2 Kɔrèn 1:23 - Meta’

²³ Mə wɨə tɔŋ ə Ŋwiə̀ ni wɨ̀ yeʼ zərɨmbin ɨ num ni əton nɨ chəi mə nyaʼa wɨrɨ yeʼe ə Kɔrèn yɨ ni, chəi mə̀ nyaʼa kəb chəkɨ tə fîŋ.

Ikan feg

²³ Ŋwiye kyèri ìmə fìŋ gha mə̀ ya ghà tesiʼ gha, chəyi mə̀ ya ywirì yèʼe a Kɔrèn icheg ne mə̀ ya kàʼi imbə̀ʼ icheg ne chəyi mə̀ ya kə̀bi ni pè ghàm gaŋ inən, ighəm mɔ̀ʼɔ chìkì ìtən fìŋ.

2 Kɔrèn 1:23 ပူးပေါင်းရင်းမြစ်များ

Ɨ̀fàʼì 18:1

Ənɨ Pɔ̂l nyaʼa fə gham əmbɨ ɨfetɨ Àriopagùs we, wɨ̀ nyaʼa nɔ̀ʼ rɨ ə Atèns wò ə Kɔrèn.

Ɨ̀fàʼì 18:8

Krispùs bə̂, nɨ nyaʼa ətu ɨŋga nəb ə̀kàtɨ̀ ze mbɨ ə bə̂d mɨ̀jìm mbe nɨ nyaʼa ɨŋga nəb məd, nyaʼa ben Ə̀nùŋɨ̀sɨg. Bə̂d mɨ̀nɔnɔʼ ə Kɔrèn nyaʼa zu ənû ze nɨ Pɔ̂l nyaʼə ghàə̀, əne mbɨ nyaʼa bə̀ ben Ə̀nùŋɨ̀sɨg. Ənɨ mbɨ nyaʼa benɨ, mbɨ nyaʼa nɨŋ mɨnib.

Rm 1:9

Ŋwìə̀ we nɨ mɨə fàʼ ɨ bɔ ənɨ mɨ fîŋ jìm, ɨchî nɨ mɨə ghà ɨkə̂n chɔ̀m ɨmbə̀ʼ Wan məd, yɨə zərɨmbin ɨ num ni ənɨ mɨ̀nyùmə̀ jìm mbe nɨ mɨə kɔ̀ŋgɨ̀ əməd, mə wɨə kɔndɨ əwən.

Rm 9:1

Mə wɨə ghà rəsìʼ ɨchî nɨ mə yeʼ ənɨ ɨfɔtɨ mbɨ Kristo. Chəi mɨə ghàə̀ mɨghab. Əzwî ə Zeŋɨ ze nɨ yeʼ ɨŋga mɨ fîŋ ə fə ghɨ̀ mə kyerɨ ni chəi mɨə ghàə̀ mɨghab.

1 Kɔrèn 4:21

Mbə kɨə kəbə ni ye ə? Mbə̀ wa kə̀b yeʼ ni mə̀ yeʼe əsɨ nən mbɨ fɨŋgyeŋ, kɨ̀ ni mə̀ yeʼe mbɨ ɨghaʼi fɔrɨ əzwî ə bɔtɨ bɔtɨ ə?

1 Kɔrèn 5:5

mbə̀ saŋ mbaŋə̀ zɔ̂ ɨŋga tɨkyerɨ-ɨbɔ Satàn ni wɨ̀ chəkɨ nyamnyod məd, ɨmbə̀ʼ əzwî əməd ə jwɨ rəŋgəʼ əni ze nɨ Ə̀nùŋɨ̀sɨg Yeso bɨrɨ wɨrɨ yeʼe.

2 Kɔrèn 1:1

À yɨə mɔ̌ Pɔ̂l, nɨ mə̀ yeʼ wə̀d tom Kristo Yeso ɨchî nɨ Ŋwìə̀ kəbɨ, ŋwaʼnɨ ə̀ŋwàʼnɨ̀ zɔ̂. Mə wɨə ŋwàʼnɨ̀ əmbɨ ɨfetɨ bə̂d Ŋwiə̀ we nɨ yeʼ ə Kɔrèn. Mə wɨə bə̀ ŋwàʼnɨ̀ əmbɨ ə bə̂d Ŋwiə̀ mɨjìm mbe nɨ yeʼ əbà əbeŋ ze rɨ ə Àkàiyà. Mɔ̌ mbɨ Timotì nɨ yeʼ wa aŋgɔb chàʼrɨ̀ əwən.

2 Kɔrèn 1:18

Ŋwìə̀ wɨə kàʼ ɨnû bə ghɨ̀ə̀, əne ka ɨŋgam we nɨ tɨə ghà ɨ nən yɨ i ənû nɨ gha ni “Ee” kɨ̀ ənû nɨ gha ni “Chə̂,”

2 Kɔrèn 10:2

Mə wɨə buʼ ɨbɔ ni ənɨ mə̀ yeʼe əsɨ nən, tɨ mbə̀ nyeŋ əmɨ mə̀ ghamə mbɨ ɨka fîŋ. Mə kyerɨ ni mə we tɨ̀ mə ghàm mbɨ ɨka fîŋ əbɔʼ bə̂d mbe nɨ kɔndɨ ni tɨ̀ wɨə ghɨ̀ ɨnû ɨchî nɨ bə̂d mɨ̀sɔŋɨchù ə ghɨ̀ə̀.

