2 Kɔrèn 12:14 - Meta’

¹⁴ Mə wɨə tekɨ mɨ ɨnyod nɨ yeʼe əsɨ nən ənɨ ɨghəm nɨ pe tad. Chəi mə bɨrɨ chə əwən ɨmbə̀ʼ ɨghəm nɨ chəi mə kəb ɨkab. Mə kə̀b yeʼ əwən. Kaʼi bɔn berɨ nuŋ ɨghɨ əmbɨ mbə mɨ̀mbǎʼ fɔrɨ əmbɨ mbə mɨ̀nɨ̌ŋ. À yɨə mɨ̀mbǎʼ mbɨ mɨ̀nɨ̌ŋ berɨ nuŋ ɨghɨ əmbɨ mbə bɔn.

Ikan feg

¹⁴ Mə fə kweʼì yèʼe mùg awən aghəm abe. Mə biri ywiri yeʼe mùg awən ighəm ndəŋ. Chəyi mə̀ bìre gha mbə̀ naʼa aghi mɔ̀ʼɔ inum. Chəyi mə̀ bə̀ kə̀bə̀ ìmbən ighi. Mə ya kə̀bə̀ yaʼ awən. Chəyi bɔn kwa mbe nɔ̀ŋɔ̀ ighi abə ìmbɔb mə̀mbaʼ. À ya mə̀mbaʼ mbe nɔ̀ŋɔ̀ ighi abə ìmbɔb bɔn.

2 Kɔrèn 12:14 ပူးပေါင်းရင်းမြစ်များ

Ɨ̀fàʼì 20:33

Chəi mə̀ kweʼ feenɨ ə gôl, kɨ̀ ə sɨrɨvà, kɨ̀ ə ngywɨ̌ wə̀d mɔʼɔ.

1 Kɔrèn 10:24

Tɨ wə̀d mɔʼɔ kəb i àmei ɨnû mbe nɨ bɔŋ ɨ bɔ. Wɨ̀ kəb yeʼ mbe nɨ bɔŋ əmbɨ ə bə̂d cherə.

1 Kɔrèn 10:33

Mbə̀ ghɨ ɨghabɨ ə mɔ̌, ɨmbə̀ʼ ɨghəm nɨ mə wɨə kəbɨ ni fîŋ rɨ bə̂d mɨjìm bɔŋ ɨchî nɨ mɨə ghɨ̀ ɨnû jìm. Chəi mə̀ kəb nɨ ghɨ àmei ɨnû mbe nɨ bɔŋ ɨ num. Mə wɨə kəb ghɨ̀ yeʼ mbe nɨ bɔŋ əmbɨ ə bə̂d mɨ̀nɔnɔʼ, ɨmbə̀ʼ ɨ mbe tɨ̀ mbɨ jwɨ̀ rəŋgəʼ.

1 Kɔrèn 11:34

Njì mɨ yeʼə zaŋə wə̀d mɔʼɔ, wɨ̀ jɨg rɨŋga i nəb, ɨmbə̀ʼ ənɨ mbə̀ fɔtɨ, tɨ Ŋwìə̀ zɨ i ɨsaʼi ɨgwɨ nən. Ənɨ mə̀ yeʼe, mə bɨrɨ kəərɨ əwən ɨmbə̀ʼ ɨnû mɔʼɔ mbe nɨ sɨ bùʼ.

1 Kɔrèn 16:5

Mə bɨrɨ yeʼe əsɨ nən ənɨ mə̀ fə che ə Màsèdonià, ɨmbə̀ʼ ɨghəm nɨ mə fə tekɨ ni mə bɨrɨ chè ə Màsèdonià.

1 Kɔrèn 4:19

Àyɨə Ŋwìə̀ mɨ benɨ, mə bɨrɨ zambɨ yeʼe əsɨ nən. Mə mɨ yeʼe, mə bɨrɨ pe nwèndɨ̀ ɨnû mbe nɨ bə̂d mbe nɨə seenɨ ə ghàə̀, bə̀ nwèndɨ̀ ɨka we nɨ mbɨ berɨ.

1 Kɔrèn 9:12

Bə̂d mɔʼɔ mɨ berɨ ɨka nɨ biirɨ ɨghɨ mbɔ̂ rɨ nən, njɨ chəi tɨ̀ berɨ ɨka chè mɨ̀mə̌d ə? Àyɨə chəi tɨ̀ nɨŋ ɨka we. Tɨ̀ fə nyiʼ ɨnû jìm ɨmbə̀ʼ tɨ rɨ̀ kən a ɨkə̂n chɔ̀m we nɨ tɨə ghà ɨmbə̀ʼ ə Kristo.

