1 Jɔn 4:6 - Meta’

⁶ Tɨ̀ yɨə bə̂d Ŋwiə̀, əne wə̀d mɔʼɔ we nɨ kyerɨ ə Ŋwìə̀ wɨə zwetɨ ɨnû mbe nɨ tɨə ghàə̀. Chəi wə̀d we nɨ kaʼi wə̀d Ŋwìə̀ ə zwetɨ ɨnû mbe nɨ tɨə ghàə̀. Wɔ̂ yɨ ɨchî nɨ tɨ̀ rɨ̀ kyerɨ ɨkwepɨ rɨ ənɨ əzwî ze nɨə ghɨ̀ ni tɨ̀ kyerɨ rəsìʼ bə̀ fɔrɨ tɨ ənɨ əze nɨə tambɨə bə̂d.

Ikan feg

⁶ Àsi awa, mba ya bəd Ŋwiye. Wə̀d we ne kyeri Ŋwiye ya zùghə anug ze ne te ghà. Àsi wə̀d we ne kayi wə̀d Ŋwiye, chəyi tengàŋ biri zug anug ze ne te ghà. Aŋa ya icheg ne tì biri chè angu ni kyeri azwighi ze ne ghìyə̀ gha bəd kyeri tesiʼ igun azwighi ze ne ghìyə̀ bəd ghà inug ako.

1 Jɔn 4:6 ပူးပေါင်းရင်းမြစ်များ

Lk 10:22

“Mɨ Mbǎʼ fə naʼ ɨghɨjìm ɨ num. Chəi wə̀d mɔʼɔ əŋgu nɨ jeŋgɨ kyerɨ Wan chè rɨ ənɨ Mbǎʼ. Chəi bəi wə̀d mɔʼɔ əŋgu nɨ bə jeŋgɨ kyerɨ Mbǎʼ chè rɨ ənɨ ə Wan fɔrɨ wə̀d we nɨ Wan də̀b nɨ chwi əməd ɨ bɔ.”

Jn 10:16

Mə berɨ njɨ̀g rɨ cherə nɨ chəi ɨŋga əkad ə njɨ̀g zɔ̂. Mə berɨ bɨ nɨŋ njɨ̀g te yeʼe mbɨ rɨwən. Tɨ bɨrɨ zu mɨ gɨ̂, əne njɨ̀g te rɨ̀jìm bɨrɨ fɔtɨ ɨŋga əkad ə mɔʼ. Əne ənə̂ŋgɨ̀-njɨ̀g mɔʼ bɨrɨ nəŋgɨ mɨ̀mə̌d.

Jn 10:27

Tɨ njɨ̀g tɨə zu ənû ze nɨ mɨə ghàə̀. Mə kyerɨ tɨ njɨ̀g. Ɨ tɨə beenɨ əbɔʼ num.

Jn 10:3

We nɨə nəŋgɨ ɨchû ɨkam wɨə fiʼ ɨchû ɨkam we ɨ bɔ. Njɨ̀g te tɨə zuə gɨ̂ məd. Məd ziə wɨə tɔŋə ti njɨ̀g ənɨ rɨkum tɨ mɨ̀mə̌d. Məd wɨə bə̀ nɨŋə njɨ̀g te ni tɨ jwɨ̀ wò kud ɨfu.

Jn 13:20

Mə ghà rəsìʼ ɨ nən ni wə̀d mɔʼɔ we nɨ nɨŋ wə̀d we nɨ mə̀ tomɨ fə bə̀ nɨŋ əmɨ. We nɨ nɨŋ əmɨ, fə bə nɨŋ wə̀d we nɨ nyaʼa tom əmɨ.”

Jn 14:17

Məd yɨ Əzwî ə Zeŋɨ ze nɨ bɨrɨ ghɨ ni bə̂d kyerɨ rəsìʼ. Chəi ənɨ tɨ ɨsɨg nɨŋ əməd ɨmbə̀ʼ ɨghəm nɨ chəi ənɨ tɨ̀ wɨ̀ zə əməd kɨ̀ bè kyerɨ əməd. Mbə bɨrɨ kyerɨ əməd, ɨmbə̀ʼ ɨghəm nɨ məd wɨ i mbɨ nən, bə̀ kyerɨ ni məd wɨ i ɨŋga nən.

