1 Jɔn 2:16 - Meta’

¹⁶ ɨmbə̀ʼ ɨghəm nɨ kaʼ ɨghɨjìm mbe nɨ yeʼ ɨŋga ɨsɨg, əne yɨ ɨghɨ mbe nɨ nyamnyod ə feenɨə, mbe nɨ əghə ə nèŋə̀ feenɨə mbɨ mbe nɨ bə̂d ə nɔ̀ ɨnyod ɨmbə̀ʼ mbɨwən, yɨ i rɨ əmbɨ ə Mbǎʼ. Mbɨ yɨ rɨŋga ɨsɨg.

Ikan feg

¹⁶ Aton ya gha, inug mbe ne yaʼi inga isəg ijìm: anug ni ghì inug tibɔ̀ŋ mbe ne nyàmnyɔd ze kə̀bə̀, anug ni nḛ̀ ighi ghə̀ʼrì, tì anug ne bəd mbe kɔ̀mɔ̀ igo imbə̀ʼ ìmbɔb àfàʼì. Inug mbo̰ ijìm nɔ̀ʼ abə isəg kayi abə Mbaʼ.

1 Jɔn 2:16 ပူးပေါင်းရင်းမြစ်များ

Matìyò 4:8

Debɨ̀rə̀ we nyaʼa wɨrɨ yì nɨŋ əməd mbɨ kɔʼ wò ɨkaŋ ɨwum se mɔʼɔ. Wɨ̀ nyaʼa pè chwi ɨbeŋ jìm mbe rɨ ɨŋga ɨsɨg ɨ bɔ bə̀ chwi mbɔ̂n jìm ze nɨ yeʼ ɨŋga ɨbeŋ mbe.

Matìyò 5:28

Àyɨə mə wɨə ghà ɨ nən ni, wə̀d we nɨ neŋ əyi kɨ̀ mbaŋə̀ feenɨ, fə ni əməd ɨŋga i fîŋ.

Lk 4:5

Debɨ̀rə̀ we nyaʼa nɨŋ əməd mbɨ kɔʼ wò ɨkaŋ əsɨ ə mɔʼɔ. Wɨ̀ nyaʼa pè nɨŋ akə nyùmə̀ chwi ɨbeŋ jìm ɨgwɨ ɨsɨg ɨ bɔ,

Rm 13:14

Àyɨə mbə̀ ghɨ ni Ə̀nùŋɨ̀sɨg Yeso Kristo kubrɨ əwən ɨchî nɨ ngywɨ̌ ə kubrə bə̂d. Əne tɨ mbə̀ naʼ ə əpan əmbɨ tə nyamnyod ni tɨ ghɨ ɨnû rɨbɔ̀ŋ mbe nɨ nyamnyod ə feenɨə.

1 Kɔrèn 10:6

Ɨnû mbɔ̂ yɨ ɨnweenɨ ɨ na tɨ̀nîn ɨmbə̀ʼ tɨ̀ kwembɨ ɨnû rəŋgu ni tɨ rɨ̀ feenɨ a ɨnû rɨbɔ̀ŋ, ɨchî nɨ mbɨ nyaʼə feenɨə.

Gàlesìyà 5:17

ɨmbə̀ʼ ɨghəm nɨ ɨnû mbe nɨ nyamnyod ə feenɨə yɨ mbe nɨ chəi Əzwî ə kəbɨ, mbe nɨ Əzwî ə kəbɨ yɨ mbe nɨ chəi nyamnyod kə̀bɨ. Mɨ̀mə̌d mbɔ̂ mɨ̀be mbɨə zɔ̀ŋə̀ ɨmbə̀ʼ tɨ mbə̀ ghɨ ə ɨnû mbe nɨ mbə̀ kəbɨ.

Gàlesìyà 5:24

Bə̂d Kristo Yeso fə kòmbɨ̀ tə nyamnyod bə̀ kòmbɨ̀ ɨnû mbe nɨ nyamnyod ə kə̀bə̀ bə̀ feenɨ əzed ə baʼnɨ.

Efesùs 2:3

Mba mɨjìm kweʼ yeʼ ɨghabɨ mɨ̀mə̌d ɨchî nɨ tɨ̀ nyaʼə feenɨ ɨghɨ mbe nɨ ta nyamnyod nyaʼə kə̀bə̀. Tɨ̀ wɨə nyaʼə bə̀ beenɨ əbɔʼ ɨghɨ mbe nɨ ta nyamnyod fɔrɨ ta rɨkɔndɨ nyaʼə bə̀ kə̀bə̀. Ɨ beenɨ əbɔʼ mba mɨchî, Ŋwìə̀ nyaʼa sə ɨtəm əbɔʼ na ɨchî nɨ wɨ̀ nyaʼa sə əbɔʼ wə̀d jìm.

