1 Kɔrèn 9:26 - Meta’

²⁶ Əne chəi mɨə nòtɨ̀ əŋgu əŋgu. Chəi mɨə bə̀ zɔ̀ŋ ɨghabɨ ə wə̀d nɨə kòm əsɨ əko.

Ikan feg

²⁶ À ya aton ne chəyi mə̀ nòtò angu angu. Chəyi mə bə̀ zɔ̀ŋɔ̀ icheg wə̀d ne kɔ̀mɔ̀ asiŋi ako.

1 Kɔrèn 9:26 ပူးပေါင်းရင်းမြစ်များ

Matìyò 11:12

Ɨ kɔ rɨ ənɨ ə nyùmə̀ we nɨ Jɔ̌n we nɨ nyaʼə nàʼ mɨnib nyaʼə ghà ɨkə̂n chɔ̀m yeʼe pè rɨ̀nîn, ənû ɨfɔ̀n rɨkaŋ fə kən zə ŋgəʼ. Bə̂d nɨ berɨ ɨka mbɨə kə̀b nyɨ ɨŋga ənɨ ɨka.

Lk 13:24

“Mbə̀ kywɨ ənywɨ nyɨ ɨchû nəb we nɨ fandə, ɨmbə̀ʼ ɨghəm nɨ bə̂d mɨ̀nɔnɔʼ bɨrɨ kəb nyɨ, àyɨə chəi ənɨ tɨ̀ mbɨ nyɨ.

1 Kɔrèn 14:9

À yɨ əndəŋ əndəŋ mbɨ nən. Mbə mɨ ghàm ɨŋgam nɨ chəi wɨ zeŋɨ, wə̀d kɨə wo chè rɨ yè kyerɨ ənû ze nɨ mbə̀ə ghà ə? Mbə mɨ yeʼə ghà əne, njɨ mbə mbɨə ghàmə̀ yeʼ əmbɨ ɨfə.

2 Kɔrèn 5:1

Tɨ̀ kyerɨ ni mbɨ mɨ sàʼ ɨŋwenɨ we nɨ tɨə chub ɨŋga ɨgwɨ ə si, əne yɨ a nyamnyod, njɨ tɨ̀ berɨ nəb ɨkaŋ nɨ à yɨə Ŋwiə̀ ziə korɨ, nɨ kaʼi bə̂d mɨ̀sɔŋɨchù korɨ. Nəb ze bɨrɨ ten i koŋ.

2 Kɔrèn 5:8

Ee, ɨnû mbe nɨ tɨ̀ benɨ yɨ mbɨ rəsìʼ, əne tɨ̀ bɨrɨ kə̀b saŋ nyamnyod zɔ̂, ɨmbə̀ʼ chub ɨŋga nyamnyod fi mbɨ Ə̀nùŋɨ̀sɨg.

Gàlesìyà 2:2

Mə nyaʼa wò ɨmbə̀ʼ ɨghəm nɨ à yɨə Ŋwìə̀ nyaʼa chwi ɨ num ni mə̀ wo əŋgu. Mə nyaʼa wò pè tòʼrɨ̀ ɨkə̂n chɔ̀m we nɨ mə nyaʼə ghà əmbɨ ə bə̂d mbe nɨ kaʼi mɨ̀Jû. Mə nyaʼa tòʼrɨ̀ àmei əmbɨ ə bə̂d mbe nɨ nyaʼə chà ɨfetɨ we rɨ ə Jèrusalèm. Mə nyaʼa ghɨ̀ əne ɨmbə̀ʼ tɨ ə̀fàʼì ze nɨ mɨə fàʼə̀ kɨ̀ əze nɨ mə nyaʼa fə faʼi, ə che ətu ə̀kǒ.

Efesùs 6:12

ɨmbə̀ʼ ɨghəm nɨ chəi tɨə zɔ̀ŋə̀ mbɨə bə̂d pə̀n nɨ yeʼ bə̂d mɨ̀sɔŋɨchù. Tɨ̀ wɨə zɔ̀ŋə̀ yeʼ ɨzwî ka ka mbe nɨ yeʼ ɨkaŋ mbɨ mɨfɔ̂n mɨ̀mə̌d. Tɨ̀ wɨə zɔ̀ŋ ɨzwî ka ka mbe nɨ yeʼ ɨŋga ɨsɨ firɨ mbɔ̂ nɨ yeʼ ɨŋga ɨsɨg tɨ̀nîn. Tɨ̀ wɨə bə̀ zɔ̀ŋ ɨzwî rɨbɔ̀ŋ mbe nɨ yeʼ ɨŋga ɨfə.

