1 Jɔn 2:1 - Meta’

¹ Mbɨ bɔn nɨ mə̀ ghaʼi kwàʼ rɨŋgəʼ, mə wɨə ŋwàʼnɨ̀ ɨnû mbɔ̂ ɨ nən ɨmbə̀ʼ tɨ mbə̀ ghɨ ə ɨnû rɨbɔ̀ŋ. Àyɨə wə̀d mɔʼɔ mɨ ghɨ̀ ənû rɨbɔ̀ŋ, tɨ̀ berɨ wə̀d mɔʼɔ nɨə buʼ ɨbɔ əmbɨ Mbǎʼ ɨgwɨ mba ɨtu. Məd yɨə Yeso Kristo we nɨə ghɨ̀ ɨnû nɨ kuʼnɨ.

Ikan feg

¹ Ìmbum bɔn ne mə̀ taŋ kɔ̀ŋ, mə ŋwàʼrì inug mbo̰ inən anìŋ ni ghì gha imbə̀ʼ mbə̰ si nɔ̀ʼ ghì anug tibɔ̀ŋ. Si ya gha, wə̀d mɔ̀ʼɔ mə̀ chè ghì anug tibɔ̀ŋ, tè bèrì wə̀d ne bòʼo ibo abə Mbaʼ atog ina imbə̀ʼ ìmba inug tibɔ̀ŋ. Məd ya Yeso Kristo, wə̀d ne təmi kòʼ.

1 Jɔn 2:1 ပူးပေါင်းရင်းမြစ်များ

Lk 10:22

“Mɨ Mbǎʼ fə naʼ ɨghɨjìm ɨ num. Chəi wə̀d mɔʼɔ əŋgu nɨ jeŋgɨ kyerɨ Wan chè rɨ ənɨ Mbǎʼ. Chəi bəi wə̀d mɔʼɔ əŋgu nɨ bə jeŋgɨ kyerɨ Mbǎʼ chè rɨ ənɨ ə Wan fɔrɨ wə̀d we nɨ Wan də̀b nɨ chwi əməd ɨ bɔ.”

Jn 10:15

Zɨə mei ɨchî nɨ Mbǎʼ kyerɨ əmɨ, mə bə kyerɨ ə Mbǎʼ. Mə fə ben nɨ kwɨ ɨmbə̀ʼ tɨ njɨ̀g.

Jn 13:33

Mbɨ bɔn, mə bɨrɨ kɨrɨ chubɨ mbɨ nən ənɨ ɨkə nyùmə̀. Ɨ nɔʼ rɨ əwɔ, mbə bɨrɨ kəb əmɨ rəkan. Ənû ze nɨ mə̀ nyaʼa gha əmbɨ ə bə̂d mbe nɨə tekɨ ɨnû ɨŋga əbeŋ mɨ̀Jû, mə yɨ əni ghà ɨ nən ni, 'Chəi ənɨ tɨ̀ mbə yeʼe əsɨ ze nɨ mɨə wò əŋgu.'

Jn 14:16

Mbə mɨ ghɨ̀ əne, mə bɨrɨ biirɨ əmbɨ Mbǎʼ, əne wɨ̀ bɨrɨ naʼ Ə̀wèèrɨ̀-bə̂d cherə ɨ nən nɨ bɨrɨ chubɨ mbɨ nən koŋ.

Jn 14:6

Yeso nyaʼa wììrɨ̀ ɨ bɔ ni, “Mɔ̌ yɨə ɨnə̂njɨ̀ fɔrɨ rəsìʼ bə̀ fɔrɨ ɨ̀tènɨ̀. Chəi wə̀d mɔʼɔ nɨ tɨ̀ wɨ̀ wò əsɨ mɨ Mbǎʼ kɨrɨ ənɨ wɨ̀ che ənɨ mɨ njìm.

Jn 21:5

Wɨ̀ nyaʼa ghà əmbɨ mɨ̀mə̌d ni, “Mbɨ bɔn, mbə wa fə gywɨ̀ əgwi ə mɔʼɔ ə?” Mbɨ nyaʼa wììrɨ̀ ni, “Chə̂.”

