2 Kɔrèn 1:19 - Meta’

¹⁹ ɨmbə̀ʼ ɨghəm nɨ ka Yeso Kristo nɨ yeʼ Wan Ŋwìə̀ we nɨ mɔ̌, Sɨlvanùs mbɨ Timotì nyaʼə ghà ɨmbə̀ʼ əməd əkaʼ nən wɨə ghà i ni “Ee” bə̀ wɨrɨ beŋ ghà ni “Chə̂” àmei əwu əwən. Məd wɨə ghà àmei ni “Ee.”

Ikan feg

¹⁹ À ya ane ne Yeso Kristo bə yaʼ. Məd ya Ŋwan Ŋwiye we ne mo tì Sìvanòs fɔrɔ Timotì ya ghàmi inən imbə̀ʼ aməd. Chəyi məd we gha “E” ywìrì nɔ̀ʼ gha “Indèʼ.” Məd ya fàʼà inug ijìm ne Ŋwiye kàʼi.

2 Kɔrèn 1:19 ပူးပေါင်းရင်းမြစ်များ

Matìyò 17:5

Ənɨ wɨ̀ nyaʼə kɨrɨ ghàmə̀, pàʼ nɨ nyaʼə fuə bə̀ teə nyaʼa kubrɨ mɨ̀mə̌d mɨjìm. Gɨ̂ mɔʼɔ rɨŋga pàʼ ze nyaʼa ghà ni, “Wɔ̂ yɨ mɨ Wan nɨ mə̀ ghaʼi kwàʼ rɨŋgəʼ, mɨ fîŋ ə bɔ̀ŋ əku ɨmbə̀ʼ əməd. Mbə̀ zu ənû ze nɨ wɨə ghàə̀!”

Matìyò 24:35

Ɨkaŋ fɔrɨ si bɨrɨ chè, àyɨə chəi mɨ ɨŋgam bɨrɨ nɔ che ətu ə̀kǒ.

Matìyò 27:40

ghàə̀ ni, “Àwɔ̀ we nɨ bɨrɨ saʼ mbàn Ŋwìə̀ wɨrɨ nɨŋ ɨni tad kod, kaŋ jwɨ̀ e rəŋgəʼ! Àwɔ̀ mɨ kàŋ yeʼ Wan Ŋwìə̀, swiʼ e tɨ əzed ə baʼnɨ ze.”

Matìyò 27:54

Ənɨ ətu ɨgwɨ mɨ̀sɔgyɨ̀ mbɨ mɨ̀sɔgyɨ̀ mbe nɨ nyaʼə nə̀ŋgɨ ə Yeso, nyaʼa zə ɨchî nɨ si nyaʼa wùrɨ bə̀ zə ɨnû jìm mbe nɨ nyaʼa ghɨ̌, mbɨ nyaʼa bɔ kwàʼ rɨŋgəʼ, əne ghà ni, “À yɨ rəsìʼ ni mbaŋə̀ zɔ̂ yɨ kə̀ʼ ə Wan Ŋwìə̀!”

Matìyò 3:17

Gɨ̂ nyaʼa ghàm rɨkaŋ ghà ni, “Wɔ̂ yɨ mɨ Wan nɨ mə̀ ghaʼi kwàʼ rɨŋgəʼ, mɨ fîŋ ə bɔ̀ŋ əku ɨmbə̀ʼ əməd.”

Matìyò 4:3

Əne Debɨ̀rə̀ we nyaʼa wò ghà ɨ bɔ ni, “Àwɔ̀ mɨ kàŋ yeʼ Wan Ŋwìə̀, ghà əti zɔ̂ ə beŋ ənɨ ə ŋgə̀ŋ.”

Mk 1:1

Ɨkɔ rɨ ənɨ ɨkə̂n chɔ̀m ɨmbə̀ʼ ə Yeso Kristo we nɨ yeʼ Wan Ŋwìə̀.

