1 Kɔrèn 9:23 - Meta’

²³ Mə wɨə ghɨ̀ ɨnû mbɔ̂ jìm ɨmbə̀ʼ jaŋ ɨkə̂n chɔ̀m. Mə wɨə ghɨ̀ əne ɨmbə̀ʼ mə̀ bə̀ berɨ əbɔrəbɔd ze nɨ ɨkə̂n chɔ̀m ə ghɨ̀ ni bə̂d berɨ.

Ikan feg

²³ Mə ya ghìyə̀ inug mbo̰ anìŋ məyi ni chètì ikən chɔm we ni ghì gha mo inum biri bə̀ bèrì àbɔrɔ̀bɔd.

1 Kɔrèn 9:23 ပူးပေါင်းရင်းမြစ်များ

Mk 8:35

ɨmbə̀ʼ ɨghəm nɨ wə̀d mɔʼɔ we nɨə kə̀b nuŋ i ɨ̀tènɨ̀ bɨrɨ sam ɨ̀tènɨ̀ we. We nɨ sam i ɨ̀tènɨ̀ ɨmbə̀ʼ ɨkə̂n chɔ̀m bɨrɨ wɨrɨ jɨg ɨ̀tènɨ̀ we.

Rm 11:17

Mbɨ nyaʼa sopɨ rɨtəb mɔʼɔ rɨ ənɨ əzed olìf chɔ̀m, əne nɨŋ ɨghə rɨ ənɨ əzed ə olìf bǔʼ wò ban ənɨ əzed ə olìf chɔ̀m ze, ɨmbə̀ʼ wɨ sɔ mɨnib rɨ ənɨ əghaŋ əzed ə olìf chɔ̀m. Mbə̀n bə̂d nɨ kaʼi mɨ̀Jû yɨ ɨghabɨ ɨghə rɨ ənɨ əzed ə olìf bǔʼ nɨ mbɨ nɨŋ ban ənɨ əzed ə olìf chɔ̀m.

1 Kɔrèn 9:12

Bə̂d mɔʼɔ mɨ berɨ ɨka nɨ biirɨ ɨghɨ mbɔ̂ rɨ nən, njɨ chəi tɨ̀ berɨ ɨka chè mɨ̀mə̌d ə? Àyɨə chəi tɨ̀ nɨŋ ɨka we. Tɨ̀ fə nyiʼ ɨnû jìm ɨmbə̀ʼ tɨ rɨ̀ kən a ɨkə̂n chɔ̀m we nɨ tɨə ghà ɨmbə̀ʼ ə Kristo.

1 Kɔrèn 9:22

Ənɨ mə̀ yeʼ əkaʼ bə̂d mbe nɨ bɔrɨ, mə bə̀ bɔd, ɨmbə̀ʼ mə̀ ghɨ ni bə̂d mbe nɨ bɔrɨ ben ə Kristo. Mə fə bèŋ ənɨ ɨghɨjìm əmbɨ ə bə̂d mɨ̀jìm, ɨmbə̀ʼ mə̀ che ənɨ tɨkwɨrɨ ɨnə̂njɨ̀ jìm chɨ̀ mbɨ mɔʼɔ rəŋgəʼ.

1 Kɔrèn 9:24

Chəi mbə̀ kyerɨ ni ənɨ ə̀nòtɨ̀, bə̂d mɨ̀jìm mbɨə nòrə̀, àyɨə àmei wə̀d mɔʼ we ə nɨŋ ɨchwɨ ə? Əne mbə̀ notə ənɨ ɨkwɨ ɨnə̂njɨ̀ nɨ tɨ̀ mbə̀ nɨŋ ɨchwɨ we.

2 Kɔrèn 2:4

Ənɨ mə nyaʼa ŋwaʼnɨ ə̀ŋwàʼnɨ̀ ze ɨ nən, mə nyaʼa kàŋ kə̀n əku, mɨ fîŋ bə̀ tɔb əmɨ, əne mə nyaʼa zə̀ʼ. Chəi mə̀ nyaʼa ŋwaʼnɨ ɨmbə̀ʼ tɔɔnɨ tə fîŋ. Mə nyaʼa ŋwàʼnɨ̀ ɨmbə̀ʼ mbə̀ kyerɨ ni mə kàŋ ghaʼ əwən kwàʼ rɨŋgəʼ.

Gàlesìyà 2:5

Chəi tɨ̀ nyaʼa ben ənû ze nɨ mbɨ nyaʼa ghǎ, ka àbei ənɨ ɨkə nyùmə̀, ɨmbə̀ʼ mbə̀ wo ɨmbì ben ɨkə̂n chɔ̀m rəsìʼ we nɨ tɨ̀ nyaʼa gha ɨ nən.

2 Timotì 2:10

Əne mə wɨə nyìʼ əton ɨnû jìm ɨmbə̀ʼ bə̂d mbe nɨ Ŋwiə̀ chɔʼɔ jwɨ rəŋgəʼ bə̀ berɨ ɨwumnɨ we nɨ ten i koŋ ɨchî nɨ mbɨ yeʼ ənɨ ɨfɔtɨ mbɨ Kristo Yeso.

2 Timotì 2:6

Wə̀d mbeŋ we nɨə fàʼ rɨ̀kǎ berɨ berɨ əbà rɨtu rɨ ənɨ mbɨ kwəŋ ɨghɨ.

Mə̀Hibrù 3:1

Mbɨ bɔŋgɔb zeŋɨ nɨ Ŋwìə̀ nyaʼa bə tɔŋə, mbə̀ jeŋgɨ kɔndɨ ə Yeso nɨ tɨ̀ ben ni məd yɨə wə̀d tom fɔrɨ ətu ɨgwɨ ə bə̂d mbàn Ŋwìə̀.

Mə̀Hibrù 3:14

Tɨ̀ bɨrɨ yeʼ ənɨ ənû ə mɔʼ mbɨ Kristo ənɨ tɨ̀ yim ənû ze nɨ tɨ̀ nyaʼa be benɨ wò pè ənɨ ɨnwǐ.

1 Pità 5:1

Mə yɨə wə̀d nɨə chà ɨfetɨ bə̂d Kristo. Mə yɨə zərɨmbin ɨchî nɨ Kristo nyaʼa zə ŋgəʼ. Mə yɨə bə̀ wɨ mɔʼɔ rəbɔʼ bə̂d mbe nɨ bɨrɨ zə ɨzeŋɨ zeŋɨ we nɨ Ŋwiə̀ bɨrɨ chwi ənɨ Kristo wɨrɨ yeʼe. Əne mə wɨə buʼ ɨbɔ əmbɨ mbə̀n mbe nɨə chà ɨfetɨ bə̂d Kristo ni,

1 Jɔn 1:3

Ɨnû mbe nɨ tɨ̀ nyaʼa zə bə̀ zu yɨ mbɔ̂ tɨə ghà ɨ nən. Əne yɨ ɨmbə̀ʼ mbə̀ fɔtɨ mbɨ na ənɨ ɨfɔtɨ we nɨ tɨ̀ berɨ mbɨ Mbǎʼ bə̀ berɨ mbɨ Wan məd Yeso Kristo.