2 Kɔrèn 11:10

Mə wɨə ghà rəsìʼ ɨchî nɨ Kristo nyaʼə ghàə̀. Əne chəi wə̀d mɔʼɔ rɨŋga əbà əbeŋ ze rɨ ə Àkàiyà we tɨ̀ wɨ̀ təmnɨ ɨchî nɨ mɨə goŋ ɨgɔ̂.

2 Kɔrèn 11:11

Əton kɨ ni ye ə? À kɨ ɨmbə̀ʼ ɨghəm nɨ chəi mə̀ ghaʼ əwən ə? Ŋwìə̀ ə kyerɨ ni mə ghaʼ əwən.

2 Kɔrèn 11:31

Ŋwìə̀ Mbǎʼ Ə̀nùŋɨ̀sɨg Yeso ə kyerɨ ni chəi mɨə ghà mɨghab. Tɨ̀ yiirɨ məd koŋ!

2 Kɔrèn 12:20

Mə wɨə bɔə ni mə mɨ yeʼe, chəi mə bɨrɨ zə əwən ɨchî nɨ mə̀ kəb ni mbə̀ yeʼ ə. Mə wɨə bə̀ bɔə ni chəi mbə bɨrɨ zə əmɨ ɨchî nɨ mbə̀ kəb ni mə yeʼ ə. Mə wɨə bɔə ni ɨghə̀m mə bɨrɨ zə bə̂d nɨə tàŋə̀, zə mbe nɨə ghɨ̀ ə̀dìì, zə mbe nɨə sə ɨtəm, zə mbe nɨə siə, zə mbe nɨə chəkɨ rɨkum mbɨ cherə, zə mbe nɨə ghɨ̀ mɨniə, zə mbe nɨə tərə bə̀ zə mbe nɨə bùùrɨ̀ ɨsɨ.

2 Kɔrèn 13:10

Mə wɨə ŋwaʼnɨ ɨnû mbɔ̂ nɨ chəi əmɨ mbɨ nən, ɨmbə̀ʼ ənɨ mə̀ yeʼe, chəi mə bɨrɨ nɨŋ ɨka we nɨ Ə̀nùŋɨ̀sɨg naʼ ɨ num nya əbɔʼ nən. Ɨka we yɨ nɨ ghɨ ni mbə̀ təm kàànɨ̀, kaʼi nɨ ghɨ ni mbə̀ bɔd.

2 Kɔrèn 13:2

Mə nyaʼa fə patɨ bə̂d mbe nɨ nyaʼa ghɨ ɨnû rɨbɔ̀ŋ bə̀ patɨ bə̂d cherə ənɨ mə nyaʼa yeʼe ənɨ ɨghəm nɨ pe be. Mə yɨ əni wɨrɨə patɨ mɨ̀mə̌d tɨ̀nîn nɨ chəi əmɨ mbɨ nən, ni ənɨ mə wɨrɨ yeʼe, chəi mə bɨrɨ diirɨ mɨ̀mə̌d.

2 Kɔrèn 6:6

Tɨ̀ wɨə chwiə ni tɨ yɨə bə̂d nɨ zeŋɨ. Tɨ̀ wɨə chwiə ni tɨə kyerɨ ənû. Tɨ̀ wɨə yimə fîŋ. Tɨ̀ wɨə ghɨ̀ ɨ̀chɔ̀m. Əzwî ə Zeŋɨ ə zɨ ɨŋga na. Tɨ̀ wɨə ghaʼə bə̂d ənɨ ta fîŋ rɨ̀jìm.

Gàlesìyà 1:20

Ŋwìə̀ ə kyerɨ ni ənû ze nɨ mɨə ŋwàʼnɨ̀ ɨ nən yɨ ənû rəsìʼ.

Fìlipì 1:8

Ŋwìə̀ ə kyerɨ ni mə ghaʼ əwən fɔrɨ ni mə wɨə bə̀ kàŋ kəb zə mbə̀n mɨjìm. Mə wɨə ghɨ əne àmei ɨchî nɨ Kristo Yeso ziə ghaʼ əwən.

1 Tèsàlonikà 2:5

Mbə̀ kyerɨ ə ni chəi tɨ̀ nyaʼa gha ɨŋgam nəmɨ nəmɨ ɨ nən ɨmbə̀ʼ tambɨ əwən. Ŋwiə̀ bə̀ kyerɨ ni ka tɨ̀ yɨ a bə̂d əjə, əne chəi tɨ̀ nyaʼa gha ɨnû mbe ɨmbə̀ʼ nəm ni tɨ̀ yɨə bə̂d əjə.

1 Timotì 1:20

Mbɨ mɔʼɔ rəbɔʼ mɨ̀mə̌d yɨə Haimenaùs mbɨ Àlèzandà. Mə fə sàŋ mɨ̀mə̌d ɨŋga tɨkyerɨ-ɨbɔ Satàn ɨmbə̀ʼ mbɨ kwembɨ ni zɨ rɨka bɔŋ i nɨ gha ɨŋgam rɨbɔ̀ŋ ɨmbə̀ʼ ə Ŋwiə̀.