1 Pità 4:1 - Meta’

¹ Kristo nyaʼa zə ŋgəʼ ənɨ mbɨ nyaʼa kombɨ əməd, əne mbə berɨ bɨ berɨ tɨkwɨ rɨkɔndɨ te nɨ wɨ̀ nyaʼa berɨ, ɨmbə̀ʼ ɨghəm nɨ chəi wə̀d mɔʼɔ we nɨ fə zə ŋgəʼ bɨrɨ wɨrɨ berɨ ənû nɨ ghɨ̀ mbɨ ɨnû rɨbɔ̀ŋ.

Ikan feg

¹ Icheg ne Kristo ya zə̰ ngəʼ, à ya bə̀ icheg ne mbə̀ koʼi ni chùʼri ìwən nyɔd ni bèrì ikuchèg we ne məd ya bèri. Aton ya gha wə̀d we ne fə zə̰ ngəʼ inga nyàmnyɔd chəyi wì ya ywìrè ghìyə̀ inug tibɔ̀ŋ.

1 Pità 4:1 ပူးပေါင်းရင်းမြစ်များ

Mk 3:3

Yeso nyaʼa ghà əmbɨ ə mbaŋə̀ ze nɨ əbɔ əməd ə nyaʼa nə̀ŋɨ ni, “Yeʼe ɨfě əgha.”

Rm 6:11

Mbə̀ bə nɨŋ ni mbə fə kwɨ dè ɨnû rɨbɔ̀ŋ, àyɨə mbə mbɨ ɨkǎ ɨmbə̀ʼ wumnɨ ə Ŋwiə̀ ənjìm ə Kristo Yeso.

Rm 6:2

Chə̂! Mba mbe nɨ fə kwɨ dè ɨnû rɨbɔ̀ŋ kɨə kɨrɨ wò ɨmbì ghɨ̀ ɨnû rɨbɔ̀ŋ ɨmbə̀ʼ ə yè ə?

Rm 6:7

ɨmbə̀ʼ ɨghəm nɨ chəi ɨnû rɨbɔ̀ŋ wɨrɨ berɨ ɨka nɨ tumbɨ wə̀d we nɨ fə kwɨ.

Gàlesìyà 2:20

əne kaʼi mɔ̌ yeʼ ɨkǎ. Wə̀d we nɨ yeʼ ɨkǎ yɨə Kristo we nɨ yeʼ ɨŋga num. Ɨ̀tènɨ̀ we nɨ mə berɨ tɨ̀nîn yɨ ɨmbə̀ʼ ɨchî nɨ mə̀ nuŋ fîŋ ɨgun ə Wan Ŋwìə̀ we nɨ nyaʼa ghaʼ əmɨ əne nàʼ i ɨnyod ənɨ əghɨ ə̀fà ɨmbə̀ʼ əmɨ.

Gàlesìyà 5:24

Bə̂d Kristo Yeso fə kòmbɨ̀ tə nyamnyod bə̀ kòmbɨ̀ ɨnû mbe nɨ nyamnyod ə kə̀bə̀ bə̀ feenɨ əzed ə baʼnɨ.

Efesùs 6:13

Əne mbə̀ zɨ ɨghɨ bid Ŋwiə̀ jìm ɨmbə̀ʼ əni rɨbɔ̀ŋ ze ə mɨ yeʼe, mbə təm kàànɨ̀. Mbə̀ nɨə fə ghɨ ɨnû jìm, mbə kɨrɨ təm kàànɨ̀.

Fìlipì 2:5

Mbə̀ ghɨ ɨnû ɨchî nɨ Kristo Yeso nyaʼə ghɨ̀ə̀.

Mə̀Hibrù 12:3

Mbə̀ kɔndɨ ɨchî nɨ wɨ̀ nyaʼa nyiʼi mbɨ ə bə̂d ɨnû rɨbɔ̀ŋ mbe nɨ nyaʼə bàn əməd. Mbə̀ bə nyiʼ, ɨmbə̀ʼ tɨ mbə̀ bɔd əwən əne sùŋgɨ̀ rə̀bɔ̀ʼɔ̀.

Mə̀Hibrù 4:10

Wə̀d mɔʼɔ mɨ fə nɨ nyɨ ɨŋga əsɨ ə̀zwììrɨ̀ ze nɨ Ŋwiə̀ kaʼi, njɨ wɨ̀ bɨrɨ bɨ zwiirɨ tɨ ənɨ mbi ɨ̀fàʼì àmei ɨchî nɨ Ŋwìə̀ nyaʼa bə zwììrɨ̀ tɨ ənɨ mbi.

1 Pità 2:21

À yɨ ɨmbə̀ʼ ɨkwɨ ŋgəʼ wɔ̂ nɨ Ŋwiə̀ nyaʼa tɔŋ əwən ni mbə̀ yeʼ mbi bə̂d. Mbə̀ kyerɨ ni Kristo nyaʼa bə̀ zə ŋgəʼ ɨmbə̀ʼ əwən. Əne wɨ̀ nyaʼa chwi ənweenɨ ɨ nən ɨmbə̀ʼ mbə sɨə beenɨ əbɔʼ tɨkyerɨ-ɨwu ɨməd.

1 Pità 3:18

Kristo nyaʼa kwɨ ɨmbə̀ʼ ɨnû rɨbɔ̀ŋ fən ɨghəm mɔʼ. Wə̀d nɨ nyaʼə ghɨ̀ ɨnû nɨ kuʼnɨ nyaʼa kwɨ ɨgwɨ ətu ə bə̂d mbe nɨə ghɨ̀ ɨnû rɨbɔ̀ŋ, ɨmbə̀ʼ wɨ nɨŋ əwa wò əsɨ ə Ŋwiə̀. Mbɨ nyaʼa zwiirɨ nyamnyod məd, àyɨə Əzwî ə Ŋwiə̀ ə nyaʼa ghɨ̀ wɨ̀ wɨrɨ chub ɨka.