1 Kɔrèn 9:18

Əne mɨ ɨchɔʼ ə̀fàʼì kɨə ye ə? Àmei ni mə mɨ yeʼə ghà ɨkə̂n chɔ̀m, tɨ mə̀ ghɨ əmɨ ni bə̂d chwɨ əmɨ. Əne chəi mə bɨrɨ nɨŋ ɨka we nɨ mə berɨ ɨmbə̀ʼ ghɨ̀ ni mbə̀ chwɨ əmɨ.

1 Kɔrèn 9:19

Ka à bè yeʼi ni mə wɨ ənɨ mɨ ɨghəm, nɨ chəi mə̀ ben ə̀bòʼò əmbɨ wə̀d mɔʼɔ, àyɨə mə fə ben ə̀bòʼò əmbɨ wə̀d jìm ɨmbə̀ʼ mə̀ ghɨ ni bə̂d mɨ̀nɔnɔʼ ben ə Kristo.

2 Kɔrèn 1:15

Ənɨ mə̀ nyaʼa kyerɨ əne, mə nyaʼa kə̀b ni mə bɨrɨ be yeʼe əsɨ nən ɨmbə̀ʼ mbə̀ berɨ əbɔrəbɔd ɨghəm be.

2 Kɔrèn 11:9

Ənɨ mə̀ nyaʼa mbɨ nən kwaŋ əghɨ ə mɔʼɔ, chəi mə̀ nyaʼa chə wə̀d mɔʼɔ rəbɔʼ nən, ɨmbə̀ʼ ɨghəm nɨ mbɨ bɔŋgɔb mbe rɨ ə Màsèdonià nyaʼa naʼ ɨghɨ mbe nɨ mə̀ nyaʼa kwaŋɨ. Mə nyaʼa ton, əne mə wɨə bə̀ kɨrɨ ton nɨ chə əwən.

2 Kɔrèn 12:13

Mə wa nyaʼa ghɨ ənû ə mɔʼɔ ɨŋga rɨfetɨ bə̂d Kristo cherə nɨ chəi mə nyaʼa ghɨ ɨ nən ə? Ɨmbə̀ʼ àmei ni chəi mə nyaʼa chə əwən ə? Əze ə mɨ bə, mbə̀ waʼ mbɨ ɨnû rɨbɔ̀ŋ!

Gàlesìyà 4:19

Mbɨ bɔn nɨ mə̀ ghaʼi kwàʼ rɨŋgəʼ, mə wɨə yɨə zu rɨbuʼ ɨghabɨ əyi nɨə nombɨə. Mə bɨrɨ zu əne pè ənɨ mbə̀ yeʼ ɨghabɨ ə Kristo.

Fìlipì 4:1

Mbɨ bɔŋgɔb, mə ghaʼ əwən bə̀ kàŋ kə̀b nɨ zə əwən. Mbə mbɨə ghɨ̀ ni mɨ fîŋ bɔŋ ə. Mbə yɨə bə̀ ɨchɔʼ ə̀fàʼì ənɨ ə̀fàʼì ze nɨ mə faʼi. Əne kyɨə bɔŋgɔb nɨ mə̀ ghaʼi kwàʼ rɨŋgəʼ, mbə̀ təm kàànɨ ɨchî nɨ mbə̀ yeʼ ənɨ ɨfɔtɨ mbɨ Ə̀nùŋɨ̀sɨg.

Fìlipì 4:17

Chəi mə̀ gha əne ɨmbə̀ʼ ɨghəm nɨ mə̀ kəb ni mbə naʼ ɨghɨ ɨ num. Mə kə̀b yeʼ ni Ŋwìə̀ chwɨ əwən ɨchî nɨ mbə̀ weerɨ əmɨ.

1 Tèsàlonikà 2:11

Mbə kyerɨ ə ni tɨ̀ wɨə fàʼə̀ mbɨ nən ɨchî nɨ mbǎʼ ə fàʼə̀ mbɨ mbi bɔn.

1 Tèsàlonikà 2:8

Əne ɨchî nɨ tɨ̀ nyaʼa ghaʼ əwən kwàʼ rɨŋgəʼ, chəi tɨ̀ nyaʼa kəb àmei nɨ ghɨ ni mbə̀ kyerɨ ɨkə̂n chɔ̀m ɨmbə̀ʼ ə Ŋwiə̀, tɨ̀ nyaʼa bə̀ kəb nɨ ghɨ ɨnû jìm ɨmbə̀ʼ weerɨ əwən. Mə wɨə ghà əne ɨmbə̀ʼ ɨghəm nɨ tɨ̀ nyaʼa ghaʼ əwən, əne tɨ̀ wɨə bə̀ kɨrɨ ghaʼ əwən ənɨ ta fîŋ rɨ̀jìm.