2 Kɔrèn 11:29 - Meta’

²⁹ À kɨə we nɨ bɔrɨ, nɨ chəi mə̀ bə bɔd ə? À kɨə we nɨ mbɨ ghɨ ni wɨ̀ ghɨ̌ ənû rɨbɔ̀ŋ, nɨ chəi mɨ fîŋ tɔb əmɨ ə?

Ikan feg

²⁹ Wə̀d ne bɔri ne chəyi ibɔri bə gwì mə, àkə we? Wə̀d ne gughi anug ne chəyi ze se amə, àkə we?

2 Kɔrèn 11:29 ပူးပေါင်းရင်းမြစ်များ

Matìyò 11:6

Ŋwìə̀ zɨ əbɔrəbɔd ɨgun ə wə̀d we nɨ chəi wɨ̀ bid ənû ə mɔʼɔ ɨmbə̀ʼ əmɨ.”

Jn 2:17

Mə̀mə̀ə̀nɨ̀-ɨnû ɨməd nyaʼa kɔndɨ ni ə zɨ ɨŋga Ə̀ŋwàʼnɨ̀ ə Ŋwiə̀ ni, “Ɨchî nɨ mə zɨ ətu ənɨ e nəb, kyɨə Ŋwìə̀, ə bɨrɨ ghɨ ni bə̂d zwiirɨ əmɨ.”

Rm 12:15

Mbə̀ ghaʼrɨ mbɨ ə bə̂d mbe nɨə ghaʼə, bə̀ zə̀ʼ mbɨ mbe nɨə zə̀ʼə̀.

Rm 15:1

Mba mbe nɨ a ɨbenɨ kaanɨ berɨ yim fîŋ mbɨ mbe nɨ ɨbenɨ mɨ̀mə̌d kɨrɨ bɔd. Tɨ rɨ̀ ghɨ a àmei ɨnû mbe nɨ bɨrɨ ghɨ ni ta fîŋ bɔŋ ə.

1 Kɔrèn 11:22

À kɨ ənû ə ye! Chəi mbə̀ berɨ tə nəb nɨ tɨ̀ mbə̀ jɨg bə̀ nɔ ɨŋga ə? Kɨ̀ mbə mbɨə kə̀b təənɨ ɨfetɨ bə̂d Ŋwiə̀, əne tìbrɨ̀ bə̂d mbe nɨ chəi mbɨ berɨ əghɨ ə mɔʼɔ ə? Mbə̀ wa kə̀b ni mə̀ ben ni ənû zɔ̂ nɨ mbə̀ə ghɨ ə bɔ̀ŋ ə? Chə̂! Chəi mə̀ bɨrɨ benɨ!

1 Kɔrèn 12:26

Əsɨ ɨnyod ə mɔʼ ə mɨ yeʼə zəə ŋgəʼ, ɨsɨ ɨnyod jìm bɨrɨ bɨ zə ŋgəʼ mbɨ məd. Mbɨ mɨ nàʼ ɨwumnɨ əmbɨ əsɨ ɨnyod ə mɔʼ, ɨsɨ ɨnyod jìm bɨrɨ ghaʼrɨ mbɨ məd.

1 Kɔrèn 15:36

Àwɔ̀ yɨ əneŋ! À mɨ kon fɨtam, ka fɨ bɨrɨ gwed i kɨrɨ ənɨ fɨ fə bè kwɨ.

1 Kɔrèn 8:13

Əne, əghɨ ze nɨ mə̀ jɨg ə mɨ ghɨ̀ ni wum aŋgɔb gu ənû, chəi mə̀ bɨrɨ nɔ wɨrɨ kud nyam, ɨmbə̀ʼ tɨ wum aŋgɔb gu i.

