1 Pità 2:11 - Meta’

¹¹ Mbɨ bɔŋgɔb nɨ mə̀ ghaʼi kwàʼ rɨŋgəʼ, mbə̀ kyerɨ ni mbə yɨ ɨ̀nɔ̀ʼɔ̀ fɔrɨ ni mbə̀ yɨə bə̂d rɨ̀sɔ̀ʼɔ̀ ɨŋga ɨsɨg wɔ̂. Əne mə wɨə buʼ ɨbɔ ɨ nən ni tɨ mbə̀ ghɨ ə ɨnû rɨbɔ̀ŋ mbe nɨ tə nyamnyod ə feenɨə. Mbɔ̂ yɨ ɨnû mbe nɨə màʼə̀ bid ɨŋga tə fîŋ.

Ikan feg

¹¹ Ìmbum məfi fɔrɔ ìtum njàbi ne mə̀ taŋ kɔ̀ŋ, mbə̰ ya bəd tìsɔ̀ʼ inga isəg gho̰ ne bə yaʼ mə̀nɔʼɔ. Ane, mə we bòʼo ibo inən gha mbə̀ chìye ìfən ifeg ane inug tibɔ̀ŋ mbe ne nyàmnyɔd ze ghə̀ʼrə̀. À ya inug tibɔ̀ŋ mbe ya màʼà ibid inən inga fìŋ.

1 Pità 2:11 ပူးပေါင်းရင်းမြစ်များ

Lk 21:34

“Mbə̀ we ə ni tɨ mbə̀ zɨ ə tə fîŋ ənɨ ənû nɨ jɨg əku, ənɨ ənû nɨ nɔ be bə̀ fɔrɨ ənɨ ənû ɨmbə̀ʼ ɨghɨ rɨŋga ɨsɨg, njɨ əni ze ə bɨrɨ saʼ yeʼe ɨgwɨ nən ɨchî nɨ ətam ə gywɨ̀ə̀ nyam,

Ɨ̀fàʼì 15:20

Àyɨə tɨ̀ ŋwaʼnɨ əmbɨ mɨ̀mə̌d ni tɨ mbɨ jɨg ə tɨjɨg te nɨ mbɨ naʼ ənɨ əghɨ ə̀fà əmbɨ mbɨ̀anèŋ, ni tɨ mbɨ ghɨ̀ ə ɨfabrɨ-ɨnû, ni tɨ mbɨ kud ə nyam te nɨ mbɨ sweenɨ mbɨ ni tɨ mbɨ jɨg ə ənəm.

Ɨ̀fàʼì 15:29

Ɨnû mbe yɨ ni tɨ mbə̀ jɨg ə tɨjɨg te nɨ mbɨ naʼ ənɨ ɨghɨ ə̀fà əmbɨ mbɨ̀anèŋ, tɨ mbə̀ jɨg ə ənəm, tɨ mbə̀ kud ə nyam te nɨ mbɨ sweenɨ, mbɨ ni tɨ mbə̀ ghɨ̀ ə ɨfabrɨ-ɨnû. Mbə bɨrɨ ghɨ̀ ənû ə chɔ̀m əwù ze nɨ chəi mbə̀ ghɨ ɨnû mbɔ̂. Mbə̀ chub ɨchî chɔ̀m.”

Rm 12:1

Mbɨ bɔŋgɔb, mə wɨə buʼ ɨbɔ ɨ nən ni ɨchî nɨ Ŋwìə̀ ə dììrɨ̀ əwa, mbə̀ naʼ ə ɨnyod əmbɨ ə Ŋwiə̀ ɨghabɨ əghɨ ə̀fà ze nɨ yeʼ ɨkǎ, nɨ zeŋɨ, nɨ Ŋwìə̀ bə̀ ghaʼ. Əzɔ̂ yɨ ɨchî nɨ kuʼnɨ nɨ tɨ̀ mbə wumnɨ ə Ŋwiə̀.

Rm 7:23

àyɨə mə zə ɨkə cherə ɨŋga mbɨ ɨsɨ ɨnyod nɨə màʼə̀ bid mbɨ ɨkə we nɨ yeʼ ɨŋga mɨ fîŋ. Ɨkə we wɨə ghɨ̀ ni mə ben ə̀bòʼò əmbɨ ɨnû rɨbɔ̀ŋ mbe nɨ yeʼ ɨŋga mbɨ ɨsɨ ɨnyod.

