1 Pità 5:8 - Meta’

⁸ Mbə̀ yimbɨ ɨnyod bə̀ chub ɨkyèʼe. Ə wə̀d pə̀n, əne yɨə Debɨ̀rə̀ wɨə yènə̀ zùʼə̀ ɨghabɨ ə ŋgwàbaʼ. Ɨ wɨə kə̀bə̀ wə̀d mɔʼɔ we nɨ wɨ̀ bɨrɨ nimnɨ.

Ikan feg

⁸ Mbə̀ ya nyìmbe ìwən nyɔd bə̀ chùghə ikyèʼi. Mbə̀ kyeri gha Debrə̀ ne yaʼi ìwən wə̀d ìpàb we ŋa yḛ̀ icheg àfɔn ne nè kùmə̀, kə̀bə̀ wə̀d ne wì biri sètì anyam anyam.

1 Pità 5:8 ပူးပေါင်းရင်းမြစ်များ

Matìyò 13:39

Wə̀d pə̀n we nɨ nyaʼa kon ɨfu we yɨə Debɨ̀rə̀. Mbɨ bɨrɨ kwəŋ ɨghɨ mbe ənɨ ɨsɨg bɨrɨ nwìə̀. Bə̂d mbe nɨ bɨrɨ kwəŋ ɨghɨ mbe yɨ mbɨ̀aŋgɨrə̀.

Matìyò 24:42

Əne mbə̀ chub ɨkyèʼe, ɨmbə̀ʼ ɨghəm nɨ chəi mbə̀ kyerɨ əni ze nɨ ə Ə̀nùŋɨ̀sɨg bɨrɨ wɨrɨ yeʼe.

Matìyò 25:41

“Wɨ̀ bɨrɨ gha əmbɨ ə mbe nɨ yeʼ əbɔ ə tweŋ əməd ni, 'Mbə̀n bə̂d ndɔ̀n, mbə̀ nɔʼ rɨ ɨban num wò nyɨ ɨŋga ɨwid rɨ nìmə nɨ mɨ Mbǎʼ nyaʼa fə tekɨ əmbɨ Debɨ̀rə̀ mbɨ mbɨ̀aŋgɨrə̀ məd.

Matìyò 4:1

Ənɨ gɨ̂ ze nyaʼa fə ghamɨ màànɨ̀, Əzwî ə Ŋwiə̀ ə nyaʼa ghɨ̀ ni Yeso wò ɨŋga ɨbad rɨkwàʼi ɨmbə̀ʼ ə Debɨ̀rə̀ numbɨ əməd əŋgu.

Matìyò 4:11

Ənɨ wɨ̀ nyaʼa ghà əne, Debɨ̀rə̀ we nyaʼa sàŋ əməd, mbɨ̀aŋgɨrə̀ wò nəŋgɨ əməd.

Mk 4:15

Bə̂d mɔʼɔ yɨ ɨghabɨ ɨghɨ ŋgwèd mbe nɨ nyaʼa feŋ ɨgun ɨnə̂njɨ̀. Mbɨ mɨ zu ɨŋgam Ŋwiə̀, Satàn wò chɨ̀ ɨŋgam we nɨ mbɨ kon ɨŋga mɨ̀mə̌d kwàʼ àmei əwu əwən.

Lk 21:34

“Mbə̀ we ə ni tɨ mbə̀ zɨ ə tə fîŋ ənɨ ənû nɨ jɨg əku, ənɨ ənû nɨ nɔ be bə̀ fɔrɨ ənɨ ənû ɨmbə̀ʼ ɨghɨ rɨŋga ɨsɨg, njɨ əni ze ə bɨrɨ saʼ yeʼe ɨgwɨ nən ɨchî nɨ ətam ə gywɨ̀ə̀ nyam,

Lk 21:36

Mbə̀ chub ɨkyèʼe ənɨ mɨ̀nyùmə̀ jìm, kɔŋgɨ ə Ŋwiə̀ ni mbə̀ berɨ ɨka nɨ nod ɨnû jìm mbe nɨ bɨrɨ ghɨ̀. Mbə̀ bə̀ kɔŋgɨ ni mbə mbe tɨ̀ mbə təm ɨfě Wan Wə̀d.”

