1 Pità 2:12 - Meta’

¹² Mbə mɨchî əkaʼ bə̂d mbe nɨ kaʼi mɨ̀Jû berɨ bɔ̀ŋ, ɨmbə̀ʼ ka mbɨ bè gha ə ni mbə yɨə bə̂d nɨə ghɨ̀ ɨnû rɨbɔ̀ŋ, mbɨ bɨrɨ zə ɨnû chɔ̀m mbe nɨ mbə̀ə ghɨ̀ əne yiirɨ ə Ŋwiə̀ əni ze nɨ wɨ̀ bɨrɨ wɨrɨ yeʼe.

Ikan feg

¹² Mbə̀ bere ikuchèg chɔm inga bəd mbe ne kayi mə̀Ju. Ane, anyumə̀ ne bəd gha mbə̰ mbe ghìyə̀ inug tibɔ̀ŋ, mbi biri bàd ìwən ikuchèg chɔm, si ghùmni Ŋwiye ane aneg ze ne wì biri ywiri yeʼe.

1 Pità 2:12 ပူးပေါင်းရင်းမြစ်များ

Matìyò 10:25

Zɨə kùʼ əmbɨ ə̀mə̀ə̀nɨ̀-ɨnû ni wɨ̀ yeʼ ɨghabɨ wə̀d we nɨə chwi ɨnû ɨ bɔ, bə̀ kùʼ ni wan ə̀fàʼì bə yeʼ ɨghabɨ i mbǎʼ ə̀fàʼì. Mbɨ mɨ fə tɔŋ mbǎʼ əkwɨ ənɨ ə Belzebùl, njɨ mbɨ bɨrɨ tɔŋ bə̂d rɨŋga nəb məd ənɨ rɨkum nɨ bə̌ chè.

Matìyò 5:11

“Ŋwìə̀ zɨ əbɔrəbɔd ɨgwɨ nən əwù ze nɨ bə̂d ə chàb əwən, nwèndɨ̀ə̀ tə rɨkyerɨ-ɨwu bə̀ ghàə̀ tɨkwɨrɨ ɨnû rɨbɔ̀ŋ mɨghab jìm ɨgwɨ nən ɨmbə̀ʼ əmɨ.

Matìyò 5:16

À yɨə bə̀ ɨchî nɨ ə ɨzeŋɨ zeŋɨ berɨ te ɨfě bə̂d, ɨmbə̀ʼ mbɨ zə ɨnû chɔ̀m mbe nɨ mbə̀ə ghɨ̀ə̀, əne yiirɨ ə Mbǎʼ we nɨ yeʼ ɨkaŋ.”

Matìyò 9:8

Ənɨ mɨnɔ̂n bə̂d mbe nyaʼa zə ənû ze, mbɨ nyaʼa bɔ, əne yiirɨ ə Ŋwiə̀ ɨchî nɨ wɨ̀ naʼ ɨkwɨ ɨka wɔ̂ əmbɨ ə bə̂d.

Lk 1:68

“Tɨ̀ yiirɨ Ə̀nùŋɨ̀sɨg nɨ yeʼ Ŋwìə̀ mɨ̀Izre ɨmbə̀ʼ ɨghəm ni wɨ̀ fə yeʼe ɨmbə̀ʼ weerɨ mbi bə̂d, bə̀ choʼ ɨtu mɨ̀mə̌d.

Lk 19:44

Mbɨ bɨrɨ tum əwe ə si, àwɔ̀ mbɨ mbe bɔn mbe nɨ yeʼ ɨŋga e ɨkam, əne zwiirɨ əwən. Chəi mbɨ bɨrɨ saŋ ɨti ɨgwɨ wɨ cherə, ɨmbə̀ʼ ɨghəm nɨ chəi à nyaʼa kyerɨ nyùmə̀ we nɨ Ŋwìə̀ nyaʼa yeʼe ɨmbə̀ʼ weerɨ əwe.”