Rm 8:13

Mbə mɨ chub ɨchî nɨ nyamnyod kəbɨ, mbə bɨrɨ kwɨ, àyɨə mbə mɨ che ənjìm Əzwî zwiirɨ ɨnû rɨbɔ̀ŋ mbe nɨ nyamnyod ə ghɨ̀ə̀, mbə bɨrɨ tènə̀.

2 Kɔrèn 5:20

Tɨ̀ yɨə bə̂d nɨ təm ənɨ ɨkum Kristo. Ŋwiə̀ wɨə che ənjìm na buʼ ɨbɔ əmbɨ ə bə̂d. Əne tɨ̀ wɨə buʼ ɨbɔ ɨ nən ənɨ ɨkum Kristo ni mbə maanɨ taŋ mbɨ ə Ŋwiə̀.

2 Kɔrèn 6:1

Ɨchî nɨ tɨə fàʼ ɨnɔ̂n mbɨ ə Ŋwiə̀, əne tɨ̀ wɨə buʼ ɨbɔ ɨ nən ni tɨ mbə̀ ben ə ni ɨ̀chɔ̀m we nɨ Ŋwiə̀ ghɨ ənɨ ə nən che ətu ə̀kǒ.

2 Kɔrèn 7:1

Mbɨ bɔŋgɔb nɨ mə̀ ghaʼi kwàʼ rɨŋgəʼ, ɨchî nɨ Ŋwìə̀ kaʼ ɨnû mbɔ̂ ɨ na, əne tɨ̀ ton ɨnû rɨbɔ̀ŋ mbe nɨə ghɨ̀ ni nyamnyod mbɨ əzwî chubɨ rɨ zeŋ. Tɨ̀ kywɨ ənywɨ zə ni tɨ̀ zeŋ màànɨ̀ ɨchî nɨ tɨə wumnɨ ə Ŋwiə̀.

Gàlesìyà 5:24

Bə̂d Kristo Yeso fə kòmbɨ̀ tə nyamnyod bə̀ kòmbɨ̀ ɨnû mbe nɨ nyamnyod ə kə̀bə̀ bə̀ feenɨ əzed ə baʼnɨ.

Efesùs 2:19

Əne ka mbə yɨə wɨrɨ əwən bə̂d rɨ̀sɔ̀ʼɔ̀ mbɨ ɨ̀nɔ̀ʼɔ̀. Mbə yɨə sɨə bə̂d əbeŋ ə mɔʼ mbɨ ə bə̂d Ŋwiə̀. Mbə yɨə bə̀ ə bə̂d ɨŋga ɨnəbɨ Ŋwiə̀,

Efesùs 4:1

Mɔ̌, nɨ mə̀ yeʼ wə̀d ndəŋ ɨmbə̀ʼ ɨchî nɨ mɨə fàʼ əmbɨ Ə̀nùŋɨ̀sɨg, wɨə buʼ ɨbɔ ɨ nən ni mbə̀ chub ɨchî nɨ kuʼnɨ, nɨ yeʼ ɨchî we nɨ Ŋwiə̀ tɔŋ əwən ni mbə̀ chubɨ.

2 Timotì 2:22

Ton ɨnû rɨbɔ̀ŋ mbe nɨ ŋgwàʼ bə̂d ə feenɨə. Beenɨ yeʼ əbɔʼ ɨnû jìm mbe nɨə ghɨ̀ ni à ghɨ ɨnû nɨ kuʼnɨ. Əne yɨ ənû nɨ nuŋ fîŋ ɨgun ə Kristo, ənû nɨ ghaʼ bə̂d cherə mbɨ ənû nɨ chub ənɨ əbɔrəbɔd. Ghɨ ɨnû mbɔ̂ fɔtɨ mbɨ ə bə̂d mbe nɨə kɔ̀ŋgɨ̀ Ə̀nùŋɨ̀sɨg ənɨ ə fîŋ nɨ zeŋɨ.

Mə̀Hibrù 11:13

Mɨ̀mə̌d mbɔ̂ mɨjìm nyaʼa nùŋ ɨbenɨ ɨgun ə Ŋwiə̀ pè ənɨ mbɨ nyaʼa kwɨ. Mbɨ nyaʼa kwɨ nɨ chəi mbɨ nyaʼa kɨrɨ berɨ ɨghɨ mbe nɨ Ŋwìə̀ nyaʼa kaʼ əmbɨ mɨ̀mə̌d. Mbɨ nyaʼa zə ɨghɨ mbe nɨ Ŋwìə̀ nyaʼa kaʼi rɨ əsa əgha, əne mbɨ nyaʼa ghaʼ kwàʼ rɨŋgəʼ. Mbɨ nyaʼa zə əne, kyerɨ ni mbə yɨə bə̂d rɨ̀sɔ̀ʼɔ̀ nɨə che ə che ɨŋga ɨsɨg wɔ̂.

