1 Pità 5:6 - Meta’

⁶ Əne mbə swi ə ɨnyod əton ɨka Ŋwiə̀, ɨmbə̀ʼ nyùmə̀ mɨ nɨə kuʼə wɨ̀ nɔ̀ɔ̀rɨ̀ əwən.

Ikan feg

⁶ Ane mbə̀ swi ìwən nyɔd aton ika Ŋwiye imbə̀ʼ nyumə̀ mə kòʼ, wì nɔ awən ikaŋ.

1 Pità 5:6 ပူးပေါင်းရင်းမြစ်များ

Matìyò 23:12

Wə̀d jìm we nɨ nɔ i ɨnyod, Ŋwìə̀ bɨrɨ swi əməd, we nɨ swi i ɨnyod, Ŋwìə̀ bɨrɨ nɔ əməd.

Lk 1:52

Wɨ̀ fə swi mɨfɔ̂n kyeŋ tɨ ɨgun ɨtən ɨfɔ̀n mɨ̀mə̌d. Wɨ̀ fə bə̀ nɔ̀ɔ̀rɨ̀ ɨnatɨ bə̂d.

Lk 14:11

ɨmbə̀ʼ ɨghəm nɨ wə̀d jìm we nɨ nɔ i ɨnyod, Ŋwìə̀ bɨrɨ swi əməd, we nɨ swi i ɨnyod, Ŋwìə̀ bɨrɨ nɔ əməd.”

Lk 18:14

Mə ghà ɨ nən ni, ənɨ əfetɨ mɨ̀tagsɨ̀ we nyaʼa wò ɨnuʼ, wɨ̀ nyaʼa ghɨ̀ ənû nɨ kuʼnɨ ɨfě Ŋwiə̀ chè Farisiî we. Mbə̀ kyerɨ ni wə̀d jìm we nɨ nɔ i ɨnyod, Ŋwìə̀ bɨrɨ swi əməd, àyɨə wə̀d jìm we nɨ swi i ɨnyod, Ŋwìə̀ bɨrɨ nɔ əməd.”

Rm 5:6

Ənɨ tɨ̀ nyaʼa kɨrɨ bɔd, nyùmə̀ nyaʼa kùʼ əne Kristo nyaʼa kwɨ ɨgwɨ ɨtu bə̂d mbe nɨ chəi mbɨ nyaʼə wumnɨ ə Ŋwiə̀.

1 Kɔrèn 10:22

Tɨ̀ wa kə̀b ni Ə̀nùŋɨ̀sɨg sə ɨtəm ə? Tɨ̀ wa kà chè əməd ə?

1 Timotì 2:6

Wɨ̀ nyaʼa nàʼ i ɨnyod ənɨ əghɨ ə̀fà ɨmbə̀ʼ choʼ ɨtu bə̂d mɨjìm. Əzɔ̂ yɨ ənweenɨ ni ənɨ ə nyùmə̀ nyaʼa kuʼu, Ŋwiə̀ nyaʼa kə̀b ni bə̂d mɨ̀jìm jwɨ rəŋgəʼ.

Tayitùs 1:3

Ənɨ nyùmə̀ nyaʼa kuʼu, Ŋwìə̀ nɨ chɨ̀ əwa rəŋgəʼ nyaʼa ghɨ̀ ni bə̂d kyerɨ rəsìʼ we ɨchî nɨ wɨ̀ nyaʼa zɨ ɨkə̂n we ɨŋga tum rɨkyerɨ-ɨbɔ.

Jems 4:10

Mbə̀ swi ɨnyod ɨfě Ə̀nùŋɨ̀sɨg, əne wɨ̀ bɨrɨ nɔ əwən.

Jems 4:7

Əne mbə̀ zuunɨ ə Ŋwiə̀ ənɨ ɨnû jìm. Mbə̀ ton ə Debɨ̀rə̀, əne wɨ̀ bɨrɨ nod i tɨ ənɨ ə nən.

Jems 5:10

Mbɨ bɔŋgɔb, mbə̀ kɔndɨ bə̂d ɨ̀kə̀n mbe nɨ nyaʼə ghà ɨnû ənɨ ɨkum Ə̀nùŋɨ̀sɨg. Mbə̀ nɨŋ ənweenɨ rɨ əmbɨ mɨ̀mə̌d nɨ yim fîŋ əton ə ŋgəʼ.