Lk 6:22

“Ŋwìə̀ zɨ əbɔrəbɔd ɨgwɨ nən, əwù ze nɨ bə̂d ə bàn əwən, chɨ̀ə̀ əwən rəkaʼ mɨ̀mə̌d, zɔ̀m əwən, bə̀ ghàə̀ ni mbə̀ yɨə bə̂d mbe nɨə ghɨ̀ ɨnû rɨbɔ̀ŋ, ɨmbə̀ʼ ɨghəm nɨ mbə̀ ben Wan Wə̀d!

Jn 13:31

Ənɨ Judàs nyaʼa fə jwɨ i, Yeso nyaʼa ghà ni, “Nyùmə̀ fə kùʼi nɨ mbɨ bɨrɨ wumnɨ Wan Wə̀d, bə̀ wumnɨ ə Ŋwiə̀ ənjìm məd.

Ɨ̀fàʼì 15:14

Saimòn fə tòʼrɨ̀ ɨchî nɨ Ŋwìə̀ nyaʼa be chwi ni tə wɨə nəŋgɨə bə̂d mbe nɨ kaʼi mɨ̀Jû. Wɨ̀ nyaʼa ghɨ̀ əne ɨchî nɨ wɨ̀ nyaʼa chɔʼ bə̂d mɔʼɔ rəkaʼ mɨ̀mə̌d ənɨ mbi.

Ɨ̀fàʼì 24:13

Chəi ənɨ tɨ̀ mbɨ chwi ɨ ne ni ɨnû mbe nɨ mbɨ zɨ ɨgwɨ num yɨ ɨnû rəsìʼ.

Ɨ̀fàʼì 25:7

Ənɨ Pɔ̂l nyaʼa yeʼe, mɨ̀Jû mbe nɨ nyaʼa swiʼi rɨ ə Jèrusalèm nyaʼa təm kad əməd kɔ zɨ ɨnû ka ka nɔnɔʼ ɨgwɨ məd nɨ chəi ənɨ tɨ̀ mbɨ chwi ni ɨnû mbe yɨ ɨnû rəsìʼ.

Ɨ̀fàʼì 28:22

Àyɨə tɨ̀ bɨrɨ ghaʼ nɨ zu te rɨkɔndɨ, ɨmbə̀ʼ ɨghəm nɨ tɨ̀ ə kyerɨ ni bə̂d mbɨə ton ɨfɔtɨ fi wɔ̂ ɨsɨ jìm.”

Rm 12:17

Tɨ̀ mbə̀ wi ə ɨbə ənɨ ɨbə, àyɨə mbə̀ kywɨ ənywɨ ghɨ̀ yeʼ ɨnû mbe nɨ wə̀d jìm kyerɨ ni à yɨ ɨnû chɔ̀m.

Rm 13:13

Tɨ̀ ghɨ mba ɨnû ɨchî nɨ kuʼnɨ, àmei ɨghabɨ ɨchî nɨ bə̂d ə ghɨ̀ ɨnû əziə. Tɨ rɨ̀ wo a ənɨ ɨchwɨ̂ nɨ bə̂d ə ghɨ̀ ɨnû əbəŋ əbəŋ, kɨ̀ nɨ bə̂d ə nɔə beə. Tɨ rɨ̀ ni a məyi kɨ̀ mbaŋə̀ nɨ kaʼi a ɨwi kɨ̀ a ɨnom, kɨ̀ bè ghɨ ɨnyamnɨ-ɨnû. Tɨ rɨ̀ chɔb a. Tɨ rɨ̀ bɨ ghɨ̀ a ə̀dìì.

Rm 14:18

Ənɨ wə̀d ə fàʼ əmbɨ Kristo ɨkwɨ ɨchî wɔ̂, Ŋwìə̀ wɨə ghaʼə, bə̂d bə̀ ben ni ɨ wɨə ghɨ̀ ənû nɨ kuʼnɨ.

