1 Pità 5:7 - Meta’

⁷ Mbə saŋ ɨghɨjìm mbe nɨə chə əwən ɨ bɔ, ɨmbə̀ʼ ɨghəm nɨ à yɨə məd ə nəŋgɨ əwən.

Ikan feg

⁷ Mbə̀ ziye inug ijìm mbe ne nàʼà ngəʼ inən inga ikye abo Ŋwiye imbə̀ʼ icheg ne à ya məd we nə̀rə awən.

1 Pità 5:7 ပူးပေါင်းရင်းမြစ်များ

Matìyò 6:27

À kɨə we rəbɔʼ nən nɨə nwìʼ ɨnyod, nɨ tɨ̀ wɨ̀ yì ə awà fibɨ̀ ɨgun ɨni mbe nɨ wɨ̀ bɨrɨ chub ɨŋga ɨsɨg ə?

Matìyò 6:28

Mbə̀ kɨə nwìʼ ə ɨnyod ɨmbə̀ʼ ngywɨ̌ ɨmbə̀ʼ ə yè ə? Mbə̀ neŋ ɨchî nɨ rɨ̀kwě ə kwiə. Chəi tɨə fàʼə̀, chəi tɨə bə̀ baʼə tə ngywɨ,

Matìyò 6:31

Əne tɨ mbə̀ nwìʼ ə ɨnyod ghà ni, 'Tɨ̀ kɨə wo jɨg yè?' kɨ̀ ni, 'Tɨ̀ kɨə wo nɔ yè?' kɨ̀ ni, 'Tɨ̀ kɨə wo zɨ yè?'

Mk 4:38

Yeso wɨə nyaʼa gwen i ɨgun ə pirə ənjìm əbaŋ ze. Mbɨ nyaʼa nɔ̀ əməd ghà ɨ bɔ ni, “Əchwiə̀-ɨnû, chəi à zə ni tɨ̀ yɨ əni ɨchù ɨvɨ ə?”

Lk 12:22

Yeso nyaʼa ghà əmbɨ mbi mə̀mə̀ə̀nɨ̀-ɨnû ni, “Mə ghà ɨ nən ni tɨ mbə̀ nwìʼ ə ɨnyod ɨmbə̀ʼ ə ɨ̀tènɨ̀, ni mbə̀ kɨə wo jɨg ye, kɨ̀ ɨmbə̀ʼ ə nyamnyod, ni mbə̀ kɨə wo zɨ ye,

Lk 12:26

À mɨ yeʼ nɨ chəi ənɨ tɨ̀ mbə ghɨ̀ ənû ə kwa ɨghabɨ əze, njɨ əton nɨ mbə̀ə nwìʼ ə ɨnyod ɨmbə̀ʼ ɨnû cherə kɨ ni yè ə?

Jn 10:13

Wə̀d we nɨ mbɨ nɨŋ ənɨ ə̀fàʼì bɨrɨ nod ɨmbə̀ʼ ɨghəm nɨ mbɨ nɨŋ əməd nɨŋ əne chəi wɨ̀ zɨ ətu nɨ nəŋgɨ njɨ̀g te.

Fìlipì 4:6

Tɨ mbə̀ nwìʼ ə ɨnyod ɨmbə̀ʼ ənû ə mɔʼɔ, àyɨə mbə kɔŋgɨ ə Ŋwiə̀ ɨmbə̀ʼ ɨnû jìm, nɔn ɨnû jìm mbe nɨ mbə kwaŋɨ bə̀ nàʼ məben-əwe ɨ bɔ.