1 Pità 1:11 - Meta’

¹¹ Mbɨ nyaʼa bə̀ jeŋgɨ nwèndɨ̀ ɨnû ze nɨ Əzwî ə Kristo ze nɨ yeʼ ɨŋga mɨ̀mə̌d ə nyaʼa be ghà əmbɨ mɨ̀mə̌d ɨmbə̀ʼ ɨchî nɨ Kristo nyaʼa wo zə ŋgəʼ. Mbɨ nyaʼa bə̀ jeŋgɨ nwèndɨ̀ ɨwumnɨ kyeŋ we nɨ wɨ̀ nyaʼa wo berɨ. Mbɨ nyaʼa bə̀ jeŋgɨ nwèndɨ̀ ɨmbə̀ʼ wə̀d we məd yeʼ wɨwən bə̀ nwèndɨ̀ ə nyùmə̀ we nɨ ɨnû mbe bɨrɨ ghɨ̀.

Ikan feg

¹¹ Mbi ya bə̀ taŋ nwèndi inug mbe ne Azwighi Kristo ne ya yaʼi inga inɔb ya gha imbə̀ʼ Yeso Kristo. Azwighi Kristo ya ghà inug imbə̀ʼ icheg ne Kristo beri ni zən ngəʼ si bèrì ighumni kyen anjìm. Mbi ya bə̀ taŋ nwèndi wə̀d we ne Azwighi Ŋwiye yaya ghà inug mbo̰ imbə̀ʼ aməd fɔrɔ nyùmə̀ we ne inug mbo̰ biri dù.

1 Pità 1:11 ပူးပေါင်းရင်းမြစ်များ

Matìyò 26:24

Wan Wə̀d bɨrɨ kwɨ ɨchî nɨ mbɨ nyaʼa fə ŋwaʼnɨ ɨmbə̀ʼ əməd, àyɨə ŋgəʼ bɨrɨ nyɨ ɨgun ə wə̀d we nɨ fen əməd. À kɨ ənɨ chəi mbɨ nyaʼa kɨrɨ gywɨ əməd, njɨ zɨə bɔ̀ŋ.”

Lk 24:44

Wɨ̀ nyaʼa ghɨ̀ əne ghà əmbɨ mɨ̀mə̌d ni, “Mbɔ̂ yɨ ɨnû mbe nɨ mə̀ nyaʼə ghà ɨ nən ənɨ mə nyaʼa kɨrɨ mbɨ nən. Mə nyaʼa ghà ni ɨnû jìm mbe nɨ mbɨ ŋwàʼnɨ̀ ɨmbə̀ʼ əmɨ ɨŋga tɨkə rɨ Mose, ɨŋga ɨ̀ŋwàʼnɨ̀ mbe nɨ bə̂d ɨ̀kə̀n Ŋwiə̀ nyaʼa ŋwaʼnɨ bə̀ fɔrɨ ɨŋga mɨ̀Sâm berɨ jwɨ ənɨ rəsìʼ.”

Jn 12:41

Aizayà nyaʼa ghà ənû zɔ̂ ɨmbə̀ʼ ɨghəm nɨ wɨ̀ nyaʼa fə zə ɨchî nɨ bə̂d bɨrɨ wumnɨ ə Yeso, əne wɨ̀ nyaʼa ghà ɨmbə̀ʼ əməd.

Ɨ̀fàʼì 16:7

Ənɨ mbɨ nyaʼə sɨə wò pe ə Misià, mbɨ nyaʼa kəb ni njɨ mbə wo nyɨ ə Bitinià, àyɨə chəi Əzwî ə Yeso ə nyaʼa ben ni mbɨ wo nyɨ ɨŋga əbà əbeŋ ze.

Rm 8:9

Àyɨə chəi mbə̀n ə ghɨ̀ ɨnû mbe nɨ nyamnyod ə feenɨə. Mbə mbɨə ghɨ̀ yeʼ mbe nɨ Əzwî ə ghà ɨ nən, əne yɨ əwù ze nɨ Əzwî ə Ŋwiə̀ ə kaŋ yeʼ ɨŋga nən. Ka wə̀d we nɨ chəi Əzwî ə Kristo ɨŋga məd yɨ i wə̀d Kristo.

Gàlesìyà 4:6

Ɨchî nɨ mbə̀ yeʼ bɔn, Ŋwìə̀ fə chà Əzwî ə Wan məd ɨŋga ta fîŋ. Əzwî ze ə zɨə kyeŋə ghàə̀ ni, “Mbǎʼ, mɨ Mbǎʼ!”

2 Pità 1:21

ɨmbə̀ʼ ɨghəm nɨ chəi ɨkə̂n Ŋwiə̀ nyaʼa yeʼe ɨchî nɨ bə̂d mɨ̀sɔŋɨchù nyaʼa kəbɨ. À yɨ Əzwî ə Zeŋɨ ə nyaʼa ghɨ ni bə̂d gha ɨkə̂n Ŋwiə̀.

Ɨnû 19:10

Mə nyaʼa zu əne gundɨ ə si ɨfě bɔ ɨmbə̀ʼ wumnɨ əməd, àyɨə wɨ̀ nyaʼa ghà ɨ num ni, “Tɨrə̀ ghɨ e əne! Mɔ̌ yɨə wə̀d ə̀fàʼì mbɨ ne bə̀ fɔrɨ mbɨ mbe bɔŋgɔb mbe nɨə ghà rəsìʼ ɨmbə̀ʼ ə Yeso. Wumnɨ ə Ŋwiə̀!” Mə wɨə ghà əne ɨmbə̀ʼ ɨghəm nɨ rəsìʼ ɨmbə̀ʼ ə Yeso yɨ əghɨ ze nɨə ghɨ̀ ni bə̂d ɨ̀kə̀n ghà ɨkə̂n Ŋwiə̀.