Rm 15:9

Wɨ̀ nyaʼa ghɨ əne ɨmbə̀ʼ bə̂d mbe nɨ kaʼi mɨ̀Jû mbe tɨ mbɨ bə̀ wumnɨ ə Ŋwiə̀ ɨmbə̀ʼ ɨchî nɨ wɨə dììrɨ̀ə̀ mɨ̀mə̌d. Ə zɨ ɨŋga Ə̀ŋwàʼnɨ̀ ə Ŋwiə̀ ni, “Mə bɨrɨ yiirɨ əwe əkaʼ bə̂d mbe nɨ kaʼi mɨ̀Jû, bə̀ kwerɨ mɨkyî yiirɨ əwe.”

1 Kɔrèn 14:25

Ɨnû mbe nɨ yeʼ ənə̀mə ɨŋga fîŋ məd bɨrɨ jwɨ əsaŋ. Əne wɨ̀ bɨrɨ gundɨ ə si wumnɨ ə Ŋwiə̀ ghà ni, “À yɨ rəsìʼ ni Ŋwìə̀ wɨ mbɨ nən.”

2 Kɔrèn 1:12

Tɨ̀nîn, ənû ze nɨ tɨə goŋ ɨgɔ̂ ɨgun yɨ ni, ta fîŋ ə zeŋ ni tɨ̀ wɨə ghɨ̀ ɨnû nɨ zeŋɨ mbɨ ni tɨ̀ wɨə bə̀ ghɨ̀ ɨnû mbe nɨ yeʼ mbɨ rəsìʼ ɨchî nɨ tɨ̀ yeʼ ɨŋga ɨsɨg, màànɨ̀ ɨchî nɨ tɨ̀ yeʼ əkaʼ nən. À yɨ ɨ̀chɔ̀m we nɨ Ŋwìə̀ nyaʼa ghɨ ənɨ ə num nyaʼa ghɨ ni mə̀ ghɨ əne, kaʼi ɨwe bə̂d mɨ̀sɔŋɨchù.

2 Kɔrèn 13:7

Tɨ̀nîn, tɨ̀ wɨə kɔ̀ŋgɨ̀ ə Ŋwiə̀ ni tɨ̀ mbə tɔ ghɨ ə ənû rɨbɔ̀ŋ. Tɨ̀ wɨə kɔ̀ŋgɨ̀ əne, kaʼi nɨ chwi ni tɨ̀ fə chè ə̀kwàʼnɨ̀ ze. Tɨ̀ wɨə kɔ̀ŋgɨ̀ ɨmbə̀ʼ mbə ghɨ ɨnû mbe nɨ kuʼnɨ, ka à be yeʼi ni zɨə chub ɨghabɨ ni tɨ̀ fə gù ə̀kwàʼnɨ̀ ze.

2 Kɔrèn 8:21

ɨmbə̀ʼ ɨghəm nɨ tɨ̀ wɨə kə̀b ghɨ ɨnû nɨ kuʼnɨ ɨfě Ŋwiə̀ fɔrɨ ɨfě bə̂d.

Efesùs 2:3

Mba mɨjìm kweʼ yeʼ ɨghabɨ mɨ̀mə̌d ɨchî nɨ tɨ̀ nyaʼə feenɨ ɨghɨ mbe nɨ ta nyamnyod nyaʼə kə̀bə̀. Tɨ̀ wɨə nyaʼə bə̀ beenɨ əbɔʼ ɨghɨ mbe nɨ ta nyamnyod fɔrɨ ta rɨkɔndɨ nyaʼə bə̀ kə̀bə̀. Ɨ beenɨ əbɔʼ mba mɨchî, Ŋwìə̀ nyaʼa sə ɨtəm əbɔʼ na ɨchî nɨ wɨ̀ nyaʼa sə əbɔʼ wə̀d jìm.

