2 Kɔrèn 10:7 - Meta’

⁷ Mbə mbɨə neŋ ɨghɨ àmei əsaŋ əsaŋ. Wə̀d mɔʼɔ mɨ kyerɨ ni tə yɨə wə̀d Kristo, wɨ̀ bə kyerɨ ni tɨ̀ yɨə bə̀ə bə̂d Kristo ɨghabɨ ə məd.

Ikan feg

⁷ Mbə̰ ya nḛ̀ ighi məyi asaŋ asaŋ. Wə̀d ne kyeri gha zìye ya wə̀d Kristo, wì bə kyèri gha mba ya bə̀ bəd Kristo kwàʼ icheg məd.

2 Kɔrèn 10:7 ပူးပေါင်းရင်းမြစ်များ

Matìyò 23:5

Ɨ mbɨə ghɨ̀ ɨnû jìm ɨmbə̀ʼ bə̂d zə mɨ̀mə̌d. Ɨ mbɨə tekɨə mbə mbɨ̀rɨkub gôb nɨ mbɨ zɨ ɨŋgam Ŋwiə̀ ɨŋga ni mbɨ kaŋ faŋ. Ɨ mbɨə nyaʼə taə tə ngywɨ̌ ghɨ̀ rɨtɔŋ jeŋgɨ sà.

Lk 16:15

Àyɨə Yeso nyaʼa ghà əmbɨ mɨ̀mə̌d ni, “Mbə yɨə bə̂d mbe nɨə chwi ɨfě bə̂d ni mbə̀ mbɨə ghɨ̀ ɨnû nɨ kuʼnɨ, àyɨə Ŋwìə̀ ə kyerɨ tə fîŋ. Mbə̀ zə rəŋgu ni ɨnû mbe nɨ Ŋwiə̀ ə bànə̀ yɨ mbe nɨ bə̂d ə kɔndɨə ni mbɨ yɨ ɨnû kyeŋ.

Jn 7:24

Tɨ mbə̀ saʼ ə wə̀d beenɨ əbɔʼ ɨnû mbe nɨ mbə̀ə zəə. Mbə̀ saʼ beenɨ yeʼ əbɔʼ ɨchî nɨ kuʼnɨ.”

1 Kɔrèn 1:12

Ənû nɨ mɨə ghàə̀ yɨ ni wɨ mɔʼ rəbɔʼ nən wɨə ghàə̀ ni tə wɨə beenɨ əbɔʼ ə Pɔ̂l, wɨ cherə wɨə ghàə̀ ni tə wɨə beenɨ əbɔʼ ə Àpolòs, wɨ cherə wɨə ghàə̀ ni tə wɨə beenɨ əbɔʼ ə Sefàs, wɨ cherə wɨə bə̀ yɨə ghàə̀ ni tə wɨə beenɨ əbɔʼ ə Kristo.

1 Kɔrèn 14:37

Wə̀d mɔʼɔ mɨ kɔndɨ ni tə yɨə wə̀d ɨ̀kə̀n, kɨ̀ ni mɨneʼe mbe nɨ Əzwî ə Zeŋɨ ə nàʼ ɨ mbɨ ɨŋga məd, wɨ̀ kyerɨ ni ənû zɔ̂ nɨ mɨə ŋwàʼnɨ̀ ɨ nən yɨ ɨkə Ə̀nùŋɨ̀sɨg.

1 Kɔrèn 15:23

Ŋwìə̀ bɨrɨ zwemnɨ wə̀d mɔʼ mɔʼ ɨwaŋ ɨwaŋ. Wə̀d rɨtu we nɨ wɨ̀ zwemnɨ yɨə Kristo. Ənɨ Kristo wɨrɨ yeʼe, wɨ̀ bɨrɨ beenɨ zwemnɨ bə̂d mbe nɨ yeʼ mbɨ Kristo.

1 Kɔrèn 3:23

Mbə̀ yɨə bə̂d Kristo. Kristo yɨə bə̀ ə wə̀d Ŋwìə̀.

1 Kɔrèn 9:1

Ɨmbə̀ʼ mə wɨ ənɨ mɨ ɨghəm ə? Ɨmbə̀ʼ mə yɨə wə̀d tom Kristo ə? Ɨmbə̀ʼ mə fə zə ə Yeso a Ə̀nùŋɨ̀sɨg ə? Ɨmbə̀ʼ mbə̀ fə ben Ə̀nùŋɨ̀sɨg ɨmbə̀ʼ ɨchî nɨ mə̀ faʼ rɨka ə?

2 Kɔrèn 10:1

Mɔ̌ Pɔ̂l, wɨə nɨŋ ɨkum Kristo we nɨ nyaʼə bɔtɨ ɨnyod bə̀ bɔtɨə fîŋ buʼ ɨbɔ ɨ nən. Bə̂d mɔʼɔ rəbɔʼ nən mbɨə ghà ni mə wɨə swi ɨnyod ənɨ mə yeʼ ɨfě nən, àyɨə mə berɨ ɨka fîŋ ənɨ chəi əmɨ mbɨ nən.