Lk 1:35

Aŋgɨrə̀ we nyaʼa wììrɨ̀ ɨ bɔ ni, “Əzwî ə Zeŋɨ bɨrɨ yeʼe ɨgwɨ ne, əne ɨka Ə̀chè-ɨsɨg bɨrɨ kubrɨ əwe. Mbɨ bɨrɨ tɔŋ wan zeŋɨ we nɨ à bɨrɨ gywɨ ni məd yɨə Wan Ŋwìə̀.

Jn 1:34

Mə fə zə, əne mə wɨə bə̀ ghà əmbɨ ə bə̂d ni məd yɨə Wan Ŋwìə̀.”

Jn 1:49

Natanaèl nyaʼa wììrɨ̀ ɨ bɔ ni, “Əchwiə̀-ɨnû, àwɔ̀ yɨə Wan Ŋwìə̀! Àwɔ̀ yɨ ɨfɔn mɨ̀Izre!”

Jn 19:7

Bə̂d mbe nɨ nyaʼə tekɨ ɨnû ɨŋga əbeŋ mɨ̀Jû nyaʼa ghà ɨ bɔ ni, “Tɨ̀ berɨ ɨkə nɨ chwi ni wɨ̀ berɨ kwɨ, ɨmbə̀ʼ ɨghəm nɨ ɨ wɨə ghàə̀ ni tə yɨə Wan Ŋwìə̀.”

Jn 20:28

Tomas nyaʼa gha ɨ bɔ ni, “Mɨ Ə̀nùŋɨ̀sɨg mbɨ mɨ Ŋwiə̀!”

Jn 20:31

Àyɨə mbɨ ŋwaʼnɨ ɨnû yiirɨ mbɔ̂ ɨmbə̀ʼ mbə̀ ben ni Yeso yɨə Wə̀d we nɨ Ŋwìə̀ zɔʼɔ, yeʼ Wan Ŋwìə̀ bə̀ fɔrɨ ni mbə mɨ benɨ, mbə bɨrɨ jɨg ɨ̀tènɨ̀.

Jn 3:16

“Ŋwìə̀ nyaʼa kàŋ ghaʼ ɨsɨg, əne wɨ̀ nyaʼa chà i Wan we mɔʼ, ɨmbə̀ʼ tɨ wə̀d mɔʼɔ we nɨ ben əməd nim i, àyɨə wɨ̀ jɨg ɨ̀tènɨ̀ rɨ mì.

Jn 6:69

Tɨ̀ fə benɨ bə̀ kyerɨ ni àwɔ̀ yɨə Wə̀d Zeŋɨ we nɨ Ŋwìə̀ tomɨ.”

Jn 8:58

Yeso nyaʼa ghà əmbɨ mɨ̀mə̌d ni, “Mə ghà rəsìʼ ɨ nən ni bɔŋ mbɨ nyaʼa sɨə gywɨ ə Abràham, mə nyaʼa fə sɨ əmɨ əŋgu!”

Ɨ̀fàʼì 15:22

Bə̂d tom Kristo mbɨ ə bə̂d mbe nɨ nyaʼə chà ɨfetɨ we rɨ ə Jèrusalèm mbɨ ə bə̂d Kristo mɨjìm nyaʼa chɔʼɔ mbaŋə̀ rɨ̀be rəkaʼ mɨ̀mə̌d, əne tom ni mbɨ wo ə Antiɔ̀k mbɨ Pɔ̂l fɔrɨ ə Banabàs. Mbɨ nyaʼa tom ə Judàs we nɨ mbɨ nyaʼə bə̀ tɔŋ ənɨ Bàsabàs mbɨ Sailàs. Mbɨ yɨə nyaʼə bə̂d kyeŋ əkaʼ bə̂d Kristo mbe ə Jèrusalèm.

