1 Pità 3:1 - Meta’

¹ À yɨ əndəŋ əndəŋ ni mbə̀n məyi berɨ zuunɨ mbə mɨnom, ɨmbə̀ʼ à mɨ yeʼ nɨ chəi wɨ mɔʼɔ rəbɔʼ mɨ̀mə̌d kɨrɨ ben ɨŋgam Ŋwiə̀, məyi mɨ̀mə̌d mbe tɨ mbɨ beŋ mɨ̀mə̌d ənɨ tə rɨghɨrɨ-ɨnû, nɨ chəi mbɨ gha ənû ə mɔʼɔ.

Ikan feg

¹ Mə̀yi, mbə̀ swi ìwən nyɔd aseg zùgri ìmbən mənɔm. Àze biri ghì gha ìmbən mənɔm mbe ne chəyi mbi kiri bḛ Ìngam Ŋwiye, mbi biri bḛ anjìm ikuchèg chɔm ne mbə̀ beri.

1 Pità 3:1 ပူးပေါင်းရင်းမြစ်များ

Matìyò 18:15

“We aŋgɔb mɨ ghɨ ənû rɨbɔ̀ŋ ənɨ ə ne, ndə̀ wo ghà ɨgu-ənû məd ɨ bɔ, àmei mbə̀n mbe mɨ̀be. Wɨ̀ mɨ zu ənû ze nɨ àwɔ̀ ə ghàə̀, əne à fə wɨrɨ nɨŋ əməd rəbɔʼɔ.

Rm 10:16

Àyɨə kaʼi bə̂d mɨjìm kɨrɨ ben ɨkə̂n chɔ̀m we. Wə̀d ɨ̀kə̀n Ŋwìə̀ Aizayà nyaʼa ghà ni, “Ə̀nùŋɨ̀sɨg, à kɨə we fə ben ɨkə̂n we nɨ tɨə ghà ə?”

Rm 6:17

Àyɨə mə wɨə nàʼə̀ məben-əwe əmbɨ ə Ŋwiə̀ ni mbə̀n mbe nɨ nyaʼa kweʼ ben ɨ̀bòʼò əmbɨ ɨnû rɨbɔ̀ŋ, fə bèŋ tə fîŋ rɨjìm sɨə zuunɨ ɨnû mbe nɨ Ŋwìə̀ ə chwi ɨ nən.

Rm 7:2

Tɨkə tɨə yim əyi namɨ mbɨ i nom ənɨ ɨnom we kɨrɨ i ɨkǎ. Àyɨə ɨnom we mɨ fə kwɨ, chəi tɨkə te wɨrɨ yim əməd.

1 Kɔrèn 11:3

Mə wɨə kə̀bə̀ ni mbə̀ kyerɨ ni ətu ɨgwɨ ə mbaŋə̀ rɨ̀jìm yɨə Kristo, kyerɨ ni ətu ɨgwɨ əyi yɨ ɨnom məd, bə̀ kyerɨ ni ətu ɨgwɨ ə Kristo yɨə Ŋwiə̀.

1 Kɔrèn 14:34

məyi kəm rəziə ɨŋga rɨfetɨ. Chəi mbɨ ben ni mbɨ ghamə, àyɨə mbɨ berɨ zuunɨ mbə mɨnom ɨchî nɨ zɨə yeʼ ɨŋga tɨkə rɨ Mose.

1 Kɔrèn 7:16

Əyi, à kyerɨ tɨ ənɨ ə ye ni kaʼi àwɔ̀ bɨrɨ chɨ e ɨnom rəŋgəʼ ə? Ɨnom, à kyerɨ tɨ ənɨ ə ye ni kaʼi àwɔ̀ bɨrɨ chɨ e ɨwi rəŋgəʼ ə?

Efesùs 5:33

Əne mbaŋə̀ mɔʼ mɔʼ rəbɔʼ nən ghaʼ i ɨwi ɨchî nɨ wɨ̀ ghaʼ i ɨnyod. Əyi berɨ bɨ wumnɨ i nom.

Kòlosè 3:18

Məyi, mbə zuunɨ mbə mɨnom. Əzɔ̂ yɨ ənû nɨ kuʼ əmbɨ Ə̀nùŋɨ̀sɨg.

