Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




1 Pità 5:10 - Meta’

10 Mbə̀ nɨə fə zə ŋgəʼ ənɨ ɨkə nyùmə̀, Ŋwìə̀ we nɨə ghɨ̀ ɨ̀chɔ̀m ənɨ ə wə̀d jìm bɨrɨ wɨrɨ tekɨ ɨghɨjìm ɨ nən. Wɨ̀ bɨrɨ ghɨ ni ə ɨbenɨ wɨrɨ kàànɨ̀ bə̀ ghɨ ni mbə təm kàànɨ̀. À yɨə məd nyaʼa chè ənjìm ə Kristo tɔŋ əwən ni mbə yeʼe nyɨ ɨŋga ɨzeŋɨ zeŋɨ məd we nɨ chəi wɨ bɨrɨ nɔʼ mì.

အခန်းကိုကြည့်ပါ။ ကော်ပီ

Ikan feg

10 Anyumə̀ ne mbə̰ mbe zə̰ ngəʼ anìŋ ane iki nyumə̀ mɔ̀ʼɔ, Ŋwiye we ne ghìyə̀ ìchɔ̀mì abə wə̀d ijìm, wì bìri ywiri tangi inug ijìm inən. Wì biri ghì gha ìwən ibḛfiŋ təm kà bə̀ ghì mbə yaʼ ika ika bə̀ təm kòʼ. À ya məd ya che anjìm Kristo kàrì awən gha mbə̀ yaʼ ane ifɔti tì Kristo inga ìzḛzḛ məd we ne biri yaʼ ane ighə̀m imɔʼ.

အခန်းကိုကြည့်ပါ။ ကော်ပီ




1 Pità 5:10
39 ပူးပေါင်းရင်းမြစ်များ  

Àyɨə mə fə kɔ̀ŋgɨ̀ ə Ŋwiə̀ ɨgwɨ ne ni tɨ e ɨbenɨ bɔd i. Ənɨ à wɨrɨ bèŋ e fîŋ ben əmɨ, à ghɨ̀ ni fîŋ tɨ mbe bɔŋgɔb wɨrɨ kàànɨ̀.”


Ŋwìə̀ we nɨə ghɨ̀ ni mbə̀ berɨ ɨghɨ mbe nɨ mbə̀ə wòmə̀, ghɨ ni ɨghaʼi swi ɨŋga tə fîŋ, mbə̀ bə chub ənɨ əbɔrəbɔd ɨchî nɨ mbə̀ ben əməd, ɨmbə̀ʼ Əzwî ə Zeŋɨ ə ghɨ̀ ni mbə̀ wo ɨmbì wòm ɨnû mbe nɨ Ŋwiə̀ nyaʼa kaʼi.


Ŋwìə̀ we nɨə ghɨ̀ ni tɨ̀ berɨ ɨnyiʼ fîŋ, bə̀ berɨ ɨka fîŋ ghɨ ni mbə̀ chub ənɨ ənû ə mɔʼ mbɨ mbə bɔŋgɔb ɨchî nɨ mbə̀ə beenɨ əbɔʼ Kristo Yeso,


Tɨ̀ yiirɨ ə Ŋwiə̀ we nɨ tɨ̀ wɨ̀ ghɨ̀ mbə təm kàànɨ̀ ənjìm ɨkə̂n chɔ̀m, ənjìm ɨŋgam we nɨ mɨə ghà ɨmbə̀ʼ ə Yeso Kristo bə̀ fɔrɨ ənjìm ɨnû mbe nɨ nyaʼa ənə̀mə tɨ əŋwe rəŋwe nɨ mbɨ fə du əsaŋ.


Àyɨə bɔŋ Rèbekà nyaʼa sɨə gywɨ mɨ̀mə̌d, kɨ̀ bɔŋ bɔn mbe nyaʼa sɨə ghɨ̀ ənû ə chɔ̀m kɨ̀ ənû rɨbɔ̀ŋ, (əne yɨ ɨmbə̀ʼ ənû ze nɨ Ŋwìə̀ ə chɔʼɔ mbi bə̂d ə wo ɨmbì


Tɨ̀ yɨə bə̂d mbe nɨ wɨ̀ nyaʼa tɔŋ ənɨ mbi. Chəi wɨ̀ nyaʼa tɔŋ əwa àmei rəkaʼ mɨ̀Jû. Wɨ̀ nyaʼa bə̀ tɔŋ rəkaʼ bə̂d mbe nɨ kaʼi mɨ̀Jû.