Ɨ̀fàʼì 16:1

Pɔ̂l mbɨ Sailàs nyaʼa wò pè ə Də̂be fɔrɨ ə Listrà. Mbaŋə̀ mɔʼɔ nɨ nyaʼa ben ə Kristo wɨə nyaʼa əŋgu nɨ ɨkum məd nyaʼə Timotì. Ɨŋgɔb məd yɨə nyaʼə əyi Jû nɨ nyaʼa ben ə Kristo, àyɨə mbǎʼ məd yɨə nyaʼə wə̀d rɨ ə Gris.

Ɨ̀fàʼì 18:5

Ənɨ Sailàs mbɨ Timotì nyaʼa yeʼe rɨ ə Màsèdonià, Pɔ̂l nyaʼa zɨ̀ ətu àmei nɨ gha ɨŋgam Ŋwiə̀ bə̀ fɔrɨ nɨ toʼrɨ əmbɨ mɨ̀Jû ni Yeso yɨə Wə̀d we nɨ Ŋwìə̀ zɔʼɔ.

Ɨ̀fàʼì 8:36

Ənɨ mbɨ nyaʼə yènə̀ wò ɨgwɨ ɨnə̂njɨ̀ we, mbɨ nyaʼa pè əsɨ nɨ ətuŋ ə nyaʼa əŋgu, əne wə̀d kyeŋ we nyaʼa ghà ni, “Zə, à yɨ mɨnib mbɔ̂! À kɨə ye nɨ tɨ̀ zɨə kən ni tɨ mə̀ nɨŋ əmɨ mɨnib ə?” [

Ɨ̀fàʼì 9:20

Wɨ̀ nyaʼa nɔ̀ʼ əwu əwən wò nyɨ ɨŋga nəb ə̀kàtɨ̀ ze rɨ əsɨ ze kɔ gha ɨŋgam Ŋwiə̀ ɨmbə̀ʼ ə Yeso. Ɨ wɨə nyaʼə ghàə̀ ni, “Yeso yɨə Wan Ŋwìə̀.”

2 Kɔrèn 1:1

À yɨə mɔ̌ Pɔ̂l, nɨ mə̀ yeʼ wə̀d tom Kristo Yeso ɨchî nɨ Ŋwìə̀ kəbɨ, ŋwaʼnɨ ə̀ŋwàʼnɨ̀ zɔ̂. Mə wɨə ŋwàʼnɨ̀ əmbɨ ɨfetɨ bə̂d Ŋwiə̀ we nɨ yeʼ ə Kɔrèn. Mə wɨə bə̀ ŋwàʼnɨ̀ əmbɨ ə bə̂d Ŋwiə̀ mɨjìm mbe nɨ yeʼ əbà əbeŋ ze rɨ ə Àkàiyà. Mɔ̌ mbɨ Timotì nɨ yeʼ wa aŋgɔb chàʼrɨ̀ əwən.

1 Tèsàlonikà 1:1

À yɨə mɔ̌ Pɔ̂l mbɨ Sailàs fɔrɨ ə Timotì ŋwaʼnɨ ə̀ŋwàʼnɨ̀ zɔ̂. Tɨ̀ wɨə ŋwàʼnɨ̀ ɨ nən mbə̀n bə̂d Kristo mbe nɨ yeʼ ɨŋga ɨfetɨ we rɨ ə Tèsàlonikà, nɨ mbə̀ yeʼ bə̂d Ŋwiə̀ Mbǎʼ fɔrɨ bə̂d Ə̀nùŋɨ̀sɨg Yeso Kristo. Ŋwìə̀ ghɨ ɨ̀chɔ̀m ənɨ ə nən bə̀ nàʼ əbɔrəbɔd ɨ nən.

