1 Pità 2:6 - Meta’

⁶ Ə zɨ ɨŋga Ə̀ŋwàʼnɨ̀ ə Ŋwiə̀ ni, “Mbə̀ zə, mə wɨə zi ɨti ə Zayɔ̀n. À yɨ ɨti ɨbu nəb nɨ mə nyaʼa chɔʼ nùŋ, wɨ bɔ̀ŋ kwàʼ rɨŋgəʼ. Chəi wə̀d we nɨ nuŋ fîŋ ɨgwɨ məd bɨrɨ nɔ berɨ tɨ̀nìd ətu.”

Ikan feg

⁶ A ze inga Àŋwàʼrì Ŋwiye gha, “Mbə̀ nḛ! Mə we zèghè iteg a Zayɔ̀n. À ya iteg ibug nəb ne taŋ bɔ̀ŋ ne mə̀ ya chɔʼi nɔ̀ŋì. Wə̀d ne nɔŋi ibḛfiŋ igun məd chəyi wì biri nɔʼ bèrì tìnìrètug.”

1 Pità 2:6 ပူးပေါင်းရင်းမြစ်များ

Matìyò 12:18

“Mbə̀ zə, wɔ̂ yɨ mɨ wə̀d ə̀fàʼì we nɨ mə̀ fə chɔʼɔ. Mə ghaʼ əməd kwàʼ rɨŋgəʼ. Mɨ fîŋ ə bɔ̀ŋ əku ɨmbə̀ʼ əməd. Mə bɨrɨ cha mɨ Əzwî ɨŋga məd, əne wɨ̀ bɨrɨ ghà əmbɨ ɨbeŋ mbe nɨ kaʼi mbɨ mɨ̀Jû ni mə bɨrɨ saʼ mɨ̀mə̌d ɨchî nɨ kuʼnɨ.

Mk 12:10

Chəi mbə̀ kɨrɨ foŋ ənû zɔ̂ ɨŋga Ə̀ŋwàʼnɨ̀ ə Ŋwiə̀ ni, 'Ɨti we nɨ məbɔmɨ nəb nyaʼa tonɨ, fə bèŋ ənɨ ɨti rɨ ɨbu nəb.

Lk 20:17

Àyɨə Yeso nyaʼa nèŋ mɨ̀mə̌d ghà ni, “Əton ənɨ Ɨŋgam Ŋwiə̀ wɔ̂ kɨ ni ye ə? 'Ɨti we nɨ məbɔmɨ nəb nyaʼa tonɨ, fə bèŋ ənɨ ɨti rɨ ɨbu nəb.'

Lk 23:35

Bə̂d nyaʼa təmbɨ ɨban ɨban ɨ neŋ, àyɨə bə̂d mbe nɨ nyaʼə tekɨ ɨnû ɨŋga əbeŋ mɨ̀Jû mbɨə nyaʼə baʼrɨ əməd ghàə̀ ni, “Ɨ wɨə nyaʼə chɨ̀ə̀ bə̂d cherə rəŋgəʼ, wɨ̀ bə jwɨ̀ i rəŋgəʼ əwù ze nɨ wɨ̀ yeʼ Wə̀d we nɨ Ŋwìə̀ zɔʼɔ, mbɨ we nɨ Ŋwìə̀ chɔʼɔ!”

Jn 7:38

Wə̀d mɔʼɔ we nɨ ben ənû ze nɨ mɨə ghàə̀, wɨ̀ yeʼe nɨŋ nɔ. Zɨə bɨrɨ yeʼ ɨ bɔ ɨchî nɨ mbɨ ŋwaʼnɨ ɨŋga Ə̀ŋwàʼnɨ̀ ə Ŋwiə̀ ni, 'Mɨgyɨ̂ nɨə nàʼ ɨ̀tènɨ̀ bɨrɨ koŋ rɨŋga fîŋ məd.'”

Ɨ̀fàʼì 1:16

“Mbɨ bɔŋgɔb, ɨŋgam Ŋwiə̀ we nɨ Əzwî ə Zeŋɨ ə nyaʼa fə be ghɨ̀ ɨfɔ̂n Dèvîd ghà, ə berɨ jwɨ̀ ənɨ rəsìʼ de ə Judàs we nɨ nyaʼa chwi ɨnə̂njɨ̀ əmbɨ ə bə̂d mbe nɨ nyaʼa gywɨ ə Yeso.

