1 Jɔn 5:18 - Meta’

¹⁸ Tɨ̀ ə kyerɨ ni chəi wə̀d Ŋwìə̀ mɔʼɔ əŋgu nɨə wò ɨmbì kɨrɨ ghɨ̀ ɨnû rɨbɔ̀ŋ. Wan Ŋwìə̀ wɨə nəŋgɨ əməd, əne chəi ənɨ tɨ Satàn wɨrɨ ghɨ ənû ə mɔʼɔ ənɨ məd.

Ikan feg

¹⁸ Tè kyèri gha chəyi wə̀d Ŋwiye mɔ̀ʼɔ angu ne chè imbìghè ni ya ghìyə̀ inug tibɔ̀ŋ. Ŋwan Ŋwiye we kyèʼrè aməd ne chəyi icheg ne tì Wə̀d Tibɔ̀ŋ ywirì zì anə igun məd.

1 Jɔn 5:18 ပူးပေါင်းရင်းမြစ်များ

Matìyò 5:37

Mbə̀ gha àmei ni, 'Ee' kɨ̀ ni 'Chə̂'. Ənû ə cherə ze nɨ wə̀d wɨrɨ ghà yɨ rɨ əmbɨ wə̀d rɨ̀bɔ̀ŋ.

Matìyò 6:13

Tɨrə̀ ben e ni ənû ə mɔʼɔ numbɨ əwa, àyɨə chɨ əwa rɨ ənɨ ɨnû rɨbɔ̀ŋ.'

Jn 1:13

Chəi mbɨ nyaʼa yeʼ bɔn Ŋwiə̀ ɨchî nɨ wə̀d mɨ̀sɔŋɨchù nyaʼa gywɨ mɨ̀mə̌d, kɨ̀ ɨchî nɨ wə̀d mɨ̀sɔŋɨchù nyaʼa taŋ nùŋɨ̀, kɨ̀ ɨchî nɨ wə̀d mɨ̀sɔŋɨchù nyaʼa kəbɨ. Àyɨə Ŋwìə̀ ziə nyaʼa ghɨ̀ ni mbɨ yeʼ mbi bɔn.

Jn 14:30

Chəi mə wɨrɨ berɨ nyùmə̀ nɔnɔʼ nɨ ghambɨ mbɨ nən, ɨmbə̀ʼ ɨghəm nɨ wə̀d we nɨə tùmbɨ̀ ɨsɨg wɔ̂ wɨə yeʼe. Chəi wɨ̀ berɨ ɨka ɨgwɨ num,

Jn 15:4

Mbə̀ chub ənɨ ənû ə mɔʼ mbɨ num, ɨchî nɨ mə bə̀ chub ənɨ ənû ə mɔʼ mbɨ nən. Ɨchî nɨ chəi ənɨ tɨ fɨtəb kɔ rɨtam ənɨ i ɨghəm kɨrɨ ənɨ fɨ yeʼ ənɨ əzed ə vaìn, əne bə̂ chəi ənɨ tɨ mbə̀ kɔ rɨtam kɨrɨ ənɨ mbə̀ yeʼ ənɨ ənû ə mɔʼ mbɨ num.

Jn 15:7

Mbə mɨ chub ənɨ ənû ə mɔʼ mbɨ num, mɨ ɨŋgam bə̀ chub ɨŋga nən, mbə bɨrɨ biirɨ ənû ə mɔʼɔ ze nɨ mbə̀ kəbɨ, əne mɨ Mbǎʼ bɨrɨ ghɨ ənû ze ɨ nən.

Jn 15:9

Mə ghaʼ əwən ɨchî nɨ mɨ Mbǎʼ ghaʼ əmɨ, əne mbə̀ chub ənɨ ənû ə mɔʼ mbɨ num ɨmbə̀ʼ mə ghaʼ əwən.

Ɨ̀fàʼì 11:23

Ənɨ wɨ̀ nyaʼa wò pè zə ɨchî nɨ Ŋwìə̀ nyaʼa ghɨ ɨ̀chɔ̀m ənɨ ə bə̂d mbe, wɨ̀ nyaʼa ghaʼ, əne tìmbɨ̀ mɨ̀mə̌d mɨjìm ni mbɨ təm kàànɨ̀ ɨŋga ənû ə Ŋwiə̀, bə̀ fàʼ əmbɨ Ə̀nùŋɨ̀sɨg ənɨ tə fîŋ rɨjìm.

