1 Pità 3:16 - Meta’

¹⁶ Mbə̀ berɨ fîŋ nɨ zeŋɨ, ɨmbə̀ʼ ɨtu nid bə̂d mbe nɨə ghà ɨnû rɨbɔ̀ŋ ɨmbə̀ʼ mɨchî chɔ̀m mbe nɨ mbə̀ berɨ ɨchî nɨ mbə̀ yeʼ bə̂d Kristo,

Ikan feg

¹⁶ Anug ne angu ya gha, mbə̀ ywite ichug ane àbɔrɔ̀bɔd tì ighumni. Mbə̀ ghiyə ìtən fìŋ yaʼ ti zḛ zḛ ni gha bəd mbe ne ghàmbà awən imbə̀ʼ ìwən ikuchèg chɔm icheg ne mbə̀ yaʼi ane ifɔti tì Kristo, mbi biri si bèrì tìnìrètog.

1 Pità 3:16 ပူးပေါင်းရင်းမြစ်များ

Matìyò 5:11

“Ŋwìə̀ zɨ əbɔrəbɔd ɨgwɨ nən əwù ze nɨ bə̂d ə chàb əwən, nwèndɨ̀ə̀ tə rɨkyerɨ-ɨwu bə̀ ghàə̀ tɨkwɨrɨ ɨnû rɨbɔ̀ŋ mɨghab jìm ɨgwɨ nən ɨmbə̀ʼ əmɨ.

Ɨ̀fàʼì 24:16

Əne mə wɨə kywɨ ənywɨ ɨ zə ni mɨ fîŋ zeŋ ɨfě Ŋwiə̀ bə̀ zeŋ ɨfě bə̂d.

Ɨ̀fàʼì 28:22

Àyɨə tɨ̀ bɨrɨ ghaʼ nɨ zu te rɨkɔndɨ, ɨmbə̀ʼ ɨghəm nɨ tɨ̀ ə kyerɨ ni bə̂d mbɨə ton ɨfɔtɨ fi wɔ̂ ɨsɨ jìm.”

Rm 9:1

Mə wɨə ghà rəsìʼ ɨchî nɨ mə yeʼ ənɨ ɨfɔtɨ mbɨ Kristo. Chəi mɨə ghàə̀ mɨghab. Əzwî ə Zeŋɨ ze nɨ yeʼ ɨŋga mɨ fîŋ ə fə ghɨ̀ mə kyerɨ ni chəi mɨə ghàə̀ mɨghab.

2 Kɔrèn 1:12

Tɨ̀nîn, ənû ze nɨ tɨə goŋ ɨgɔ̂ ɨgun yɨ ni, ta fîŋ ə zeŋ ni tɨ̀ wɨə ghɨ̀ ɨnû nɨ zeŋɨ mbɨ ni tɨ̀ wɨə bə̀ ghɨ̀ ɨnû mbe nɨ yeʼ mbɨ rəsìʼ ɨchî nɨ tɨ̀ yeʼ ɨŋga ɨsɨg, màànɨ̀ ɨchî nɨ tɨ̀ yeʼ əkaʼ nən. À yɨ ɨ̀chɔ̀m we nɨ Ŋwìə̀ nyaʼa ghɨ ənɨ ə num nyaʼa ghɨ ni mə̀ ghɨ əne, kaʼi ɨwe bə̂d mɨ̀sɔŋɨchù.

2 Kɔrèn 4:2

Tɨ̀ fə ton ɨnû mbe nɨ bə̂d ə ghɨ̀ ənə̀mə, nɨ yeʼ ɨnû mbe nɨə nàʼ tɨ̀nìd ətu. Tɨ̀ fə ton nɨ ghɨ ɨbèkɨ̀ ɨnû, kɨ̀ nɨ nyam ɨŋgam Ŋwiə̀ mbɨ mɨghab. Àyɨə ɨchî nɨ tɨə ghà rəsìʼ əsaŋ əsaŋ, tɨ̀ wɨə chwiə ni bə̂d kyerɨ ni ɨnû mbe nɨ tɨə ghɨ̀ə̀ yɨ ɨnû nɨ bɔŋ ɨfě Ŋwiə̀.

1 Timotì 1:19

Ənɨ àwɔ̀ ə ghɨ̀ə̀ əne, à berɨ yim e ɨbenɨ wɨ kaanə bə̀ berɨ fîŋ nɨ zeŋɨ. Ɨchî nɨ chəi bə̂d mɔʼɔ ə zwetɨ ɨnû mbe nɨ fîŋ tɨ mɨ̀mə̌d ə ghàə̀, mbɨ fə nimnɨ ɨbenɨ we nɨ mbɨ nyaʼa berɨ.

1 Timotì 1:5

Əton nɨ mə gha ənû zɔ̂ ɨ ne yɨ ni bə̂d Kristo berɨ ghaʼ əwən mbənə mbənə. Ɨghaʼi we berɨ jwɨ rɨŋga fîŋ nɨ zeŋɨ, rɨŋga fîŋ nɨ chəi ɨnû rɨbɔ̀ŋ ɨŋga bə̀ fɔrɨ rɨŋga ɨbenɨ we nɨ yeʼ wɨ rəsìʼ.