Tayitùs 2:12

Ɨ̀chɔ̀m we wɨə ghɨ̀ ni tɨ̀ ton ɨnû mbe nɨə ghɨ̀ə̀ ni tɨ rɨ̀ wumnɨ a Ŋwiə̀ bə̀ ton nɨ beenɨ əbɔʼ ɨnû rɨŋga ɨsɨg. Ɨ wɨə ghɨ̀ ni tɨ yimbɨ ɨnyod, wumnɨ ə Ŋwiə̀ bə̀ chub ɨŋga ɨsɨg wɔ̂ ɨchî nɨ kuʼnɨ.

Tayitùs 3:3

Mba bə, tɨ̀ nyaʼa kweʼ ghɨ̀ ɨnû ɨneŋ bə̀ kweʼ ghɨ̀ rɨ̀zuə̀. Mbɨ nyaʼa kweʼ tambɨ əwa tɨ̀ febə. Mbɨ nyaʼa kweʼ ghɨ tɨ̀ ben ɨ̀bòʼò əmbɨ tɨkwɨrɨ ɨnû jìm mbe nɨ nyamnyod ə feenɨə bə̀ ghaʼə. Tɨ̀ wɨə nyaʼə ghɨ̀ ɨzɨg ənɨ ə bə̂d. Tɨ̀ wɨə nyaʼə bə̀ ghɨ̀ ə̀dìì. Bə̂d mbɨə nyaʼə bàn əwa. Tɨ̀ wɨə nyaʼə bə̀ bàn à ɨnyod mbǎ mbǎ.

Jems 3:15

Kaʼ ɨkwɨ ɨwe wɔ̂ yɨ i we nɨ Ŋwiə̀ ə nàʼə̀. Wɨ yɨ rɨ əmbɨ ə bə̂d rɨ ɨgwɨ ə si, kaʼi rɨ əmbɨ Əzwî ə Ŋwìə̀. Wɨ̀ yɨ rɨ əmbɨ ə Debɨ̀rə̀.

Jems 4:16

Tɨ̀nîn, mbə mbɨə nɔ̀ ɨnyod bə̀ goŋ ɨgɔ̂. Ənû nɨ goŋ ɨgɔ̂ yɨ ənû rɨbɔ̀ŋ.

1 Pità 1:14

Ɨchî nɨ mbə yeʼ bɔn nɨə zuunɨə, tɨ mbə wɨrɨ beenɨ ə əbɔʼ ɨnû rɨbɔ̀ŋ mbe nɨ tə nyamnyod nyaʼə feenɨə ənɨ ə nyùmə̀ we nɨ chəi mbə̀ nyaʼa kɨrɨ kyerɨ ə Ŋwiə̀.

1 Pità 2:11

Mbɨ bɔŋgɔb nɨ mə̀ ghaʼi kwàʼ rɨŋgəʼ, mbə̀ kyerɨ ni mbə yɨ ɨ̀nɔ̀ʼɔ̀ fɔrɨ ni mbə̀ yɨə bə̂d rɨ̀sɔ̀ʼɔ̀ ɨŋga ɨsɨg wɔ̂. Əne mə wɨə buʼ ɨbɔ ɨ nən ni tɨ mbə̀ ghɨ ə ɨnû rɨbɔ̀ŋ mbe nɨ tə nyamnyod ə feenɨə. Mbɔ̂ yɨ ɨnû mbe nɨə màʼə̀ bid ɨŋga tə fîŋ.

2 Pità 2:10

màànɨ̀ mbe nɨə beenɨ əbɔʼ ɨnû rɨbɔ̀ŋ mbe nɨ nyamnyod tɨ mɨ̀mə̌d ə feenɨə. Ɨ mbɨə bə̀ tonə ni chəi Ŋwìə̀ berɨ ɨka nɨ tumbɨ əwən. Məchwiə̀-ɨnû mɨghab mbɔ̂ mbɨə seenɨə bə̀ berɨ ɨka fîŋ. Chəi mbɨə bɔə nɨ zɔm ɨghɨ mbe nɨ mbɨə wumnɨ ɨkaŋ.

2 Pità 2:18

Ɨ mbɨə ghàm mɨŋgam əneŋ goŋ ɨgɔ̂. Ɨ mbɨə nɨŋə ɨnyamnɨ-ɨnû mbe nɨ nyamnyod ə feenɨə tambɨə bə̂d mbe nɨ fə cherə jwɨ̀ rəbɔʼ mbe nɨə chub ɨŋga ɨfebrɨ-ɨnû.