1 Pità 2:23 - Meta’

²³ Ənɨ mbɨ nyaʼa zɔm əməd, chəi wɨ̀ nyaʼa bə̀ zɔ̀m bə̂d mbe nɨ nyaʼa zɔm əməd. Ənɨ wɨ̀ nyaʼə zə ŋgəʼ, chəi wɨ̀ nyaʼa gha ni tə bɨrɨ wì. Wɨ̀ nyaʼa nuŋ i fîŋ yeʼ ɨgun ə Ŋwiə̀ we nɨə saʼə bə̂d ɨchî nɨ kuʼnɨ.

Ikan feg

²³ Anyumə̀ ne mbi ya zɔ̀mbi məd, chəyi wì ya ywìti. Anyumə̀ ne wì ya zə̰ ngəʼ, chəyi wì ya sìbi wə̀d. Wì ya nɔ̀ŋì fìŋ yaʼ igun Ŋwiye we ne sàʼa bəd ane icheg ne koʼi.

1 Pità 2:23 ပူးပေါင်းရင်းမြစ်များ

Lk 23:41

Mbɨ nyaʼa sob ɨsaʼi ɨgwɨ na wɨ kùʼ ɨmbə̀ʼ ɨghəm nɨ tɨ̀ yɨ əni nɨŋə ɨchwɨ rɨ ənɨ ɨnû mbe nɨ tɨ̀ ghɨ̌. Àyɨə chəi mbaŋə̀ zɔ̂ gu ənû ə mɔʼɔ.”

Lk 23:46

Yeso nyaʼa kyeŋ rɨ̀kǎ ghà ni, “Mɨ Mbǎʼ, mə fə sàŋ mɨ Əzwî ɨŋga te rɨkyerɨ-ɨbɔ!” Ənɨ wɨ̀ nyaʼa ghà əne, wɨ̀ nyaʼa mèndɨ̀.

Lk 23:9

Herɔ̀d nyaʼa biirɨ ɨnû nɔnɔʼ ɨ bɔ, àyɨə chəi wɨ̀ nyaʼa wiirɨ kaʼ àbei əzɨ ə mɔʼɔ.

Ɨ̀fàʼì 17:31

Wɨ̀ nyaʼa fə nùŋ əni nɨ wɨ̀ bɨrɨ chè ənjìm ə Wə̀d we nɨ wɨ̀ nyaʼa chɔʼɔ, saʼ wə̀d jìm ɨŋga ɨsɨg wɔ̂ ɨchî nɨ kuʼnɨ. Wɨ̀ fə chwi ənweenɨ əmbɨ ə bə̂d mɨ̀jìm ni ənû zɔ̂ yɨ ənû rəsìʼ. Wɨ̀ nyaʼa ghɨ̀ əne ɨchî nɨ wɨ̀ nyaʼa zwemnɨ wə̀d we.”

Ɨ̀fàʼì 4:29

Əne tɨ̀nîn Ə̀nùŋɨ̀sɨg, zə ɨchî nɨ mbɨə fàŋ əwa. Ghɨ ni mbǎ, mbe bə̂d ə̀fàʼì, gha e ɨŋgam mbɨ ə fîŋ nɨ kǎ.

Ɨ̀fàʼì 7:59

Ənɨ mbɨ nyaʼə tumbɨ ə Stɨfɨ̀n əne, wɨ̀ nyaʼa kɔ̀ŋgɨ̀ ə Ŋwiə̀ ghà ni, “Ə̀nùŋɨ̀sɨg Yeso, nɨŋ mɨ əzwî!”

Ɨ̀fàʼì 9:1

À nyaʼa ənɨ ə nyùmə̀ we, Sɔ̂l nyaʼa wò ɨmbì kàʼə̀ ni tə bɨrɨ zwiirɨ mə̀mə̀ə̀nɨ̀-ɨnû Ə̀nùŋɨ̀sɨg. Əne wɨ̀ nyaʼa wò əsɨ ətu ɨgwɨ ə bə̂d mbàn Ŋwìə̀,

Rm 2:5

Àyɨə ɨchî nɨ à berɨ fîŋ nɨ kǎ, nɨ chəi ənɨ tɨ̀ mbɨ bèŋ, əne kyerɨ ni Ŋwìə̀ wɨ rəbə sə i ɨtəm sə əbɔʼ ne. Əne wɨ̀ bɨrɨ zɨ ɨchə nɨ ka ɨgwɨ ne əni ze nɨ wɨə sob mɨsaʼi ɨchî nɨ kuʼnɨ.