Efesùs 4:22

Mbɨ nyaʼa chwi ɨ nən ni mbə̀ waʼ nyamnyod ənun, əne yɨ ɨnû ənun mbe nɨ mbə̀ nyaʼə ghɨ̀ə̀. Ɨnû ənun mbe yɨ tɨfeenɨ rɨbɔ̀ŋ te nɨ nyaʼə tambɨ əwən bə̀ chəkɨ əwən.

Fìlipì 1:27

Kɨ̀ à kɨ ənû ə ye ə, mbə mɨchî berɨ kùʼnɨ̀ mbɨ ɨchî nɨ ɨkə̂n chɔ̀m ɨmbə̀ʼ ə Kristo chwi, ɨmbə̀ʼ zɨə mɨ chwi ni mə yeʼe zə əwən kɨ̀ ni tɨ mə̀ yeʼe əmɨ, mə bɨrɨ zu ni mbə fə təm kàànɨ̀ mbɨ ə fîŋ mɔʼ fɔrɨ mbɨ ɨkɔndɨ mɔʼ, bə̀ zu ni mbə mbɨə kywɨ ənywɨ ɨnɔ̂n ɨ zə ni bə̂d nuŋ fîŋ ɨgun Kristo ɨchî nɨ ɨkə̂n chɔ̀m chwiə.

Fìlipì 4:8

Mbɨ bɔŋgɔb, ənû nɨ sɨ nwìə̀ yɨ ni, ənû ə mɔʼɔ mɨ bɔ̀ŋ, ənû ə mɔʼɔ mɨ yeʼ əŋgu nɨ bə̂d ə yiirɨə, mbə nuŋ tə rɨkɔndɨ ɨgun ɨnû mbe. Ənû nɨ yeʼ əzɨ rəsìʼ, ənû nɨ tɨ bə̂d wumnɨ, ənû nɨ kuʼnɨ, ənû nɨ zeŋɨ, ənû nɨ bə̂d ə ghaʼə mbɨ ənû nɨ tɨ bə̂d feenɨ, yɨ mbe nɨ tɨ̀ mbə nùŋ tə rɨkɔndɨ ɨgun.

1 Tèsàlonikà 4:12

Mbə ghɨ əne ɨmbə̀ʼ bə̂d mbe nɨ kaʼi bə̂d Kristo wumnɨ əwən fɔrɨ ɨmbə̀ʼ tɨ mbə̀ kəb ə ni bə̂d cherə naʼ ɨghɨ mbe nɨ mbə̀ kəbɨ.

1 Timotì 2:2

Mbə̀ ghɨ əne ɨgwɨ ətu mɨfɔ̀n bə̀ fɔrɨ ɨgwɨ ətu ə bə̂d mɨ̀jìm mbe nɨə tùmbɨ̀ə̀ bə̂d, ɨmbə̀ʼ tɨ̀ nyeʼ bɔtɨ chubɨ bə̀ chub ənɨ əbɔrəbɔd, əne nàʼ ɨwumnɨ əmbɨ ə Ŋwiə̀ ənɨ tɨkwɨrɨ ɨnə̂njɨ̀ jìm bə̀ fɔrɨ ni tɨ̀ ghɨ̀ ɨnû nɨ kuʼnɨ.

1 Timotì 4:12

Tɨrə̀ ben e ni wə̀d mɔʼɔ təənɨ əwe ɨmbə̀ʼ ɨghəm nɨ àwɔ̀ yeʼ wan kwa. À berɨ yeʼ əmɨg əmbɨ ə bə̂d mbe nɨ ben ə Kristo ɨchî nɨ àwɔ̀ ə ghàmə̀, ɨchî nɨ àwɔ̀ ə ghɨ̀ ɨnû, ɨchî nɨ àwɔ̀ ə ghaʼə bə̂d bə̀ fɔrɨ ɨchî nɨ àwɔ̀ chub ə zeŋɨ zeŋɨ.