Mbɨ bɔŋgɔb, mə wɨə buʼ ɨbɔ ɨ nən ənɨ ɨkum a Ə̀nùŋɨ̀sɨg Yeso Kristo ni mbə̀n mɨjìm chub ənɨ ənû ə mɔʼ, mbɨ ni tɨ ə̀ghàbrɨ̀ ə nyɨ i əkaʼ nən, àyɨə mbə̀ nuŋ tə fîŋ ənɨ zɨ mɔʼ bə̀ nùŋ tə rɨkɔndɨ ənɨ wɨ mɔʼ.


Ŋwìə̀ we nɨə ghɨ̀ ənû ze nɨ wɨ̀ kaʼi nyaʼa tɔŋ əwən ni mbə̀ chub ənɨ ɨfɔtɨ mbɨ Wan məd Yeso Kristo a Ə̀nùŋɨ̀sɨg.


Mbɨ bɔŋgɔb, ɨ màànɨ̀, tɨ̀ bɨrɨ wɨrɨ zəənɨ. Mbə̀ kywɨ ənywɨ zə ni mbə̀ ghɨ mbə mɨchî bɔŋ ə. Mbə̀ zu ɨnû mbe nɨ mə buʼ ɨbɔ gha ɨ nən. Mbə̀ fɔtɨ mbə mɨchû ənɨ wɨ mɔʼ bə̀ chub ənɨ əbɔrəbɔd. Mbə mɨ ghɨ̀ əne Ŋwìə̀ we nɨ ɨghaʼi mbɨ əbɔrəbɔd yeʼ rɨ bɔ bɨrɨ yeʼ mbɨ nən.


Ka ŋgəʼ kwa kwa zɔ̂ nɨ tɨə zəə bɨrɨ tandɨ i. Ɨ zɨə tekɨ əwa ni mbɨ naʼ ɨwumnɨ we nɨ ten i koŋ ɨ na. Ɨwumnɨ we ə chè ŋgəʼ zɔ̂ jìm.


Mə we tɨ̀ mə ghɨ̀ ɨnû jìm ənjìm ɨka we nɨ Kristo naʼ ɨ num.


Mbə̀ sɔɔrɨ mbə ɨghaŋ mbɨ jeŋgɨ nyɨ ɨŋga məd, nùŋ ə ɨ̀tènɨ̀ àmei ɨgwɨ məd bə̀ ghɨ̀ ni ə ɨbenɨ kaanɨ ɨchî nɨ mbɨ nyaʼa chwi ɨ nən. Mbə̀ naʼ məben-əwe ɨ bɔ ɨghəm jìm ɨmbə̀ʼ ɨnû jìm mbe nɨ wɨə ghɨ̀ ənɨ ə nən.


Tɨ̀ wɨə nyaʼə tìmbɨ̀ əwən, nəərɨə əwən bə̀ ghà ɨ nən ni mbə̀ chub ɨchî nɨ bɨrɨ ghɨ ni fîŋ Ŋwìə̀ bɔŋə. À yɨə məd tɔŋ əwən ni mbə̀ yeʼe nyɨ ɨŋga ənû ɨfɔ̀n əməd fɔrɨ ɨŋga ɨwumnɨ məd.


Ŋwìə̀ nyaʼa tɔŋ əwən ɨmbə̀ʼ chɨ rəŋgəʼ ənjìm ɨkə̂n chɔ̀m we nɨ tɨ̀ nyaʼa gha ɨ nən. Əne yɨ ɨmbə̀ʼ bə̂d naʼ ɨkwɨ ɨwumnɨ we nɨ mbɨə nàʼ əmbɨ a Ə̀nùŋɨ̀sɨg Yeso Kristo ɨ nən.


Wɨ̀ nəərɨ əwən bə̀ nàʼ ɨka ɨ nən ni mbə̀ ghɨ ənû chɔ̀m jìm bə̀ ghà ɨŋgam chɔ̀m jìm.


Àyɨə Ə̀nùŋɨ̀sɨg Yeso wɨə ghɨ̀ ɨnû mbe nɨ wɨ̀ kaʼi. Wɨ̀ bɨrɨ ghɨ tə fîŋ kaanə bə̀ kən əwən rɨ əmbɨ Satàn Wə̀d Ɨnû Rɨbɔ̀ŋ.


Kaŋ zɔ̀ŋ ɨchî chɔ̀m ɨmbə̀ʼ ɨbenɨ we nɨ à nuŋ ɨgun ə Kristo. À berɨ kywɨ ənywɨ kwàʼ rɨkǎ ɨmbə̀ʼ jɨg ɨ̀tènɨ̀ rɨ mì. Ŋwìə̀ nyaʼa tɔŋ əwe ni à jɨg ɨ̀tènɨ̀ we ənɨ à nyaʼa ben ɨfě mɨ̀zərɨmbin nɔnɔʼ ni àwɔ̀ yɨə wə̀d Kristo.


