1 Jɔn 1:9 - Meta’

⁹ Tɨ̀ mɨ ben mba ɨnû rɨbɔ̀ŋ, njɨ məd we nɨə ghɨ̀ ɨnû mbe nɨ wɨ̀ kaʼi bə̀ ghɨ̀ mbe nɨ kuʼnɨ, bɨrɨ waʼ mba ɨnû rɨbɔ̀ŋ bə̀ zeŋnɨ əwa rɨ ənɨ ta rɨ̀gùrɨ-ɨnû jìm.

Ikan feg

⁹ Tì mə bḛ ìmba inug tibɔ̀ŋ, Ŋwiye biri waʼ ìmba inug tibɔ̀ŋ bə̀ sò awa chì ane ìmba inug tibɔ̀ŋ ijìm. Məd ya Ŋwiye ne fàʼà anug ne wì kàʼi bə̀ ghìyə̀ inug ne koʼi.

1 Jɔn 1:9 ပူးပေါင်းရင်းမြစ်များ

Matìyò 3:6

Ɨ mbɨə nyaʼə pè benə mbə ɨnû rɨbɔ̀ŋ, əne wɨ̀ nyaʼa nàʼ mɨnib əmbɨ mɨ̀mə̌d ɨŋga ɨgyɨ̀ Jodàn.

Mk 1:5

Bə̂d mbe rɨŋga əbà əbeŋ ze rɨ ə Jùdeyà fɔrɨ bə̂d mɨ̀jìm mbe rɨ ə Jèrusalèm nyaʼa jwɨ̀ wò kumnɨ əməd, ben mbə ɨnû rɨbɔ̀ŋ, əne wɨ̀ nyaʼa nàʼ mɨnib əmbɨ mɨ̀mə̌d ɨŋga ɨgyɨ̂ Jodàn.

Lk 22:57

Àyɨə Pità nyaʼa ton i ghà ni, “Əyi wɔ̂, chəi mə̀ kyerɨ əməd.”

Jn 17:25

Mbǎʼ nɨə ghɨ̀ ɨnû ɨchî nɨ kuʼnɨ, chəi ɨsɨg kyerɨ əwe, àyɨə mə kyerɨ əwe. Bə̂d mbɔ̂ nɨ à nyaʼa naʼ ɨ num kyerɨ ni à yɨ àwɔ̀ nyaʼa tom əmɨ.

Ɨ̀fàʼì 19:18

Bə̂d mɨ̀nɔnɔʼ rəbɔʼ mbe nɨ nyaʼa ben ə Kristo nyaʼa wò ben tə rɨ̀gùrɨ-ɨnû ɨfě bə̂d Kristo bə̀ ghà ɨnû rɨbɔ̀ŋ mbe nɨ mbɨ nyaʼə ghɨ̀ə̀.

Rm 3:26

Wɨ̀ nyaʼa ghɨ̀ əne ɨmbə̀ʼ chwi tɨ̀nîn ni məd ziə wɨə ghɨ̀ ɨnû nɨ kuʼnɨ mbɨ ni məd ziə wɨə ghɨ̀ ni bə̂d mbe nɨ nuŋ fîŋ ɨgun ə Yeso təm kùʼnɨ̀.

1 Kɔrèn 1:9

Ŋwìə̀ we nɨə ghɨ̀ ənû ze nɨ wɨ̀ kaʼi nyaʼa tɔŋ əwən ni mbə̀ chub ənɨ ɨfɔtɨ mbɨ Wan məd Yeso Kristo a Ə̀nùŋɨ̀sɨg.

1 Kɔrèn 6:11

Bə̂d mɔʼɔ rəbɔʼ nən mbɨə nyaʼə ghɨ̀ ɨnû mbɔ̂. Àyɨə Ə̀nùŋɨ̀sɨg Yeso Kristo mbɨ Əzwî à Ŋwiə̀ fə sò əwən bə̀ zeŋnɨ əwən, ghɨ̀ mbə təm kùʼnɨ̀.

