1 Jɔn 1:8 - Meta’

⁸ Tɨ̀ mɨ ghà ni chəi ənû rɨbɔ̀ŋ ə mɔʼɔ ɨŋga na, njɨ tɨ̀ wɨə tambɨ a ɨnyod, əne chəi rəsìʼ ɨŋga ɨnû mbe nɨ tɨə ghàə̀.

Ikan feg

⁸ Tì mə̀ gha chəyi tì beri anug tibɔ̀ŋ inga ina, nji tì ya tàmba ìwa nyɔd. Chəyi tesiʼ yaʼi inga inug mbe ne te ghà.

1 Jɔn 1:8 ပူးပေါင်းရင်းမြစ်များ

Jn 8:44

Mbə yɨə bɔn Debɨ̀rə̀ we nɨ yeʼ ə mbǎʼ. Mbə mbɨə kə̀b ghɨ àmei ɨnû mbe nɨ ə mbǎʼ kəbɨ. Məd yɨə nyaʼə ə̀zwììrɨ̀-bə̂d tɨ ənɨ ɨsɨg nyaʼa kɔ. Chəi wɨ̀ berɨ ənû ə mɔʼɔ nɨ ghɨ̀ mbɨ rəsìʼ, ɨmbə̀ʼ ɨghəm nɨ chəi məd ə ghà rəsìʼ. Ənɨ wɨ̀ gha mɨghab, ɨ wɨə ghɨ̀ àmei ənû ze nɨ yeʼ ɨŋga fîŋ məd, ɨmbə̀ʼ ɨghəm nɨ məd yɨə wə̀d mɨghab fɔrɨ mbǎʼ mɨghab.

Rm 3:10

Ə zɨ ɨŋga Ə̀ŋwàʼnɨ̀ ə Ŋwiə̀ ni: “Chəi wə̀d mɔʼɔ əŋgu nɨə ghɨ̀ ɨnû nɨ kuʼnɨ, ka àbei mɔʼ;

Rm 3:23

ɨmbə̀ʼ ɨghəm nɨ bə̂d mɨ̀jìm fə ghɨ̀ ɨnû rɨbɔ̀ŋ əne chəi wɨrɨ i ɨzeŋɨ zeŋɨ Ŋwiə̀ ɨŋga mɨ̀mə̌d.

1 Kɔrèn 3:18

Tɨ wə̀d mɔʼɔ tambɨ i i ɨnyod. Wə̀d mɔʼɔ rəbɔʼ nən mɨ kɔndɨ ni tə yɨə wə̀d ɨwe, ɨchî nɨ bə̂d rɨŋga ɨsɨg kyerɨ bə̂d ɨwe, wɨ̀ beŋ ənɨ əneŋ ɨmbə̀ʼ wɨ̀ berɨ ɨwe we nɨ Ŋwìə̀ ə nàʼə̀,

Gàlesìyà 6:3

Wə̀d mɔʼɔ mɨ kɔndɨ ni tə yɨ əghɨ ə mɔʼɔ, nɨ ka məd yɨ i əghɨ ə mɔʼɔ, njɨ ɨ wɨə tambɨ i ɨnyod.

1 Timotì 6:5

bə̀ yeʼe mbɨ ənû nɨ ghɨ ni əchɔb ə kɨə gùə̀ əkaʼ bə̂d mbe nɨ chəi ənû ə chɔ̀m ɨŋga fîŋ tɨ mɨ̀mə̌d fɔrɨ əkaʼ mbe nɨ chəi mbɨə ghà rəsìʼ. Ɨ mbɨə kɔndɨə ni ənû ə Ŋwiə̀ yɨ ɨnə̂njɨ̀ nɨ tɨ̀ mbɨ chè berɨ ɨkab.

2 Timotì 3:13

Àyɨə bə̂d mbe nɨə ghɨ̀ ɨnû rɨbɔ̀ŋ mbɨ mbe nɨə nɨŋ rɨkum bə̂d cherə tambɨə bə̂d əŋgu bɨrɨ rəbə ghɨ̀ ə ɨnû rɨbɔ̀ŋ ghɨ̌ wò ɨmbì. Mbɨ bɨrɨ mɨə tambɨ ə bə̂d, bə̂d bə tambɨ ə mɨ̀mə̌d.

