1 Kɔrèn 9:17 - Meta’

¹⁷ Mə mɨ yeʼə ghà ɨkə̂n chɔ̀m ənɨ mɨ ɨghəm, njɨ mə bɨrɨ kəb ɨchɔʼ ə̀fàʼì. À mɨ yeʼ nɨ chəi mɨə ghà ənɨ mɨ ɨghəm, njɨ mə wɨə ghɨ̀ yeʼ ənû ze nɨ Ŋwìə̀ zɨ ɨŋga tum rɨkyerɨ-ɨbɔ.

Ikan feg

¹⁷ Àmə yaʼ aghi ne mə chètè ikən chɔm imbə̀ʼ Kristo ane ìmə ighəm, nji mə biri kə̀b gha mbə naʼa chùd inum. Àmə yaʼ aghi ne kayi ane ìmə ighəm ne mə chètè ikən chɔm, nji mə ya fàʼà yaʼ anug ne Ŋwiye zi inum ikye ibo.

1 Kɔrèn 9:17 ပူးပေါင်းရင်းမြစ်များ

Matìyò 10:41

Wə̀d mɔʼɔ we nɨ nɨŋ wə̀d ɨ̀kə̀n Ŋwìə̀ ɨmbə̀ʼ ɨghəm nɨ məd yɨə wə̀d ɨ̀kə̀n Ŋwìə̀, bɨrɨ nɨŋ ɨchɔʼ ə̀fàʼì wə̀d ɨ̀kə̀n Ŋwìə̀. Wə̀d mɔʼɔ we nɨ nɨŋ wə̀d we nɨə ghɨ̀ ɨnû nɨ kuʼnɨ ɨmbə̀ʼ ɨghəm nɨ məd wɨə ghɨ̀ ɨnû nɨ kuʼnɨ, bɨrɨ nɨŋ ɨchɔʼ ə̀fàʼì wə̀d nɨə ghɨ̀ ɨnû nɨ kuʼnɨ.

Matìyò 24:25

Mbə̀ zə, mə fə ghà ɨnû mbɔ̂ ɨ nən bɔŋ nyùmə̀ sɨə kùʼə̀.

Lk 12:42

Ə̀nùŋɨ̀sɨg nyaʼa wììrɨ̀ ni, “Wə̀d ə̀fàʼì we nɨə fàʼ ənɨ i fîŋ jìm bə̀ berɨ ɨwe, nɨ mbǎʼ ə̀fàʼì məd nuŋ ni wɨ̀ nəŋgɨ mbi bə̂d ə̀fàʼì, bə̀ nàʼ ɨghɨjɨg əmbɨ mɨ̀mə̌d ənɨ ə nyùmə̀ kuʼu kɨ wi ə?

Jn 4:36

Ɨ mbɨə chwɨə wə̀d we nɨə kwə̀ŋ ɨghɨ. Məd wɨə fetɨ ɨghɨ mbe ɨmbə̀ʼ mbɨ jɨg ɨ̀tènɨ̀ rɨ mì. Əne wə̀d we nɨ konɨ mbɨ we nɨ kwəŋɨ bɨrɨ ghaʼrɨ ɨnɔ̂n.

1 Kɔrèn 3:14

Əghɨ ze nɨ wə̀d bɔm ɨgun əchɨ ze mɨ ton fɨ i, wə̀d we bɨrɨ nɨŋ ɨchɔʼ ə̀fàʼì.

1 Kɔrèn 3:8

Wə̀d we nɨ konɨ mbɨ we nɨ chubɨ mbɨə ghɨ̀ àmei ənû ə mɔʼ, àyɨə Ŋwìə̀ bɨrɨ chwɨ wə̀d mɔʼ mɔʼ rəbɔʼ mɨ̀mə̌d ɨchî nɨ wɨ̀ fàʼi.

1 Kɔrèn 4:1

Bə̂d berɨ neŋ əwa ni tɨ̀ yɨə bə̂d ə̀fàʼì Kristo fɔrɨ bə̂d nɨ Ŋwìə̀ ghɨ ni mbɨ gha ɨnû mbe nɨ yeʼ ənə̀mə ɨmbə̀ʼ əməd.

1 Kɔrèn 9:16

Mə mɨ ghà ɨkə̂n chɔ̀m, kaʼi ənû ɨ num nɨ goŋ ɨgɔ̂, ɨmbə̀ʼ ɨghəm nɨ mə berɨ gha ɨkə̂n chɔ̀m. Ŋgəʼ bɨrɨ nyɨ ɨgwɨ num əwù ze nɨ chəi mə gha ɨkə̂n chɔ̀m!

1 Kɔrèn 9:18

Əne mɨ ɨchɔʼ ə̀fàʼì kɨə ye ə? Àmei ni mə mɨ yeʼə ghà ɨkə̂n chɔ̀m, tɨ mə̀ ghɨ əmɨ ni bə̂d chwɨ əmɨ. Əne chəi mə bɨrɨ nɨŋ ɨka we nɨ mə berɨ ɨmbə̀ʼ ghɨ̀ ni mbə̀ chwɨ əmɨ.

2 Kɔrèn 8:12

ɨmbə̀ʼ ɨghəm nɨ wə̀d mɨ berɨ fîŋ chɔ̀m nɨ wèèrɨ̀, Ŋwìə̀ bɨrɨ nɨŋ əghɨ ze nɨ wɨ̀ naʼa ɨchî nɨ wɨ̀ berɨ ɨghɨ, kaʼi ɨchî nɨ chəi wɨ̀ berɨ ɨghɨ.

Gàlesìyà 2:7

Àyɨə mbɨ nyaʼa zə ni Ŋwìə̀ fə zɨ̀ ənû nɨ gha ɨkə̂n chɔ̀m əmbɨ ə bə̂d mbe nɨ kaʼi mɨ̀Jû ɨŋga tum rɨkyerɨ-ɨbɔ, àmei ɨchî nɨ wɨ̀ nyaʼa zɨ ənû nɨ gha ɨkə̂n chɔ̀m əmbɨ mɨ̀Jû ɨŋga rɨkyerɨ-ɨbɔ Pità.

Kòlosè 1:25

Ŋwìə̀ nyaʼa fə nàʼ ɨka ɨ num ni mə̀ faʼ əmbɨ ɨfetɨ we, ɨmbə̀ʼ mə̀ ghɨ ni mbə̀ jeŋgɨ kyerɨ ɨŋgam məd.

1 Tèsàlonikà 2:4

Tɨ̀ wɨə ghà àmei ɨchî nɨ Ŋwìə̀ kəbɨ ni tɨ̀ ghamə. Wɨ̀ fə nèŋ əwa zə ni tɨ̀ kùʼ ni wɨ̀ saŋ ɨkə̂n chɔ̀m wɔ̂ ɨŋga ta rɨkyerɨ-ɨbɔ. Chəi tɨə ghà ɨmbə̀ʼ ghɨ ni fîŋ rɨ bə̂d bɔŋə. Tɨ̀ wɨə ghàə̀ yeʼ ɨmbə̀ʼ fîŋ Ŋwìə̀ we nɨ kyerɨ ta rɨkɔndɨ bɔŋə.

Filemɔ̀n 1:14

Àyɨə chəi mə̀ ghaʼ nɨ ghɨ ənû ə mɔʼɔ ze nɨ chəi à benɨ, ɨmbə̀ʼ ɨ̀chɔ̀m we nɨ à bɨrɨ ghɨ̀ yeʼ ni à ghɨ̀ ənɨ e ɨghaʼi, kaʼi ni à yɨ mbɨ nyeŋ əwe nyeŋɨ.