2 Timotì 1:3

Mə wɨə nàʼə̀ məben-əwe əmbɨ ə Ŋwìə̀ we nɨ mɨə fàʼ ɨ bɔ mbɨ mɨ fîŋ nɨ zeŋɨ. Mə wɨə ghɨ̀ əne ɨchî nɨ mbɨ mɨ̀mbǎʼ rəŋwe nyaʼə bə̀ ghɨ̀ə̀. Mə wɨə kɔndɨ əwe ənɨ mɨ̀nyùmə̀ jìm mbe nɨ mɨə kɔ̀ŋgɨ̀ ə Ŋwiə̀ ɨzimɨ mbɨ əziə.

Tayitùs 2:8

Gha àmei ɨŋgam nɨ kuʼnɨ nɨ chəi ənɨ tɨ̀ wə̀d zə ənû rɨbɔ̀ŋ ɨŋga. À mɨ ghɨ̀ əne, tɨ̀nìd ətu bɨrɨ yim mbe bə̂d pə̀n, ɨmbə̀ʼ ɨghəm nɨ chəi mbɨ zə ənû rɨbɔ̀ŋ nɨ tɨ̀ mbɨ gha ɨmbə̀ʼ əwa.

Mə̀Hibrù 13:18

Mbə̀ kɔŋgɨ ə Ŋwìə̀ ɨgwɨ na. Tɨ kàŋ kyerɨ ni ta fîŋ ə zeŋ. Tɨ wɨə bə̀ kəb ghɨ̀ ɨnû jìm ɨchî nɨ kuʼnɨ.

Mə̀Hibrù 9:14

njɨ ənəm ə Kristo ə bɨrɨ zeŋnɨ əwa chè. Əzwî ze nɨ ten i koŋ ə nyaʼa ghɨ̀ ni Kristo naʼ i ɨnyod əmbɨ ə Ŋwiə̀ ənɨ əghɨ ə̀fà nɨ chəi ənɔʼɔ ɨmbə̀ʼ zeŋnɨ ta fîŋ tɨ ənɨ ɨnû rɨbɔ̀ŋ mbe nɨə ghɨ̀ ni bə̂d kwɨ. Əne yɨ ɨmbə̀ʼ tɨ̀ faʼ əmbɨ ə Ŋwìə̀ we nɨ yeʼ ɨkǎ.

1 Pità 2:12

Mbə mɨchî əkaʼ bə̂d mbe nɨ kaʼi mɨ̀Jû berɨ bɔ̀ŋ, ɨmbə̀ʼ ka mbɨ bè gha ə ni mbə yɨə bə̂d nɨə ghɨ̀ ɨnû rɨbɔ̀ŋ, mbɨ bɨrɨ zə ɨnû chɔ̀m mbe nɨ mbə̀ə ghɨ̀ əne yiirɨ ə Ŋwiə̀ əni ze nɨ wɨ̀ bɨrɨ wɨrɨ yeʼe.

1 Pità 2:15

Ŋwìə̀ nyaʼa kə̀b yeʼ ni mbə̀ ghɨ ɨnû nɨ kuʼnɨ ɨmbə̀ʼ kubrɨ mɨchû ɨneŋ bə̂d mbe nɨə ghà ɨnû nɨ chəi mbɨ kyerɨ.

1 Pità 2:19

Ŋwiə̀ bɨrɨ zɨ əbɔrəbɔd ɨgun ə wə̀d we nɨə nyìʼə̀ fîŋ zuə rɨbuʼ bə̀ zəə ŋgəʼ ətu əko, ɨmbə̀ʼ ɨghəm nɨ wɨ̀ kyerɨ ni məd wɨ əŋgu.

1 Pità 3:21

Mɨnib mbɔ̂ nɨ mbɨ nyaʼə nəŋ ɨgun nyaʼa təm ənɨ ənû nɨ bə̂d ə nɨŋə mɨnib. À yɨ mɨnib mbe ə chɨ̀ əwən rəŋgəʼ tɨ̀nîn. Kaʼ ənû nɨ nɨŋ mɨnib yɨ i ənû nɨ chɨ rɨfiŋ tɨ ənɨ ɨnyod. À yɨ ənû nɨ mbə̀ kaʼ əmbɨ ə Ŋwiə̀ mbɨ ə fîŋ nɨ zeŋɨ. Ənû nɨ nɨŋ mɨnib ə zɨə chɨ̀ əwən rəŋgəʼ ənjìm ɨchî nɨ Yeso Kristo nyaʼa zwemə.

1 Pità 4:4

Tɨ̀nîn ɨ mbɨə yiirɨə ni chəi mbə̀ ə wɨrɨə fɔtɨ əbɔʼ mɨ̀mə̌d ɨmbə̀ʼ ghɨ ɨnû rɨbɔ̀ŋ mbe nɨ mbə nyaʼə beə ghɨ̀ə̀. Ɨchî nɨ chəi mbə̀ə wɨrɨə fɔtɨ əbɔʼ mɨ̀mə̌d, ɨ mbɨə sɨə zɔ̀m əwən.