1 Kɔrèn 8:9

Mbə̀ we əwən ni tɨ ɨchî nɨ tɨ mbə̀ jɨg əghɨ ə mɔʼɔ kɨ̀ ɨchî nɨ chəi ənɨ tɨ̀ mbə̀ jɨg ə ghɨ ni bə̂d mbe nɨ ɨbenɨ mɨ̀mə̌d bɔd gu ənû.

1 Kɔrèn 9:22

Ənɨ mə̀ yeʼ əkaʼ bə̂d mbe nɨ bɔrɨ, mə bə̀ bɔd, ɨmbə̀ʼ mə̀ ghɨ ni bə̂d mbe nɨ bɔrɨ ben ə Kristo. Mə fə bèŋ ənɨ ɨghɨjìm əmbɨ ə bə̂d mɨ̀jìm, ɨmbə̀ʼ mə̀ che ənɨ tɨkwɨrɨ ɨnə̂njɨ̀ jìm chɨ̀ mbɨ mɔʼɔ rəŋgəʼ.

2 Kɔrèn 13:9

Tɨ̀ wɨə ghaʼə ni ənɨ tɨ̀ bɔd, mbə̀ mbɨə kàə̀. Tɨ̀ wɨə kɔ̀ŋgɨ̀ ə Ŋwiə̀ ni mbə̀ bɔŋə màànɨ̀.

Gàlesìyà 2:14

Ənɨ mə̀ nyaʼa zə ni chəi mbɨ nyaʼə beenɨ əbɔʼ rəsìʼ we nɨ yeʼ ɨŋga ɨkə̂n chɔ̀m, mə nyaʼa ghà əmbɨ Pità ɨfě mɨ̀mə̌d mɨjìm ni, “Àwɔ̀ yɨə Jû, əne à mɨ yeʼə ghɨ̀ ɨnû ɨghabɨ ə wə̀d nɨ kaʼi Jû, ne àwɔ̀ yɨə Jû, njɨ àwɔ̀ kɨə wò nyeŋ bə̂d mbe nɨ kaʼi mɨ̀Jû ni mbɨ ghɨ ɨnû ɨghabɨ mɨ̀Jû rɨ ye ə?”

Gàlesìyà 6:2

Wə̀d mɔʼɔ mɨ yeʼ ə ŋgəʼ, mbə̀ weerɨ əməd. Mbə mɨ ghɨ̀ əne, njɨ mbə fə nùŋ ɨkə we nɨ Kristo nyaʼa naʼ ɨ na.

Ɨnû 2:2

Mə kyerɨ ɨnû mbe nɨ àwɔ̀ ə ghɨ̀ə̀. Mə kyerɨ ɨchî nɨ à fə fàʼi rɨkǎ bə̀ kyerɨ ɨchî nɨ à fə nyiʼ əton ə ŋgəʼ. Mə kyerɨ ni chəi à ghaʼ nɨ zə bə̂d mbe nɨə ghɨ̀ ɨnû rɨbɔ̀ŋ bə̀ kyerɨ ni à fə kwàʼnɨ̀ bə̂d mbe nɨə ghàə̀ ni mbə̀ yɨə bə̂d tom àyɨə kaʼi mbɨwən, əne zə ni mbɨ yɨə bə̂d mɨghab.

Ɨnû 2:20

Àyɨə mə berɨ ənû ə mɔʼɔ ɨmbə̀ʼ əwe. Ənû ze yɨ ni, chəi à təmnɨ əyi we nɨ mbɨə tɔŋ ənɨ ə Jesebèl. Ɨ wɨə ghàə̀ ni tə yɨə wə̀d ɨ̀kə̀n əyi. Ɨ wɨə chwi ɨnû ɨmbə̀ʼ febrɨ mbɨ bə̂d ə̀fàʼì ni mbɨ ghɨ ɨfabrɨ-ɨnû fɔrɨ ni mbɨ jɨg tɨjɨg te nɨ mbɨ naʼ ənɨ əghɨ ə̀fà əmbɨ mbɨ̀anèŋ.