Jems 1:18

À yɨə məd ziə, ənɨ i ɨghəm, nyaʼa ghaʼ nɨ nɨŋ əwa ənɨ mbi bɔn ənjìm ɨŋgam məd we nɨ yeʼ wɨ rəsìʼ. Wɨ̀ nyaʼa nɨŋ əwa ɨmbə̀ʼ tɨ̀ berɨ tɨmbin rɨtu rəbɔʼ ɨghɨ mbe nɨ wɨ̀ nyaʼa tekɨ.

Jems 1:27

Ənû ə Ŋwìə̀ ze nɨ Ŋwiə̀ Mbǎʼ ben ni zɨə zeŋ, nɨ chəi ənû rɨbɔ̀ŋ ɨŋga, yɨ nɨ nəŋgɨ mɨchɨ bə̀ fɔrɨ nɨ nəŋgɨ mɨku əyi mbe nɨə zəə ŋgəʼ. À yɨə bə ni tɨ wə̀d ben i ɨnû rɨŋga ɨsɨg chəkɨ i əməd.

1 Pità 1:23

Mbɨ fə gywɨ əwən ɨghəm cherə ɨmbə̀ʼ mbə̀ jɨg ɨ̀tènɨ̀ fi ənjìm ɨŋgam Ŋwiə̀ we nɨ yeʼ ɨkǎ. Ka ɨ̀tènɨ̀ we yɨ i rɨ əmbɨ ə mbǎʼ nɨə kwɨə. Wɨ yɨ rɨ əmbɨ ə Mbǎʼ nɨ chəi wɨ̀ bɨrɨ nɔ kwɨ.

1 Jɔn 2:29

Mbə mɨ kyerɨ ni Kristo wɨə ghɨ̀ ɨnû nɨ kuʼnɨ, njɨ mbə bɨrɨ bɨ kyerɨ ni wə̀d jìm we nɨə ghɨ̀ ɨnû nɨ kuʼnɨ yɨə wə̀d Ŋwìə̀.

1 Jɔn 3:12

Tɨ rɨ̀ yeʼ a ɨghabɨ ə Kaìn nɨ nyaʼə wan wə̀d rɨ̀bɔ̀ŋ. Wɨ̀ nyaʼa zwiirɨ wi aŋgɔb Abèl. Wɨ̀ nyaʼa zwiirɨ əməd ɨmbə̀ʼ ə yè ə? Wɨ̀ nyaʼa zwiirɨ əməd ɨmbə̀ʼ ɨghəm nɨ tɨ̀gurɨ-ɨnû məd nyaʼa bə, àyɨə mbɨ aŋgɔb məd nyaʼa bɔ̀ŋ.

1 Jɔn 3:3

Əne wə̀d jìm we nɨ nuŋ ɨkɔndɨ wɔ̂ ɨgwɨ məd fə zeŋnɨ i ɨnyod ɨchî nɨ məd ziə bə zeŋ.

1 Jɔn 3:9

Chəi wə̀d we nɨ yeʼ wə̀d Ŋwiə̀ we tɨ̀ wɨ̀ kɨrɨ wò ɨmbì nɨ ghɨ̀ ɨnû rɨbɔ̀ŋ, ɨmbə̀ʼ ɨghəm nɨ mɨchî Ŋwiə̀ mbɨ ɨŋga məd. Chəi ənɨ tɨ̀ wɨ̀ wɨrɨ ghɨ̀ ənû rɨbɔ̀ŋ ɨmbə̀ʼ ɨghəm nɨ məd yɨə wə̀d Ŋwìə̀.

1 Jɔn 4:6

Tɨ̀ yɨə bə̂d Ŋwiə̀, əne wə̀d mɔʼɔ we nɨ kyerɨ ə Ŋwìə̀ wɨə zwetɨ ɨnû mbe nɨ tɨə ghàə̀. Chəi wə̀d we nɨ kaʼi wə̀d Ŋwìə̀ ə zwetɨ ɨnû mbe nɨ tɨə ghàə̀. Wɔ̂ yɨ ɨchî nɨ tɨ̀ rɨ̀ kyerɨ ɨkwepɨ rɨ ənɨ əzwî ze nɨə ghɨ̀ ni tɨ̀ kyerɨ rəsìʼ bə̀ fɔrɨ tɨ ənɨ əze nɨə tambɨə bə̂d.

