1 Pità 5:3 - Meta’

³ Tɨ mbə̀ nyem ə bə̂d mbe nɨ mbɨ zɨ ɨŋga tə rɨkyerɨ-ɨbɔ, àyɨə mbə̀ yeʼ əmbɨ mɨ̀mə̌d ɨghabɨ əmɨg.

Ikan feg

³ Imbə̀ʼ mbə̰ si nyəmə awən bəd mbe ne Ŋwiye zi inga ìtən tikye abo. Mbə̀ bere ikuchèg chɔm ne bəd Kristo biri se mə̀nə̀.

1 Pità 5:3 ပူးပေါင်းရင်းမြစ်များ

Jn 13:15

Mə fə chwi ənweenɨ ɨ nən ɨmbə̀ʼ mbə̀ sɨə ghɨ̀ àmei ɨchî nɨ mə fə ghɨ ənɨ ə nən.

Ɨ̀fàʼì 20:28

Əne mbə̀ nəŋgɨ ə ɨnyod mbənə mbənə, bə̀ nəŋgɨ bə̂d Kristo mɨ̀jìm mbe nɨ Əzwî ə Zeŋɨ ə fə nuŋ əwən ni mbə̀ nəŋgɨ. Mbə̀ nəŋgɨ ɨfetɨ bə̂d Ŋwiə̀ we nɨ wɨ̀ fə ghɨ̌ ənɨ wi ənjìm ənəm ze nɨ Wan məd nyaʼa chəmnɨ.

1 Kɔrèn 11:11

Àyɨə ɨchî nɨ tɨ̀ yeʼ ənɨ ɨfɔtɨ mbɨ Ə̀nùŋɨ̀sɨg, chəi əyi ənɨ i ɨghəm nɨ chəi mbaŋə̀. Chəi bəi mbaŋə̀ ənɨ i ɨghəm nɨ chəi əyi.

1 Kɔrèn 3:5

Àpolòs kɨə we? Pɔ̂l bə̀ ə we? Tɨ̀ yɨə àmei bə̂d ə̀fàʼì mbe nɨ mbə̀ nyaʼa che ənjìm mɨ̀mə̌d ben ə Yeso Kristo. Wə̀d mɔʼ mɔʼ rəbɔʼ na wɨə fàʼ ə̀fàʼì ze nɨ Ə̀nùŋɨ̀sɨg nyaʼa naʼ ɨ bɔ.

1 Kɔrèn 3:9

Tɨ̀ yɨə bə̂d nɨə fàʼ ɨnɔ̂n əmbɨ ə Ŋwiə̀. Mbə yɨə mbeŋ Ŋwìə̀, bə̀ yeʼ nəb nɨ Ŋwìə̀ korɨ.

2 Kɔrèn 1:24

Chəi tɨə nyèm əwən ni mbə̀ ben ɨnû mbe nɨ tɨə ghàə̀. Tɨ̀ kyerɨ ni mbə fə nùŋ fîŋ zɨ̀ kàànɨ ɨgun ə Kristo. Àyɨə tɨ̀ wɨə fàʼə̀ mbɨ nən ɨmbə̀ʼ ɨghaʼi swi ɨŋga tə fîŋ.

2 Kɔrèn 4:5

Chəi tɨə ghà ɨmbə̀ʼ a ɨnyod. Tɨ̀ wɨə ghàə̀ yeʼ ni Yeso Kristo yɨ Ə̀nùŋɨ̀sɨg. Tɨ̀ wɨə bə̀ ghàə̀ ni tɨ̀ yɨ ɨ̀bòʼò ɨ nən ɨmbə̀ʼ ə Yeso.

Fìlipì 3:17

Mbɨ bɔŋgɔb, mbə̀ mɨg əmɨ ənɨ ɨnû mbe nɨ mɨə ghɨ̀ə̀. Mbə nɨŋ ənweenɨ rɨ ənɨ bə̂d mbe nɨə ghɨ̀ ɨnû mbe nɨ tɨ̀ nyaʼə ghɨ̀ə̀.

Fìlipì 4:9

Mbə̀ ghɨ ɨnû mbe nɨ mə̀ nyaʼa chwi ɨ nən mbə benɨ. Mbə̀ ghɨ̀ mbe nɨ mbə nyaʼa zu rɨ num bə̀ zə ənɨ mɨə ghɨ̀ə̀. Əne Ŋwìə̀ nɨə nàʼ əbɔrəbɔd bɨrɨ chubɨ mbɨ nən.

1 Tèsàlonikà 1:7

Əze ə nyaʼa ghɨ̀ ni bə̂d mɨjìm mbe nɨ nyaʼa ben ə Kristo ə Màsèdonià fɔrɨ ə Àkàiyà mbɨ beenɨ əbɔʼ tə rɨkyerɨ-ɨwu.

2 Tès 3:9

Tɨ̀ wɨə nyaʼə ghɨ̀ əne, kaʼi ɨmbə̀ʼ ɨghəm nɨ chəi tɨ̀ nyaʼa berɨ ɨka we nɨ biirɨ ə̀wèèrɨ̀ rɨ nən. Tɨ̀ wɨə nyaʼə ghɨ̀ əne ɨmbə̀ʼ mbə̀ faʼ àmei ɨchî nɨ mbə̀ nyaʼa zə ənɨ tɨə fàʼə̀.

1 Timotì 4:12

Tɨrə̀ ben e ni wə̀d mɔʼɔ təənɨ əwe ɨmbə̀ʼ ɨghəm nɨ àwɔ̀ yeʼ wan kwa. À berɨ yeʼ əmɨg əmbɨ ə bə̂d mbe nɨ ben ə Kristo ɨchî nɨ àwɔ̀ ə ghàmə̀, ɨchî nɨ àwɔ̀ ə ghɨ̀ ɨnû, ɨchî nɨ àwɔ̀ ə ghaʼə bə̂d bə̀ fɔrɨ ɨchî nɨ àwɔ̀ chub ə zeŋɨ zeŋɨ.

Tayitùs 2:7

Chwi ənɨ ɨnû jìm ni àwɔ̀ yɨ əmɨg ɨchî nɨ àwɔ̀ ə ghɨ̀ ɨnû chɔ̀m. Chwi ɨnû ɨchî chɔ̀m ənɨ e fîŋ jìm.

1 Pità 2:9

À yeʼ ɨmbə̀ʼ əwən, mbə̀ yɨ ɨnəbɨ nɨ Ŋwiə̀ nyaʼa chɔʼɔ. Mbə yɨə bə̂d mbàn Ŋwìə̀ nɨə fàʼ əmbɨ ɨfɔ̀n kyeŋ. Mbə yɨ əbeŋ nɨ zeŋɨ. Mbə yɨə bə̂d Ŋwiə̀ ɨmbə̀ʼ gha ɨnû yiirɨ mbe nɨ wɨ̀ fə ghɨ̌. À yɨə məd nyaʼa tɔŋ əwən rɨŋga ɨsɨ firɨ əne zɨ̀ ɨŋga əsɨ ə zeŋɨ ze nɨ wɨ̀ naʼ əmbɨ ə bə̂d.