1 Timotì 5:10

Bə̂d berɨ kyerɨ əməd ɨmbə̀ʼ ɨnû chɔ̀m mbe nɨ wɨə ghɨ̀ə̀, ɨghabɨ ɨchî nɨ wɨə nìə̀ bɔn ɨchî chɔ̀m, ɨchî nɨ wɨə nɨŋə bə̂d əkwɨ ni, ɨchî nɨ wɨə sò ɨwu bə̂d Ŋwiə̀ ɨchî nɨ wɨə weerɨ bə̂d mbe nɨ yeʼ ə ŋgəʼ mbɨ ɨchî nɨ wɨə nàʼ i ɨnyod nɨ ghɨ ɨnû chɔ̀m ənɨ tɨkwɨrɨ ɨnə̂njɨ̀ jìm.

Mə̀Hibrù 13:18

Mbə̀ kɔŋgɨ ə Ŋwìə̀ ɨgwɨ na. Tɨ kàŋ kyerɨ ni ta fîŋ ə zeŋ. Tɨ wɨə bə̀ kəb ghɨ̀ ɨnû jìm ɨchî nɨ kuʼnɨ.

Mə̀Hibrù 13:5

Tɨ mbə̀ zɨ ə ədɔʼ ənɨ ɨkab. Mbə̀ ben ni ɨghɨ mbe nɨ mbə̀ berɨ ə kùʼ, ɨmbə̀ʼ ɨghəm nɨ Ŋwìə̀ fə ghà ni, “Chəi mə̀ bɨrɨ nɔ saŋ əwən kɨ̀ bè waʼ əwən.”

Jems 3:13

À kɨə we əkaʼ nən nɨ berɨ ɨwe bə̀ kyerɨ ənû ə? Wɨ̀ berɨ chwi mbi ɨnû chɔ̀m mbe nɨ wɨə ghɨ̀ə̀ ɨchî nɨ wɨə ghɨ̀ ɨnû ənɨ ɨbɔtɨ fîŋ bə̀ fɔrɨ ənɨ ɨwe.

1 Pità 2:15

Ŋwìə̀ nyaʼa kə̀b yeʼ ni mbə̀ ghɨ ɨnû nɨ kuʼnɨ ɨmbə̀ʼ kubrɨ mɨchû ɨneŋ bə̂d mbe nɨə ghà ɨnû nɨ chəi mbɨ kyerɨ.

1 Pità 3:16

Mbə̀ berɨ fîŋ nɨ zeŋɨ, ɨmbə̀ʼ ɨtu nid bə̂d mbe nɨə ghà ɨnû rɨbɔ̀ŋ ɨmbə̀ʼ mɨchî chɔ̀m mbe nɨ mbə̀ berɨ ɨchî nɨ mbə̀ yeʼ bə̂d Kristo,

1 Pità 4:11

Wə̀d mɔʼɔ mɨ yeʼə ghà ɨŋgam Ŋwiə̀, wɨ̀ gha àmei ənû ze nɨ Ŋwìə̀ gha ɨ bɔ. Wɨ̀ mɔʼɔ mɨ yeʼə fàʼə̀, wɨ̀ faʼ àmei ənɨ ɨka we nɨ Ŋwìə̀ naʼ ɨ bɔ, ɨmbə̀ʼ ənɨ ɨnû jìm, bə̂d mbe tɨ̀ mbɨ yiirɨ ə Ŋwiə̀ ənjìm ə Yeso Kristo. Ɨwumnɨ jìm mbɨ ɨka jìm yɨ wɨ məd koŋ koŋ. À yɨ əne.

2 Pità 3:11

Ɨchî nɨ Ŋwìə̀ bɨrɨ nimnɨ ɨghɨ mbɔ̂ jìm ɨchî wɔ̂, mbə̀ kɨə wo yeʼ ɨkwɨ bə̂d mbi ə? Mbə berɨ chub ɨzeŋɨ zeŋɨ bə̀ sweŋ ə ɨnyod əmbɨ ə Ŋwiə̀