1 Pità 2:22 - Meta’

²² Chəi wɨ̀ nyaʼa ghɨ ənû rɨbɔ̀ŋ ə mɔʼɔ. Chəi mɨghab mɔʼɔ nyaʼa jwɨ̀ rɨŋga ɨchù məd.

Ikan feg

²² Chəyi wì ya gùghi anug. Chəyi wì ya bə ghà anug ako mɔ̀ʼɔ.

1 Pità 2:22 ပူးပေါင်းရင်းမြစ်များ

Matìyò 27:19

Ənɨ wɨ̀ nyaʼa chub ɨgun ətən ze nɨ wɨ̀ nyaʼə chub ɨgun sobə mɨsaʼi, ɨwi məd nyaʼa chà ɨkə̂n ɨ bɔ ni: “Tɨrə̀ berɨ e ənû ə mɔʼɔ nɨ ghɨ̀ mbɨ mbaŋə̀ zɔ̂, ɨmbə̀ʼ ɨghəm nɨ chəi wɨ̀ gu ənû ə mɔʼɔ. Mə wɨə ghà əne ɨmbə̀ʼ ɨghəm nɨ mə kàŋ zə ŋgəʼ əku ə njə̀m ɨzimɨ wɔ̂ ɨmbə̀ʼ əməd.”

Matìyò 27:4

Wɨ̀ nyaʼa nàʼ əne ghà ni, “Mə fə ghɨ̀ ənû rɨbɔ̀ŋ ɨchî nɨ mə̀ fen wə̀d nɨ chəi wɨ̀ gu ənû.” Mbɨ nyaʼa wììrɨ̀ ni, “Əze ə berɨ ənû ə ye nɨ ghɨ̀ mbɨ nà ə? À yɨ e ɨsaʼi!”

Lk 23:41

Mbɨ nyaʼa sob ɨsaʼi ɨgwɨ na wɨ kùʼ ɨmbə̀ʼ ɨghəm nɨ tɨ̀ yɨ əni nɨŋə ɨchwɨ rɨ ənɨ ɨnû mbe nɨ tɨ̀ ghɨ̌. Àyɨə chəi mbaŋə̀ zɔ̂ gu ənû ə mɔʼɔ.”

Lk 23:47

Ətu ɨgwɨ mɨ̀sɔgyɨ̀ nyaʼa zə ənû ze nɨ nyaʼa ghɨ̌, əne wɨ̀ nyaʼa yiirɨ ə Ŋwiə̀ ghà ni, “À yɨ rəsìʼ ni chəi mbaŋə̀ zɔ̂ kaŋ gù ənû ə mɔʼɔ.”

Jn 1:47

Yeso nyaʼa zə ə Natanaèl nɨ nyaʼə yeʼe əsɨ məd, əne wɨ̀ nyaʼa ghà ɨmbə̀ʼ əməd ni, “Mbə̀ zə wɔ̂ yɨ wə̀d Izre rəsìʼ. Chəi əbegrɨ-ənû ɨŋga məd!”

Jn 8:46

À kɨə we rəbɔʼ nən nɨ tɨ̀ wɨ̀ chwi ənû rɨbɔ̀ŋ ə mɔʼɔ ze nɨ mə̀ ghɨ ə? Mə mɨ yeʼə ghà rəsìʼ, njɨ əton nɨ chəi mbə̀ ben ənû ze nɨ mɨə ghàə̀ kɨ ɨmbə̀ʼ ə yè ə?

2 Kɔrèn 5:21

Ŋwiə̀ nyaʼa ghɨ̀ ni Kristo yeʼ wə̀d ɨnû rɨbɔ̀ŋ nɨ chə nyaʼa i ənû rɨbɔ̀ŋ ɨgwɨ məd, ɨmbə̀ʼ ənɨ ɨfɔtɨ mbɨ məd, tɨ̀ we tɨ̀ rɨ təm kùʼnɨ̀ ɨfě Ŋwiə̀.

Mə̀Hibrù 4:15

Chəi tɨ̀ berɨ ətu ɨgwɨ ə bə̂d mbàn Ŋwìə̀ nɨ chəi ənɨ tɨ̀ wɨ̀ kən ɨmbə̀ʼ ɨchî nɨ tɨ̀ bɔrɨ. Tɨ̀ berɨ yeʼ we nɨ mbɨ nyaʼa numbɨ əməd ənɨ mɨ̀nə̂njɨ̀ jìm ɨchî nɨ mbɨə bə̀ numbɨ əwa, àyɨə chəi wɨ̀ nyaʼa ghɨ̌ ənû rɨbɔ̀ŋ.

Mə̀Hibrù 9:28

yɨə bə̀ ɨchî nɨ wɨ̀ nyaʼa naʼ ə Kristo ənɨ əghɨ ə̀fà fən ɨghəm we mɔʼ, ɨmbə̀ʼ wɨ̀ beʼ ɨnû rɨbɔ̀ŋ bə̂d mɨ̀nɔnɔʼ. Kaʼ wɨ̀ bɨrɨ yeʼe ənɨ ɨghəm nɨ pe be ɨ ghɨ ni Ŋwìə̀ waʼ ɨnû rɨbɔ̀ŋ bə̂d. Wɨ̀ bɨrɨ yeʼe ɨmbə̀ʼ chɨ bə̂d rəŋgəʼ, əne yɨ mbe nɨə wòm əməd ənɨ tə fîŋ rɨ̀jìm.

1 Jɔn 2:1

Mbɨ bɔn nɨ mə̀ ghaʼi kwàʼ rɨŋgəʼ, mə wɨə ŋwàʼnɨ̀ ɨnû mbɔ̂ ɨ nən ɨmbə̀ʼ tɨ mbə̀ ghɨ ə ɨnû rɨbɔ̀ŋ. Àyɨə wə̀d mɔʼɔ mɨ ghɨ̀ ənû rɨbɔ̀ŋ, tɨ̀ berɨ wə̀d mɔʼɔ nɨə buʼ ɨbɔ əmbɨ Mbǎʼ ɨgwɨ mba ɨtu. Məd yɨə Yeso Kristo we nɨə ghɨ̀ ɨnû nɨ kuʼnɨ.

1 Jɔn 3:5

Mbə̀ kyerɨ ə ni Kristo nyaʼa yeʼe ɨmbə̀ʼ nimnɨ ɨnû rɨbɔ̀ŋ. Mbə̀ bə̀ kyerɨ ə ni chəi məd ə ghɨ̀ ɨnû rɨbɔ̀ŋ.

Ɨnû 14:5

Chəi mɨghab kweʼ jwɨ̀ rɨŋga ɨchû mɨ̀mə̌d. Chəi bəi ɨgu ənû ɨgwɨ mɨ̀mə̌d.