2 Tès 1:1

À yɨə mɔ̌ Pɔ̂l mbɨ Sailàs fɔrɨ ə Timotì ŋwaʼnɨ ə̀ŋwàʼnɨ̀ zɔ̂. Tɨ̀ wɨə ŋwàʼnɨ̀ ɨ nən mbə̀n bə̂d Kristo mbe nɨ yeʼ ɨŋga ɨfetɨ we rɨ ə Tèsàlonikà, nɨ mbə̀ bə yeʼ bə̂d Ŋwiə̀ a Mbǎʼ fɔrɨ bə̂d Ə̀nùŋɨ̀sɨg Yeso Kristo.

1 Timotì 3:16

Ənû ze nɨ yeʼ ənə̀mə nɨ Ŋwìə̀ ghɨ tɨ kyerɨ ɨchî nɨ tɨ̀ ben ə Kristo yɨ ni: Kristo nyaʼa nɨŋ nyamnyod wə̀d mɨ̀sɔŋɨchù yeʼe ɨŋga ɨsɨg, Əzwî ə Zeŋɨ ə nyaʼa chwi ni məd wɨə ghɨ̀ ɨnû nɨ kuʼnɨ, mbɨ̀aŋgɨrə̀ nyaʼa zə əməd, mbɨ nyaʼa gha ɨmbə̀ʼ əməd ɨŋga ɨbeŋ jìm, bə̂d rɨŋga ɨsɨg jìm fə nuŋ tə fîŋ ɨgwɨ məd, Ŋwiə̀ nyaʼa nɨŋ əməd ɨkaŋ əne nàʼ ɨwumnɨ ɨ bɔ.

Mə̀Hibrù 1:11

Si mbɨ ɨkaŋ bɨrɨ nim, àyɨə à bɨrɨ tènə̀. Si mbɨ ɨkaŋ bɨrɨ chə̀ə̀rɨ̀ ɨghabɨ ə ngywɨ̌.

Mə̀Hibrù 13:8

Yeso Kristo wɨ əndəŋ əndəŋ ɨchî nɨ wɨ̀ kɨə kəʼ rɨwɔ̀, ɨchî nɨ wɨ̀ yeʼ rəchɔ̀ŋ mbɨ ɨchî nɨ wɨ̀ bɨrɨ ten əne koŋ.

1 Pità 5:12

À yɨə Sailàs weerɨ əmɨ ni mə ŋwaʼnɨ akə ə̀ŋwàʼnɨ̀ wɔ̂ ɨ nən. Məd yɨ aŋgɔb nɨ mə̀ kyerɨ ni wɨ̀ nuŋ fîŋ ɨgun ə Kristo. Mə ŋwàʼnɨ̀ ə̀ŋwàʼnɨ̀ zɔ̂ ɨmbə̀ʼ timbɨ əwən fɔrɨ nɨ ghɨ mbə̀ kyerɨ ni Ŋwìə̀ wɨə kàŋə̀ ghɨ̀ ɨ̀chɔ̀m ənɨ ə nən. Mbə təm kàànɨ ɨŋga ɨ̀chɔ̀m we.

2 Pità 1:17

Ŋwìə̀ Mbǎʼ nyaʼa nàʼ ɨwumnɨ bə̀ nàʼ ɨzeŋɨ zeŋɨ ɨ bɔ ənɨ ə nyùmə̀ we nɨ gɨ̂ Ŋwìə̀ we nɨ mbɨə nàʼ ɨwumnɨ kyeŋ ɨ bɔ nyaʼa gham ɨ bɔ ni, “Wɔ̂ yɨ mɨ Wan nɨ mə̀ ghaʼi kwàʼ rɨŋgəʼ, mɨ fîŋ ə bɔ̀ŋ əku ɨmbə̀ʼ əməd!”

1 Jɔn 1:3

Ɨnû mbe nɨ tɨ̀ nyaʼa zə bə̀ zu yɨ mbɔ̂ tɨə ghà ɨ nən. Əne yɨ ɨmbə̀ʼ mbə̀ fɔtɨ mbɨ na ənɨ ɨfɔtɨ we nɨ tɨ̀ berɨ mbɨ Mbǎʼ bə̀ berɨ mbɨ Wan məd Yeso Kristo.