Mə̀Hibrù 6:9

Bɔŋgɔb nɨ tɨ̀ ghaʼi kwàʼ rɨŋgəʼ, ka tɨ̀ yeʼə ghà a əne, tɨ̀ kàŋ kyerɨ ənɨ rəsìʼ ɨmbə̀ʼ əwən ni mbə berɨ ɨghɨ nɨ bɔŋɨ chè, nɨ yeʼ ɨghɨ mbe nɨ bɨrɨ ghɨ mbə̀ jwɨ rəŋgəʼ.

Jems 4:1

Ənû nɨ zɔ̀ŋ mbɨ ənû nɨ chɔb kɨ rɨ ə yi əkaʼ nən ə? Kaʼ à wa kɨ̀ i rɨ ənɨ ɨghɨ mbe nɨ tə fîŋ ə feenɨə, nɨ yeʼ mbe nɨə kɨə zɔ̀ŋ ɨŋga nən ə?

1 Pità 1:1

À yɨə mɔ̌ Pità, nɨ mə̀ yeʼ wə̀d tom Yeso Kristo, ŋwaʼnɨ ə̀ŋwàʼnɨ̀ zɔ̂. Mə wɨə ŋwàʼnɨ̀ əmbɨ ə bə̂d mbe nɨ Ŋwiə̀ chɔʼɔ, nɨ yeʼ ɨ̀nɔ̀ʼɔ̀ mbe nɨ jaŋ ɨŋga Pontùs, ɨŋga Gàlesià, ɨŋga Kàpàdosià, ɨŋga Esià bə̀ fɔrɨ ɨŋga Betinià.

1 Pità 1:17

Ɨchî nɨ mbə̀ə tɔŋ ə Ŋwiə̀ ənɨ ə Mbǎʼ ənɨ mbə̀ə kɔ̀ŋgɨ̀ əməd, əne mbə̀ kyerɨ ni chəi məd ə ghɨ̀ ɨghə ənɨ wɨə saʼə bə̂d. Əne mbə̀ bɔ əməd ɨchî nɨ mbə̀ yeʼ ɨghabɨ ɨ̀nɔ̀ʼɔ̀ ɨgwɨ ə si əgha.

1 Pità 4:12

Mbɨ bɔŋgɔb nɨ mə̀ ghaʼi kwàʼ rɨŋgəʼ, tɨ mbə̀ yiirɨ ə ni ɨ̀kwàʼnɨ̀ ka ka mbɨə yeʼe ɨgwɨ nən ɨmbə̀ʼ zweʼrɨ ə ɨbenɨ. Zɨə bɨrɨ yeʼ ɨghabɨ ni ɨnû rɨ̀sɔ̀ʼ mɔʼɔ mbɨə ghɨ̀ ənɨ ə nən.

1 Pità 4:2

Əne mbə̀ nɨŋ nyùmə̀ we nɨ buʼ ɨ nən ɨgwɨ ə si ghɨ̀ ɨnû mbe nɨ Ŋwiə̀ kəbɨ, kaʼi mbe nɨ bə̂d rɨ ɨgwɨ ə si ə kə̀bə̀.

2 Pità 3:1

Mbɨ bɔŋgɔb nɨ mə̀ ghaʼi kwàʼ rɨŋgəʼ, ə̀ŋwàʼnɨ̀ zɔ̂ nɨ mə ŋwaʼnɨ ɨ nən tɨ̀nîn yɨ ə̀ŋwàʼnɨ̀ ze nɨ pe ənɨ mbɨ be. Ɨŋga ɨ̀ŋwàʼnɨ̀ mbɔ̂ be, mə fə kywɨ ənywɨ nɨ nɔ̀ɔ̀rɨ̀ mbə ɨtu ɨmbə̀ʼ ɨnû mbe nɨ mbə̀ nyaʼa fə be kyerɨ, ɨmbə̀ʼ mbə̀ wɨrɨ kɔndɨ ɨnû rəŋgu mbɨ ə fîŋ nɨ zeŋɨ.