Jems 1:22

Tɨ mbə̀ yeʼ ə bə̂d nɨə zu ɨŋgam Ŋwiə̀ zu, əne tambɨ ə ɨnyod. Mbə̀ ghɨ ɨnû mbe nɨ ɨŋgam we gha ni mbə̀ ghɨ̀ ə.

Jems 1:26

Wə̀d mɔʼɔ rəbɔʼ nən wa kɔndɨ ni tə kàànɨ̀ ɨŋga ənû ə Ŋwìə̀ ə? Wɨ̀ mɨ ton yimbɨ i i ɨchû, ɨ wɨə tambɨ i ɨnyod, əne ənû ə Ŋwìə̀ əməd ze yɨ ətu ə̀kǒ.

Jems 3:2

Mba mɨjìm mbɨə fàn ɨnû ənɨ mɨnə̂njɨ̀ nɔnɔʼ. Wə̀d mɔʼɔ mɨ yeʼ əŋgu nɨ chəi wɨə fàn ənɨ ɨnû mbe nɨ wɨə ghàə̀, njɨ məd ə bɔŋ màànɨ̀, bə̀ kyerɨ ɨchî nɨ yimbɨ i ɨnyod jìm.

2 Pità 2:13

Mbɨ bɨrɨ chwɨ mɨ̀mə̌d ənɨ ə ŋgəʼ ɨmbə̀ʼ ɨghəm nɨ ɨ mbɨə zɨ̀ə̀ ŋgəʼ ɨgun ə bə̂d cherə. À yɨ ɨghaʼi əmbɨ mɨ̀mə̌d nɨ ghɨ̀ ɨnû mbe nɨ nyamnyod tɨ mɨ̀mə̌d ə kə̀bə̀ əziə. Mbɨ yɨ ɨghabɨ tɨfiŋɨ bə̀ fɔrɨ ɨghabɨ ɨnyɔɔrɨ. Ənɨ mbɨə jɨgə mbɨ nən, ɨ mbɨə tambɨ əwən.

1 Jɔn 1:10

Tɨ̀ mɨ ghà ni chəi tɨ̀ kweʼ ghɨ̀ ənû rɨbɔ̀ŋ, əne tɨ̀ wɨə ghàə̀ ni Ŋwìə̀ yɨə wə̀d mɨghab. Chə bəi ɨŋgam məd ɨŋga ta fîŋ.

1 Jɔn 1:6

Tɨ̀ mɨ ghà ni tɨ̀ wɨ ənɨ ɨfɔtɨ mbɨ məd, àyɨə tɨ̀ wɨə kɨrɨ ɨŋga ɨsɨ firɨ, əne yɨ ni tɨ̀ wɨə ghàə̀ mɨghab fɔrɨ ni chəi tɨə beenɨ əbɔʼ rəsìʼ.

1 Jɔn 2:4

Wə̀d mɔʼɔ we nɨ ghà ni tə kyerɨ əməd, àyɨə chəi wɨə nùŋə̀ rɨkə məd, yɨə wə̀d mɨghab. Chəi rəsìʼ ɨŋga ɨnû mbe nɨ wɨə ghàə̀.

1 Jɔn 4:20

Wə̀d mɔʼɔ mɨ ghà ni tə ghaʼ ə Ŋwìə̀, àyɨə wɨ̀ bàn wi aŋgɔb, əne məd yɨə wə̀d mɨghab, ɨmbə̀ʼ ɨghəm nɨ ka wə̀d we nɨ chəi wɨ̀ ghaʼ wi aŋgɔb nɨ wɨə zəə, bɨrɨ bɨ ghaʼ i Ŋwìə̀ we nɨ chəi wɨ̀ kweʼ zə.

2 Jɔn 1:2

Mə ghaʼ əwən ɨmbə̀ʼ ɨghəm nɨ tɨ̀ kyerɨ rəsìʼ, əne rəsìʼ we bɨrɨ ten i ɨŋga na koŋ.

3 Jɔn 1:3

Mə nyaʼa kàŋ ghaʼ əku ənɨ bɔŋgɔb mɔʼɔ nyaʼa yeʼe pè ghà ɨ num ɨmbə̀ʼ ɨchî nɨ àwɔ̀ ə beenɨ əbɔʼ rəsìʼ. Mə kyerɨ ni àwɔ̀ wɨə kàŋə̀ beenɨ əbɔʼ rəsìʼ we ɨghəm jìm.