2 Kɔrèn 11:18

Bə̂d mɨ̀nɔnɔʼ mbɨə goŋ ɨgɔ̂ ɨchî nɨ bə̂d ɨŋga ɨsɨg ə goŋə, əne mə bɨrɨ bɨ goŋ.

2 Kɔrèn 11:23

Mbɨ wa kɨə bə̂d ə̀fàʼì Kristo ə? Mə wɨə ghàm ɨghabɨ ətəd. Mə chè mɨ̀mə̌d. Mə fə fàʼ rɨ̀kǎ chè mɨ̀mə̌d, mə fə nyɨ ndəŋ ɨghəm nɔnɔʼ, mbɨ fə som əmɨ ɨghəm nɨ chəi ənɨ tɨ̀ mbɨ taŋ, mə fə jwɨ̀ rɨ ɨchû ɨvɨ ɨghəm nɔnɔʼ.

2 Kɔrèn 11:4

Mə wɨə ghà əne ɨmbə̀ʼ ɨghəm nɨ mbə mbɨə zàmbɨ̀ə̀ benə wə̀d mɔʼɔ we nɨ yeʼe ghà ɨnû ɨ nən ɨmbə̀ʼ ə Yeso cherə chè rɨ ənɨ we nɨ tɨ̀ nyaʼa gha ɨ nən ɨmbə̀ʼ əməd, kɨ̀ ɨmbə̀ʼ əzwî ə cherə chè rɨ ənɨ əze nɨ mbə nyaʼa nɨŋɨ, kɨ̀ mbə zu ɨkə̂n chɔ̀m cherə chè rɨ ənɨ we nɨ mbə nyaʼa benɨ.

2 Kɔrèn 12:11

Mə fə bèŋ ənɨ əneŋ! À yɨə mbə̀nə nyem əmɨ ni mə̀ ghɨ əne. Njɨ à yɨə mbə̀nə nyaʼa berɨ gha ni mə wɨə fàʼ ɨchî nɨ kuʼnɨ. Ka à bè yeʼi ni mə yɨ əghɨ əko, àyɨə chəi mə kə chè “bə̂d tom Kristo mbe nɨə ghàə̀ ni mbə chè mbɨ mɨjìm.”

2 Kɔrèn 13:3

Ɨchî nɨ mbə̀ kəb ənweenɨ ni ɨŋgam we nɨ mɨə ghàə̀ yɨ rɨ əmbɨ ə Kristo, mə bɨrɨ chwi ɨ nən. Chəi Kristo bɔd nɨ ghɨ ənû ɨ nən, àyɨə məd wɨə fàʼə̀ kwàʼ rɨ̀kǎ əkaʼ nən.

2 Kɔrèn 5:12

Chəi tɨ̀ kəb nɨ wɨrɨ gha ɨ nən ni tɨ̀ yɨə bə̂d ə̀fàʼì chɔ̀m, àyɨə tɨ̀ wɨə nàʼ əpan ɨ nən ni mbə̀ goŋ ɨgɔ̂ ɨmbə̀ʼ əwa, ɨmbə̀ʼ mbə mbe tɨ̀ mbə wììrɨ̀ ɨŋgam əmbɨ ə bə̂d mbe nɨə goŋ ɨgɔ̂ ɨmbə̀ʼ ɨnû mbe nɨ bə̂d ə zəə, nɨ kaʼi mbe nɨ yeʼ ɨŋga fîŋ.

Gàlesìyà 3:29

Mbə mɨ yeʼ bə̂d Kristo, əne yɨ ni mbə yɨə bɔn tɨ ənɨ əghaŋ ə Abràham. Ɨchî nɨ mbə̀ yeʼ bɔn tɨ ənɨ əghaŋ ə Abràham, əne yɨ ni mbə bɨrɨ jɨg ɨghɨ mbe nɨ Ŋwìə̀ kaʼi.

1 Jɔn 4:6

Tɨ̀ yɨə bə̂d Ŋwiə̀, əne wə̀d mɔʼɔ we nɨ kyerɨ ə Ŋwìə̀ wɨə zwetɨ ɨnû mbe nɨ tɨə ghàə̀. Chəi wə̀d we nɨ kaʼi wə̀d Ŋwìə̀ ə zwetɨ ɨnû mbe nɨ tɨə ghàə̀. Wɔ̂ yɨ ɨchî nɨ tɨ̀ rɨ̀ kyerɨ ɨkwepɨ rɨ ənɨ əzwî ze nɨə ghɨ̀ ni tɨ̀ kyerɨ rəsìʼ bə̀ fɔrɨ tɨ ənɨ əze nɨə tambɨə bə̂d.