Lk 22:31

“Saimòn, Saimòn!, Zə, Satàn fə biirɨ əmbɨ ə Ŋwiə̀ ni wɨ̀ naʼ ɨka ɨ bɔ wɨ̀ zweʼrɨ əwən, əne kùtɨ̀ əwən ɨchî nɨ mbɨə kùtɨ̀ə̀ ŋgə̀ŋ.

Jn 8:44

Mbə yɨə bɔn Debɨ̀rə̀ we nɨ yeʼ ə mbǎʼ. Mbə mbɨə kə̀b ghɨ àmei ɨnû mbe nɨ ə mbǎʼ kəbɨ. Məd yɨə nyaʼə ə̀zwììrɨ̀-bə̂d tɨ ənɨ ɨsɨg nyaʼa kɔ. Chəi wɨ̀ berɨ ənû ə mɔʼɔ nɨ ghɨ̀ mbɨ rəsìʼ, ɨmbə̀ʼ ɨghəm nɨ chəi məd ə ghà rəsìʼ. Ənɨ wɨ̀ gha mɨghab, ɨ wɨə ghɨ̀ àmei ənû ze nɨ yeʼ ɨŋga fîŋ məd, ɨmbə̀ʼ ɨghəm nɨ məd yɨə wə̀d mɨghab fɔrɨ mbǎʼ mɨghab.

2 Kɔrèn 2:11

Tɨ̀ wɨə ghɨ̀ əne ɨmbə̀ʼ tɨ Satàn che i əwa ənɨ ɨwe. Tɨ̀ kyerɨ ɨnû rɨbɔ̀ŋ jìm mbe nɨ wɨə taŋə.

Efesùs 4:27

Tɨ mbə̀ tɔ naʼ ə əpan əmbɨ Debɨ̀rə̀.

Efesùs 6:11

Mbə̀ zɨ ɨghɨ bid Ŋwiə̀ ɨmbə̀ʼ mbə berɨ ɨkǎ təm kən ə ɨnyod tɨ ənɨ mɨnaŋ Debɨ̀rə̀,

1 Timotì 2:15

Àyɨə Ŋwìə̀ bɨrɨ chɨ əyi rəŋgəʼ ənjìm ɨchî nɨ wɨə gywɨə bɔn, əwù ze nɨ wɨ wò ɨmbì nùŋ i ɨbenɨ, ghaʼ bə̂d, chub ɨzeŋɨ zeŋɨ bə̀ ghɨ̀ ɨnû ɨnə̂njɨ̀ nɨ kuʼnɨ.

1 Timotì 2:9

Mə bə kə̀b ni məyi yèʼ ɨnyod ɨchî nɨ kuʼnɨ. Mbɨ zɨ ngywɨ̌ te nɨ kuʼnɨ ɨfě bə̂d cherə. Tɨ mbɨ baʼ ə mbə ɨtu zɨ ɨ̀yèʼè ɨgun kɨ̀ bè tìŋ ɨghɨ mbe nɨ mbɨ tekɨ ənɨ ə gôl kɨ̀ ənɨ ə pə̂l. Tɨ mbɨ zɨ ə ngywɨ̌ əka ɨnun.

1 Timotì 3:11

Əndəŋ əndəŋ, məyi mɨ̀mə̌d berɨ yeʼ mbe nɨ bə̂d ə bə̀ wumnɨ mɨ̀mə̌d. Tɨ mbɨ yeʼ məyi nɨə chəkɨ rɨkum bə̂d. Mbɨ berɨ yeʼ ɨbɔtɨ məyi bə̀ yeʼ məyi nɨ bə̂d nuŋ tə fîŋ ɨgwɨ mɨ̀mə̌d ənɨ ɨnû jìm.