Jn 15:26

“Ənɨ Ə̀wèèrɨ̀-bə̂d we nɨ mə bɨrɨ tom ɨ nən tɨ əmbɨ ə Mbǎʼ yeʼe, wɨ̀ bɨrɨ gha ɨnû ɨmbə̀ʼ əmɨ. Məd yɨ Əzwî ze nɨ Mbǎʼ chǎ. Məd bɨrɨ du rəsìʼ əsaŋ.

Jn 16:13

Ənɨ Əzwî ze nɨə ghɨ̀ ni bə̂d kyerɨ rəsìʼ ə yeʼe, wɨ̀ bɨrɨ chwi rəsìʼ jìm ɨ nən. Ka wɨ̀ bɨrɨ gham i ənɨ i ɨghəm. Wɨ̀ bɨrɨ ghà yeʼ ənû ze nɨ wɨ̀ zǔ. Wɨ̀ bɨrɨ zeŋnɨ mbə ɨtu ɨmbə̀ʼ ɨnû mbe nɨ yeʼ ɨmbì.

Jn 18:37

Pailèt nyaʼa biirɨ ɨ bɔ ni, “Əne, àwɔ̀ yɨ ɨfɔ̂n ə?” Yeso nyaʼa wììrɨ̀ ni, “À fə ghà ni mɔ̌ yɨ ɨfɔ̂n. Mbɨ nyaʼa gywɨ əmɨ, mə yeʼe ɨŋga ɨsɨg ɨmbə̀ʼ ənû zɔ̂ ə mɔʼ. Ənû ze yɨ nɨ ghɨ ni bə̂d kyerɨ rəsìʼ. Wə̀d mɔʼɔ we nɨ ben rəsìʼ wɨə zu ənû ze nɨ mɨə ghàə̀.”

Jn 20:21

Yeso nyaʼa yì ghà əmbɨ mɨ̀mə̌d ni, “Mbə̀ chub ənɨ əbɔrəbɔd. Ɨchî nɨ mɨ Mbǎʼ nyaʼa tom əmɨ, mə fə bə̀ tom əwən.”

Jn 8:19

Ənɨ wɨ̀ nyaʼa gha əne, mbɨ nyaʼa biirɨ ɨ bɔ ni, “E mbǎʼ kɨ ə yi ə?” Yeso nyaʼa wììrɨ̀ ni, “Chəi mbə̀ kyerɨ əmɨ kɨ̀ mɨ Mbǎʼ. Mbə mɨ kə̀ʼ kyerɨ əmɨ, njɨ mbə bə̀ kə̀ʼ kyerɨ mɨ Mbǎʼ.”

Jn 8:23

Wɨ̀ nyaʼa wììrɨ̀ əmbɨ mɨ̀mə̌d ni, “Mbə yɨ rɨ ɨgwɨ ə si, mə yɨ rɨkaŋ. Mbə yɨ rɨŋga ɨsɨg wɔ̂, ka mɔ̌ yɨ əmɨ rɨŋga ɨsɨg wɔ̂.

Rm 1:1

À yɨə mɔ̌ Pɔ̂l, nɨ mə yeʼ wə̀d ə̀fàʼì Kristo Yeso, ŋwaʼnɨ ə̀ŋwàʼnɨ̀ zɔ̂. Ŋwìə̀ nyaʼa tɔŋ əmɨ ni mə̀ yeʼ wə̀d tom Kristo. Wɨ̀ nyaʼa bə̀ chɔʼ əmɨ ni mə̀ gha ɨkə̂n chɔ̀m.

Rm 11:8

Ə zɨ ɨŋga Ə̀ŋwàʼnɨ̀ ə Ŋwiə̀ ni, “Ŋwìə̀ nyaʼa nàʼ əzwî ze nɨə ghɨ̀ ni bə̂d fundɨ əmbɨ mɨ̀mə̌d, bə̀ nàʼ əghə ɨmbə̀ʼ tɨ mbɨ zə ə ɨsɨ bə̀ nàʼ ɨ̀tǒŋ ɨmbə̀ʼ tɨ mbɨ zu ə ɨnû. Mbɨ nyaʼa chub əne yeʼe pè rə̀chɔ̀ŋ.”

1 Kɔrèn 14:37

Wə̀d mɔʼɔ mɨ kɔndɨ ni tə yɨə wə̀d ɨ̀kə̀n, kɨ̀ ni mɨneʼe mbe nɨ Əzwî ə Zeŋɨ ə nàʼ ɨ mbɨ ɨŋga məd, wɨ̀ kyerɨ ni ənû zɔ̂ nɨ mɨə ŋwàʼnɨ̀ ɨ nən yɨ ɨkə Ə̀nùŋɨ̀sɨg.

