1 Pità 4:18 - Meta’

¹⁸ Ə zɨ ɨŋga Ə̀ŋwàʼnɨ̀ ə Ŋwiə̀ ni, “Zɨə mɨ yeʼe se əmbɨ ə bə̂d mbe nɨə ghɨ̀ ɨnû nɨ kuʼnɨ nɨ jwɨ rəŋgəʼ, njɨ zɨə kɨə wo yeʼ rɨ ye mbɨ mbe nɨ chəi mbɨə wumnɨ ə Ŋwiə̀ fɔrɨ mbe nɨə ghɨ̀ ɨnû rɨbɔ̀ŋ ə?”

Ikan feg

¹⁸ A ze inga Àŋwàʼrì Ŋwiye gha, “Ze mə̀ ya kà abə bəd mbe ne təmi kòʼ ni dù inga ngəʼ, ze kə ghum si yaʼ iye tì bəd mbe ne ghìyə̀ inug tìbɔŋ tì bəd ne chəyi mbɔb mbe ghùmnə Ŋwiye?”

1 Pità 4:18 ပူးပေါင်းရင်းမြစ်များ

Lk 15:1

À nyaʼa əni ə mɔʼɔ, məfetɨ mɨ̀tagsɨ̀ nɔnɔʼ mbɨ ə bə̂d nɨə ghɨ̀ ɨnû rɨbɔ̀ŋ nyaʼa wò fetɨ ɨban ə Yeso ɨmbə̀ʼ zwetɨ ənû ze nɨ wɨ̀ nyaʼə ghàə̀.

Lk 23:31

Bə̂d mɨ yeʼə ghɨ̀ əni ənɨ wə̀d nɨ chəi wɨ̀ ghɨ ənû rɨbɔ̀ŋ, zɨə kɨə wo yeʼ rɨ ye ənɨ we nɨ gu ənû ə?”

Ɨ̀fàʼì 14:22

Ɨ mbɨə nyaʼə yènə̀ tìmbɨ̀ ə bə̂d mbe nɨ nyaʼa ben ə Kristo, bə̀ yènə̀ ghàə̀ ni mbɨ yim ɨbenɨ wɨ kaanə wo ɨmbì. Mbɨ nyaʼa bə̀ ghà əmbɨ mɨ̀mə̌d ni, “Tɨ̀ berɨ zə ŋgəʼ nɔnɔʼ bɔŋ nyɨ ɨŋga ənû ɨfɔ̀n ə Ŋwiə̀.”

Ɨ̀fàʼì 27:24

ghà ni, 'Tɨrə̀ bɔ e, kyɨə Pɔ̂l, ɨmbə̀ʼ ɨghəm nɨ à berɨ wo təm ɨfě Kaisà. Zə ni Ŋwìə̀ fə ghɨ̀ ɨ̀chɔ̀m ənɨ ə ne. Wɨ̀ fə ghɨ̀ ni bə̂d mɨjìm mbe nɨə yènə̀ mbɨ ne tən əwən.'

Ɨ̀fàʼì 27:31

Pɔ̂l nyaʼa ghà əmbɨ ətu ɨgwɨ mɨ̀sɔgyɨ̀ ɨkɨ fibɨ̀ bə̀ ghà əmbɨ mɨ̀sɔgyɨ̀ mbe ni, “Mbaŋə̀ tɔ̂ mɨ ton chub ə ɨŋga əbaŋ zɔ̂, chəi ənɨ tɨ̀ mbə jwɨ̀ rəŋgəʼ.”

Rm 1:18

Ŋwìə̀ we nɨ yeʼ ɨkaŋ wɨə chwi ni tə wɨə sə ɨtəm əbɔʼ ə bə̂d mbe nɨ chəi mbɨə wumnɨ əməd. Ɨ wɨə bə̀ sə əbɔʼ mbe nɨə ghɨ̀ ɨzɨg, ɨmbə̀ʼ ɨghəm nɨ ɨzɨg mɨ̀mə̌d wɨə kənə ni tɨ bə̂d kyerɨ ə rəsìʼ ɨmbə̀ʼ əməd.

Rm 5:6

Ənɨ tɨ̀ nyaʼa kɨrɨ bɔd, nyùmə̀ nyaʼa kùʼ əne Kristo nyaʼa kwɨ ɨgwɨ ɨtu bə̂d mbe nɨ chəi mbɨ nyaʼə wumnɨ ə Ŋwiə̀.

Rm 5:8

Ŋwìə̀ nyaʼa chwi ni tə ghaʼ əwa əni: Ənɨ tɨ̀ nyaʼa kɨrɨ ghɨ̀ ɨnû rɨbɔ̀ŋ, Kristo nyaʼa kwɨ ɨgwɨ mba ɨtu.