Efesùs 6:9

Mɨ̀mbǎʼ ə̀fàʼì, mbə bə ghɨ̀ əndəŋ əndəŋ mbɨ mbə ɨ̀bòʼò. Tɨ mbə̀ kaʼ ə ni mbə bɨrɨ chə mɨ̀mə̌d. Mbə kyerɨ ni mbə̀n mɨjìm berɨ Mbǎʼ ə̀fàʼì mɔʼ nɨ yeʼ ɨkaŋ. Chəi məd ə ghɨ̀ ɨghə.

2 Tès 1:5

Ɨnû mbɔ̂ jìm ə chwi ni Ŋwìə̀ bɨrɨ saʼ bə̂d ɨchî nɨ kuʼnɨ. Əne Ŋwìə̀ bɨrɨ zə ni mbə kuʼ nɨ nyɨ ɨŋga ənû ɨfɔ̀n əməd. Mbə mbɨə zəə ŋgəʼ ɨmbə̀ʼ ənû ɨfɔ̀n rəŋgu ze.

2 Timotì 1:12

À yɨ əton nɨ mɨə zəə ŋgəʼ ɨchî nɨ mɨə zəə. Àyɨə chəi mɨ ətu ə nìd ɨmbə̀ʼ ɨghəm nɨ mə kyerɨ wə̀d we nɨ mə nuŋ mɨ fîŋ ɨgwɨ məd. Mə bə̀ kàŋ kyerɨ ni ɨ we tɨ̀ wɨ̀ nəŋgɨ ənû ze nɨ wɨ̀ zɨ ɨŋga tum rɨkyerɨ-ɨbɔ pè əni ze nɨ Ŋwiə̀ bɨrɨ saʼ ɨsɨg.

2 Timotì 4:8

Əne Ə̀nùŋɨ̀sɨg we nɨə saʼə bə̂d ɨchî nɨ kuʼnɨ bɨrɨ naʼ əjwɨ-əgu ɨ num əni ze nɨ wɨ̀ bɨrɨ yeʼe ɨ saʼ ɨsɨg. Wɨ̀ bɨrɨ naʼ ɨmbə̀ʼ ɨghəm nɨ mə wɨə ghɨ̀ ɨnû nɨ kuʼnɨ. Chəi wɨ̀ bɨrɨ naʼ àmei ɨ num. Wɨ̀ bɨrɨ bɨ naʼ əmbɨ ə bə̂d mbe nɨə wòmə̀ ni wɨ̀ wɨrɨ yeʼe.

Mə̀Hibrù 12:3

Mbə̀ kɔndɨ ɨchî nɨ wɨ̀ nyaʼa nyiʼi mbɨ ə bə̂d ɨnû rɨbɔ̀ŋ mbe nɨ nyaʼə bàn əməd. Mbə̀ bə nyiʼ, ɨmbə̀ʼ tɨ mbə̀ bɔd əwən əne sùŋgɨ̀ rə̀bɔ̀ʼɔ̀.

1 Pità 3:9

Tɨ mbə̀ wi ə ɨbə ɨgwɨ ɨbə. Tɨ mbə wi ə mɨzɔ̂m ɨgwɨ mɨzɔ̀m. Bə̂d mɨ ghɨ̀ ənû ənɨ ə nən, mbə̀ wi yeʼ ənɨ əbɔrəbɔd. Ŋwiə̀ nyaʼa tɔŋ əwən ni mbə ghɨ əne ɨmbə̀ʼ wɨ̀ zɨ əbɔrəbɔd ɨgwɨ nən.

1 Pità 4:19

Əne bə̂d mbe nɨə zəə ŋgəʼ ɨchî nɨ Ŋwiə̀ kəbɨ, chè ɨmbì ghɨ ɨnû nɨ kuʼnɨ. Mbɨ bə nàʼ ə ɨ̀tènɨ̀ əmbɨ Ŋwìə̀ we nɨ nyaʼa tekɨ mɨ̀mə̌d. Məd wɨə ghɨ̀ ɨnû jìm mbe nɨ wɨ̀ kaʼi.

Ɨnû 19:11

Mə nyaʼa zə ɨkaŋ əfìʼə, bə̀ zə ngyǐ rɨ̀fɨ əŋgu. Ɨ mbɨə nyaʼə tɔŋə mbaŋə̀ ze nɨ nyaʼa kɔʼ ngyǐ ze ni Wə̀d nɨə ghà rəsìʼ bə̀ tɔŋə ni Wə̀d nɨə ghɨ̀ ɨnû mbe nɨ wɨ̀ ghǎ. Ɨ wɨə saʼə bə̂d bə̀ màʼə̀ bid ɨchî nɨ kuʼnɨ.