Fìlipì 1:21

ɨmbə̀ʼ ɨghəm nɨ mə mɨ yeʼ ɨkǎ, à yɨ ɨmbə̀ʼ wumnɨ ə Kristo mə mɨ kwɨ, əze ə bɔŋɨ chè.

Kòlosè 1:29

Mə wɨə ghɨ̀ ɨnû mbɔ̂ ənɨ ɨka jìm we nɨ Kristo naʼ ɨ num.

2 Timotì 1:12

À yɨ əton nɨ mɨə zəə ŋgəʼ ɨchî nɨ mɨə zəə. Àyɨə chəi mɨ ətu ə nìd ɨmbə̀ʼ ɨghəm nɨ mə kyerɨ wə̀d we nɨ mə nuŋ mɨ fîŋ ɨgwɨ məd. Mə bə̀ kàŋ kyerɨ ni ɨ we tɨ̀ wɨ̀ nəŋgɨ ənû ze nɨ wɨ̀ zɨ ɨŋga tum rɨkyerɨ-ɨbɔ pè əni ze nɨ Ŋwiə̀ bɨrɨ saʼ ɨsɨg.

2 Timotì 2:5

Chəi mbɨə nàʼ ɨneʼe əmbɨ wə̀d we nɨ notɨ, kɨrɨ ənɨ wɨ̀ beenɨ əbɔʼ tɨkə ə̀nòtɨ̀.

2 Timotì 4:7

Mə fə kàŋ zɔ̀ŋ ɨchî chɔ̀m ɨchî nɨ mɨə fàʼ əmbɨ Kristo. Mə fə nòtɨ̀ wò pè ənɨ ɨnwǐ. Mə fə nùŋ mɨ fîŋ ɨgun ə Kristo wò pè ənɨ ɨnwǐ.

Mə̀Hibrù 12:1

Ɨchî nɨ mɨ̀zərɨmbin mbɔ̂ ɨnɔ̂n kyeŋ kaŋ kad əwa, əne tɨ̀ waʼ ɨnû jìm mbe nɨə kən ɨnə̂njɨ̀ ɨ na bə̀ waʼ ɨnû rɨbɔ̀ŋ mbe nɨ kod əwa. Tɨ̀ notɨ ə̀nòtɨ̀ ze nɨ yeʼ ɨmbì ɨ na mbɨ ɨnyiʼ fîŋ.

Mə̀Hibrù 4:1

Ənû ze nɨ Ŋwìə̀ nyaʼa kaʼi ə kɨrɨ təm. Wɨ̀ nyaʼa kàʼ ni bə̂d bɨrɨ nyɨ ɨŋga əsɨ ə̀zwììrɨ̀ ze nɨ wɨ̀ bɨrɨ naʼ əmbɨ mɨ̀mə̌d. Əne tɨ̀ we əwa ɨmbə̀ʼ tɨ wə̀d mɔʼɔ rəbɔʼ nən nim i əpan nɨ nyɨ ɨŋga əsɨ ə̀zwììrɨ̀ ze.

1 Pità 5:1

Mə yɨə wə̀d nɨə chà ɨfetɨ bə̂d Kristo. Mə yɨə zərɨmbin ɨchî nɨ Kristo nyaʼa zə ŋgəʼ. Mə yɨə bə̀ wɨ mɔʼɔ rəbɔʼ bə̂d mbe nɨ bɨrɨ zə ɨzeŋɨ zeŋɨ we nɨ Ŋwiə̀ bɨrɨ chwi ənɨ Kristo wɨrɨ yeʼe. Əne mə wɨə buʼ ɨbɔ əmbɨ mbə̀n mbe nɨə chà ɨfetɨ bə̂d Kristo ni,

2 Pità 1:10

Əne kyɨə bɔŋgɔb, mbə̀ jeŋgɨ kywɨ ənywɨ zə ni mbə̀ chub àmei ɨchî nɨ Ŋwìə̀ nyaʼa chɔʼ əwən bə̀ tɔŋə ni mbə̀ yeʼ mbi bə̂d. Mbə mɨ chub əne, njɨ chəi mbə bɨrɨ nɔ ghɨ ɨnû rɨbɔ̀ŋ.