mbɨə seenɨə! Njɨ ɨmbə̀ʼ ə̀kə̀nɨ̀ ə kə̀ʼ swi ɨŋga tə fîŋ mbə chɨ̀ mbaŋə̀ ze nɨ ghɨ̀ ənû zɔ̂ rəkaʼ nən ə?

2 Kɔrèn 1:23

Mə wɨə tɔŋ ə Ŋwiə̀ ni wɨ̀ yeʼ zərɨmbin ɨ num ni əton nɨ chəi mə nyaʼa wɨrɨ yeʼe ə Kɔrèn yɨ ni, chəi mə̀ nyaʼa kəb chəkɨ tə fîŋ.

2 Kɔrèn 10:2

Mə wɨə buʼ ɨbɔ ni ənɨ mə̀ yeʼe əsɨ nən, tɨ mbə̀ nyeŋ əmɨ mə̀ ghamə mbɨ ɨka fîŋ. Mə kyerɨ ni mə we tɨ̀ mə ghàm mbɨ ɨka fîŋ əbɔʼ bə̂d mbe nɨ kɔndɨ ni tɨ̀ wɨə ghɨ̀ ɨnû ɨchî nɨ bə̂d mɨ̀sɔŋɨchù ə ghɨ̀ə̀.

2 Kɔrèn 10:6

Ənɨ mbə̀ fə chwi ni mbə mbɨə zuunɨ ə Kristo, tɨ̀ bɨrɨ sɨ zɨ ɨchə ɨgwɨ ə bə̂d mbe nɨə chəi mbɨə zuunɨ əməd.

2 Kɔrèn 12:21

Mə wɨə bɔə ni ənɨ mə̀ wɨrɨ yeʼe, Ŋwìə̀ we nɨ mɨə wumnɨə bɨrɨ swi əmɨ ɨfě nən. Mə wɨə bə̀ bɔə ni mə bɨrɨ dì ɨmbə̀ʼ bə̂d mɨ̀nɔnɔʼ mbe nɨ nyaʼa kweʼ ghɨ̀ ɨnû rɨbɔ̀ŋ àyɨə chəi mbɨ kɨrɨ beŋ tə fîŋ tɨ ənɨ ɨnyɔɔnɨ-ɨnû, tɨ ənɨ ɨfabrɨ-ɨnû bə̀ fɔrɨ tɨ ənɨ ɨnyamnɨ-ɨnû mbe nɨ mbɨ nyaʼə ghɨ̀ə̀.

2 Kɔrèn 13:2

Mə nyaʼa fə patɨ bə̂d mbe nɨ nyaʼa ghɨ ɨnû rɨbɔ̀ŋ bə̀ patɨ bə̂d cherə ənɨ mə nyaʼa yeʼe ənɨ ɨghəm nɨ pe be. Mə yɨ əni wɨrɨə patɨ mɨ̀mə̌d tɨ̀nîn nɨ chəi əmɨ mbɨ nən, ni ənɨ mə wɨrɨ yeʼe, chəi mə bɨrɨ diirɨ mɨ̀mə̌d.

2 Kɔrèn 2:1

Mə nyaʼa fə nùŋ ɨŋga mɨ fîŋ ni chəi mə̀ bɨrɨ wɨrɨ yeʼe mo əwən, ɨmbə̀ʼ tɨ mə̀ tɔɔnɨ əmɨ tə fîŋ.

Gàlesìyà 5:15

Tɨ mbə̀ yeʼ əwən ɨghabɨ ə nyam rɨ tɔtɔ nɨ nombɨə bə̀ kurə tɨ cherə. Mbə̀ we əwən ɨmbə̀ʼ mbə nɨə nimnɨ əwən mbənə mbənə.

Gàlesìyà 5:26

Tɨ rɨ̀ nɔ a ɨnyod. Tɨ rɨ̀ ghɨ a ni bə̂d cherə sə ɨtəm. Tɨ rɨ̀ ghɨ a ə̀dìì.

Jems 4:11

Mbɨ bɔŋgɔb, tɨ wə̀d gha i ɨnû rɨbɔ̀ŋ ɨgwɨ wi aŋgɔb. Wə̀d we nɨə ghà ɨnû rɨbɔ̀ŋ ɨgwɨ wi aŋgɔb kɨ̀ beə saʼ əməd wɨə ghàə̀ ni tɨkə rɨ Ŋwiə̀ rɨka kuʼi. Məd wɨə bə̀ saʼə tɨkə rɨ Ŋwiə̀. Àwɔ̀ mɨ yeʼ wə̀d nɨə saʼə tɨkə rɨ Ŋwiə̀, njɨ kaʼ àwɔ̀ wɨə nùŋ e rɨkə te. À wɨə saʼə rɨwən.

1 Pità 2:1

Mbə waʼ ɨnû rɨbɔ̀ŋ jìm, waʼ ɨnû nɨ fɨg bə̂d, waʼ ɨbekɨ ɨnû, waʼ ɨnû nɨ ghɨ ə̀dìì bə̀ waʼ ɨnû nɨ ghɨ mɨniə.

2 Pità 2:18

Ɨ mbɨə ghàm mɨŋgam əneŋ goŋ ɨgɔ̂. Ɨ mbɨə nɨŋə ɨnyamnɨ-ɨnû mbe nɨ nyamnyod ə feenɨə tambɨə bə̂d mbe nɨ fə cherə jwɨ̀ rəbɔʼ mbe nɨə chub ɨŋga ɨfebrɨ-ɨnû.

Jûd 1:16

Bə̂d mbɔ̂ mbɨə ghàmbɨ̀ə̀. Chəi ənû ə mɔʼɔ ə bɔŋ əmbɨ mɨ̀mə̌d. Ɨ mbɨə beenɨ əbɔʼ ɨnû rɨbɔ̀ŋ mbe nɨ nyamnyod tɨ mɨ̀mə̌d ə feenɨə. Ɨ mbɨə nɨŋə mbə mɨchû goŋ ɨgɔ̂ ɨmbə̀ʼ tə nyamnyod. Ɨ mbɨə bə̀ ghàm mɨŋgam nəmɨ nəmɨ ɨmbə̀ʼ berɨ ɨghɨ mbe nɨ mbɨ kəbɨ.