1 Pità 1:18 - Meta’

¹⁸ Mbə̀ kyerɨ ni Ŋwìə̀ nyaʼa fə choʼ mbə ɨtu tɨ ənɨ mɨchî rɨbɔ̀ŋ mbe nɨ mbə nyaʼa nɨŋ rɨ əmbɨ mbə mɨ̀mbǎʼ rəŋwe. Chəi wɨ̀ nyaʼa ghɨ əne ənɨ ə sɨrɨvà kɨ ənɨ ə gôl nɨ tɨ̀ mbɨ bə.

Ikan feg

¹⁸ Mbə̰ kyèri àzən aghi gha chəyi Ŋwiye ya zeri awən chì inga ikuchèg tibɔ̀ŋ we ne ìmbən mə̀mbaʼ aneg ya sàŋì inən ane ighi ako icheg ikab gol, kə̀ ikab sibà.

1 Pità 1:18 ပူးပေါင်းရင်းမြစ်များ

Mk 8:37

Əghɨ nɨ tɨ̀ wə̀d nàʼ ɨmbə̀ʼ wɨrɨ berɨ i ɨ̀tènɨ̀ kɨə yè ə?

Rm 1:21

Ka à bè yeʼi ni mbɨ nyaʼa kyerɨ ə Ŋwiə̀, àyɨə chəi mbɨ nyaʼa nàʼ ɨwumnɨ we ɨ bɔ ni məd yɨə Ŋwiə̀, kɨ̀ bè nàʼ məben-əwe ɨ bɔ. Ɨ mbɨə nyaʼə kɔndɨ yeʼ ɨnû əko. Əne ɨchî nɨ tɨkɔndɨ tɨ mɨ̀mə̌d nyaʼa tɨ əko, chəi mbɨ nyaʼə wɨrɨə kɔndɨ ənû ə chɔ̀m ə mɔʼɔ.

1 Kɔrèn 3:20

Mbɨ bə̀ yì ŋwàʼnɨ̀ ni, “Ə̀nùŋɨ̀sɨg ə kyerɨ ni tɨkɔndɨ bə̂d mbe nɨ kɔndɨ ni mbə berɨ ɨwe yɨ ətu ə̀kǒ.”

1 Kɔrèn 6:20

Ŋwìə̀ nyaʼa fə zon əwən ənɨ ɨkab nɔnɔʼ. Əne mbə̀ nɨŋ ə ɨnyod wumnɨ ə Ŋwiə̀ əŋgu.

1 Kɔrèn 7:23

Ŋwìə̀ nyaʼa fə zon əwən ənɨ ɨkab nɔnɔʼ. Əne tɨ mbə̀ beŋ ənɨ ɨ̀bòʼò ə bə̂d mɨ̀sɔŋɨchù.

Gàlesìyà 1:4

Yeso Kristo nyaʼa nàʼ i ɨnyod ənɨ əghɨ ə̀fà ɨmbə̀ʼ mba ɨnû rɨbɔ̀ŋ. Wɨ̀ nyaʼa ghɨ̀ əne ɨmbə̀ʼ chɨ əwa rɨŋga ɨsɨg wɔ̂ nɨ ɨnû rɨbɔ̀ŋ swi ɨŋga. Wɨ̀ nyaʼa ghɨ̀ əne ɨchî nɨ Ŋwìə̀ a Mbǎʼ nyaʼa kə̀bɨ.

Efesùs 4:17

Mə wɨə ghà ɨ nən kwàʼ rɨkǎ ənɨ ɨkum Ə̀nùŋɨ̀sɨg ni tɨ mbɨ rəbə chub ə ɨchî nɨ bə̂d mbe nɨ kaʼi mɨ̀Jû ə chubə. Tɨkɔndɨ tɨ mɨ̀mə̌d yɨ ətu ə̀kǒ.

Tayitùs 2:14

Yeso Kristo nyaʼa nàʼ i ɨnyod ɨmbə̀ʼ choʼ mba ɨtu tɨ ənɨ ɨnû rɨbɔ̀ŋ jìm. Wɨ̀ nyaʼa bə̀ nàʼ ɨmbə̀ʼ zeŋɨ əwa ni tɨ̀ yeʼ bə̂d nɨə zɨ̀ ətu nɨ ghɨ ɨnû chɔ̀m.

Mə̀Hibrù 9:12

Ənɨ Kristo nyaʼa nyɨ ɨŋga Əsɨ ze nɨ Zeŋɨ Màànɨ̀ fən ɨghəm mɔʼ, chəi wɨ̀ nyaʼa nɨŋ ənəm ə gywɨ mbɨ ənəm ə bɔn mbɨ̀rɨkun ɨmbə̀ʼ naʼ ənɨ ɨghɨ ə̀fà. Wɨ̀ nyaʼa nɨŋ yeʼ e ənəm choʼ ɨtu ə bə̂d əŋgu koŋ.

1 Pità 1:7

Ɨnû mbɔ̂ yɨ nɨ zweʼrɨ əwən ɨ zə ni ə ɨbenɨ ə bə̀ kàŋ kàànɨ̀ ə. Ka àbei ə gôl nɨ tɨ mbɨ chə̀kɨ̀, ɨ mbɨə zweʼrɨ ənɨ mbɨ tɔn ɨŋga ɨsweŋ ɨwid ənam. Əne mbɨ berɨ bɨ zweʼrɨ ə ɨbenɨ we nɨ yeʼ əghɨ əka ɨnun chè ə gôl. Ɨbenɨ we mɨ kàànɨ̀, Ŋwìə̀ ziə bɨrɨ yiirɨ əwən, mbə bə̀ berɨ ɨzeŋɨ zeŋɨ mbɨ ɨwumnɨ ənɨ ə nyùmə̀ we nɨ Yeso Kristo bɨrɨ wɨrɨ yeʼe.

1 Pità 4:3

Nyùmə̀ we nɨ mbə kɨə kə̀ʼə̀ ghɨ̀ ɨnû mbe nɨ bə̂d mbe nɨ kaʼi mɨ̀Jû ghaʼ nɨ ghɨ̀ fə chè i. Mbə mbɨə nyaʼə ghɨ̀ ɨnyamnɨ-ɨnû. Mbə mbɨə nyaʼə feenɨ məyi kɨə mbaŋə̀. Mbə mbɨə nyaʼə nɔə beə. Mbə mbɨə nyaʼə jɨg əchwɨ̂ nɨ bə̂d ə nɔə bùùrɨ̀ə̀. Mbə mbɨə nyaʼə bə̀ wumnɨ mbɨ̀anèŋ nɨ chəi tɨkə rɨ Ŋwiə̀ ben ni mbə̀ ghɨ əne.

1 Jɔn 3:5

Mbə̀ kyerɨ ə ni Kristo nyaʼa yeʼe ɨmbə̀ʼ nimnɨ ɨnû rɨbɔ̀ŋ. Mbə̀ bə̀ kyerɨ ə ni chəi məd ə ghɨ̀ ɨnû rɨbɔ̀ŋ.