Kòlosè 4:5

Mbə̀ we əwən ɨchî nɨ mbə̀ə ghɨ̀ə̀ mbɨ ə bə̂d mbe nɨ kaʼi bə̂d Kristo. Mbə̀ nɨŋ əpan ze nɨ mbə̀ berɨ fàʼ mbɨ mɨ̀mə̌d ɨchî chɔ̀m.

2 Tès 1:8

Wɨ̀ bɨrɨ swiʼi mbɨ ɨwid nɨə berɨə, pè zɨ̀ ŋgəʼ ɨgun ə bə̂d mbe nɨ chəi mbɨ kyerɨ ə Ŋwiə̀, zɨ̀ ɨgun mbe nɨ ton nɨ wumnɨ əməd bə̀ zɨ̀ ɨgun mbe nɨ chəi mbɨə ghɨ̀ ɨnû mbe nɨ yeʼ ɨŋga ɨkə̂n chɔ̀m a Ə̀nùŋɨ̀sɨg Yeso.

Mə̀Hibrù 11:8

À yɨ ɨbenɨ nyaʼa ghɨ ni Abràham zuunɨ ə Ŋwiə̀ ənɨ wɨ̀ nyaʼa tɔŋ əməd ni wɨ̀ jwɨ ə wò əsɨ ze nɨ wɨ̀ nyaʼa wo naʼ ɨ bɔ. Wɨ̀ nyaʼa jwɨ̀ wò, ka à bè yeʼi ni chəi wɨ̀ nyaʼa kyerɨ əsɨ ze nɨ wɨ̀ nyaʼə wò əŋgu.

Mə̀Hibrù 5:9

Ənɨ Ŋwiə̀ nyaʼa fə ghɨ̌ wɨ̀ bɔ̀ŋ màànɨ̀, wɨ̀ nyaʼa bèŋ sɨə ghɨ̀ə̀ ni bə̂d mɨjìm mbe nɨə zuunɨ əməd jwɨ̀ rəŋgəʼ koŋ.

1 Pità 1:22

Mbə fə ghɨ tə fîŋ zeŋ ɨchî nɨ mbə̀ə ghɨ̀ ɨnû mbe nɨ yeʼ mbɨ rəsìʼ. Mbə mbɨə kàŋə̀ ghaʼə mbə bɔŋgɔb kwàʼ ɨchî chɔ̀m. Əne mbə̀ ghaʼ mɨ̀mə̌d kwàʼ rɨŋga fîŋ.

1 Pità 3:2

Mbɨ bɨrɨ bèŋ ənɨ mbɨ zə ɨchî nɨ mbə̀n məyi ə wumnɨ mɨ̀mə̌d fɔrɨ ɨmbə̀ʼ ɨchî nɨ mbə̀ə ghɨ̀ ɨnû nɨ zeŋɨ.

1 Pità 3:7

Əndəŋ əndəŋ, mbə̀n mɨnom berɨ wumnɨ mbə məyi bə̀ chubɨ mbɨ mɨ̀mə̌d ɨchî nɨ kuʼnɨ. Mbə mɨə yeʼə ghɨ̀ əne, njɨ mbə̀ kyerɨ ni mɨ̀mə̌d ə bɔd chè əwən. Mbə ghɨ əne ɨmbə̀ʼ ɨghəm nɨ Ŋwiə̀ bɨrɨ naʼ ɨ̀tènɨ̀ əmbɨ mbə̀n mɨ̀jìm. Mbə ghɨ əne ɨmbə̀ʼ tɨ əghɨ ə mɔʼɔ ə kən i ə ə̀kɔ̀ŋgɨ̀.

1 Pità 4:17

Nyùmə̀ fə kuʼ nɨ Ŋwìə̀ bɨrɨ kɔ saʼ bə̂d. Wɨ̀ bɨrɨ kɔ mbɨ ɨnəbɨ Ŋwiə̀. Wɨ̀ mɨ nɨə kɔ mbɨ na, njɨ ɨnwǐ bə̂d mbe nɨ chəi mbɨə zuunɨ ɨkə̂n chɔ̀m ɨmbə̀ʼ ə Ŋwiə̀ kɨə wo yeʼ rɨ ye ə?