Ŋwìə̀ nyaʼa chɨ əwa rəŋgəʼ, əne tɔŋ əwa ni tɨ̀ yeʼ mbi bə̂d ɨmbə̀ʼ chub ɨzeŋɨ zeŋɨ. Chəi tɨ̀ nyaʼa ghɨ ənû ə mɔʼɔ bɔŋ wɨ̀ nyaʼa sɨə tɔŋ əwa. Wɨ̀ nyaʼa tɔŋ əwa ɨmbə̀ʼ ɨghəm nɨ wɨ̀ nyaʼa fə nuŋ əne. Wɨ̀ nyaʼa bə̀ tɔŋ ɨmbə̀ʼ ɨ̀chɔ̀m məd we nɨ wɨ̀ nyaʼa fə ghɨ ənɨ ə na rəŋwe rəŋwe ənjìm ə Kristo Yeso.


Əne mə wɨə nyìʼ əton ɨnû jìm ɨmbə̀ʼ bə̂d mbe nɨ Ŋwiə̀ chɔʼɔ jwɨ rəŋgəʼ bə̀ berɨ ɨwumnɨ we nɨ ten i koŋ ɨchî nɨ mbɨ yeʼ ənɨ ɨfɔtɨ mbɨ Kristo Yeso.


Məd wɨ ɨŋga mɨgharə̀ Ŋwìə̀ mbɨ ə bə̂d ənɨ fɨso fi fe nɨ mbɨ sanɨ, ɨmbə̀ʼ bə̂d mbe nɨ Ŋwìə̀ nyaʼa tɔŋ ənɨ mbi jɨg ɨghɨ mbe nɨ wɨ̀ nyaʼa kaʼ əmbɨ mɨ̀mə̌d koŋ. Kristo nyaʼa kwɨ ɨmbə̀ʼ choʼ ɨtu mɨ̀mə̌d tɨ ənɨ ɨnû rɨbɔ̀ŋ mbe nɨ mbɨ nyaʼə ghɨ̀ əton fɨso rɨtu.


Àyɨə mbə ghɨ ɨnû jìm ɨzeŋɨ zeŋɨ, àmei ɨchî nɨ məd we nɨ tɔŋ əwən bə zeŋ.


Mbə nɨŋ mɨneʼe mbe nɨ Ŋwìə̀ naʼ əmbɨ wə̀d mɔʼ mɔʼ rəbɔʼ nən wèèrɨ̀ mbə bɔŋgɔb əŋgu. Əne yɨ ɨchî ni Ŋwìə̀ ə chè ənɨ ə njìm ghɨ̀ə̀ tɨkwɨrɨ chɔ̀m jìm ənɨ ə bə̂d.


Wə̀d mɔʼɔ mɨ yeʼə ghà ɨŋgam Ŋwiə̀, wɨ̀ gha àmei ənû ze nɨ Ŋwìə̀ gha ɨ bɔ. Wɨ̀ mɔʼɔ mɨ yeʼə fàʼə̀, wɨ̀ faʼ àmei ənɨ ɨka we nɨ Ŋwìə̀ naʼ ɨ bɔ, ɨmbə̀ʼ ənɨ ɨnû jìm, bə̂d mbe tɨ̀ mbɨ yiirɨ ə Ŋwiə̀ ənjìm ə Yeso Kristo. Ɨwumnɨ jìm mbɨ ɨka jìm yɨ wɨ məd koŋ koŋ. À yɨ əne.


Ŋwiə̀ fə chè ənjìm i ɨka nàʼ ɨghɨjìm mbe nɨ tɨ̀ kəbɨ, ɨmbə̀ʼ tɨ̀ chub ɨkǎ wumnɨ əməd. Wɨ̀ fə nàʼ əne ənjìm ɨchî nɨ tɨ̀ kyerɨ əməd. Wɨ̀ nyaʼa tɔŋ əwa ni tɨ̀ berɨ əbà ɨŋga ɨwumnɨ məd bə̀ fɔrɨ ɨŋga ɨ̀chɔ̀m məd.


Ənû ze nɨ Wan fə kaʼ ni tə bɨrɨ naʼ ɨ na yɨ ɨ̀tènɨ̀ rɨ mì.


Tɨ̀ yiirɨ ə Ŋwìə̀ we nɨ tɨ̀ wɨ̀ nùŋ əwən ni tɨ mbə̀ gu ə. Ɨ we tɨ̀ wɨ̀ ghɨ̀ ni mbə̀ zeŋ màànɨ̀ ɨfě məd bə̀ ghɨ̀ ni mbə̀ sɨə ghaʼrɨə.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