1 Pità 4:9 - Meta’

⁹ Mbə̀ nɨŋ mbə bɔŋgɔb ɨŋga tə nəb. Àyɨə mbə mɨ nɨŋ, tɨ mbə dumbɨ ə.

Ikan feg

⁹ Mbə̀ niŋ bəd inga ìmbən ichan ane fìŋ ifibì.

1 Pità 4:9 ပူးပေါင်းရင်းမြစ်များ

Rm 12:13

Bə̂d Ŋwiə̀ mɔʼɔ mɨ kwaŋ ɨghɨ, mbə̀ naʼ ɨghɨ mbe əmbɨ mɨ̀mə̌d. Mbə̀ nɨŋ bə̂d rɨ̀sɔ̀ʼɔ̀ ɨŋga tə nəb.

Rm 16:23

Gayùs, nɨ mɨə chub əkwɨ məd mbɨ ə bə̂d Kristo mbe nɨə fetɨ ɨŋga nəb məd bə̀ chàʼrɨ̀ əwən. Erastùs, nɨə nuŋ ɨkab ɨŋga əsɨ zɔ̂ mbɨ Kwatùs, wa aŋgɔb, bə̀ chàʼrɨ̀ əwən. [

2 Kɔrèn 9:7

Wə̀d mɔʼ mɔʼ berɨ nàʼ àmei ɨchî nɨ wɨ̀ fə tekɨ ɨŋga i fîŋ ni tə bɨrɨ nàʼ. Tɨ wɨ̀ naʼ i yènə̀ dùmbɨ̀ə̀. Tɨ wɨ̀ bɨ naʼ i ɨghabɨ ni à yɨ mbɨ nyeŋ əməd nyeŋɨ, ɨmbə̀ʼ ɨghəm nɨ Ŋwiə̀ wɨə ghaʼə wə̀d we nɨə nàʼ ɨghɨ mbɨ ɨghaʼi ɨŋga i fîŋ.

Fìlipì 2:14

Mbə ghɨ ɨnû jìm nɨ chəi mbə̀ə ghàmbɨ̀ə̀ kɨ̀ nɨ mbə̀ə tàŋə̀,

1 Timotì 3:2

Əne ətu nɨə chà ɨfetɨ bə̂d Kristo berɨ yeʼ wə̀d nɨ chəi bə̂d ə ghàmbɨ̀ əməd. Wɨ̀ berɨ berɨ àmei əyi mɔʼ. Wɨ̀ berɨ yeʼ əbɔtɨ ə wə̀d. Wɨ̀ berɨ kyerɨ ɨchî nɨ yimbɨ i ɨnyod. Wɨ̀ berɨ yeʼ wə̀d nɨə wumnɨ i ɨnyod. Wɨ̀ berɨ nɨŋ bə̂d rɨ̀sɔ̀ʼɔ̀ ɨŋga i nəb. Wɨ̀ berɨ kyerɨ ɨchî nɨ chwi ɨnû.

Tayitùs 1:8

Wɨ̀ berɨ yeʼ wə̀d nɨə nɨŋə bə̂d əkwɨ ni. Wɨ̀ berɨ yeʼ wə̀d nɨə ghaʼə nɨ ghɨ̀ ɨ̀chɔ̀m. Wɨ̀ berɨ yeʼ wə̀d nɨə ghɨ̀ ɨnû mbɨ ɨwe. Wɨ̀ berɨ yeʼ wə̀d nɨ təm kùʼnɨ̀ ɨfě Ŋwiə̀. Wɨ̀ berɨ yeʼ wə̀d nɨ chub ɨzeŋɨ zeŋɨ bə̀ yeʼ wə̀d nɨə yimbɨ ɨnyod.

Filemɔ̀n 1:14

Àyɨə chəi mə̀ ghaʼ nɨ ghɨ ənû ə mɔʼɔ ze nɨ chəi à benɨ, ɨmbə̀ʼ ɨ̀chɔ̀m we nɨ à bɨrɨ ghɨ̀ yeʼ ni à ghɨ̀ ənɨ e ɨghaʼi, kaʼi ni à yɨ mbɨ nyeŋ əwe nyeŋɨ.

Mə̀Hibrù 13:16

Tɨ̀ mbə̀ waʼ ə ənû nɨ ghɨ ɨ̀chɔ̀m. Tɨ mbə̀ bɨ waʼ ə ənû nɨ ghapɨ ɨghɨ mbe nɨ mbə̀ berɨ, ɨmbə̀ʼ ɨghəm nɨ tɨkwɨrɨ ɨghɨ ə̀fà tɔ̂ ə bɔ̀ŋ əmbɨ ə Ŋwiə̀.

Mə̀Hibrù 13:2

Tɨ mbə̀ waʼ ə ənû nɨ nɨŋ bə̂d rɨ̀sɔ̀ʼɔ̀ əkwɨ nən, ɨmbə̀ʼ ɨghəm nɨ bə̂d mɔʼɔ nyaʼa ghɨ̀ əne nɨŋ mbɨ̀aŋgɨrə̀ əkwɨ nən zɨ rɨ kyerɨ.

Jems 5:9

Mbɨ bɔŋgɔb, tɨ mbə̀ ghambɨ ə mbə bɔŋgɔb ɨmbə̀ʼ tɨ Ŋwìə̀ saʼ i əwən. Mbə̀ zə, wə̀d we nɨ bɨrɨ saʼ ɨsɨg fə sɨ i ɨchû nəb!