2 Kɔrèn 10:7

Mbə mbɨə neŋ ɨghɨ àmei əsaŋ əsaŋ. Wə̀d mɔʼɔ mɨ kyerɨ ni tə yɨə wə̀d Kristo, wɨ̀ bə kyerɨ ni tɨ̀ yɨə bə̀ə bə̂d Kristo ɨghabɨ ə məd.

2 Tès 1:8

Wɨ̀ bɨrɨ swiʼi mbɨ ɨwid nɨə berɨə, pè zɨ̀ ŋgəʼ ɨgun ə bə̂d mbe nɨ chəi mbɨ kyerɨ ə Ŋwiə̀, zɨ̀ ɨgun mbe nɨ ton nɨ wumnɨ əməd bə̀ zɨ̀ ɨgun mbe nɨ chəi mbɨə ghɨ̀ ɨnû mbe nɨ yeʼ ɨŋga ɨkə̂n chɔ̀m a Ə̀nùŋɨ̀sɨg Yeso.

1 Timotì 4:1

Əzwî ə Zeŋɨ ə zɨə ghàə̀ zɨə zeŋ ni ɨŋga ɨni mbe nɨə wo yeʼe, bə̂d mɔʼɔ bɨrɨ waʼ ɨbenɨ we nɨ mbɨ berɨ, sɨə zuunɨə yeʼ bə̂d mbe nɨə zwetɨ ɨnû rɨ əmbɨ ɨzwî mbe nɨə tambɨə bə̂d. Mbɨ bɨrɨ bɨ chwi ɨnû mɨghab mbe nɨ ɨzwî rɨbɔ̀ŋ ə kə̀bə̀ ni bə̂d benɨ.

2 Pità 3:2

Mə kə̀b ni mbə̀ kɔndɨ ɨŋgam we nɨ bə̂d ɨ̀kə̀n Ŋwiə̀ zeŋɨ nyaʼa ghàm rəŋwe bə̀ kɔndɨ rɨkə te nɨ Ə̀nùŋɨ̀sɨg nɨ chɨ̀ə̀ bə̂d rəŋgəʼ nyaʼa che ənjìm mbə bə̂d tom nàʼ ɨ nən.

1 Jɔn 4:1

Mbɨ bɔŋgɔb nɨ mə̀ ghaʼi kwàʼ rɨŋgəʼ, tɨ mbə̀ ben ə wə̀d jìm we nɨ gha ni Əzwî ə Ŋwiə̀ ə zɨ ɨŋga məd, àyɨə mbə̀ zweʼrɨ ɨzwî jìm ɨmbə̀ʼ zə ni mbɨ yɨ rɨ əmbɨ ə Ŋwiə̀ kɨ̀ chə, ɨmbə̀ʼ ɨghəm nɨ bə̂d ɨ̀kə̀n mɨghab nɔnɔʼ fə jàŋ ɨŋga ɨsɨg.

1 Jɔn 4:4

Mbɨ bɔn nɨ mə̀ ghaʼi kwàʼ rɨŋgəʼ, mbə yɨə bə̂d Ŋwiə̀ əne mbə fə baŋ bə̂d ɨ̀kə̀n mɨghab mbe. Mbə fə baŋ mɨ̀mə̌d ɨmbə̀ʼ ɨghəm nɨ Əzwî ze nɨ yeʼ ɨŋga nən ə chè əze nɨ yeʼ ɨŋga ɨsɨg.

1 Jɔn 4:8

We nɨ chəi wɨ̀ ghaʼ mbi bɔŋgɔb rɨka kyerɨ i ə Ŋwiə̀. Mbə̀ kyerɨ ni Ŋwìə̀ wɨə ghaʼə bə̂d.

1 Jɔn 5:19

Tɨ̀ ə kyerɨ ni tɨ yɨə bə̂d Ŋwiə̀. Tɨ̀ bə̀ kyerɨ ni ɨsɨg jìm wɨ əton ə Satàn.

Jûd 1:17

Àyɨə mbɨ bɔŋgɔb nɨ mə̀ ghaʼi kwàʼ rɨŋgəʼ, mbə̀ berɨ kɔndɨ ɨnû mbe nɨ bə̂d tom a Ə̀nùŋɨ̀sɨg Yeso Kristo nyaʼa fə gha ɨ nən.