Jn 5:14

Ənɨ əmad ə nyaʼa zombɨ, Yeso nyaʼa zə mbaŋə̀ ze nɨ wɨ̀ kə̀ʼ vɨ̀ əməd ɨŋga mbàn Ŋwìə̀, əne wɨ̀ nyaʼa ghà ɨ bɔ ni, “Zə, à fə bɔtɨ e! Tɨrə̀ wɨrɨ ghɨ e ənû rɨbɔ̀ŋ, ɨmbə̀ʼ tɨ ənû nɨ bə chè əzɔ̂ ə nyɨ i ɨgwɨ ne.”

Jn 5:36

Ɨnû mbɔ̂ nɨ mɨə ghàə̀ yɨ mɨ̀zərɨmbin ɨ num. Mbɨ chè mbe nɨ Jɔ̌n nyaʼə ghà ɨmbə̀ʼ əmɨ. Ɨnû mbe nɨ Mbǎʼ zɨ ɨŋga tum rɨkyerɨ-ɨbɔ ni mə maanə, əne yɨ mbe nɨ mɨə ghɨ̀ə̀, ɨ mbɨə chwiə ni à yɨə Mbǎʼ nyaʼa tom əmɨ.

Jn 6:27

Tɨ mbə̀ faʼ ə àmei nɨ berɨ ɨghɨjɨg mbe nɨ bɨrɨ bə, àyɨə mbə̀ faʼ ɨmbə̀ʼ berɨ mbe nɨ bɨrɨ tə̀nə̀. Ɨghɨ mbe bɨrɨ ghɨ̀ mbə jɨg ɨ̀tènɨ̀ rɨ mì. Əzɔ̂ yɨ əghɨjɨg ze nɨ Wan Wə̀d bɨrɨ naʼ ɨ nən. Ŋwìə̀ Mbǎʼ fə nàʼ ɨka ɨ bɔ ni wɨ̀ ghɨ əne.”

Jn 8:11

Əyi we nyaʼa wììrɨ̀ ni, “Chəi wɨ mɔʼɔ, kyɨə Masà.” Ənɨ wɨ̀ nyaʼa wììrɨ̀ əne, Yeso nyaʼa ghà ɨ bɔ ni, “Chəi mə̀ bə zɨ̀ ɨsaʼi ɨgwɨ ne. Sɨ wo e, àyɨə tɨrə̀ wɨrɨ ghɨ e ənû rɨbɔ̀ŋ.”

Ɨ̀fàʼì 7:52

À kɨə wə̀d ɨ̀kə̀n Ŋwìə̀ wi nɨ chəi mbə mɨ̀mbǎʼ rəŋwe nyaʼa nwendɨ tɨkyerɨ-ɨwu məd ə? Mbɨ nyaʼa zwiirɨ bə̂d mbe nɨ nyaʼa be ghà ni Wə̀d we nɨə ghɨ̀ ɨnû nɨ kùʼnɨ̀ bɨrɨ yeʼe. Tɨ̀nîn mbə fə fèn əməd mbɨ zwiirɨ.

Rm 5:10

ɨmbə̀ʼ ɨghəm nɨ ənɨ tɨ̀ nyaʼa kɨrɨ bə̂d pə̀n Ŋwiə̀, wɨ̀ nyaʼa màànɨ̀ taŋ mbɨ na ənjìm ɨvɨ Wan məd. Tɨ̀nîn nɨ tɨ̀ fə maanɨ taŋ, ɨ̀tènɨ̀ Kristo bɨrɨ ghɨ ni tɨ̀ jwɨ rəŋgəʼ.

Rm 6:15

À kɨ ənû ə ye ə? Tɨ̀ wa ghɨ ɨnû rɨbɔ̀ŋ ɨmbə̀ʼ ɨghəm nɨ tɨ̀ yeʼ əton ɨ̀chɔ̀m Ŋwiə̀, kaʼi əton rɨkə ə? Chə̂!