1 Kɔrèn 10:12

Əne wə̀d mɔʼɔ we nɨ kɔndɨ ni tə fə təm kàànɨ̀ berɨ we i ɨmbə̀ʼ wɨ̀ sɨ gù.

1 Timotì 1:9

Tɨ̀ bə̀ kyerɨ ni chəi Ŋwiə̀ nyaʼa naʼ rɨkə ɨmbə̀ʼ bə̂d mbe nɨə ghɨ̀ ɨnû nɨ kuʼnɨ. Wɨ̀ nyaʼa nàʼ yeʼ ɨmbə̀ʼ mbe nɨə gù rɨkə fɔrɨ əmbɨ mbe nɨ chəi mbɨə zuunɨ əməd. Wɨ̀ nyaʼa nàʼ ɨmbə̀ʼ mbe nɨ chəi mbɨə wumnɨ əməd bə̀ nàʼ ɨmbə̀ʼ mbe nɨə ghɨ̀ ɨnû rɨbɔ̀ŋ. Wɨ̀ nyaʼa nàʼ ɨmbə̀ʼ mbe nɨ chəi mbɨ zeŋ ɨfě məd bə̀ nàʼ ɨmbə̀ʼ mbe nɨə tə̀ə̀nɨ̀ ənû ə Ŋwiə̀. Wɨ̀ nyaʼa nàʼ ɨmbə̀ʼ mbe nɨə zwiirɨə mbə mɨ̀mbǎʼ mbɨ mbə mɨ̀nɨ̌ŋ, ɨmbə̀ʼ mbe nɨə zwiirɨə mbɨ cherə,

Mə̀Hibrù 4:1

Ənû ze nɨ Ŋwìə̀ nyaʼa kaʼi ə kɨrɨ təm. Wɨ̀ nyaʼa kàʼ ni bə̂d bɨrɨ nyɨ ɨŋga əsɨ ə̀zwììrɨ̀ ze nɨ wɨ̀ bɨrɨ naʼ əmbɨ mɨ̀mə̌d. Əne tɨ̀ we əwa ɨmbə̀ʼ tɨ wə̀d mɔʼɔ rəbɔʼ nən nim i əpan nɨ nyɨ ɨŋga əsɨ ə̀zwììrɨ̀ ze.

Jems 5:6

Mbə fə sob ɨsaʼi zwiirɨ bə̂d nɨ chəi mbɨ gu ənû. Chəi ɨchî nɨ tɨ̀ mbɨ fè ə ɨnyod rɨ nən.

1 Pità 5:8

Mbə̀ yimbɨ ɨnyod bə̀ chub ɨkyèʼe. Ə wə̀d pə̀n, əne yɨə Debɨ̀rə̀ wɨə yènə̀ zùʼə̀ ɨghabɨ ə ŋgwàbaʼ. Ɨ wɨə kə̀bə̀ wə̀d mɔʼɔ we nɨ wɨ̀ bɨrɨ nimnɨ.

2 Pità 3:7

À yɨə bə̀ àmei ənɨ ɨŋgam nɨ Ŋwìə̀ fə nuŋ ni tə bɨrɨ nimnɨ ɨkaŋ wɔ̂ nɨ yeʼ rɨ̀nîn bə̀ nimnɨ si zɔ̂ nɨ yeʼ rɨ̀nîn ɨŋga ɨwid. Ŋwìə̀ fə nùŋ ni ɨkaŋ mbɨ ə si chubɨ pè əni ze nɨ wɨ̀ bɨrɨ saʼ mɨ̀mə̌d bə̀ nimnɨ bə̂d mbe nɨ chəi mbɨə wumnɨ əməd.

Jûd 1:15

ɨ saʼ bə̂d mɨ̀jìm chə mɨ̀mə̌d, bə̀ zɨ̀ ɨsaʼi ɨgwɨ ə bə̂d mɨ̀jìm mbe nɨ chəi mbɨə wumnɨ ə Ŋwiə̀. Wɨ̀ bɨrɨ zɨ ɨsaʼi ɨgwɨ mɨ̀mə̌d ɨmbə̀ʼ ɨnû ɨzɨg mbe nɨ chəi bə̂d mbe nɨə wumnɨ ə Ŋwiə̀ ə ghɨ̀ə̀. Wɨ̀ bɨrɨ bɨ zɨ ɨsaʼi ɨmbə̀ʼ mɨŋgam rɨbɔ̀ŋ jìm mbe nɨ bə̂d mbe nɨə ghɨ̀ ɨnû rɨbɔ̀ŋ, nɨ chəi mbɨə wumnɨ ə Ŋwiə̀ ə gha ɨmbə̀ʼ əməd.”