1 Timotì 3:2

Əne ətu nɨə chà ɨfetɨ bə̂d Kristo berɨ yeʼ wə̀d nɨ chəi bə̂d ə ghàmbɨ̀ əməd. Wɨ̀ berɨ berɨ àmei əyi mɔʼ. Wɨ̀ berɨ yeʼ əbɔtɨ ə wə̀d. Wɨ̀ berɨ kyerɨ ɨchî nɨ yimbɨ i ɨnyod. Wɨ̀ berɨ yeʼ wə̀d nɨə wumnɨ i ɨnyod. Wɨ̀ berɨ nɨŋ bə̂d rɨ̀sɔ̀ʼɔ̀ ɨŋga i nəb. Wɨ̀ berɨ kyerɨ ɨchî nɨ chwi ɨnû.

2 Timotì 4:17

Mbɨ nyaʼa ghɨ̀ əne, àyɨə Ə̀nùŋɨ̀sɨg nyaʼa təm ɨban num, naʼ ɨka ɨ num ni mə gha ɨŋgam Ŋwiə̀ jìm, ɨmbə̀ʼ ə bə̂d mɨ̀jìm mbe nɨ kaʼi mɨ̀Jû zu. Ənɨ mə̀ nyaʼa gha əne, Ə̀nùŋɨ̀sɨg nyaʼa chɨ̀ əmɨ rɨ ɨchû ɨvɨ, ɨchî nɨ mbɨ nyaʼa nɨrə sobə ni mbɨ zwiirɨ əmɨ.

Tayitùs 1:8

Wɨ̀ berɨ yeʼ wə̀d nɨə nɨŋə bə̂d əkwɨ ni. Wɨ̀ berɨ yeʼ wə̀d nɨə ghaʼə nɨ ghɨ̀ ɨ̀chɔ̀m. Wɨ̀ berɨ yeʼ wə̀d nɨə ghɨ̀ ɨnû mbɨ ɨwe. Wɨ̀ berɨ yeʼ wə̀d nɨ təm kùʼnɨ̀ ɨfě Ŋwiə̀. Wɨ̀ berɨ yeʼ wə̀d nɨ chub ɨzeŋɨ zeŋɨ bə̀ yeʼ wə̀d nɨə yimbɨ ɨnyod.

Tayitùs 2:12

Ɨ̀chɔ̀m we wɨə ghɨ̀ ni tɨ̀ ton ɨnû mbe nɨə ghɨ̀ə̀ ni tɨ rɨ̀ wumnɨ a Ŋwiə̀ bə̀ ton nɨ beenɨ əbɔʼ ɨnû rɨŋga ɨsɨg. Ɨ wɨə ghɨ̀ ni tɨ yimbɨ ɨnyod, wumnɨ ə Ŋwiə̀ bə̀ chub ɨŋga ɨsɨg wɔ̂ ɨchî nɨ kuʼnɨ.

Tayitùs 2:2

Gha əmbɨ ə mbaŋə̀ te nɨ fə kaanɨ ni tɨ bɔtɨ ɨnyod, chwi ni mbə fə kàànɨ̀, chwi ni mbə kyerɨ ɨnû, chwi ni ə ɨbenɨ ə kàànɨ̀, chwi ni mbə ghaʼ bə̂d Kristo bə̀ chwi ni mbə kyerɨ ɨchî nɨ nyìʼ əton ə ŋgəʼ.

Tayitùs 2:4

ɨmbə̀ʼ dandɨ məyi bɔd ni mbɨ ghaʼ mbə mɨnom bə̀ ghaʼ mbə bɔn,

Tayitùs 2:6

Əndəŋ əndəŋ, bə gha əmbɨ ɨjɔŋ ni mbɨ yimbɨ ə ɨnyod.

Jems 4:7

Əne mbə̀ zuunɨ ə Ŋwiə̀ ənɨ ɨnû jìm. Mbə̀ ton ə Debɨ̀rə̀, əne wɨ̀ bɨrɨ nod i tɨ ənɨ ə nən.