Rm 8:34

À kɨə we nɨ bɨrɨ gha ni mbɨ fə gù ɨsaʼi ə? À wa kɨə Kristo Yeso nɨ nyaʼa kwɨ, ee, nɨ Ŋwìə̀ nyaʼa zwemnɨ, nɨ chub əbà əbɔ ə jɨgɨ ə Ŋwiə̀, kɔ̀ŋgɨ̀ əməd ɨgwɨ mba ɨtu ə?

1 Kɔrèn 15:34

Mbə̀ wɨrɨ kɔndɨ mbə ɨtu kwàʼ ɨchî chɔ̀m. Tɨ mbə̀ wɨrɨ ghɨ ə ɨnû rɨbɔ̀ŋ. Chəi bə̂d mɔʼɔ rəbɔʼ nən kyerɨ ə Ŋwiə̀. Mə wɨə ghà ənû zɔ̂ ɨmbə̀ʼ naʼ tɨ̀nìd ɨtu ɨ nən.

2 Kɔrèn 5:21

Ŋwiə̀ nyaʼa ghɨ̀ ni Kristo yeʼ wə̀d ɨnû rɨbɔ̀ŋ nɨ chə nyaʼa i ənû rɨbɔ̀ŋ ɨgwɨ məd, ɨmbə̀ʼ ənɨ ɨfɔtɨ mbɨ məd, tɨ̀ we tɨ̀ rɨ təm kùʼnɨ̀ ɨfě Ŋwiə̀.

Gàlesìyà 4:19

Mbɨ bɔn nɨ mə̀ ghaʼi kwàʼ rɨŋgəʼ, mə wɨə yɨə zu rɨbuʼ ɨghabɨ əyi nɨə nombɨə. Mə bɨrɨ zu əne pè ənɨ mbə̀ yeʼ ɨghabɨ ə Kristo.

Efesùs 2:18

À yɨə Kristo ghɨ ni mba mɨjìm, əne yɨ mɨ̀Jû mbɨ ə bə̂d nɨ kaʼi mɨ̀Jû, tɨ̀ berɨ ɨnə̂njɨ̀ nɨ wò əmbɨ ə Mbǎʼ ənjìm Əzwî ə Zeŋɨ.

Efesùs 4:26

Mbə mɨ sə ɨtəm, tɨ mbə ben ə ni ɨsə ɨtəm we ghɨ ni mbə̀ ghɨ ənû rɨbɔ̀ŋ. Tɨ mbə̀ ben ə ni nyùmə̀ nyɨ ɨkòb nɨ mbə̀ə kɨrɨ sə ɨtəm.

1 Timotì 2:5

Ŋwìə̀ mei we mɔʼ. Wə̀d we nɨ yeʼ ɨŋga mɨgharə̀, maanɨə taŋ ze nɨ Ŋwiə̀ berɨ mbɨ ə bə̂d mei we mɔʼ. Təŋgàŋ yɨə Kristo Yeso.

1 Timotì 3:14

Ə zɨ ɨŋga mɨ ɨkɔndɨ ni mə bɨrɨ zambɨ yeʼe əsɨ ne. Àyɨə mə wɨə ŋwàʼnɨ̀ ɨnû mbɔ̂ ɨ ne ɨmbə̀ʼ

Mə̀Hibrù 9:24

Chəi Kristo nyaʼa nyɨ ɨŋga əsɨ ɨwumnɨ ze nɨ mbɨ tekɨ ənɨ ɨbɔ, nɨ yeʼ əmɨg ənɨ əzɨ rəsìʼ. Wɨ̀ nyaʼa nyɨ ɨkaŋ, ɨmbə̀ʼ chub ɨfě Ŋwiə̀ ɨmbə̀ʼ əwa.

Jems 1:27

Ənû ə Ŋwìə̀ ze nɨ Ŋwiə̀ Mbǎʼ ben ni zɨə zeŋ, nɨ chəi ənû rɨbɔ̀ŋ ɨŋga, yɨ nɨ nəŋgɨ mɨchɨ bə̀ fɔrɨ nɨ nəŋgɨ mɨku əyi mbe nɨə zəə ŋgəʼ. À yɨə bə ni tɨ wə̀d ben i ɨnû rɨŋga ɨsɨg chəkɨ i əməd.