Efesùs 5:26

ɨmbə̀ʼ ɨfetɨ we chub ɨzeŋɨ zeŋɨ ɨchî nɨ wɨ̀ nyaʼa so ənɨ mɨnib bə̀ sò ənɨ ɨŋgam Ŋwiə̀.

1 Timotì 1:15

Ɨŋgam wɔ̂ yɨ wɨ rəsìʼ nɨ kuʼ ni tɨ̀ ben ənɨ ta fîŋ rɨjìm. Ɨŋgam rəŋgu yɨ ni Kristo Yeso nyaʼa yeʼe ɨŋga ɨsɨg ɨmbə̀ʼ chɨ bə̂d mbe nɨə ghɨ̀ ɨnû rɨbɔ̀ŋ rəŋgəʼ. Mɔ̌ yɨə kàŋ ə wə̀d ɨnû rɨbɔ̀ŋ we nɨ bə̌ chè bə̂d mɨjìm mbe nɨə ghɨ̀ ɨnû rɨbɔ̀ŋ.

Tayitùs 2:14

Yeso Kristo nyaʼa nàʼ i ɨnyod ɨmbə̀ʼ choʼ mba ɨtu tɨ ənɨ ɨnû rɨbɔ̀ŋ jìm. Wɨ̀ nyaʼa bə̀ nàʼ ɨmbə̀ʼ zeŋɨ əwa ni tɨ̀ yeʼ bə̂d nɨə zɨ̀ ətu nɨ ghɨ ɨnû chɔ̀m.

Mə̀Hibrù 10:23

Tɨ̀ jeŋgɨ yim ɨnû mbe nɨ tɨ̀ benɨ bə̀ nùŋ ɨkɔndɨ wòm, ɨmbə̀ʼ ɨghəm nɨ Ŋwìə̀ bɨrɨ ghɨ ɨnû mbe nɨ wɨ̀ kaʼi.

Mə̀Hibrù 11:11

À yɨ ɨbenɨ nyaʼa ghɨ ni Abràham nɨ nyaʼa fə nun i, mbɨ Sèra nɨ nyaʼa kòm əyi, we tɨ̀ wɨ̀ nyaʼa berɨ wan, ɨmbə̀ʼ ɨghəm nɨ wɨ̀ nyaʼa ben ni wə̀d we nɨ kaʼ əməd bɨrɨ ghɨ ənû ze nɨ wɨ̀ kaʼi.

Mə̀Hibrù 6:10

Ŋwìə̀ wɨə ghɨ̀ àmei ɨnû nɨ kuʼnɨ. Kaʼ məd bɨrɨ neb i ɨnû mbe nɨ mbə̀ fə ghɨ. Kaʼ məd bɨrɨ bɨ neb i ɨghaʼi we nɨ mbɨə chwi ɨ bɔ ənɨ mbə̀ nyaʼə weerɨ bə̂d məd bə̀ kɨrɨ wò ɨmbì wèèrɨ̀ə̀.

1 Jɔn 1:7

Tɨ̀ mɨ yeʼ ɨŋga ɨzeŋɨ zeŋɨ, ɨchî nɨ məd ziə bə yeʼ ɨŋga ɨzeŋɨ zeŋɨ, njɨ tɨ̀ wɨ ənɨ ɨfɔtɨ mbǎ mbǎ, əne ənəm ə Yeso, Wan məd, ə zɨə sò mba ɨnû rɨbɔ̀ŋ jìm.

Ɨnû 15:3

Ɨ mbɨə nyaʼə kwerɨ ɨkyî we nɨ wə̀d ə̀fàʼì Ŋwìə̀ Mose nyaʼa kwerɨ. Ɨ mbɨə nyaʼə bə̀ kwerɨ we nɨ Wan njɨ̀g nyaʼa bə kwerɨ. Ɨkyî we yɨ ni, “Ə̀nùŋɨ̀sɨg Ŋwìə̀kɔʼ! Ɨnû mbe nɨ àwɔ̀ ghɨ̀ə̀ mbɨ chè əbɔ. Mbe mɨchî ə kàŋ kùʼ. À yɨə bə̀ mɨchî rəsìʼ. Àwɔ̀ yɨ ɨfɔ̀n ɨgwɨ ɨbeŋ jìm!