Rm 10:11

Ə zɨ ɨŋga Ə̀ŋwàʼnɨ̀ ə Ŋwiə̀ ni, “Ka Ŋwìə̀ bɨrɨ naʼ i tɨ̀nìd ətu əmbɨ wə̀d we nɨ nuŋ fîŋ ɨgwɨ məd,”

Efesùs 1:4

Bɔŋ Ŋwìə̀ nyaʼə sɨə tekɨ ɨsɨg, wɨ̀ nyaʼa fə chɔʼ əwa ɨchî nɨ tɨ̀ yeʼ ənɨ ɨfɔtɨ mbɨ Kristo ni tɨ̀ yeʼ bə̂d zeŋɨ ɨfě məd, bə̀ yeʼ bə̂d nɨ chəi ənû rɨbɔ̀ŋ ɨgwɨ na. Wɨ̀ nyaʼa chɔʼ əne ɨchî nɨ wɨ̀ ghaʼ əwa.

Efesùs 2:20

nɨ mbɨ bɔm ɨgun əchɨ ze nɨ bə̂d tom Kristo mbɨ ə bə̂d ɨ̀kə̀n Ŋwiə̀ nyaʼa bɔmɨ. À yɨə Kristo Yeso ziə nɨ yeʼ ɨti rɨ ɨbu nəb.

2 Timotì 3:16

À yɨə Ŋwìə̀ nyaʼa fe bə̂d ni mbɨ ŋwàʼnɨ̀ Ɨŋgam Ŋwiə̀ jìm. Ɨŋgam Ŋwiə̀ ə bɔŋ ni mbɨ nɨŋ chwi ɨnû, ni mbɨ nɨŋ gham əbɔʼ ə bə̂d, ni mbɨ nɨŋ ghà ənû rɨbɔ̀ŋ ze nɨ wə̀d ghɨ̌ ɨmbə̀ʼ wɨ̀ kwepə. Wɨ bə̀ bɔ̀ŋ ni mbɨ nɨŋ chwi ɨchî nɨ tɨ bə̂d chub ɨchî nɨ kuʼnɨ,

1 Pità 2:4

Mbə yeʼe əsɨ məd we nɨ yeʼ ɨti we nɨ yeʼ ɨka. Bə̂d nyaʼa ton əməd, àyɨə Ŋwiə̀ nyaʼa chɔʼ əməd. Məd ə bɔ̀ŋ kwàʼ rɨŋgəʼ ɨfě Ŋwiə̀.

1 Pità 2:8

fɔrɨ ni, “À yɨ ɨti nɨ bɨrɨ ghɨ ni bə̂d tɨ̀grə, bə̀ yeʼ ɨwɔ̌ nɨ bɨrɨ ghɨ ni bə̂d gu ə.” Ɨ mbɨə tɨ̀grə ɨmbə̀ʼ ɨghəm nɨ chəi mbɨə ghɨ̀ ɨnû mbe nɨ yeʼ ɨŋga ɨŋgam Ŋwiə̀. Əzɔ̂ yɨ ənû nɨ Ŋwìə̀ nyaʼa fə nuŋ əmbɨ mɨ̀mə̌d.

2 Pità 1:20

Ənû rɨtu nɨ mbə̀ berɨ nɨ kyerɨ yɨ ni chəi wə̀d mɔʼɔ nɨ tɨ̀ wɨ̀ tòʼrɨ̀ ənû ze nɨ bə̂d ɨ̀kə̀n Ŋwiə̀ nyaʼa ŋwaʼnɨ ɨŋga Ə̀ŋwàʼnɨ̀ ə Ŋwiə̀ ənɨ i ɨghəm,

2 Pità 3:16

Ənû ze nɨ wɨ̀ ŋwaʼnɨ mbɨ ɨŋga ɨ̀ŋwàʼnɨ̀ jìm mbe nɨ wɨ̀ ŋwaʼnɨ. Ɨnû mɔʼɔ mbɨ ɨŋga ɨ̀ŋwàʼnɨ̀ mbe nɨ Pɔ̂l ŋwaʼnɨ nɨ chəi ənɨ tɨ ɨtu bə̂d zeŋ ɨmbə̀ʼ mbɨwən. Bə̂d mbe nɨ chəi mbɨ kyerɨ ɨnû, nɨ ɨbenɨ mɨ̀mə̌d kɨrɨ bɔd, bɨrɨ toʼrɨ ɨnû mbɔ̂ ɨchî cherə. Bə̂d mbɨə kwepɨ ɨnû ɨŋga ɨ̀ŋwàʼnɨ̀ mbɔ̂ àmei ɨchî nɨ mbɨə kwepɨ ɨŋga ɨ̀ŋwàʼnɨ̀ Ŋwiə̀ cherə. Ɨchî nɨ mbɨə ghɨ̀ əne, ɨ mbɨə tɔŋə ŋgəʼ ɨgwɨ mbə ɨtu.