1 Jɔn 5:1

Wə̀d we nɨ ben ni Yeso yɨə Wə̀d we nɨ Ŋwìə̀ zɔʼɔ yɨə wə̀d Ŋwìə̀. Wə̀d we nɨ ghaʼ mbǎʼ wan, ə bə̀ ghaʼ wan məd.

1 Jɔn 5:15

Ɨchî nɨ tɨ̀ kyerɨ ni məd wɨə zu əwa ənɨ tɨə biirɨə ɨnû rɨ bɔ, əne tɨ̀ bə̀ kyerɨ ni wɨ̀ bɨrɨ naʼ ɨghɨ mbe nɨ tɨə biirɨə.

1 Jɔn 5:19

Tɨ̀ ə kyerɨ ni tɨ yɨə bə̂d Ŋwiə̀. Tɨ̀ bə̀ kyerɨ ni ɨsɨg jìm wɨ əton ə Satàn.

1 Jɔn 5:20

Tɨ̀ bə̀ kyerɨ ni Wan Ŋwìə̀ fə yeʼe. Wɨ̀ fə ghɨ̀ ni tɨ̀ kyerɨ ɨnû, ɨmbə̀ʼ tɨ̀ kyerɨ Ŋwìə̀ we nɨ yeʼ wɨ rəsìʼ. Tɨ̀ wɨ ənɨ ɨfɔtɨ mbɨ Ŋwìə̀ we nɨ yeʼ wɨ rəsìʼ. Tɨ̀ wɨə bə̀ ənɨ ɨfɔtɨ mbɨ Wan məd Yeso Kristo. Məd yɨə Ŋwìə̀ rəsìʼ we nɨə ghɨ̀ ni bə̂d jɨg ɨ̀tènɨ̀ rɨ mì.

1 Jɔn 5:21

Mbɨ bɔn nɨ mə̀ ghaʼi kwàʼ rɨŋgəʼ, tɨ mbə̀ berɨ ə ənû ə mɔʼɔ nɨ ghɨ̀ mbɨ mbɨ̀anèŋ.

1 Jɔn 5:4

ɨmbə̀ʼ ɨghəm nɨ wə̀d Ŋwìə̀ jìm fə baŋ ɨsɨg. Tɨ̀ we tɨ̀ rɨ̀ baŋ ɨsɨg ənjìm ɨchî nɨ tɨ̀ nuŋ fîŋ ɨgun ə Yeso.

Jûd 1:21

Mbə̀ chub kyerɨ ni Ŋwìə̀ ə ghaʼ əwən ɨchî nɨ mbɨə wòmə̀ ni a Ə̀nùŋɨ̀sɨg Yeso Kristo diirɨ əwən, ghɨ̀ mbə̀ jɨg ɨ̀tènɨ̀ rɨ mì.

Jûd 1:24

Tɨ̀ yiirɨ ə Ŋwìə̀ we nɨ tɨ̀ wɨ̀ nùŋ əwən ni tɨ mbə̀ gu ə. Ɨ we tɨ̀ wɨ̀ ghɨ̀ ni mbə̀ zeŋ màànɨ̀ ɨfě məd bə̀ ghɨ̀ ni mbə̀ sɨə ghaʼrɨə.

Ɨnû 2:13

Mə kyerɨ əsɨ ze nɨ àwɔ̀ ə chub əŋgu, əne yɨ əsɨ ze nɨ ətən ɨfɔ̀n ə Satàn ə yeʼ əŋgu. Yim mɨ ɨkum wɨ wò ɨmbì. Chəi à nyaʼa sob nɨ nuŋ fîŋ ɨgwɨ num, ka àbei ənɨ ə nyùmə̀ Antipàs we nɨ nyaʼə ghà ɨnû ɨmbə̀ʼ əmɨ ənɨ i fîŋ jìm. Mbɨ nyaʼa zwiirɨ əməd əkaʼ nən əsɨ ze nɨ Satàn ə chubə.