1 Pità 1:13

Mbə̀ tekɨ tə fîŋ ɨmbə̀ʼ ghɨ ɨnû mbe nɨ Ŋwiə̀ kəbɨ. Mbə̀ yimbɨ ə ɨnyod kwàʼ ɨchî chɔ̀m. Mbə̀ jeŋgɨ nuŋ tə rɨkɔndɨ àmei ɨgun ɨ̀chɔ̀m we nɨ Ŋwìə̀ bɨrɨ ghɨ ənɨ ə nən ənɨ Yeso Kristo wɨrɨ yeʼe.

1 Pità 4:7

Ɨnwǐ ɨghɨjìm fə tiinɨ, əne mbə nuŋ mbə ɨtu mbɨ zeŋ bə̀ yimbɨ ə ɨnyod ɨmbə̀ʼ kyerɨ ɨchî nɨ kɔŋgɨ ə Ŋwiə̀.

Ɨnû 12:10

Mə nyaʼa zu gɨ̂ nɨ kǎ ɨkaŋ. Gɨ̂ ze zɨə nyaʼə ghàə̀ ni, “Tɨ̀nîn Ŋwìə̀ fə chɨ̀ mbi bə̂d rəŋgəʼ, wɨ̀ fə chwi i ɨka. Ɨ wɨə tùmbɨ̀ə̀ bə̂d mɨ̀jìm ɨghabɨ ɨfɔ̀n! Tɨ̀nîn wə̀d we nɨ Ŋwìə̀ zɔʼɔ fə chwi i ɨka, ɨmbə̀ʼ ɨghəm nɨ mbɨ fə chɨ̀ wə̀d we nɨ nyaʼə təm ɨfě a Ŋwiə̀ màʼ ɨgwɨ ə si. Məd wɨə nyaʼə chuʼə mba bɔŋgɔb mbe nɨ nyaʼa ben ə Kristo. Ɨ wɨə nyaʼə chuʼə mɨ̀mə̌d əziə mbɨ ɨzimɨ.

Ɨnû 12:12

Əne ɨkaŋ mbɨ wə̀d jìm we nɨ yeʼ ɨkaŋ, mbə̀ ghaʼ əwən! Àyɨə ŋgəʼ kyeŋ bɨrɨ nyɨ ɨgwɨ nən, àwɔ̀ si mbɨ rɨ̀bàà, ɨmbə̀ʼ ɨghəm nɨ Debɨ̀rə̀ we fə swiʼi yeʼe əsɨ nən mbɨ ɨsə ɨtəm kyeŋ. Wɨ̀ kyerɨ ni i nyùmə̀ fə tumnə!”

Ɨnû 12:9

Mbɨ nyaʼa màʼ tɨ̀sɔ̀ʼɔ̀ jɔ ze ɨgwɨ ə si, nɨ yeʼ jɔ ze nɨ nyaʼa rəŋwe, nɨ mbɨə tɔŋ ənɨ ə Debɨ̀rə̀ kɨ ə Satàn. Jɔ ze zɨə nyaʼə tambɨ ɨsɨg jìm. Mbɨ nyaʼa màʼ əməd mbɨ mbɨ̀aŋgɨrə̀ məd mɨjìm ɨgwɨ ə si.

Ɨnû 20:10

Mbɨ nyaʼa màʼ ə Debɨ̀rə̀ we nɨ nyaʼə tambɨ mɨ̀mə̌d ɨŋga əsɨ ze nɨ sɔlfò ə ghɨ̀ ni ɨwid kyeŋ berɨə, nɨ yeʼ əsɨ ze nɨ mbɨ nyaʼa fə be màʼ nyam kyeŋ ze mbɨ ə bə̂d ɨ̀kə̀n mɨghab mbe əŋgu. Mbɨ bɨrɨ sɨə chəə mɨ̀mə̌d əŋgu əziə mbɨ ɨzimɨ koŋ koŋ.

Ɨnû 20:2

Wɨ̀ nyaʼa gywɨ̀ tɨ̀sɔ̀ʼɔ̀ jɔ ze, nɨ yeʼ jɔ ze nɨ nyaʼa rəŋwe, əne yɨə Debɨ̀rə̀ kɨ ə Satàn, əne kod əməd ɨghəm ɨwu chuʼ fibɨ̀.