2 Kɔrèn 11:18 - Meta’

¹⁸ Bə̂d mɨ̀nɔnɔʼ mbɨə goŋ ɨgɔ̂ ɨchî nɨ bə̂d ɨŋga ɨsɨg ə goŋə, əne mə bɨrɨ bɨ goŋ.

Ikan feg

¹⁸ Icheg ne bəd nɔʼ nɔʼ mbe kɔ̀mɔ̀ igo icheg bəd igun isəg, mə biri bə kɔ̀m igo.

2 Kɔrèn 11:18 ပူးပေါင်းရင်းမြစ်များ

1 Kɔrèn 4:10

Tɨ̀ yɨ ɨneŋ ɨmbə̀ʼ ɨchî nɨ tɨə fàʼ əmbɨ Kristo, àyɨə mbə yɨə bə̂d ɨwe ɨchî nɨ mbə̀ fɔtɨ mbɨ Kristo. Tɨ̀ bɔd, àyɨə mbən ə kà. Bə̂d mbɨə wumnɨ əwən, àyɨə ɨ mbɨə tìbrɨ̀ əwa!

2 Kɔrèn 1:17

Mə wa nyaʼa taŋ ənû zɔ̂ mbɨə fîŋ rɨ̀be ɨghabɨ ə wə̀d nɨə ferɨ ferɨ ə? Mə wɨə wa taŋ ɨnû ɨchî nɨ bə̂d mɨ̀sɔŋɨchù ə taŋ ə, nɨ tɨ̀ mə ghà ni, “Ee, ee,” bə̀ wɨrɨ beŋ ghà ni, “Chə̂, chə̂” àmei əwu əwən ə?

2 Kɔrèn 11:12

Mə bɨrɨ wo ɨmbì ghɨ ənû ze nɨ mɨə ghɨ̀ə̀, ɨmbə̀ʼ chɨ ətən rɨ ɨnyɨ bə̂d mbe nɨə ghàə̀ nɨ mbə mbɨ əndəŋ əndəŋ mbɨ na ənɨ ɨnû mbe nɨ mbɨə goŋ ɨgɔ̂ ɨmbə̀ʼ mbɨwən.

2 Kɔrèn 12:1

Mə berɨ goŋ ɨgɔ̂. Ka à bè yeʼi ni chəi njìm əŋgu, àyɨə mə bɨrɨ wo ɨmbì ghà ɨghɨ mbe nɨ mə nyaʼa zə ɨŋga tɨ̀taanɨ njə̀m bə̀ ghà mbe nɨ Ə̀nùŋɨ̀sɨg nyaʼa chwi ɨ num.

2 Kɔrèn 12:11

Mə fə bèŋ ənɨ əneŋ! À yɨə mbə̀nə nyem əmɨ ni mə̀ ghɨ əne. Njɨ à yɨə mbə̀nə nyaʼa berɨ gha ni mə wɨə fàʼ ɨchî nɨ kuʼnɨ. Ka à bè yeʼi ni mə yɨ əghɨ əko, àyɨə chəi mə kə chè “bə̂d tom Kristo mbe nɨə ghàə̀ ni mbə chè mbɨ mɨjìm.”

2 Kɔrèn 12:9

Àyɨə wɨ̀ nyaʼa wììrɨ̀ ɨ num ni, “Ɨ̀chɔ̀m we nɨ mɨə ghɨ̀ə̀ ə kuʼ ɨ ne, ɨmbə̀ʼ ɨghəm nɨ wə̀d bɨrɨ zə mɨ ɨka jìm ənɨ wɨ̀ fə bɔrɨ.” Əne mə bɨrɨ jeŋgɨ ghaʼ ɨmbə̀ʼ ɨchî nɨ mə bɔrɨ, ɨmbə̀ʼ ɨka Kristo we tɨ̀ wɨ chub ɨŋga num.

2 Kɔrèn 5:16

Əne, ɨ kɔ rɨ̀nîn chəi tɨə wɨrɨə neŋə wə̀d ɨchî nɨ wə̀d mɨ̀sɔŋɨchù ə nèŋə̀. Ka à bè yeʼi ni tɨ̀ nyaʼa kweʼ nèŋ ə Kristo ɨchî nɨ bə̂d mɨ̀sɔŋɨchù ə nèŋə̀, àyɨə chəi tɨə wɨrɨə nèŋ əməd əne.

1 Pità 1:24

Ə zɨ ɨŋga Ə̀ŋwàʼnɨ̀ ə Ŋwiə̀ ni, “Bə̂d mɨjìm yɨ ɨghabɨ ɨfu, ɨwumnɨ mɨ̀mə̌d yɨ ɨghabɨ wɨ rɨ̀kwě. Ɨfu wɨə kwɨə, rɨ̀kwě nə̀ŋə̀ feŋgɨə,