Jems 3:9

Tɨ̀ wɨə nɨŋ ɨnemɨ yiirɨ ə Ə̀nùŋɨ̀sɨg Mbǎʼ. Tɨ̀ wɨə bə̀ nɨŋə zɨ̀ə̀ ndɔ̀n ɨgwɨ ə bə̂d mbe nɨ Ŋwìə̀ tekɨ ni mbɨ yeʼ ɨghabɨ ə məd.

1 Pità 2:22

Chəi wɨ̀ nyaʼa ghɨ ənû rɨbɔ̀ŋ ə mɔʼɔ. Chəi mɨghab mɔʼɔ nyaʼa jwɨ̀ rɨŋga ɨchù məd.

1 Pità 3:18

Kristo nyaʼa kwɨ ɨmbə̀ʼ ɨnû rɨbɔ̀ŋ fən ɨghəm mɔʼ. Wə̀d nɨ nyaʼə ghɨ̀ ɨnû nɨ kuʼnɨ nyaʼa kwɨ ɨgwɨ ətu ə bə̂d mbe nɨə ghɨ̀ ɨnû rɨbɔ̀ŋ, ɨmbə̀ʼ wɨ nɨŋ əwa wò əsɨ ə Ŋwiə̀. Mbɨ nyaʼa zwiirɨ nyamnyod məd, àyɨə Əzwî ə Ŋwiə̀ ə nyaʼa ghɨ̀ wɨ̀ wɨrɨ chub ɨka.

1 Jɔn 3:18

Mbɨ bɔn nɨ mə̀ ghaʼi kwàʼ rɨŋgəʼ, tɨ rɨ̀ ghaʼ a bə̂d àmei ənɨ ɨŋgam bə̀ fɔrɨ ənɨ ɨchù. Tɨ̀ berɨ chwi ənɨ ta rɨghɨrɨ-ɨnû bə̀ fɔrɨ ənɨ rəsìʼ we nɨ tɨə ghàə̀ ni tɨ̀ ghaʼ mɨ̀mə̌d.

1 Jɔn 3:5

Mbə̀ kyerɨ ə ni Kristo nyaʼa yeʼe ɨmbə̀ʼ nimnɨ ɨnû rɨbɔ̀ŋ. Mbə̀ bə̀ kyerɨ ə ni chəi məd ə ghɨ̀ ɨnû rɨbɔ̀ŋ.

1 Jɔn 3:7

Mbɨ bɔn nɨ mə̀ ghaʼi kwàʼ rɨŋgəʼ, tɨ mbə̀ ben ə ni wə̀d mɔʼɔ tambɨ əwən. Wə̀d we nɨə ghɨ̀ ɨnû nɨ kuʼnɨ ə təm kùʼnɨ̀ ɨchî nɨ Kristo bə təm kùʼnɨ̀.

1 Jɔn 4:4

Mbɨ bɔn nɨ mə̀ ghaʼi kwàʼ rɨŋgəʼ, mbə yɨə bə̂d Ŋwiə̀ əne mbə fə baŋ bə̂d ɨ̀kə̀n mɨghab mbe. Mbə fə baŋ mɨ̀mə̌d ɨmbə̀ʼ ɨghəm nɨ Əzwî ze nɨ yeʼ ɨŋga nən ə chè əze nɨ yeʼ ɨŋga ɨsɨg.

1 Jɔn 5:17

Ɨgu ənû jìm yɨ ɨnû rɨbɔ̀ŋ, àyɨə ɨnû rɨbɔ̀ŋ mɔʼɔ mbɨ əŋgu nɨ chəi mbɨə ghɨ̀ ni wə̀d kwɨ.

1 Jɔn 5:21

Mbɨ bɔn nɨ mə̀ ghaʼi kwàʼ rɨŋgəʼ, tɨ mbə̀ berɨ ə ənû ə mɔʼɔ nɨ ghɨ̀ mbɨ mbɨ̀anèŋ.

3 Jɔn 1:4

Chəi ɨghaʼi cherə ɨŋga mɨ fîŋ nɨ che rɨ ənɨ ɨchî nɨ mə̀ zu ni mbɨ bɔn mbɨə beenɨ əbɔʼ rəsìʼ.