1 Jɔn 5:20

Tɨ̀ bə̀ kyerɨ ni Wan Ŋwìə̀ fə yeʼe. Wɨ̀ fə ghɨ̀ ni tɨ̀ kyerɨ ɨnû, ɨmbə̀ʼ tɨ̀ kyerɨ Ŋwìə̀ we nɨ yeʼ wɨ rəsìʼ. Tɨ̀ wɨ ənɨ ɨfɔtɨ mbɨ Ŋwìə̀ we nɨ yeʼ wɨ rəsìʼ. Tɨ̀ wɨə bə̀ ənɨ ɨfɔtɨ mbɨ Wan məd Yeso Kristo. Məd yɨə Ŋwìə̀ rəsìʼ we nɨə ghɨ̀ ni bə̂d jɨg ɨ̀tènɨ̀ rɨ mì.

2 Jɔn 1:9

Wə̀d we nɨ chəi wɨə ghɨ̀ ɨnû mbe nɨ Yeso nyaʼə chwi ɨ na, àyɨə ɨ wɨə wo ɨmbì ghɨ̀ə̀ yeʼ ɨnû mbe nɨ che mbe nɨ wɨ̀ chwiə, chəi məd ənɨ ənû ə mɔʼ mbɨ ə Ŋwiə̀. We nɨə ghɨ̀ ɨnû mbe nɨ Kristo nyaʼə chwiə wɨ ənɨ ənû ə mɔʼ mbɨ Mbǎʼ fɔrɨ mbɨ ə Wan.

Ɨnû 1:11

ni, “Ŋwaʼnɨ ɨnû mbe nɨ àwɔ̀ ə zəə. À mɨ ŋwàʼnɨ̀, à tom əmbɨ rɨfetɨ bə̂d Kristo te sambe: əmbɨ ɨfetɨ wɨ rɨ ə Efesùs, əmbɨ we rɨ ə Smainà, əmbɨ we rɨ ə Pegamùm, əmbɨ we rɨ ə Tìatirà, əmbɨ we rɨ ə Sadìs, əmbɨ we rɨ ə Fìlàdelfià fɔrɨ əmbɨ we rɨ ə Laodisià.”

Ɨnû 1:17

Ənɨ mə̀ nyaʼa zə əməd, mə nyaʼa gù ə si ɨban ɨwu məd sɨ ɨghabɨ əvɨ ə wə̀d. Àyɨə wɨ̀ nyaʼa zab e əbɔ ə jɨgɨ ɨgwɨ num ghà ni, “Tɨrə̀ bɔ e, mɔ̌ yɨə wɨ rɨtu bə̀ yeʼ we nɨ sɨ nwìə̀.

Ɨnû 1:8

Ə̀nùŋɨ̀sɨg Ŋwìə̀ we nɨ yeʼ rɨ̀nîn, nɨ nyaʼa bei əŋgu, nɨ bɨrɨ wɨrɨ yeʼe, ə ghà ni, “Mɔ̌ yɨə Alfà fɔrɨ ə Omegà.”

Ɨnû 2:18

Ə̀nùŋɨ̀sɨg nyaʼa bə̀ gha ɨ num ni: “Ŋwaʼnɨ əmbɨ aŋgɨrə̀ we nɨ yeʼ ɨŋga ɨfetɨ bə̂d Kristo we rɨ ə Tìatirà ni, 'Ɨŋgam wɔ̂ yɨ rɨ əmbɨ ə Wan Ŋwìə̀ we nɨ əghə əməd ə berɨ ɨghabɨ ɨnemɨ ɨwid, nɨ tɨkyerɨ-ɨwu məd yeʼ ɨghabɨ ə brɔnz nɨ mbɨ chiʼi.